تيانشان تورى   ›   جاڭالىقتار   ›   شينجياڭ حابارلارى

شەكسىز ۇلى سۇيىسپەنشىلىكپەن شىنايى ماحابباتىن ارنادى

− جۇڭگو اۋرۋدان ساقتانۋ جانە تىزگىندەۋ ورتالىعى جۇقپالى اۋرۋلاردىڭ الدىن الۋ، تىزگىندەۋ بولىمشەسى كەڭسەسىنىڭ مەڭگەرۋشىسى، وڭتۇستىك شينجياڭداعى قىزمەت پۋنكتىنىڭ باستىعى، قاشقار ايماقتىق اۋرۋدان ساقتانۋ جانە تىزگىندەۋ ورتالىعىنىڭ ورىنباسار مەڭگەرۋشىسى لي شينۋي تۋرالى

ءتىلشى حان چينيان

  ”مەن قىزمەتتى تەك شينجياڭعا كومەكتەسۋ مىندەتىمدى ورىنداۋ ءۇشىن عانا ەمەس، قايتا ءوزىمنىڭ ءىسىم ساناپ ىستەدىم“، - دەدى 8 - ايدىڭ 11 - كۇنى جۇڭگو اۋرۋدان ساقتانۋ جانە تىزگىندەۋ ورتالىعى جۇقپالى اۋرۋلاردىڭ الدىن الۋ، تىزگىندەۋ بولىمشەسى كەڭسەسىنىڭ مەڭگەرۋشىسى، وڭتۇستىك شينجياڭداعى قىزمەت پۋنكتىنىڭ باستىعى، قاشقار ايماقتىق اۋرۋدان ساقتانۋ جانە تىزگىندەۋ ورتالىعى پارتكومىنىڭ مۇشەسى، ورىنباسار مەڭگەرۋشىسى لي شينۋي تىلشىگە.

  2016 - جىلى 9 - ايدا شينجياڭعا كەلگەن لي شينۋي ءىس جۇزىندىك ارەكەتىمەن شەكارا رايونداعى ءار ۇلت حالقىنا دەگەن ماحابباتىن، شينجياڭعا كومەكتەسۋ ىستەرىنە دەگەن تالپىنىسىن، ەكىنشى اتا جۇرتى قاشقارعا دەگەن شىنايى سۇيىسپەنشىلىگىن بەينەلەدى.

■ اۋرۋدان ساقتانۋ، تىزگىندەۋ قابىلەتىن جوعارىلاتۋعا كومەكتەستى

  ”شينجياڭعا سۇيىسپەنشىلىكپەن كومەكتەسۋ، شينجياڭعا شىنايى سەزىمىمەن كومەكتەسۋ، شينجياڭعا شىن جۇركپەن كومەكتەسۋ“، بۇل لي شينۋيدىڭ شينجياڭعا كومەكتەسۋ قىزمەتىنە بەرگەن تۇسىنىكتەمەسى.

  لي شينۋي جۇڭگو اۋرۋدان ساقتانۋ جانە تىزگىندەۋ ورتالىعىنىڭ تەحنيكاسىن، ءتۇزىمىن جانە ستيلىن قاشقارعا ”كوشىرىپ اكەلەدى“. ول ورناتقان ”پۋنكت باستىعى +“ قىزمەتى ۇلگىسى وڭتۇستىك شينجياڭدا گۇل اشىپ جەمىس بەردى. كەزەكتە، قاشقاردا وڭتۇستىك شينجياڭ قىزمەت پۋنكتى قۇرىلىپ قانا قويماي، وڭتۇستىك شينجياڭداعى 3 ايماق، وبلىستا دا وڭتۇستىك شينجياڭ قىزمەت پۋنكتىنىڭ بايلانىس ءتۇيىنى قۇرىلىپ، وڭتۇستىك شينجياڭداعى كەدەيلەردى سالاماتتىق جاعىنان سۇيەمەلدەۋدى جاپپاي ارقاۋ ەتىپ، تۋبەركۋلەز، ايدس سياقتى جۇقپالى اۋرۋلاردان جان - جاقتى ساقتانۋ، تىزگىندەۋ قىزمەتى ويداعىداي ىستەلدى.

