تيانشان تورى   ›   ۇيرەنۋ   ›   ماڭىزدى حۇجاتتار

مەملەكەتتىك كەڭەستىڭ اقپارات كەڭسەسى «شينجياڭنىڭ كاسىپتىك شەبەرلىككە تاربيەلەۋ - باۋلۋ قىزمەتى» اق تىستى كىتابىن جاريالادى

  شينحۋا اگەنتتىگىنىڭ 8 - ايدىڭ 16 - كۇنى بەيجيڭنەن بەرگەن حابارى (تىلشىلەر ۋاڭ پىڭ، چياڭ ليجيڭ). مەملەكەتتىك كەڭەستىڭ اقپارات كەڭسەسى 8 - ايدىڭ 16 - كۇنى «شينجياڭنىڭ كاسىپتىك شەبەرلىككە تاربيەلەۋ - باۋلۋ قىزمەتى» اق تىستى كىتابىن جاريالادى.

  اق تىستى كىتاپ العى ءسوز، تاربيەلەۋ - باۋلۋ قىزمەتىن ورىستەتۋ − ءسوزسىز بولاتىن بەتالىس، زاڭ بويىنشا تاربيەلەۋ - باۋلۋ قىزمەتىن ورىستەتۋ، تاربيە مەن باۋلۋدىڭ مازمۇنى، تاربيەلەنۋشىلەردىڭ نەگىزگى ۇقىعى قامتاماسىز ەتىلدى، تاربيەلەۋ - باۋلۋ قىزمەتى كورنەكتى ونىمدىلىككە قول جەتكىزدى، ۇشقارىلىقتى الاستاۋدىڭ ءتيىمدى تاجىريبەسىن ىزدەنىپ تاپتى، سوڭعى ءسوز قاتارلى بولىكتەردەن قۇرالعان.

  اق تىستى كىتاپتا بىلاي دەلىندى: شينجياڭ − جۇڭگونىڭ لاڭكەستىككە قارسى تۇرۋ، ۇشقارىلىقتى الاستاۋ كۇرەسىنىڭ نەگىزگى شايقاس مايدانى. ءبىراز ۋاقىتتان بەرى، شينجياڭ لاڭكەستىك، ۇشقارىلىق الاپاتىنان اۋىر زارداپ شەگىپ، حالىقتىڭ ءومىرىنىڭ حاۋىپسىزدىگى اۋىر قاتەرگە ۇشىرادى. شينجياڭ تۇبىرىنەن وڭاۋ مەن ۇستىنەن وڭاۋدى قاتار يگەرۋدەن جازباي، سوققى بەرۋ مەن ساقتانۋدى بىرلەستىرىپ، زاڭ بويىنشا كاسىپتىك شەبەرلىككە تاربيەلەۋ - باۋلۋ ورتالىعىن قۇرۋ ارقىلى كاسىپتىك شەبەرلىككە تاربيەلەۋ - باۋلۋ قىزمەتىن ورىستەتىپ، لاڭكەستىكتىڭ، ۇشقارىلىقتىڭ ءوربيتىن، ءورشيتىن توپىراعىن جانە شارت - جاعدايىن كۇش سالا جويىپ، لاڭكەستىك قيمىلداردىڭ كوپ، ءجيى تۋىلۋ بەتالىسىن ءونىمدى تەجەپ، ءار ۇلت حالقىنىڭ ءومىر ءسۇرۋ ۇقىعى، سالاماتتىق ۇقىعى، دامۋ ۇقىعى سياقتى نەگىزگى ۇقىقتارىن ەڭ جوعارى شەكتە قامتاماسىز ەتىپ، لاڭكەستىككە قارسى تۇرۋ، ۇشقارىلىقتى الاستاۋ كۇرەسىنىڭ ماڭىزدى كەزەڭدىك جەڭىسىنە قول جەتكىزدى.

