تيانشان تورى   ›   ۇيرەنۋ   ›   ماڭىزدى حۇجاتتار

جۇڭگو كوممۋنيستىك پارتياسى ورتالىق كوميتەتى، مەملەكەتتىك كەڭەس شىنجىننىڭ جۇڭگوشا سوتسياليزمنەن الدىمەن ۇلگى كورسەتۋ ءوڭىرىن قۇرۋىنا قولداۋ كورسەتۋ جونىندەگى پىكىردى باسىپ تاراتتى

  شينحۋا اگەنتتىگىنىڭ 8 - ايدىڭ 18 - كۇنى بەيجيڭنەن بەرگەن حابارى. جاقىندا جۇڭگو كوممۋنيستىك پارتياسى ورتالىق كوميتەتى، مەملەكەتتىك كەڭەس شىنجىننىڭ جۇڭگوشا سوتسياليزمنەن الدىمەن ۇلگى كورسەتۋ ءوڭىرىن قۇرۋىنا قولداۋ كورسەتۋ جونىندەگى پىكىردى باسىپ تاراتتى. پىكىردە بىلاي دەپ اتاپ كورسەتىلدى: پارتيا مەن مەملەكەت ەكونوميكالىق ەرەكشە رايون قۇرۋ كەلەلى ستراتەگيالىق ورنالاستىرۋىن جاساعاننان بەرى، شىنجىن ەرەكشە ەكونوميكالىق رايونى ەلىمىزدىڭ رەفورما جاساۋىنىڭ، ەسىك اشۋىنىڭ ماڭىزدى تەرەزەسى رەتىندە، ءتۇرلى ىستەردە كورنەكتى ناتيجەگە قول جەتكىزىپ، باۋراۋ قۋاتى، قوزعاۋشى قۋاتى، ومىرشەڭدىك قۋاتى، جاسامپاز قۋاتى قاۋلاعان حالىقارالانعان جاڭالىق اشۋ تيبىندەگى قالاعا اينالدى. كەزەكتە، جۇڭگوشا سوتسياليزم جاڭا داۋىرگە ءوتتى، شىنجىننىڭ جاڭا داۋىردەگى رەفورما جاساۋ، ەسىك اشۋ تۋىن بيىك ۇستاۋىنا، جۇڭگوشا سوتسياليزمنەن الدىمەن ۇلگى كورسەتۋ ءوڭىرىن قۇرۋىنا قولداۋ كورسەتۋ رەفورما جاساۋدى، ەسىك اشۋدى اناعۇرلىم جوعارى باستامادا، اناعۇرلىم جوعارى ساتىدا، اناعۇرلىم جوعارى نىسانادا ىلگەرىلەتىپ، رەفورمانى جاپپاي تەرەڭدەتەتىن، ەسىك اشۋدى جاپپاي كەڭەيتەتىن جاڭا ارنا قالىپتاستىرۋعا ءتيىمدى؛ گۋاڭدۇڭ - شياڭگاڭ - اۋمىن ۇلكەن شىعاناق رايونى ستراتەگياسىن اناعۇرلىم ويداعىداي اتقارىپ، ”ءبىر ەل، ەكى ءتۇزىم“ ىستەرىن دامىتۋدىڭ جاڭا امالياتىن بايىتۋعا ءتيىمدى؛ سوتسياليستىك وسىزاماندانعان قۇدىرەتتى ەل قۇرۋدىڭ جاڭا جولىن الدىمەن قاراستىرىپ، جۇڭحۋا ۇلتىنىڭ ۇلى گۇلدەنۋى سىندى جۇڭگو ارمانىن جۇزەگە اسىرۋعا پارمەندى تىرەك ازىرلەۋگە ءتيىمدى.

