تيانشان تورى   ›   جاڭالىقتار   ›   ايبىندى 70 جىل ، كۇرەسكە تولى جاڭا ءداۋىر

ءۇش ۇرپاق ادامنىڭ ”اۋىل شارۋاشىلىعى ماشينالارى ارمانى“

  بەتاشار

  وتباسى − ەڭ كىشكەنە مەملەكەت، مەملەكەت −سانسىزداعان وتباسىلار. جاڭا جۇڭگو قۇرىلعاندىعىنىڭ 70 جىلدىعى قارساڭىندا، ءبىز تيانشاننىڭ وڭتۇستىگى مەن سولتۇستىگىندەگى وتباسىلارعا: اۋىل شارۋاشىلىعى ماشينالارىن جۇرگىزۋشىلەردىڭ وتباسىنا، شەكارا قورعاۋشىلاردىڭ وتباسىنا، مۇنايشىلاردىڭ وتباسىنا، كوپ ۇلتتى وتباسىلارعا... باردىق. وسى قاراپايىم شاڭىراقتارداعى ءبىر - بىرلەگەن اسەرلى حيكايالاردان ءبىز مىنانى ايقىن كورە الامىز: ءاربىر وتباسىنىڭ بولاشاعى مەن تاعدىرى باستان - اياق ۇلى وتانىمىز بەن جۇڭحۋا ۇلتىنىڭ بولاشاعىمەن، تاعدىرىمەن تىعىز بايلانىسىپ جاتىر. وتباسىن ءسۇيۋ مەن وتاندى ءسۇيۋدى بىرلىككە كەلتىرىپ، ءبىر نيەتپەن ويلاپ، كۇشتى ءبىر باعىتقا تۇسىرگەندە عانا، وتباسى بەرەكەلى، باقىتتى بولادى، مەملەكەت گۇلدەنەدى، باييدى، قۇدىرەتتەنەدى.

 ءتىلشى گاي يوۋجۇن ەرىكتى ءتىلشى باي يۇنفىڭ

  8 - ايدىڭ 16 - كۇنى تۇستەن بۇرىن 28 جاستاعى ۋاڭ بينشاڭ ءوز ءۇيىنىڭ ءىرى تۇرپاتتى كومبايىنىن جۇرگىزىپ، كەڭ كوسىلگەن التىن ءتۇستى ءبيداي اتىزىندا ءبيداي ورىپ جاتتى. كۇن شۇعىلاسىندا ول جانە ونىڭ ءىرى تۇرپاتتى كومبايىنى شونجى اۋدانىنىڭ 10 مىڭ مۋلىق ءبيداي اتىزىنداعى كورىكتى كورىنىسكە اينالدى.

  وسى ساتتە، ۋاڭ بينشاڭنىڭ اكەسى ۋاڭ يۇڭساي ءبيداي اتىزىنىڭ شەتىندە تۇرىپ، ءوزىن شەكسىز ماقتانىشقا بولەگەن ۇلىنا ىجداعاتتىلىقپەن قاراپ تۇردى. 30 نەشە جىلدىڭ الدىندا ۋاڭ يۇڭساي اكەسىنە ەرىپ تراكتور جۇرگىزدى؛ 10 جىلدىڭ الدىندا ۇلى ۋاڭ بينشاڭ دا وعان ەرىپ اۋىل شارۋاشىلىعى ماشينالارىن جۇرگىزدى، اتادان نەمەرەگە دەيىنگى ءۇش ۇرپاق تۇگەلدەي اۋىل شارۋاشىلىعى ماشينالارىمەن نەداۋىر تەرەڭ بايلانىس ورناتتى.

  بيىل 50 جاستاعى ۋاڭ يۇڭساي شونجى اۋدانى كونە شونجى قالاشىعى ءارچى قىستاعىنىڭ ادامى، بالا كەزىنەن اكەسى ۋاڭ شۋەجيگە ەرىپ تراكتوردىڭ قۇلاعىندا ويناپ ابدەن پىسىپ كەتكەن ونىڭ اۋىل شارۋاشىلىعى ماشينالارىمەن اينالىسقانىنا 30 نەشە جىل بولدى. ۇلكەندەردىڭ ىقپالىمەن، ۋاڭ بينشاڭ بالا كەزىنەن كورىپ - ءبىلىپ جۇرگەندىكتەن، جاستايىنان - اق اۋىل شارۋاشىلىعى ماشينالارى كاسىبىن ۇناتتى. اتاسى، اكەسى سياقتى، ءارقانداي اۋىل شارۋاشىلىعى ماشيناسى ونىڭ قولىندا ەرەكشە ”زىر جۇگىرەتىن“ بولدى. قازىر ۋاڭ بينشاڭ دا ءتۇرلى اۋىل شارۋاشىلىعى ماشينالارىن جۇرگىزۋدىڭ مايتالمانىنا اينالدى، ونىڭ ۇستىنە الدىڭعى بۋىنداردان اسقان ”جاڭا شەبەر“گە اينالدى.

