تيانشان تورى
تيانشان تورى   ›   جاڭالىقتار   ›   ماڭىزدى حابارلار

شي جينپيڭ ”ءتىلشى ۇزاق جورىق جولىنا قايتا اتتاندى“ نەگىزگى تاقىرىپتىق تىلشىلىك قيمىلىنا ماڭىزدى نۇسقاۋ بەردى

شي جينپيڭ ”ءتىلشى ۇزاق جورىق جولىنا قايتا اتتاندى“ نەگىزگى تاقىرىپتىق تىلشىلىك قيمىلىنا ماڭىزدى نۇسقاۋ بەرىپ بىلاي دەپ باسا دارىپتەدى

پارتيانىڭ اۋەلگى ماقساتى مەن بورىشىن ەستە بەرىك ساقتاپ، پارتيانىڭ سيپاتى مەن تۇپكى ماقساتىن ەستە بەرىك ساقتاپ، جاڭا داۋىردەگى ۇزاق جورىق جولىن جاقسى باسايىق

  شينحۋا اگەنتتىگىنىڭ 8 - ايدىڭ 18 - كۇنى بەيجيڭنەن بەرگەن حابارى. جۇڭگو كوممۋنيستىك پارتياسى ورتالىق كوميتەتىنىڭ باس شۋجيى، مەملەكەت ءتوراعاسى، ورتالىق اسكەري ىستەر كوميتەتىنىڭ ءتوراعاسى شي جينپيڭ جۋىردا ”ءتىلشى ۇزاق جورىق جولىنا قايتا اتتاندى“ نەگىزگى تاقىرىپتىق تىلشىلىك قيمىلىنا ماڭىزدى نۇسقاۋ بەرىپ بىلاي دەپ باسا دارىپتەدى: جاڭا جۇڭگو قۇرىلعاندىعىنىڭ 70 جىلدىعى قارساڭىندا، بۇكىل پارتيا ”اۋەلگى ماقساتتى ۇمىتپاۋ، بورىشتى ەستە بەرىك ساقتاۋ“ نەگىزگى تاقىرىپتىق تاربيەسىن ىشكەرىلەي ورىستەتىپ جاتقان ساتتە، ورتالىق كوميتەت ۇگىت ءبولىمى ۇيىمداستىرىپ ورىستەتكەن ”ءتىلشى ۇزاق جورىق جولىنا قايتا اتتاندى“ نەگىزگى تاقىرىپتىق تىلشىلىك قيمىلى ايبىندى دا قيان - كەسكى، جەر - كوكتى ءدۇر سىلكىندىرگەن توڭكەرىس حيكايالارىن جاندى تۇردە قايتا ەلەستەتتى، ول جانمەن جانە قىزىل قانمەن سومدالعان ۇلى ۇزاق جورىق رۋحىن ءتۇسىندىرۋ جونىنەن ەرەكشە مانگە يە.

  شي جينپيڭ بىلاي دەپ اتاپ كورسەتتى: ۇلى ۇزاق جورىق رۋحى بۇكىل پارتيانىڭ، بۇكىل ەلدەگى ءار ۇلت حالقىنىڭ ۇزدىكسىز ەكپىندەي ىلگەرىلەۋىنىڭ قۇدىرەتتى رۋحاني قوزعاۋشى كۇشى. قالىڭ پارتيا مۇشەلەرىنىڭ، كادرلاردىڭ پارتيا تاريحىن، جاڭا جۇڭگو تاريحىن مۇقيات ۇيرەنىپ، قىزىل بيلىكتىڭ وڭاي - وسپاق قولعا كەلمەگەندىگىن، جاڭا جۇڭگونىڭ وڭاي - وسپاق قولعا كەلمەگەندىگىن، جۇڭگوشا سوتسياليزمنىڭ وڭاي - وسپاق قولعا كەلمەگەندىگىن تەرەڭ ءتۇسىنىپ، پارتيانىڭ اۋەلگى ماقساتى مەن بورىشىن ەستە بەرىك ساقتاپ، پارتيانىڭ سيپاتى مەن تۇپكى ماقساتىن ەستە بەرىك ساقتاپ، مۇرات سەنىمدى بەكەمدەپ، پارتيانىڭ نازارياسى مەن لۋشيان، باعىت - ساياساتتارىن بۇلجىماستان دايەكتىلەندىرىپ، العا ىلگەرىلەۋ جولىنداعى جاڭا ”لوۋشان اسۋى“نان، ”لازى وتكەلى“نەن ۇزدىكسىز ءوتىپ، جۇڭحۋا ۇلتىنىڭ ۇلى گۇلدەنۋىن جۇزەگە اسىرۋدىڭ تاريحي ۇردىسىندە جاڭا داۋىردەگى ۇزاق جورىق جولىن جاقسى باسۋىن ءۇمىت ەتەمىن.

