شينحۋا اگەنتتىگىنىڭ 8 - ايدىڭ 19 - كۇنى بەيجيڭنەن بەرگەن حابارى (ءتىلشى چۇي تيڭ). باس شۋجي شي جينپيڭنىڭ دەنساۋلىق ساقتاۋ، سالاماتتىق قىزمەتى جونىندەگى ماڭىزدى نۇسقاۋىنىڭ رۋحىن ىشكەرىلەي ۇيرەنۋ، دايەكتىلەندىرۋ، ”ءومىردى قادىرلەۋ - قورعاۋ، اجالعا اراشاشى، جارالىعا جەبەۋشى بولۋ، ۇلەس قوسۋعا پەيىل بولۋ، شەكسىز سۇيىسپەنشىلىك“ وسكەلەڭ رۋحىن اسقاقتاتۋ، ”اۋەلگى ماقساتتى ۇمىتپاۋ، بورىشتى ەستە بەرىك ساقتاۋ“ نەگىزگى تاقىرىپتىق تاربيەسىن تىڭعىلىقتى ورىستەتۋ ءۇشىن، 8 - ايدىڭ 19 - كۇنگى 2 - رەتكى ”جۇڭگو شيپاگەرلەر مەرەكەسى“ بايلانىسمەن، ورتالىق كوميتەتتىڭ ۇگىت ءبولىمى، مەملەكەتتىك دەنساۋلىق ساقتاۋ، سالاماتتىق كوميتەتى 2019 - جىلعى ”ەڭ ارداقتى شيپاگەرلەر“دىڭ ىزگى ىستەرىن تۇتاس قوعامعا اشىق جاريالادى.
ۋاڭ دۇڭجين، ۋاڭ شينحۋا، شى شۋەمين، ياۋ يۇيفىڭ، گى جۇنبو، جاڭ جۇنتيڭ، جۋاڭ شىحۋا، ۋاڭ چۋان، تان شياۋچين، گۋ فاڭجوۋ (قايتىس بولعان) سياقتى 10 دەنساۋلىق ساقتاۋ، سالاماتتىق قىزمەتكەرى جانە جۇڭگو ەرىكتى شيپاگەرلەر ۇجىمى دەنساۋلىق ساقتاۋ، سالاماتتىق ىستەرىنىڭ ءتۇرلى سالاسىندا كۇرەس جاساپ، بۇكىل ىنتا - پەيىلىمەن حالىقتىڭ سالاماتتىعىنا قىزمەت ەتتى. ولاردىڭ اراسىندا كەيبىرەۋى ومىرىندە ءبىر عانا ىسپەن شۇعىلدانىپ، ەلىمىزدىڭ جۇلىن سۇرى زاتىنىڭ قابىنۋىن جويۋىنا ماڭىزدى ۇلەس قوستى؛ كەيبىرەۋى 60 جىل بويى جۇڭگوشا شيپاگەرلىكپەن شۇعىلدانىپ، ينەمەن اۋرۋدى ەمدەدى؛ كەيبىرەۋى تىرشىلىكسىز وڭىرگە سايىس جاريالاپ، ناۋقاستاردىڭ ءومىرىن اماناتتاعان تىلەگىن اقتادى؛ كەيبىرەۋى رياسىز كوڭىلىمەن عىلىم - تەحنيكا ارقىلى وتان ءۇمىتىن اقتاپ، دەنساۋلىق ساقتاۋ، سالاماتتىق عىلمي زەرتتەۋىنىڭ شىڭىنا تالپىندى؛ كەيبىرەۋى ەرەن شيپاگەرلىك ونەرىمەن جانە ىستىق مەيىرىمەن ايەلدەر مەن بالالاردىڭ دەنساۋلىعىن قورعادى؛ كەيبىرەۋى كوپ جىلداردان بەرى شەكارا وڭىرگە جانە اۋىل - قىستاققا تامىر تارتىپ، ءار ۇلت بۇقاراسىنىڭ سالاماتتىعىن، باقىتىن جوعارىلاتتى؛ تاعى كەيبىرەۋى سالاماتتىق ارقىلى كەدەيلەردى سۇيەمەلدەۋدىڭ ءبىرىنشى شەبىنە ىشكەرىلەي ارالاسىپ، دوڭگەلەك داۋلەتتىلىك جولىندا بىرەۋىنىڭ دە قاتاردان قالماۋىن ماقسات ەتتى.
جاريالاۋ سالتىندا ناق مايداندا ”ەڭ ارداقتى شيپاگەرلەر“دىڭ ىزگى ىستەرى جونىندەگى بەينە جازبالى قىسقا فيلم قويىلىپ، تىلشىلىكتە ولاردىڭ شيپاگەرلىكپەن شۇعىلدانۋ جونىندەگى اسەرى باياندالدى. ورتالىق كوميتەت ۇگىت ءبولىمىنىڭ، مەملەكەتتىك دەنساۋلىق ساقتاۋ، سالاماتتىق كوميتەتىنىڭ جاۋاپتى جولداستارى ولارعا ”ەڭ ارداقتى شيپاگەر“ داڭقتى كۋالىگىن تاراتتى.
جاريالاۋ سالتىنا قاتىناسقان ءبىر ەمدەۋ قىزمەتكەرى ۋاكىلى بىلاي دەدى: ”جۇڭگوداعى جاقسى شيپاگەرلەر“دەن، ”جۇڭگوداعى جاقسى سەسترالار“دان، ”ەڭ ارداقتى شيپاگەرلەر“دەن ءاربىر ۇرپاق دەنساۋلىق ساقتاۋ، سالاماتتىق قىزمەتكەرلەرىنىڭ وتانمەن بىرگە ەسەيىپ - ەرجەتكەنىن، بىرگە كۇرەس جۇرگىزگەن ماشاقاتتى بارىسىن كورىپ، جاڭا داۋىردەگى دەنساۋلىق ساقتاۋ، سالاماتتىق ىستەرىنىڭ دامۋىندا قول جەتكەن كورنەكتى ناتيجەلەردى سەزىنۋگە بولادى. ءبىز ولاردان ۇيرەنىپ، حالىقتىڭ سالاماتتىعىن تالىقپاي قورعاۋ ارقىلى اۋەلگى ماقساتتى ۇمىتپاۋدى ۇعىندىرىپ، سالاماتتى جۇڭگو قۇرۋ ارەكەتى ارقىلى بورىشتى، جاۋاپكەرشىلىكتى باتىلدىقپەن ارقالاۋىمىز كەرەك.