  سول كۇنى تۇستەن كەيىن، 89 جاستاعى ۋاڭ شۋەجي كاريا اۋلادا، ۇلى ۋاڭ يۇڭساي مەن نەمەرەسى ۋاڭ بينشاڭنىڭ ”دۇڭفاڭحۇڭ“ ماركالى جوعارى ات كۇشىندىك تراكتورىنىڭ ماي ناسوسىن تەڭشەپ، ماشينا مايىن قۇيىپ، اۋا تازارتقىش ورناتقاندىعىنا قاراپ وتىردى، جۇزىنەن ريزالىق لەبى ەسەدى.

  ۋاڭ وتباسىنىڭ ۇلكەن اۋلاسىندا، الۋان ءتۇرلى اۋىل شارۋاشىلىعى ماشينالارى تولىپ تۇر، كومباين، تراكتور، تۇقىم سەپكىش ماشينا، دەسكالى جەر جىرتۋ، مانالاۋ ماشيناسى سياقتىلار قاتار - قاتار تىزىلگەن، ءتىپتى، توپىراق قوپسىتاتىن، استىق تازارتاتىن، ءدان ايىراتىن، جەر تەگىستەيتىن، ت. ب الۋان ءتۇرلى ماشينالاردان بولىپ، جالپى ۇلكەندى - كىشىلى اۋىل شارۋاشىلىعى ماشينالارىنان 20 نەشەسى تۇر، جالپى قۇنى ءبىر ميلليون 500 مىڭ يۋاننان اسادى، ناق ءبىر ”اۋىل شارۋاشىلىعى مۇراجايىنىڭ“ ءوزى.

  ۋاڭ شۋەجي كاريانىڭ تانىستىرۋىنشا، ول جاڭا جۇڭگو قۇرىلعاننان كەيىنگى، قىستاقتاعى ءبىرىنشى ۇرپاق تراكتور جۇرگىزۋشى ەكەن. 1958 - جىلى سول تۇستاعى شونجى اۋدانى قىزىلتۋ گۇڭشىسى باقىت دادۇيىندە (قازىرگى شونجى اۋدانى كونە شونجى قالاشىعى ءارچى قىستاعى) ماشينامەن جەر جىرتۋ اترەتى قۇرىلىپ، شىنجىر تاباندى، ”دۇڭفاڭحۇڭ“ تۇرپاتتى ەكى تراكتور ساتىپ الىنعان ەدى. ۋاڭ شۋەجي 2 ايدان استام ۋاقىت تاربيەلەنىپ، قىستاقتاعى العاشقى توپتاعى تراكتور جۇرگىزۋشىگە اينالىپ، سول بەتى تۇپ - تۋرا 30 نەشە جىل ىستەدى.

  ”بۇرىن جەر جىرتۋدىڭ ءبارى’قوس وگىزبەن سوقا سۇيرەۋ‘ بولاتىن، ءبارى تراكتوردىڭ بولۋىن ارماندايتىن. سول كەزدە تراكتور جۇرگىزە الۋ قانداي ابىرويلى ءىس دەسەڭىزشى، تراكتور جۇرگىزۋشى بولىپ تاڭدالعانىمدى ەستىگەنىمدە، تەبىرەنگەنىمنەن نەشە كۇنگە دەيىن ۇيىقتاي الماي ءجۇردىم. قازىر مەملەكەتتىڭ ساياساتى ەرەكشە جاقسى، وتباسىمىز ۇلكەن - كىشى 20 نەشە اۋىل شارۋاشىلىعى ماشيناسىن ساتىپ الدى، بۇل سول تۇستاعى ءبىر گۇڭشىداعىدان دا تولىق، ونىڭ ۇستىنە ول كەزدەگىدەن الدەقايدا وزىق“، - دەدى تەبىرەنگەن ۋاڭ شۋەجي كاريا.

  اكەسىنىڭ ىقپالىمەن، ۋاڭ يۇڭساي اۋىل شارۋاشىلىعى ماشينالارىنا ەرتە باستان قىزىعۋشىلىق تانىتتى، كەيىن اكەسىنىڭ ءىسىن جالعادى.