  ”بىرەۋگە بالىق بەرگەنشە، بالىق اۋلاۋدى ۇيرەت“، لي شينۋي ”ۇيرەتۋدى، كومەكتەسۋدى، جەتەكتەۋدى، وقىتۋ“ دى نەگىز ەتىپ، ءوزىنىڭ جيناقتاعان بىلىمدەرى مەن تاجىريبەلەرىن تەگىس جەرگىلىكتى ەمدەۋ قىزمەتكەرلەرىنە ۇيرەتتى. ”پۋنكت قۇرىلعان بىرنەشە جىلدا، ءبىز شاڭحايمەن، شاندۇڭمەن، گۋاڭدۇڭمەن، شىنجىنمەن جانە وڭتۇستىك شينجياڭداعى باسقا دا ايماقتارمەن كۇش بىرىكتىرىپ سەلبەسىپ، جەرگىلىكتى ورىننىڭ اۋرۋدان ساقتانۋ، تىزگىندەۋ قابىلەتى مەن تاجىريبەحانالاردىڭ تەكسەرۋ - ولشەۋ قابلەتىن جوعارىلاتتىق“، - دەدى لي شينۋي.

■ ەرەجە جاساپ، ءتۇزىم ورناتىپ جەرگىلىكتى ورىننىڭ قان جاساۋ قابىلەتىن كۇشەيتتى

  لي شينۋي وڭتۇستىك شينجياڭنىڭ اۋرۋدان ساقتانۋ، تىزگىندەۋ قىزمەتىنىڭ ءىس جۇزىندىگىمەن ۇشتاستىرىپ، ۇزاق بولاشاقتى ويلاۋعا تابان تىرەپ، جۇڭگو اۋرۋدان ساقتانۋ جانە تىزگىندەۋ ورتالىعىنىڭ قاتىستى ماماندارىن ”سالاماتتىق ارقىلى كەدەيلەردى سۇيەمەلدەۋ“ نىسانىن جازۋ قىزمەتىنە جەتەكشىلىك ەتۋگە سايكەستىرىپ ورنالاستىرىپ، قاشقار ايماقتىق اۋرۋدان ساقتانۋ جانە تىزگىندەۋ ورتالىعىنىڭ ”1+5“ نىسانىن، ت. ب العاشقى قادامدا ورىنداۋى ءۇشىن، قاشقار ايماعىنىڭ اۋرۋدان ساقتانۋ جانە تىزگىندەۋ ىستەرىنىڭ دامۋى ءۇشىن نەگىز قالادى.

  وڭتۇستىك شينجياڭنىڭ اۋرۋدان ساقتانۋ جانە تىزگىندەۋدىڭ، سالاماتتىق ارقىلى كەدەيلەردى سۇيەمەلدەۋدىڭ ءىس جۇزىندىگىمەن ۇشتاستىرىپ، ”ناقتى اتقارۋ ۇلگىسىن“، ياعني جوبانى، باۋلۋدى، تاجىريبەنى، ناقتى ورىندى ءبىر تۇلعالاندىرىپ، ءتۇيىندى جۇقپالى اۋرۋلاردان ساقتانۋ جانە تىزگىندەۋ بارىسىندا كەڭىنەن جالپىلاستىرۋدى جانە قولدانۋدى العا قويدى.

  لي شينۋي كورەگەندىكپەن جۇقپالى اۋرۋلاردان ساقتانۋ جانە تىزگىندەۋدە ”وتكەلدى الدىعا جىلجىتۋدى“ دا ورىنداپ، ”جەرگىلىكتى ورىندا اتقارىلاتىن بولۋ“ قىزمەت ۇستانىمىن امالياتتا ايگىلەپ، ماماندار مەن جەرگىلىكتى ەمدەۋ قىزمەتكەرلەرىنىڭ جاقسى باعاسىن الدى.

