”100 قىستاق ۇلگى كورسەتۋ، قىستاقتاردى رەتتەۋ - وڭاۋ“ ينجەنەرياسى ىشكەرىلەي ىلگەرىلەتىلدى
بايىنعولين وبلىسى كورىكتى اۋىل - قىستاقتىڭ جاڭا كارتيناسىن كەستەلەدى
شينجياڭ گازەتىنىڭ جالپىلىق اقپارات قۇرالدارى تىلشىلەرى شۇي چيڭگۋاڭ، شىن ياپيڭ، ۋاڭ يۇيجاۋ 8 - ايدىڭ 16 - كۇنى كورلادان حابارلايدى. ”بۇرىن بۇل ارا شالعاي دا مەشەۋ قىستاۋ ەدى، جول تۇسپەگەن، ەلەكتر تارتىلماعان، ءۇي مەن مال قورانىڭ ارالىعى جاقىن بولاتىن، قىستاق تۇرعىندارىنىڭ ءوندىرىس، تۇرمىس ورتاسى وتە ناشار بولاتىن. قازىر بۇرىنعىدان مۇلدە باسقاشا، قاراڭىزدارشى، قىستاقتاعى اسفالت جولدار ايناداي جارقىراپ جاتىر، ادەمى شىراقتار دا ورناتىلعان، وتباسىلاردىڭ تۇرمىس اۋماعى، ەگىمشىلىك اۋماعى جانە باعىمشىلىق اۋماعى ءبىر - بىرىنەن اۋاشالانعان، رەتتى دە تازا!“.
8 - ايدىڭ 4 - كۇنى يانجي حۇيزۋ اۆتونوميالى اۋداندىق مادەنيەت، دەنە تاربيە، راديو - تەلەۆيزيا جانە ساياحات مەكەمەسىنىڭ چيگىشيڭ قالاشىعى قوراتاۋ قىستاعىندا تۇراتىن ”ۇعىسۋ، تيىمدىلىك جاساۋ، توعىستىرۋ“ قىزمەت اترەتىنىڭ مۇشەسى ياڭ جيڭ تىلشىگە وسى قىستاقتىڭ وزگەرىسىن تانىستىرعان كەزدە قاتتى تەبىرەندى. قوراتاۋ قىستاعىنىڭ بەت - بەينەسىندە وراسان زور وزگەرىستىڭ جارىققا شىعۋىنىڭ استارىندا بايىنعولين موڭعۇل اۆتونوميالى وبلىسىنىڭ كورىكتى اۋىل - قىستاق قۇرىلىسىن ىلگەرىلەتۋدەگى بەرىك بەكىمى مەن پارمەندى ارەكەتى جاتىر.
جۋىق جىلداردان بەرى، بايىنعولين وبلىسى كورىكتى اۋىل - قىستاق قۇرىلىسىنا ايرىقشا ءمان بەرىپ، اۆتونوميالى رايوننىڭ ءبىر تۇتاس ورنالاستىرۋى بويىنشا، جىجياڭنىڭ ”10 مىڭ ينجەنەريا“ تاجىريبەسىن مۇقيات ۇيرەنىپ، ”100 قىستاق ۇلگى كورسەتۋ، قىستاقتاردى رەتتەۋ - وڭاۋ“ ينجەنەرياسىن ىشكەرىلەي ىلگەرىلەتىپ، دەڭگەيگە، ادام كۇشىنە، قارجى قوسۋعا، قىزمەت ونىمدىلىگىنە ءمان بەرۋدەي ”ءتورتتى كۇشەيتۋ“دى ورىندادى.
كورىكتى اۋىل - قىستاق قۇرىلىسىندا جوبا ارقىلى جەتەكتەۋدى كۇشەيتىپ، ”عىلمي جوبالاۋ، ۇيلەسىمدى ورنالاستىرۋ، ءبىر قىستاقتا ءبىر ءونىم بولۋ، ءبىر قىستاقتا ءبىر كورىنىس بولۋ“ دامۋ وي جەلىسىن بەلگىلەپ، اۋدان، اۋىل - قالاشىق، قىستاق، وتباسى ”ءتورت دارەجە بىرلەسىپ جاڭالىق اشۋ“دان جازباي، ەكولوگيالىق قۇرىلىس، كاسىپ سالاسىنىڭ دامۋى، قىستاقتاردىڭ ورنالاسۋى، جەردەن پايدالانۋ، نەگىزدىك قۇرىلعى، قورشاعان ورتانى قورعاۋ سياقتى شەشۋشى بۋىنداردى ارقاۋ ەتىپ قىستاق قۇرىلىسى جوباسىن ۇيىمداستىرىپ، جاسادى، كەمەلدەندىردى. كەزەكتە تۇتاس وبلىستاعى بارلىق اكىمشىلىك قىستاقتاردىڭ جوباسىن جاساۋدىڭ قامتىم مولشەرى ％100كە جەتتى.