  2004 - جىلى، ورتالىقتىڭ 1 - ءنومىرلى حۇجاتىندا، اۋىل شارۋاشىلىعىن ماشينالاندىرۋ ورەسىن جوعارىلاتىپ، شارۋالار، ەگىس الاڭدارىنىڭ قىزمەتكەرلەرى، اۋىل شارۋاشىلىعى ماشينالارى كاسىپتىك وتباسىلارى مەن اۋىل شارۋاشىلىعى وندىرىسىمەن تىكەلەي شۇعىلداناتىن اۋىل شارۋاشىلىعىنا قىزمەت وتەۋ ۇيىمدارى ءىرى تيپتەگى اۋىل شارۋاشىلىعى ماشينالارىن ساتىپ السا جانە جاڭالاسا بەلگىلى مولشەردە قوسىمشا قاراجات بەرۋ العا قويىلدى. بۇل حاباردىڭ تارالۋى ۋاڭ يۇڭسايعا ءىرى تۇرپاتتى اۋىل شارۋاشىلىعى ماشينالارىن جاڭالاۋ ويىن تۋعىزدى.

  ۋاڭ يۇڭساي بىلاي ويلادى: شونجى اۋدانىنىڭ ەگىستىك جەر اۋماعى كەڭ، ونىڭ ۇستىنە، بۇكىل ەلدەگى استىق وندىرەتىن ءىرى اۋدان، اۋىل شارۋاشىلىعىن وسىزامانداندىرۋدا، اۋىل شارۋاشىلىعىن ماشينالاندىرۋدى الدىمەن جۇزەگە اسىرۋ كەرەك. ەگەر ءىرى تۇرپاتتى اۋىل شارۋاشىلىعى ماشينالارىن ساتىپ الىپ، ەگىس جۇمىستارىن جۇرگىزسە، شارۋا وتباسىلارى قارسى الاتىنى داۋسىز، ونىڭ ۇستىنە قوسىمشا قاراجاتقا دا يە بولادى.

  وسىنداي ويعا كەلگەن ۋاڭ يۇڭساي دەرەۋ ىسكە كىرىستى، ول قىستاقتاعى بىرنەشە شارۋا وتباسىمەن بىرگە اۋىل شارۋاشىلىعى ماشينالارى بازارىنا كەلىپ، بىرنەشە كۇن ارالاپ كورىپ، ەڭ سوڭىندا ”دۇڭفاڭحۇڭ“ تۇرپاتتى جوعارى ات كۇشىندىك تراكتوردى تاڭدايدى. سول كەزدە وسى جوعارى ات كۇشىندىك تراكتوردى ساتىپ العاندا، مەملەكەت 113 مىڭ يۋان قوسىمشا قاراجات بەردى، ۋاڭ يۇڭساي مەن بىرنەشە شارۋا وتباسى 120 مىڭ يۋان شىعاردى. ”اۋىل شارۋاشىلىعى ماشينالارىن ساتىپ الۋدا ءبىر جولدا بەرىلەتىن قارجى ۇسىنىلىمى ءبىرشاما مول، شارۋالاردىڭ كىرىسى تومەن، ساتىپ الۋ قۋاتى شەكتى، اۋىل شارۋاشىلىعى ماشينالارىن ساتىپ الۋعا قوسىمشا قاراجات بەرۋ ساياساتىنىڭ اتقارىلۋى بىزدەي اۋىل شارۋاشىلىعى ماشينالارى وتباسىلارىنا شىنىندا زور كومەك جاساعاندىق بولدى“، - دەدى ۋاڭ يۇڭساي.

  كەيىن، ۇلى ۋاڭ بينشاڭنىڭ ات سالىسۋىمەن، ۋاڭ يۇڭساي وسىزاماندانعان اۋىل شارۋاشىلىعى ماشينالارىنان ءبىر توبىن ىركەس - تىركەس ساتىپ الدى. ونىڭ وتباسى جەرگىلىكتى ورىنداعى اتى شىققان اۋىل شارۋاشىلىعى ماشينالارىمەن اينالىساتىن ءىرى وتباسىنا اينالىپ، ءار جىلى اۋىل شارۋاشىلىعى ماشينالارى ارقىلى تاباتىن كىرىسى دەرلىك 200 − 300 مىڭ يۋان اينالاسىندا بولدى.

