− ءار سالا قايراتكەرلەرى «شينجياڭنىڭ كاسىپتىك شەبەرلىككە تاربيەلەۋ - باۋلۋ قىزمەتى» اق تىستى كىتابىن قىزۋ تالقىلادى
شينحۋا اگەنتتىگىنىڭ ءتىلشىسى
مەملەكەتتىك كەڭەستىڭ اقپارات كەڭسەسى 8 - ايدىڭ 16 - كۇنى «شينجياڭنىڭ كاسىپتىك شەبەرلىككە تاربيەلەۋ - باۋلۋ قىزمەتى» اق تىستى كىتابىن جاريالادى. اق تىستى كىتاپ جاريالانعاننان كەيىن، ءار سالادا بەلسەندى اڭىس قوزعادى. كوپشىلىك مىنالاردى ءبىلدىردى: شينجياڭ ۇستىنەن وڭاۋ مەن تۇبىرىنەن وڭاۋعا تەڭ ءمان بەرۋگە تاباندى بولىپ، زاڭ بويىنشا كاسىپتىك شەبەرلىككە تاربيەلەۋ - باۋلۋ ورتالىعىن قۇرۋ، كاسىپتىك شەبەرلىككە تاربيەلەۋ - باۋلۋ قىزمەتىن ورىستەتۋ ارقىلى لاڭكەستىكتىڭ، ءدىني ۇشقارىلىقتىڭ ءوربۋ، ءورشۋ توپىراعى مەن شارت - جاعدايىن كۇش سالا الاستاپ، لاڭكەستىك ارەكەتتەردىڭ كوپ تۋىلۋ، ءجيى تۋىلۋ جاعدايىن ۇتىمدى تەجەپ، ءار ۇلت حالقىنىڭ تىرشىلىك ۇقىعى، سالاماتتىق ۇقىعى، دامۋ ۇقىعى سياقتى نەگىزگى ۇقىعىن ەڭ جوعارى شەكتە قامتاماسىز ەتىپ، كورنەكتى ناتيجەگە قول جەتكىزدى.
حوتان قالالىق پارتكوم ۇگىت ءبولىمىنىڭ كادرى باۋ چاڭحۇي بىلاي دەپ قارادى: اق تىستى كىتاپ تاربيەلەۋ - باۋلۋ مازمۇنى، تاربيەلەنۋشىلەردىڭ نەگىزگى ۇقىعىن قامتاماسىز ەتۋ سياقتى جاقتاردى جۇيەلى تانىستىرىپ، توركىنىن تۇزەپ، قاينارىن تازالاۋ رولىن اتقاردى.
ءبىر مەزگىلدەن بەرى، ءىشىنارا باتىستاعى كۇشتەر شينجياڭنىڭ تاربيەلەۋ - باۋلۋ قىزمەتىنە كۇيە جاقتى، جالا جاپتى. ”اق تىستى كىتاپتىڭ جاريالانۋى بۇعان پارمەندى تويتارىس جاساپ، ادامداردىڭ شينجياڭدى شىنايى تۇسىنۋىنە كومەكتەستى“، - دەدى باۋ چاڭحۇي.
شينجياڭ داشۋەسى زاڭ عىلىمى شۋەيۋانىنىڭ ورىنباسار باستىعى ەركىن سامساق بىلاي دەدى: شينجياڭنىڭ تاربيەلەۋ - باۋلۋ قىزمەتى باستان - اياق فاكتتى نەگىز، زاڭدى ولشەم ەتۋگە تاباندى بولىپ، بەلگىلى ءبىر وڭىرمەن، ۇلتپەن، دىنمەن بايلانىستىرماۋعا تاباندى بولىپ، ەلىمىزدىڭ شينجياڭدى زاڭمەن جونگە سالۋ رۋحىن ايگىلەدى، بۇل شينجياڭنىڭ كەزەكتەگى لاڭكەستىككە قارسى تۇرۋ، ورنىقتىلىقتى قورعاۋ جانە ۇشقارىلىقتى الاستاۋ قىزمەتىنىڭ ءىس جۇزىندىگىنە دە بۇكىلدەي ۇيلەسەدى.