  پىكىردە شىنجىننىڭ ستراتەگيالىق ورنى تۇراقتاندىرىلدى، ياعني، جوعارى ساپالى دامۋدىڭ بيىك بەلەسى، وسىزاماندانعان ەكونوميكا جۇيەسىن قۇرىپ، جوعارى ساپالى دامۋ ءتۇزىلىس - مەحانيزمىن ورناتۋدا بۇكىل ەلدىڭ الدىڭعى قاتارىندا ءجۇرۋ؛ زاڭمەن جونگە سالىناتىن قالا ۇلگىسىن كورسەتىپ، ۇكىمەت پەن بازاردىڭ شەكاراسىن زاڭمەن جونگە سالۋ ارقىلى ارناعا ءتۇسىرىپ، ورنىقتى، ءادىل، جاريا، مەجەلەۋگە بولاتىن حالىقارالىق ماڭداي الدى زاڭمەن جونگە سالىناتىن تيجارات - ساۋدا ورتاسىن قالىپتاستىرۋ؛ قالا وركەنيەتىنىڭ ۇلگىسى، حالىق تۇرمىسى باقىتتىلىعىنىڭ ولشەمى، باياندى دامۋدىڭ اتويشىسى بولۋ.

  پىكىردە شىنجىننىڭ دامۋ نىساناسى العا قويىلدى: 2025 - جىلعا جەتكەندە، شىنجىننىڭ ەكونوميكالىق ناقتى قۋاتى، دامۋ ساپاسى الەمدەگى قالالاردىڭ الدىڭعى قاتارىنا جەتىپ، زەرتتەپ اشۋعا ۇسىنىلىم كۇشەمەلىلىگى، كاسىپتە جاڭالىق اشۋ قابىلەتى دۇنيە جۇزىندە ماڭداي الدى ورىندا بولىپ، مادەنيەت جۇمساق كۇشى زور مولشەردە جوعارىلاپ، الەۋمەتتىك قىزمەت وتەۋ ورەسى مەن ەكولوگيالىق ورتا ساپاسى حالىقارادا وزىق دەڭگەيگە جەتىپ، وسىزاماندانعان، حالىقارالاسقان جاڭا تيپتەگى قالا قۇرىپ شىعۋ. 2035 - جىلعا جەتكەندە، شىنجىن جوعارى ساپالى دامۋدا بۇكىل ەلدىڭ ۇلگىسىنە اينالىپ، قالانىڭ كەشەندى ەكونوميكالىق باسەكە قۋاتى دۇنيە جۇزىندە الدىڭعى لەكتە ءجۇرىپ، الەمدىك ىقپال كۇشىنە يە جاڭالىق اشۋ، شارۋاشىلىق قۇرۋ، جاسامپاز وي تۋدىرۋ قالاسى بولىپ قۇرىلىپ، ەلىمىزدىڭ سوتسياليستىك وسىزاماندانعان قۇدىرەتتى ەل قۇرۋداعى قالا ۇلگىسىنە اينالۋ. وسى عاسىردىڭ ورتا شەنىنە جەتكەندە، شىنجىن اناعۇرلىم اسقاق كۇيمەن دۇنيە جۇزىندەگى وزىق قالالار قاتارىندا قاسقايىپ، باسەكە قۋاتى، جاسامپازدىق قۋاتى، ىقپال قۋاتى اسا كورنەكتى الەمدىك ۇلگى قالاعا اينالۋ.

جاۋاپتى رەداكتور : سايراش تۇرارجان

ەسكەرتۋ:

تورابىمىزداعى مازمۇنداردىڭ مەنشىك ۇقىعى شينجياڭ ۇيعۇر اۆتونوميالى رايوندىق حالىق ۇكىمەتى اقپارات كەڭسەسىنە ءتان، جاريالانعان مازمۇنداردى سىلتەمەسىز كوشىرۋگە بولمايدى. كوشىرىپ پايدالانۋعا تۋرا كەلگەندە، «تيانشان تورى » الىنعانى انىق ەسكەرتىلۋى ءتيىس، بولماسا زاڭدىق جاۋاپكەرلىگى قۋزاستىرىلادى.