”ەكىدەن تارىقتىرماۋ، ءۇشتى قامتاماسىز ەتۋ“دەگى كورنەكتى ماسەلەلەردى شەشۋ تۋرالى اڭگىمە ماجىلىستە سويلەنگەن ءسوز
شينحۋا اگەنتتىگىنىڭ 8 - ايدىڭ 15 - كۇنى بەيجيڭنەن بەرگەن حابارى. 8 - ايدىڭ 16 - كۇنى باسپادان شىعاتىن «ىزدەنۋ» جۋرنالىنىڭ 16 - سانىندا جۇڭگو كوممۋنيستىك پارتياسى ورتالىق كوميتەتىنىڭ باس شۋجيى، مەملەكەت ءتوراعاسى، ورتالىق اسكەري ىستەر كوميتەتىنىڭ ءتوراعاسى شي جينپيڭنىڭ ماڭىزدى ماقالاسى «”ەكىدەن تارىقتىرماۋ، ءۇشتى قامتاماسىز ەتۋ“دەگى كورنەكتى ماسەلەلەردى شەشۋ تۋرالى اڭگىمە ماجىلىستە سويلەنگەن ءسوز» جاريالانادى.
ماقالادا مىنالار باسا دارىپتەلدى: كەدەيلىكتەن ارىلتۋدان قامال الۋ شايقاسى شەشۋشى جەڭىسكە جەتۋدىڭ شەشۋشى كەزەڭىنە ءوتتى، وڭىرلەر، تاراۋلار، ءسوزسىز، ايرىقشا ءمان بەرىپ، يدەيانى بىرلىككە كەلتىرىپ، تياناقتاندىرۋدى مىقتى يگەرىپ، ارىننان قايتپاي، قايسارلىقپەن شايقاس جاساپ، شايقاسقان سايىن قايراتتانىپ، ”ەكىدەن تارىقتىرماۋ، ءۇشتى قامتاماسىز ەتۋ“دەگى كورنەكتى ماسەلەلەردى كۇش سالا شەشىپ، بيىلعى جانە كەلەر جىلعى 2 جىلداعى كەدەيلىكتەن ارىلتۋدان قامال الۋ قىزمەتىن تىڭعىلىقتى ويداعىداي ىستەپ، كەدەيلىكتەن ارىلتۋدان قامال الۋ شايقاسىنىڭ جاپپاي جەڭىسىنە دەر كەزىندە قول جەتكىزۋگە، دەر كەزىندە جاپپاي دوڭگەلەك داۋلەتتى قوعام ورناتۋعا جاڭا ءارى اناعۇرلىم زور ۇلەس قوسۋ كەرەك.
ماقالادا مىنالار اتاپ كورسەتىلدى: جالپى العاندا، كەدەيلىكتەن ارىلتۋدان قامال الۋدىڭ ونىمدىلىگى كورنەكتى بولدى: ءبىرىنشى، كەدەيلىكتەن ارىلتىپ، قالپاعىن الىپ تاستاۋ تارتىپپەن ىلگەرىلەتىلدى؛ ەكىنشى، ”ەكىدەن تارىقتىرماۋ “جالپى جاقتان جۇزەگە اسىرىلدى؛ ءۇشىنشى، وزگە جەرگە كوشىرىپ كەدەيلەردى سۇيەمەلدەۋدىڭ قۇرىلىس مىندەتتەرى ورىندالىپ بولۋ الدىندا تۇر؛ ءتورتىنشى، پارتيانىڭ اۋىل - قىستاقتاعى بيلىك جۇرگىزۋ نەگىزى اناعۇرلىم بەكەمدەلدى. ناتيجەلەردى تۇراقتاندىرۋمەن قاتار، كەدەيلىكتەن ارىلتۋدان قامال الۋ شايقاسىندا جاپپاي جەڭىسكە جەتۋدە ءدوپ كەلگەن قيىنشىلىقتار مەن ماسەلەلەردى دە سەرگەكتىكپەن تانۋ كەرەك: ءبىرىنشى تۇردەگىسى، كەدەيلىكتەن ارىلتۋدان قامال الۋداعى نىسانا - مىندەتتەردى جۇزەگە اسىرۋعا تىكەلەي ىقپال جاسايتىن ماسەلەلەر؛ ەكىنشى تۇردەگىسى، قىزمەت بارىسىندا ىشكەرىلەي وزگەرتۋدى قاجەت ەتەتىن ماسەلەلەر؛ ءۇشىنشى تۇردەگىسى، ۇزاق ۋاقىت بويى بىرتىندەپ شەشۋدى قاجەت ەتەتىن ماسەلەلەر.
ماقالادا مىنالار اتاپ كورسەتىلدى: 2020 - جىلعا دەيىن اۋىل - قىستاقتاعى كەدەيلەردى ىشەر استان، كيەر كيىمنەن تارىقتىرماۋدى، مىندەتتى اعارتۋدى، نەگىزدىك ەمدەلۋدى، تۇرعىن ءۇي حاۋىپسىزدىگىن قامتاماسىز ەتۋدى ورنىقتى جۇزەگە اسىرۋ − كەدەيلەردى كەدەيلىكتەن ارىلتۋدىڭ نەگىزگى تالابى جانە وزەكتى كورسەتكىشى، ول قامال الۋ شايقاسىنىڭ ساپاسىنا تىكەلەي سايادى. جالپى العاندا، ”ەكىدەن تارىقتىرماۋ“ نەگىزىنەن شەشىلدى، ”ءۇشتى قامتاماسىز ەتۋ“دە ءالى دە ءبىرتالاي ءالسىز بۋىندار بار. نەگىزگى سانىن انىقتاپ، نازاردى كورنەكتى ماسەلەلەرگە شوعىرلاندىرىپ، ۋاقىت كەستەسىن، باعدار كارتاسىن ايقىنداپ، قىزمەت سەرپىنىن كۇشەيتىپ، ەرەكشە مىعىم شارالار مەن ادىستەردى قولدانىپ، مىندەتتىڭ ۋاعىندا ورىندالۋىنا شىنايى كەپىلدىك ەتۋ كەرەك.
ماقالادا مىنالار اتاپ كورسەتىلدى: كەدەيلىكتەن ارىلتۋدان قامال الۋ شايقاسى شەشۋشى جەڭىسكە جەتۋدىڭ شەشۋشى كەزەڭىنە ءوتتى، ءادىس - امالدار العاشقى مەزگىلدەگى جاپپاي ورنالاستىرۋدان، ورتاڭعى مەزگىلدەگى جاپپاي ىلگەرىلەتۋدەن پارىقتى بولۋى كەرەك، بارىنەن دە ماڭىزدىسى، بوساڭسۋدان ساقتانۋ، قۇلدىراۋدان ساقتانۋ كەرەك. ءبىرىنشى، جاۋاپكەرشىلىكتى تياناقتاندىرۋدى كۇشەيتۋ؛ ەكىنشى، قامال ىشىندەگى قامالدى الۋ؛ ءۇشىنشى، ماسەلەلەردى دەن قويا رەتتەۋ - تۇزەتۋ؛ ءتورتىنشى، كەدەيلىكتەن ارىلتۋ ساپاسىن ءوسىرۋ؛ بەسىنشى، كەدەيلىكتەن ارىلتۋدان قامال الۋ ساياساتىن ورنىقتىرۋ؛ التىنشى، ستيلگە شىن مانىندە بۇرىلىس جاساۋ كەرەك.
