ءتىلشى ليۋ دۇڭلاي، ەرىكتى ءتىلشى شياۋ يۇيلەي 8 - ايدىڭ 17 - كۇنى ۇرىمجىدەن حابارلايدى. 8 - ايدىڭ 16 - كۇنى تارىم وزەنىنىڭ نەگىزگى اعىنىنىڭ سۋى تومەنگى اعارىنداعى داشيحايزى سۋ قويماسىنا جەتتى، داشيحايزى سۋ قويماسىنىڭ تاسقىن تيەگى مەن جاڭا سۋ جىبەرۋ تيەگى ىلگەرىندى - كەيىندى اعىتىلدى، بۇل تارىم وزەنى تومەنگى اعارىنا 20 - رەت ەكولوگيالىق سۋ جىبەرۋدىڭ رەسمي باستالعاندىعىن كورسەتەدى.
2019 - جىلى سۋ جىبەرۋدى رەتتەۋ مىندەتىن ارقالاعان داشيحايزى سۋ قويماسى قويمانىڭ قاتەرلى جەرلەرىن بەكەمدەۋ قۇرىلىسىن جۇرگىزدى. جايعاستىرۋ ورنالاستىرۋىنا نەگىزدەلگەندە، 20 - رەتكى ەكولوگيالىق سۋ جىبەرۋ تۇتاستىرا سۋ جىبەرۋ فورماسىن قولدانعان، سۋ قويماسى ۋاقىتشا سۋ ساقتامايدى، بۇل رەت 350 ميلليون تەكشەمەتر سۋ جىبەرۋ جوسپارلانىپ، تارىم وزەنىنىڭ تومەنگى اعارىنىڭ ەكولوگياسىن وڭاۋ ونىمدىلىگى اناعۇرلىم بەكەمدەلەدى.
2000 - جىلدان بەرى، رايونىمىز تارىم وزەنى تومەنگى اعارىنا ەكولوگيالىق سۋ جىبەرۋدى ىلگەرىندى - كەيىندى 19 رەت ۇيىمداستىرىپ، داشيحايزى سۋ قويماسى جالپى 7 ميلليارد 700 ميلليون تەكشەمەتر سۋ جىبەردى. ۇدايى سۋ جىبەرۋ تارىم وزەنى تومەنگى اعارىنىڭ ەكولوگياسىنىڭ اۋىر دارەجەدە تۇياق كەستى بولۋ جاعدايىن ءونىمدى باسەڭدەتتى، سۋ جەتكىزىلگەن وڭىردەگى جەر استى سۋىنىڭ دەڭگەيى زور مولشەردە جوعارىلاپ، جەر استى سۋىنىڭ ساپاسى كورنەكتى جاقساردى، تارىم وزەنى تومەنگى اعارىنداعى حايۋاناتتار مەن وسىمدىكتەردىڭ ءتۇرى جانە سانى كورنەكتى ارتتى، سۋ ورتاسى ءونىمدى جاقساردى.
كەلەسى قادامدا، تارىم وزەنى الابىن باسقارۋ مەكەمەسى جوعارى - ورتا اعارى ەكى جاعالاۋىنىڭ ەكولوگيالىق تيەگىن ىركەس - تىركەس اعىتىپ، اعاردىڭ ەكى جاعالاۋىنداعى ءتۇيىندى توراڭعى ورمان وڭىرىنە سۋ تولىقتايدى. سونىمەن بىرگە، وزەن ارناسىن شارلاپ تەكسەرۋ قىزمەتىن كۇشەيتۋگە كۇش سالىپ، وزەن جاعاسىنان زاڭسىز سۋ الۋعا تيىم سالىپ، ەكولوگيالىق سۋ مولشەرىنىڭ جەتكىلىكتى جىبەرىلۋىنە ءارى بۇكىلدەي ەكولوگياعا ىستەتىلۋىنە شىنايى كەپىلدىك ەتەدى.