وتباسى سايىن تازا دارەتحانا بولۋ سياقتى اۋلا ىشىندەگى، اۋلا سىرتىنداعى ”6 ءىستى“ مىقتى يگەرىپ، اۋىل - قىستاقتاردىڭ اۋلا تۇرمىس اۋماعى، ەگىمشىلىك اۋماعى، باعىمشىلىق اۋماعى سىندى ”3 اۋماقتى اۋاشالاۋ“دى جالپىلاستىرىپ، كورىكتى اۋىل - قىستاق قۇرىلىسىن بىرتىندەپ ىلگەرىلەتىپ، 2020 - جىلعا بارعاندا تۇتاس وبلىستاعى 405 اكىمشىلىك قىستاقتىڭ ”قىستاقتاردى رەتتەۋ - وڭاۋ“ قىزمەتىن جاپپاي ورىنداۋىنا شىنايى كەپىلدىك ەتىپ، 100 ۇلگى كورسەتۋ قىستاعىنىڭ نەگىزىن قالاۋ مىندەتىن ورىندايدى. وسى نەگىزدە، 2022 - جىلعا بارعاندا، 50دەن استام تاڭداۋلى قىستاق قۇرىپ، ءبىر توپ ”جوباسى، ورنالاسۋى كوركەم، قىستاق رەتتى، ورتاسى كوركەم، شارۋاشىلىق قۇرىپ، كىرىستى ارتتىرعان، تۇرمىسى كوركەم، اۋىل سالتى وركەنيەتتى، كوڭىلى كوتەرىڭكى“ كورىكتى اۋىل - قىستاق قۇرادى.
”كىمنىڭ اۋلاسى تازا - رەتتى بولسا، سونىڭ وتباسى ماداقتالادى“، - دەدى لوپنۇر اۋداندىق پارتكوم ۇيىمداستىرۋ ءبولىمىنىڭ شيڭپيڭ قالاشىعى داشي قىستاعىندا تۇراتىن ”ۇعىسۋ، تيىمدىلىك جاساۋ، توعىستىرۋ“ قىزمەت اترەتىنىڭ باستىعى، ءبىرىنشى شۋجي لي يانفىڭ. كورىكتى اۋىل - قىستاق قۇرىلىسىندا بايىنعولين وبلىسىنىڭ جەر - جەرى اشىق باعالاۋ، سالىستىرۋ سياقتى تاسىلدەر ارقىلى شارۋالاردىڭ بەلسەندىلىگىن جۇمىلدىردى. قازىر ％86.6 اكىمشىلىك قىستاق اۋىل - قىستاق تۇرعىندارىنىڭ قونىستانۋ ورتاسىن رەتتەۋ - وڭاۋدى قىستاق قاعيداسىنا ەنگىزدى، كوپتەگەن شارۋا اۋىل - قىستاق تۇرعىندارىنىڭ قونىستانۋ ورتاسىن رەتتەۋ - وڭاۋ قىزمەتىنە بەلسەنە ات سالىستى.
قازىرگە دەيىن بايىنعولين وبلىسىنىڭ اۋىل - قالاشىق، قىستاقتارىندا ءتۇرلى وتباسىلىق دارەتحانادان 185 مىڭ 300ى سالىنىپ، اۋىل - قىستاق تازا دارەتحاناسىن جاپپاي قامتۋدى نەگىزىنەن جۇزەگە اسىردى؛ 258 اكىمشىلىك قىستاقتا قوقىر - قوقسىقتى جونگە سالۋ مىندەتىن ورىنداپ بولدى؛ 98 اكىمشىلىك قىستاق لاس سۋدى ءونىمدى تۇردە ءبىر جاقتى ەتتى؛ 132 اۋىل - قىستاقتىڭ ورتانى جالپىلىق رەتتەۋ - وڭاۋ نىسانى 250 قىستاقتاعى 279 مىڭ ادامعا پايدا جەتكىزدى.
بايىنعولين وبلىستىق اۋىل شارۋاشىلىعى، اۋىل - قىستاق مەكەمەسىنىڭ قاتىستى جاۋاپتىسىنىڭ تانىستىرۋىنا نەگىزدەلگەندە، 2020 - جىلعا بارعاندا، تۇتاس وبلىستاعى اۋىل - قىستاقتاردا تازا دارەتحانانىڭ جالپىلاستىرىلۋ سالىستىرماسى ％55تەن اسىپ، ％70تەن جوعارى قىستاقتاردىڭ تۇرمىستىق قوقىر - قوقسىعى، اۋىل - قىستاق لاس سۋى ءونىمدى جونگە سالىنادى ەكەن.
بۇگىنگى تاڭدا، بايىنعولين وبلىسىنىڭ اۋىل - قىستاقتارىندا رەتتى دە تازا اسفالت جولدار قىستاقتاردىڭ اراسىن جالعاپ، وتباسىلارىنىڭ الدىنا دەيىن جەتكىزىلدى، جول شىراقتارى قىستاقتىڭ ءاربىر ءتۇنىن نۇرعا بولەدى، ورتا تازالىعى كورنەكتى جاقساردى، تۇرعىنداردىڭ قونىستانۋ ورتاسى ءونىمدى تۇردە جاقساردى، بىرگە قۇرۋ، بىرگە يگىلىكتەنۋ بارىسىندا ءار ۇلت بۇقاراسىنىڭ تابىس سەزىمى، باقىت سەزىمى، حاۋىپسىزدىك سەزىمى ۇزدىكسىز كۇشەيدى.