  لي شينۋي تاعى جۇڭگو اۋرۋدان ساقتانۋ جانە تىزگىندەۋ ورتالىعى رادياتسيا حاۋىپسىزدىگى بولىمشەسىنىڭ، اۆتونوميالى رايوندىق اۋرۋدان ساقتانۋ جانە تىزگىندەۋ ورتالىعىنىڭ قاتىستى ماماندارىن قاشقار ايماعى مەن حوتان ايماعىنداعى 6 ۇلكەن شيپاحانانىڭ راديواكتيۆتىك قۇرىلعىلارىنا جالپى بەتتىك جىلدىق تەكسەرۋگە سايكەستىرىپ، ەكى وڭىردەگى ءتۇيىندى ەمدەۋ - دەنساۋلىق ورىندارىنىڭ ەمدەۋ تەحنيكالىق قىزمەتتەرىن حاۋىپسىز ورىستەتۋىن قامتاماسىزداندىرىپ، جەرگىلىكتى ورىنعا 400 مىڭ يۋاننان استام تەكسەرۋ قاراجاتىن ۇنەمدەپ بەردى.

  ”جۇڭگو اۋرۋدان ساقتانۋ جانە تىزگىندەۋ ورتالىعى وڭتۇستىك شينجياڭ قىزمەتى پۋنكتى مەملەكەتپەن، اۆتونوميالى رايونمەن جانە شينجياڭعا كومەك بەرەتىن ولكە، قالالارمەن بايلانىس جاساۋ - سايكەسۋ مەحانيزمىن ورناتتى“، - دەدى لي شينۋي.

  قازىر وڭتۇستىك شينجياڭ قىزمەتى پۋنكتى ساقتانۋ، ءبىر جاقتى ەتۋ جوباسى مەن اتقارۋ جوسپارىن عىلمي جاساي الاتىن بولدى؛ ءدارى - دارمەكتەردىڭ سەزىمتالدىعىن تەكسەرۋ قىزمەتى بۇكىل شينجياڭدا الدىڭعى ورىندا كەلەدى؛ قاشقار ايماقتىق اۋرۋدان ساقتانۋ جانە تىزگىندەۋ ورتالىعى كوپ ءتۇرلى تولىمدىلىق كۋالىگىن الدى.

■ جالعاستى مىندەتىندە قالىپ شينجياڭعا كومەكتەسۋ قىزمەتىن جاقسى ىستەۋگە قۇلشىندى

  2018 - جىلى شينجياڭعا كومەكتەسۋ مىندەت مەرزىمى تولعان كەزدە، 57 جاستاعى لي شينۋي مىندەتىندە جالعاستى قالۋ ءوتىنىشىن تاعى تاپسىردى.

  لي شينۋي شينجياڭعا كومەكتەسىپ جۇرگەن كەزىندە اۋىرىپ، جۇرەك بۇلشىق ەتىنىڭ ولەتتەنىپ، 3 تىرەۋ سالدىردى، بىلتىر 10 - ايدا ءبىر رەت مي قان تامىرى توسىلىپ، سوندا دا وڭتۇستىك شينجياڭ قىزمەتى پۋنكتىنىڭ قاجەتى مەن قىزمەتتەردىڭ جالعاسۋىن ويلاعان ول شينجياڭعا كومەكتەسۋ قىزمەت ۋاقىت شەگىن ۇزارتىپ، وڭتۇستىك شينجياڭداعى 4 ايماق، وبلىستا، اسىرەسە، قاشقار ايماعىندا اۋرۋدان ساقتانۋ جانە ونى تىزگىندەۋ قىزمەتىن ورىستەتۋگە جاردەمدەسە بەرۋدى 2 رەت العا قويدى.

