تيانشان تورى   ›   بىلگەنگە مارجان   ›   وتباسى جانە تۇرمىس

الما، شاي سياقتىلاردى تۇتىنۋ راك جانە جۇرەك اۋرۋىنىڭ الدىن الادى

  «ءار كۇنگى عىلم» تور بەكەتى جاقىندا بىلاي دەپ حابارلادى: اۆستراليا عالىمدارىنىڭ ەڭ جاڭا زەرتتەۋىنە قاراعاندا، الما جانە شاي سياقتى قۇرامىندا فلاۆون بار ازىقتاردى تۇتىنعاندا، راك جانە جۇرەك اۋرۋىنىڭ الدىن الۋعا بولادى ەكەن. بۇل تەمەكى تارتۋشىلار مەن اراقكەشتەرگە ٴتىپتى دە پايدالى.

  يديس كاۋن ۋنيۆەرسيتەتىنىڭ مەديتسينا جانە سالاماتتىق ينستيتۋتىنداعى زەرتتەۋشىلەر دانيادان اكەلىنگەن ٴبىر جەمەكتىك، راك ناۋقاسى جانە سالاماتتىق گرۋپپاسىنىڭ ساندى مالىمەتىنە تالداۋ جاساپ، دانياداعى 53 مىڭ 48 ادامنىڭ 23 جىلدىق تاماقتانۋىنا باعالاۋ جۇرگىزگەن.

  زەرتتەرمەندەر كۇندە لايىقتى مولشەردەن كوپ مولشەرگە دەيىن فلاۆوندى تۇتىنعان ادامداردىڭ راكتان نەمەسە جۇرەك اۋرۋىنان جازىم بولۋى ٴبىرشاما تومەن بولاتىنىن، فلاۆون تەكتەس وسىمدىك ازىقتىقتارى مەن سۋسىندىقتاردا ٴبىر ٴتۇرلى قوسپا بارىن بايقاعان.

  وسى زەرتتەۋگە جاۋاپتى نيكولا بوندونو دوكتور بىلاي دەدى : ولار قۇرامىندا فلاۆون ازىقتىق مول ادامنىڭ جازىم بولۋ قاتەرى ٴبىرشاما تومەن بولاتىندىعىن، ونىڭ ۇستىنە تەمەكى تارتۋ سەبەبىنەن سوزىلمالى اۋرۋعا شالدىعۋ قاتەرى جوعارى ادامدار مەن ٴار كۇنى اراق ٴىشۋ مولشەرى ەكى ەسەدەن اسقان ادامدار جونىنەن العاندا، ساقتانۋ ٴونىمى ەڭ كورنەكتى بولاتىندىعىن بايقاعان.

  ول بىلاي دەدى: «وسى بايقاۋلار توتەنشە ماڭىزدى، ويتكەنى ول ادامدار قۇرامىندا فلاۆون مول ازىقتاردى قابىلداۋ ارقىلى راك جانە جۇرەك اۋرۋىنان ساقتانۋدىڭ كومەسكى كۇشىن ايگىلەپ بەرگەن، بۇل سوزىلمالى اۋرۋلار كوپ كورىلەتىن ادامدار جونىنەن ٴتىپتى دە پايدالى بولادى».

  مۇنان سىرت، بۇل زەرتتەۋ مىنانى كورسەتىپ بەردى: ٴار كۇنى تۇتىناتىن فلاۆوننىڭ جالپى مولشەرى شامامەن 500 ميلليگرام كەلەتىن زەرتتەۋ وبيەكتىسىنىڭ راك نەمەسە جۇرەك اۋرۋىنا شالدىعۋ قاتەرى ەڭ تومەن بولادى.

  بوندەنو بىلاي دەدى: «ماڭىزدىسى ۇقساماعان وسىمدىك تەكتى ازىقتىقتار مەن سۋسىنداردىڭ قۇرامىنداعى ٴتۇرلى فلاۆون قوسىلىستارىن قابىلداۋىمىز ٴتيىس. ٴار كۇنى ٴبىر ستاكان شاي، بىر تال الما، ٴبىر اپەلسين، 100 گرام سيىر بۇلدىرگەن جانە 100 گرام جىلانقياق تۇتىنساق، ادام دەنەسىن جالپى مولشەرى 500 ميلليگرامنان اساتىن ۇقساماعان فلاۆون تەكتەس قۇراممەن قامداۋعا بولادى».

كەلۋ قاينارى: عىلىم-تەحنيكا گازەتى

اۋدارعان: قادىر ماقان

جاۋاپتى رەداكتور : سايراش تۇرارجان قىزى

ەسكەرتۋ:

تورابىمىزداعى مازمۇنداردى پايدالانۋعا تۋرا كەلگەندە، ءسوزسىز جازباشا رۇقساتقا يە بولۋ كەرەك. مازمۇنداردى رۇقساتسىز جالعاپ تاراتۋعا، كەسىپ رەداكسيالاۋعا، وزگەرتۋگە، قىسقارتىپ قۇراستىرۋعا، باسقا ورىنعا كوشىرۋگە نەمەسە باسقا تاسىلدەرمەن كوبەيتۋگە ءارى تاراتۋعا بولمايدى، قايشى كەلگەندەردىڭ زاڭدىق جاۋاپكەرشىلىگى زاڭ بويىنشا قۋزاستىرىلادى.

  • وسى كەزەكتى جۇڭگو − ازيا - ەۆروپا كورمەسى تۇڭعىش رەت نەگىزگى قوناق ولكەلەردى بەلگىلەدى
  • تاپسىرىس ونىمدەردى جەدەل ءوندىرىپ، قامداۋدى قامتاماسىز ەتتى
  • جىلدىق مىندەتتى ءساتتى ورىنداۋعا شىنايى كەپىلدىك ەتتى
  • شينجياڭ جۇڭتاي توبى دۇنيە جۇزىندەگى 500 قۋاتتى كاسىپورىن قاتارىنا ءوتتى
  • جەل - جارىق ەنەرگياسى ءوزارا تولىقتىردى