  اق تىستى كىتاپتا بىلاي دەپ اتاپ كورسەتىلدى: شينجياڭنىڭ تاربيەلەۋ - باۋلۋ قىزمەتىن ورىستەتۋى لاڭكەستىكتىڭ، ءدىني ۇشقارىلىقتىڭ ءوسۋ، ءوربۋ توپىراعى مەن شارت - جاعدايىن ءونىمدى تۇردە الاستاپ، شينجياڭداعى ءار ۇلت حالقىنىڭ تىرشىلىك ۇقىعىن، دەنساۋلىق ۇقىعىن، دامۋ ۇقىعىن شىن مانىندە قامتاماسىز ەتىپ، شينجياڭنىڭ قوعام ورنىقتىلىعىن جۇزەگە اسىرۋىنا مۇمكىندىك جاساپ قانا قويماي، ءوڭىردىڭ حاۋىپسىزدىگى مەن ورنىقتىلىعىن دا پارمەندى تۇردە قورعاعاندىعىن اماليات دالەلدەدى. بۇل ءادىس حالىقارالىق قوعامنىڭ لاڭكەستىككە قارسى تۇرۋ، ۇشقارىلىقتى الاستاۋ نەگىزگى رۋحى مەن نەگىزگى پرينسيبىنە بۇكىلدەي ۇيلەسەدى، دۇنيە جۇزىندەگى ءار ەل حالىقتارىنىڭ ءتۇبىرلى مۇددەسى مەن تالابىنا بۇكىلدەي ۇيلەسەدى.

  اق تىستى كىتاپتا بىلاي دەپ باسا دارىپتەلدى: شينجياڭنىڭ تاربيەلەۋ - باۋلۋ قىزمەتىن ورىستەتۋىنىڭ ماقساتى − لاڭكەستىكتى، ءدىني ۇشقارىلىقتى تۋ باستان الاستاۋ، ول − بۇكىلدەي ادامدىق ۇقىققا قۇرمەت ەتۋ جانە قامتاماسىز ەتۋ شاراسى.

  اق تىستى كىتاپتا بىلاي دەلىندى: شينجياڭ ءوز جەرىنىڭ ءىس جۇزىندىك جاعدايىن ارقاۋ ەتۋگە تاباندى بولىپ، «بىرلەسكەن مەملەكەتتەر ۇيىمىنىڭ الەمدىك لاڭكەستىككە قارسى تۇرۋ ستراتەگياسى» (60/288) جانە «زورلىقتى كۇش لاڭكەستىك ارەكەتتەرىنەن ساقتانۋ جوسپارى» (70/674) سياقتى حۇجاتتاردىڭ رۋحىنا ۇزدىكسىز بويسۇنىپ، سوققى بەرۋ مەن ساقتانۋدى ۇشتاستىرۋ، ساقتانۋدى نەگىز ەتۋ پرينسيبىنە تاباندى بولىپ، تاربيەلەۋ - باۋلۋ قىزمەتىن ۇزدىكسىز كەمەلدەندىرىپ، شينجياڭداعى ءار ۇلت حالقىنىڭ ءتۇرلى نەگىزگى ۇقىقتارىن قامتاماسىز ەتۋگە، شينجياڭنىڭ قوعام ورنىقتىلىعى مەن باياندى تىنىشتىعىن جۇزەگە اسىرۋعا تالماي قۇلشىنىستار جاسايدى.

جاۋاپتى رەداكتور : سايراش تۇرارجان

ەسكەرتۋ:

تورابىمىزداعى مازمۇنداردىڭ مەنشىك ۇقىعى شينجياڭ ۇيعۇر اۆتونوميالى رايوندىق حالىق ۇكىمەتى اقپارات كەڭسەسىنە ءتان، جاريالانعان مازمۇنداردى سىلتەمەسىز كوشىرۋگە بولمايدى. كوشىرىپ پايدالانۋعا تۋرا كەلگەندە، «تيانشان تورى » الىنعانى انىق ەسكەرتىلۋى ءتيىس، بولماسا زاڭدىق جاۋاپكەرلىگى قۋزاستىرىلادى.