حوتان قالاسىنىڭ كاسىپتىك شەبەرلىككە تاربيەلەۋ - باۋلۋ ورتالىعىنىڭ وقىتۋشىسى مامەتابدۇللا ءانۋار بىلاي دەپ قارادى: ءىشىنارا ادامداردىڭ ءدىني ۇشقارىلىقتىڭ ۋلاندىرۋىنا ۇشىراۋى ءبىرشاما اۋىر بولىپ، قالىپتى تۇرمىس جانە زاڭدىق تيىم جونىندەگى اقىلدىق پارىقتاۋ قابىلەتىنەن ايرىلدى. ولارعا بەلسەنە كيلىگۋ شاراسىن قولدانىپ، ءدىني ۇشقارىلىق اجىرعىسىنان ارىلتۋ ارقىلى ولاردىڭ قالىپتى قوعامدىق تۇرمىسپەن اناعۇرلىم ويداعىداي توعىسىپ، اناعۇرلىم جاقسى دامۋعا قول جەتكىزۋىنە مۇمكىندىك جاساۋعا بولادى.
”تاربيەلەۋ - باۋلۋ ورتالىعى تاربيەلەنۋشىلەرگە تاماشا، جايلى ۇيرەنۋ، تۇرمىس ورتاسىن جاراتۋعا باستان - اياق قۇلشىنىپ، تاربيەلەنۋشىلەردىڭ ءوزىن دامىتۋ قابىلەتىن جوعارىلاتۋىنا كومەكتەسىپ كەلەدى“، - دەدى مامەتابدۇللا ءانۋار.
حوتان قالاسىنىڭ كاسىپتىك شەبەرلىككە تاربيەلەۋ - باۋلۋ ورتالىعىندا ۇيرەنىپ جاتقان ابدۇقادىر ابەيبۇللا ىلگەرى ءدىني ۇشقارىلىق يدەياسىنىڭ ىقپالىنا ۇشىراعان. ”تاربيەلەۋ - باۋلۋ ورتالىعىنىڭ جاتاقحاناسىندا تەلەۆيزور، اۋا رەتتەگىش بار، قالاعان ۋاقىتتا جىلى سۋمەن جۋىنۋعا بولادى، اسحانادا تاماقتىڭ ءتۇرى دە مول“. ابدۇقادىر: تاربيەلەۋ - باۋلۋ ورتالىعىندا تاعى زاڭنان كەڭەس بەرۋ كەڭسەسى، پسيحيكالىق كەڭەس بەرۋ كەڭسەسى قۇرىلدى، تاربيەلەنۋشىلەرگە دەر كەزىندە كومەك كورسەتە الادى، - دەدى.
كاسىپتەن سىرتقى ۋاقىتتا ابدۇقادىر تاربيەلەنۋشىلەرمەن بىرگە بىليارد، ۇستەل دوپ وينايدى ءارى اڭگىمەلەسۋ ۇيىندە وتباسىنداعىلارىمەن، دوستارىمەن تەلەفوندا سويلەسە الادى. ”مەنىڭ پۋتۇڭحۋا ورەم نەداۋىر جوعارىلادى، باسقالارمەن پىكىر اۋىستىرۋدا مۇلدە قينالمايمىن، مەن ءوز بولاشاعىمدى ۇمىتكە تولى دەپ سەزىنەمىن“، - دەدى ابدۇقادىر.