  ۋاڭ بينشاڭ اكەسى ۋاڭ يۇڭسايعا قىستاقتا اۋىل شارۋاشىلىعى ماشينالارى كاسىپتىك سەلبەستىك كووپەراتيۆىن قۇرىپ، اۋىل شارۋاشىلىعى ماشينالارىمەن اينالىساتىن وتباسىلاردى ۇيىمداستىرسا، ءارى ءاربىرىنىڭ ارتىقشىلىعىن ساۋلەلەندىرۋگە، ءارى بىرلەسىپ دامۋعا، ”ماشينالار“ ارقىلى اقشا تابۋعا بولاتىندىعى جونىندە ۇسىنىس بەرەدى. ۋاڭ بينشاڭ بىلاي دەدى: ”سەلبەستىك كووپەراتيۆى ارقىلى، ءبىر تۇتاس ورنالاستىرۋ، تەحنيكالىق ولشەمدى بىرلىككە كەلتىرۋ، ءبىر تۇتاس باعامەن اقى الۋ، اۋىل شارۋاشىلىعى ماشينالارى بايلىعىن بىرىكتىرىپ، بىرلەسىپ دامۋدى جۇزەگە اسىرىپ قالماستان، جەرگىلىكتى ورىننىڭ اۋىل شارۋاشىلىعىن وسىزامانداندىرۋىن جەبەپ، شارۋالاردىڭ كىرىسىن ارتتىرۋعا دا ءتيىمدى“.

  ۋاڭ بينشاڭ قازىر جۇمىستاردى ءبىر ءوزى دەڭگەلەك اينالدىراتىن بولدى، ول قازىر نەگىزىنەن اۋىل شارۋاشىلىعى ماشينالارىن جۇرگىزۋ مەن كاسىپتىك بايلانىس جاساۋعا جاۋاپتى. بىلتىر، ول كومبايىنىن جالعىز ءوزى ايداپ شىحىزىعا، باركولگە بارىپ، ءبىر ادام ءبىر جىلدا 20 مىڭ مۋ ەگىس داقىلىن ورۋ رەكوردىن جاراتتى، قازىر ونىڭ ات - اتاعى اكەسى مەن اتاسىنان قالىسپايدى.

  ”قازىر مەملەكەتتىڭ ساياساتى وسىنشاما جاقسى، مەن، ءسوز جوق، اكەمنىڭ اۋىل شارۋاشىلىعى ماشينالارى وداعىن قۇرۋىنا كومەكتەسىپ، وتباسىمىزدىڭ ءۇش ۇرپاق ادامدارىنىڭ ’اۋىل شارۋاشىلىعى ماشينالارى ارمانىن‘ جالعاي بەرەمىن“. ۋاڭ بينشاڭ بىلاي دەدى: ”قازىر شونجى اۋدانىندا ءتۇرلى اۋىل شارۋاشىلىعى ماشينالارى كاسىپتىك وتباسىلارى 2100، اۋىل شارۋاشىلىعى سەلبەستىك كووپەراتيۆى 181، جەرگىلىكتى ورىندا اۋىل شارۋاشىلىعى ماشينالارى وداعىن قۇرىپ، اۋىل شارۋاشىلىعى سەلبەستىك كووپەراتيۆى مەن اۋىل شارۋاشىلىعى ماشينالارى وتباسىلارىن بىرلەستىرىپ، جەرگىلىكتى ورىنداعى اۋىل شارۋاشىلىعىنىڭ ءونىمىن اناعۇرلىم جوعارىلاتىپ، شارۋالاردىڭ كىرىسىن ارتتىرۋعا كۇش قوسۋدى ءۇمىت ەتەمىن“.

جاۋاپتى رەداكتور : سايراش تۇرارجان قىزى

ەسكەرتۋ:

تورابىمىزداعى مازمۇنداردى پايدالانۋعا تۋرا كەلگەندە، ءسوزسىز جازباشا رۇقساتقا يە بولۋ كەرەك. مازمۇنداردى رۇقساتسىز جالعاپ تاراتۋعا، كەسىپ رەداكسيالاۋعا، وزگەرتۋگە، قىسقارتىپ قۇراستىرۋعا، باسقا ورىنعا كوشىرۋگە نەمەسە باسقا تاسىلدەرمەن كوبەيتۋگە ءارى تاراتۋعا بولمايدى، قايشى كەلگەندەردىڭ زاڭدىق جاۋاپكەرشىلىگى زاڭ بويىنشا قۋزاستىرىلادى.

  • وسى كەزەكتى جۇڭگو − ازيا - ەۆروپا كورمەسى تۇڭعىش رەت نەگىزگى قوناق ولكەلەردى بەلگىلەدى
  • تاپسىرىس ونىمدەردى جەدەل ءوندىرىپ، قامداۋدى قامتاماسىز ەتتى
  • جىلدىق مىندەتتى ءساتتى ورىنداۋعا شىنايى كەپىلدىك ەتتى
  • شينجياڭ جۇڭتاي توبى دۇنيە جۇزىندەگى 500 قۋاتتى كاسىپورىن قاتارىنا ءوتتى
  • جەل - جارىق ەنەرگياسى ءوزارا تولىقتىردى