  8 - ايدىڭ 18 - كۇنى ”ايبىندى 70 جىل . كۇرەسكە تولى جاڭا ءداۋىر − ءتىلشى ۇزاق جورىق جولىنا قايتا اتتاندى“ نەگىزگى تاقىرىپتىق تىلشىلىك قيمىلىنىڭ قورىتىندى اڭگىمە ءماجىلىسى گانسۋدىڭ حۇينيڭىندا اشىلدى. ماجىلىستە شي جينپيڭنىڭ ماڭىزدى نۇسقاۋىنىڭ رۋحى جەتكىزىلىپ، بۇكىل ەلدەگى اقپارات شەبىنە ۇلى ۇزاق جورىق رۋحىن زور كۇشپەن ساۋلەلەندىرىپ، پارتيانىڭ اۋەلگى ماقساتى مەن بورىشىن ەستە بەرىك ساقتاپ، پارتيانىڭ سيپاتى مەن تۇپكى ماقساتىن ەستە بەرىك ساقتاپ، جاڭا داۋىردەگى ۇزاق جورىق جولىن قۇلشىنا جاقسى باسايىق دەگەن ۇندەۋ تاستالدى.

  بيىل جاڭا جۇڭگو قۇرىلعاندىعىنىڭ 70 جىلدىعى ءارى قىزىل ارميانىڭ ۇزاق جورىققا شىققاندىعىنىڭ 85 جىلدىعى. باس شۋجي شي جينپيڭنىڭ پارتيانىڭ اۋەلگى ماقساتى مەن بورىشىن ۇمىتپاۋ، ۇلى ۇزاق جورىق رۋحىن ساۋلەلەندىرۋ ۇندەۋى مەن تاپسىرماسىن ىشكەرىلەي دايەكتىلەندىرۋ، تياناقتاندىرۋ ءۇشىن، 6 - ايدىڭ 11 - كۇنىنەن 8 - ايدىڭ 18 - كۇنىنە دەيىن ورتالىق كوميتەت ۇگىت ءبولىمى ”ايبىندى 70 جىل . كۇرەسكە تولى جاڭا ءداۋىر − ءتىلشى ۇزاق جورىق جولىنا قايتا اتتاندى“ نەگىزگى تاقىرىپتىق تىلشىلىك قيمىلىن ۇيىمداستىرىپ ورىستەتتى. ىلگەرىندى - كەيىندى 1300دەن استام ءتىلشى سول جىلدارداعى قىزىل ارميانىڭ ۇزاق جورىق ءىزىن باسىپ، ىشكەرىلەي ناقتى تىلشىلىك ىستەپ، جيىنى 16 مىڭ كيلومەتردەن استام جول باسىپ، 10 مىڭنان استام جالىندى دا جاندى، الۋان فورمادا حابار جازدى، ينتەرنەتتەگى جالپى وقىلۋ سانى 2 ميلليارد رەتكە جۋىقتاپ، قوعامدا قىزۋ اڭىس قوزعادى.

جاۋاپتى رەداكتور : سايراش تۇرارجان قىزى

ەسكەرتۋ:

تورابىمىزداعى مازمۇنداردى پايدالانۋعا تۋرا كەلگەندە، ءسوزسىز جازباشا رۇقساتقا يە بولۋ كەرەك. مازمۇنداردى رۇقساتسىز جالعاپ تاراتۋعا، كەسىپ رەداكسيالاۋعا، وزگەرتۋگە، قىسقارتىپ قۇراستىرۋعا، باسقا ورىنعا كوشىرۋگە نەمەسە باسقا تاسىلدەرمەن كوبەيتۋگە ءارى تاراتۋعا بولمايدى، قايشى كەلگەندەردىڭ زاڭدىق جاۋاپكەرشىلىگى زاڭ بويىنشا قۋزاستىرىلادى.