تاربيەلەنىپ - باۋلىنىپ جاتقان تاربيەلەنۋشىلەردى ارت جاعىنان الاڭداتپاۋ ءۇشىن، شينجياڭنىڭ ءار دارەجەلى ۇكىمەتتەرى تاربيەلەنىپ - باۋلىنىپ جاتقان تاربيەلەنۋشىلەردىڭ وتباسىلارىنا قوعامدىق قامتاماسىزداندىرۋ، وقۋ - اعارتۋ، ەمدەۋ، كەدەيلىكتەن ارىلتۋدان قامال الۋ سياقتى ءتۇرلى ءتيىمدى ساياساتتاردى تەڭ تۇرعىدا تياناقتاندىرىپ، تاربيەلەنۋشىلەردىڭ تۋىس - تۋعاندارىنىڭ ءوندىرىس، تۇرمىس، جۇمىسقا ورنالاسۋ، مەكتەپكە ءتۇسۋ، ەمدەلۋ سياقتى جاقتارداعى ءىس جۇزىندىك قيىنشىلىعىن شەشۋىنە كومەكتەسىپ، تاربيەلەنۋشىلەردىڭ ۇيرەنۋ، باۋلۋعا قاتىناسۋ قوزعاۋشى كۇشىن ارتتىردى.
قازىرگە دەيىن شينجياڭدا ءۇرتىس 3 جىلعا تاياۋ زورلىقتى كۇش لاڭكەستىك دەلوسىنىڭ (ۋاقيعاسى) تۋىلماۋى قالىڭ قالا، اۋىل تۇرعىندارىنىڭ شەكارا وڭىرگە تەرەڭ تامىر تارتۋ، شەكارا ءوڭىردى گۇلدەندىرۋ سەنىمىن بارىنشا ارتتىردى.
”اۋىل - قىستاقتى دامىتامىز دەيدى ەكەنبىز، ءسوز جوق، ۇشقارىلىق يدەياسىن تۇبەگەيلى الاستاۋىمىز كەرەك. ديقاندارىمىز دا يدەيالىق كوزقاراسىنا بۇرىلىس جاساپ، ءداۋىردىڭ اياق الىسىنا تىعىز ىلەسۋ كەرەك“. قاشقار قالاسى پاكتاكلا اۋىلىنىڭ تۇرعىنى ابدۇحىلىل عوجاك: ”تاربيەلەۋ - باۋلۋ قىزمەتى بولماسا، بۇگىنگى تىنىش، ورنىقتى تۇرمىسىمىز بولماس ەدى، پارتيا مەن ۇكىمەتتىڭ بىزگە بەرگەن ءتۇرلى ءتيىمدى ساياساتتارى بولماسا، ءبىزدىڭ بۇگىنگى باقىتتى تۇرمىسىمىز بولماس ەدى“، - دەدى.
جۇڭگو قوعامدىق عىلىمدار اكادەمياسى جۇڭگو شەكارا ءوڭىردى زەرتتەۋ ورنىنىڭ اعا زەرتتەۋشىسى لۇي ۋىنلي مىنانى ءبىلدىردى: اق تىستى كىتاپ سىرتتىڭ ءجىتى قاداعالاپ وتىرعان ىستەرىنە بەتپە - بەت كەلىپ، شينجياڭنىڭ تاربيەلەۋ - باۋلۋ قىزمەتىن ورىستەتۋىنىڭ ورىندى جانە زاڭدى ەكەندىگىن انىق ءتۇسىندىردى ءارى ناقتى مىسال كەلتىرۋ، ساندى مالىمەت كورسەتۋ سياقتى وبيەكتيۆتىك تاسىلدەرمەن شينجياڭنىڭ تاربيەلەۋ - باۋلۋ قىزمەتىنىڭ قازىرگى جاعدايىن كورسەتتى. اق تىستى كىتاپتىڭ جاريالانۋى لاڭكەستىككە قارسى تۇرۋدىڭ، ۇشقارىلىقتى الاستاۋدىڭ ”شينجياڭ تاجىريبەسىن“ قاراستىرۋ جونىنەن بەلسەندى رول اتقارادى ءارى دۇنيە ءجۇزىنىڭ لاڭكەستىككە قارسى تۇرۋ، ۇشقارىلىقتى الاستاۋ قىزمەتىنە ۇلەس قوسادى.
(شينحۋا اگەنتتىگىنىڭ 8 - ايدىڭ 19 - كۇنى بەيجيڭنەن بەرگەن حابارى)