  جوبا جاساۋ، دارىندىلاردى جەتىلدىرۋ، تەحنيكالىق كومەك بەرۋ قاتارلى قىزمەتتەر الدىندا، لي شينۋي باستان - اياق تولىق تەكسەرۋ - زەرتتەۋ جۇرگىزۋگە، ءتۇيىندى يگەرۋگە، جالپى بەتتىك كومەكتەسىپ - سۇيەمەلدەۋگە، جوبانى الدىمەن جۇرگىزۋگە، تياناقتاندىرۋدى جاقسى ىستەۋگە تاباندى بولدى. ول اكەلگەن جاڭا ۇستانىم، جاڭا وي جەلىسى مەن قىزمەت ءادىسى جەرگىلىكتى ورىنداعى كاسىپپەن شۇعىلدانۋشىلارعا بىرتىندەپ ءسىڭىپ ىقپال جاسادى.

  ”شينجياڭعا كومەكتەسۋ مەملەكەتتىڭ ءىرى ءىسى، مەن ءوز باسىمداعى سەبەپتەن مەملەكەتتىڭ ءىرى ىسىنە نۇقسان جەتكىزە المايمىن، قىزمەتىمدى تولىق اياقتاتۋىم كەرەك“. جاقىنعى 2 جىلدا لي شينۋي كوكتەم مەرەكەسىن تۇگەلدەي قاشقاردا وتكىزدى.

  ءدال وسىنداي شەكارانى سۇيۋدەي سۇيىسپەنشىلىك پەن قوسىننىڭ قۇلشىنىسىنىڭ ارقاسىندا، وڭتۇستىك شينجياڭ قىزمەت پۋنكتى 2017 - جىلدىڭ سوڭىندا مەملەكەتتىك دەنساۋلىق جانە جوسپارلى تۋىت كوميتەتى مەن سالاماتتىق گازەتى مەكەمەسى بىرگە كورسەتكەن ”ءومىر قاھارمانى ەرىكتىلەر قوسىنى“ اتاعىن ەنشىلەدى. 2018 - جىلى لي شينۋي اۆتونوميالى رايوننىڭ 9 - توپتاعى شينجياڭعا كومەكتەسۋشى كادرلارى تاڭداۋلى قىزمەتكەرى اتاعىنا داڭقپەن يە بولدى. لي شينۋي تاعى ىلگەرىندى - كەيىندى جۇڭگو اۋرۋدان ساقتانۋ جانە تىزگىندەۋ ورتالىعىنىڭ جۇقپالى اۋرۋلاردىڭ الدىن الۋ، تىزگىندەۋ بولىمشەسى جاعىنان 2017 - جىلعى، 2018 - جىلعى تاڭداۋلى پارتيا مۇشەسى، وزات جەكە بولىپ باعالاندى.

جاۋاپتى رەداكتور : سايراش تۇرارجان قىزى

ەسكەرتۋ:

تورابىمىزداعى مازمۇنداردى پايدالانۋعا تۋرا كەلگەندە، ءسوزسىز جازباشا رۇقساتقا يە بولۋ كەرەك. مازمۇنداردى رۇقساتسىز جالعاپ تاراتۋعا، كەسىپ رەداكسيالاۋعا، وزگەرتۋگە، قىسقارتىپ قۇراستىرۋعا، باسقا ورىنعا كوشىرۋگە نەمەسە باسقا تاسىلدەرمەن كوبەيتۋگە ءارى تاراتۋعا بولمايدى، قايشى كەلگەندەردىڭ زاڭدىق جاۋاپكەرشىلىگى زاڭ بويىنشا قۋزاستىرىلادى.

  • وسى كەزەكتى جۇڭگو − ازيا - ەۆروپا كورمەسى تۇڭعىش رەت نەگىزگى قوناق ولكەلەردى بەلگىلەدى
  • تاپسىرىس ونىمدەردى جەدەل ءوندىرىپ، قامداۋدى قامتاماسىز ەتتى
  • جىلدىق مىندەتتى ءساتتى ورىنداۋعا شىنايى كەپىلدىك ەتتى
  • شينجياڭ جۇڭتاي توبى دۇنيە جۇزىندەگى 500 قۋاتتى كاسىپورىن قاتارىنا ءوتتى
  • جەل - جارىق ەنەرگياسى ءوزارا تولىقتىردى