تيانشان تورى
تيانشان تورى   ›   جاڭالىقتار   ›   سۋرەتتى حابار

تيانجين قالاسىنىڭ پارتيا، ۇكىمەت ۋاكىلدەر ۇيىرمەسى شينجياڭعا كەلىپ، باعىتتامالى كومەكتەسۋ قىزمەتىن تەكسەردى

لي حۇڭجۇڭ، چىن چۋانگو، جاڭ گوچيڭ، شوكىرات زاكىر، يىن حىجۇن، لي پىڭشين قيمىلعا قاتىناستى

  8 - ايدىڭ 19 - كۇنىنەن 20 - كۇنىنە دەيىن، تيانجين قالالىق پارتكومنىڭ شۋجيى لي حۇڭجۇڭ، قالالىق پارتكومنىڭ ورىنباسار شۋجيى، قالا باستىعى جاڭ گوچيڭ تيانجين قالاسىنىڭ پارتيا، ۇكىمەت ۋاكىلدەر ۇيىرمەسىن باستاپ شينجياڭعا كەلىپ، باعىتتامالى كومەكتەسۋ قىزمەتىن تەكسەردى، ۇشتاستىردى. سۋرەتتە: تيانجين قالالىق پارتكومنىڭ شۋجيى لي حۇڭجۇڭ، اۆتونوميالى رايوندىق پارتكومنىڭ شۋجيى چىن چۋانگو، تيانجين قالالىق پارتكومنىڭ ورىنباسار شۋجيى، قالا باستىعى جاڭ گوچيڭ شەريا اۋدانى شەريا اۋىلى ماحمالى قىستاعىندا ءماتسايىم نيازدىڭ وتباسىنا بارىپ احۋال ۇعىسىپ، حال سۇرادى. سۋرەتتى ءتىلشى سۇي جىجيان تۇسىرگەن

  ءتىلشى ياۋ تۇڭ 8 - ايدىڭ 20 - كۇنى حوتاننان حابارلايدى. 8 - ايدىڭ 19 - كۇنىنەن 20 - كۇنىنە دەيىن، تيانجين قالالىق پارتكومنىڭ شۋجيى لي حۇڭجۇڭ، قالالىق پارتكومنىڭ ورىنباسار شۋجيى، قالا باستىعى جاڭ گوچيڭ تيانجين قالاسىنىڭ پارتيا، ۇكىمەت ۋاكىلدەر ۇيىرمەسىن باستاپ شينجياڭعا كەلىپ، باعىتتامالى كومەكتەسۋ قىزمەتىن تەكسەردى، ۇشتاستىردى. اۆتونوميالى رايوندىق پارتكومنىڭ شۋجيى چىن چۋانگو، اۆتونوميالى رايوندىق پارتكومنىڭ ورىنباسار شۋجيى، اۆتونوميالى رايوننىڭ ءتوراعاسى شوكىرات زاكىر، تيانجين قالالىق پارتكومنىڭ ورىنباسار شۋجيى يىن حىجۇن، اۆتونوميالى رايوندىق پارتكومنىڭ ورىنباسار شۋجيى لي پىڭشين قيمىلعا قاتىناستى.

  شينجياڭداعى كەزىندە تيانجين قالاسىنىڭ پارتيا، ۇكىمەت ۋاكىلدەر ۇيىرمەسى ىلگەرىندى - كەيىندى حوتان ايماعىنىڭ حوتان قالاسىنا، نيە اۋدانىنا، كەريا اۋدانىنا، شەريا اۋدانىنا، حوتان كاسىپتىك تەحنيكالىق شۋەيۋانىنا كەلىپ، كاسىپورىن، اۋىل - قىستاق، مەكتەپ، شارۋا وتباسىلارى، بالاباقشا سياقتىلاردى ىشكەرىلەي ارالاپ، جەرگىلىكتى ورىننىڭ ورنىقتىلىق، دامۋ جاعدايىن تاپتەشتەي ۇعىسىپ، شينجياڭعا كومەكتەسۋ نىساندارىنىڭ ىلگەرىلەۋ جاعدايىن جۇمىس باسىندا تەكسەرىپ، نەگىزگى ساتىداعى از ۇلت بۇقاراسىنان احۋال ۇعىسىپ، شينجياڭعا كومەككە كەلگەن كادرلارعا، دارىندىلارعا امانداستى، ولاردان حال سۇرادى.

  لي حۇڭجۇڭ تەكسەرۋ - زەرتتەۋ كەزىندە بىلاي دەپ اتاپ كورسەتتى: شينجياڭ پارتيا مەن مەملەكەت قىزمەتىنىڭ جالپى جاعدايىندا ەرەكشە ماڭىزدى ستراتەگيالىق ورىنعا يە. تاياۋ جىلداردان بەرى، شينجياڭ ۇيعۇر اۆتونوميالى رايوندىق پارتكوم مەن ۇكىمەت باس شۋجي شي جينپيڭنىڭ شينجياڭ قىزمەتى جونىندەگى ماڭىزدى ءسوزىنىڭ جانە ماڭىزدى نۇسقاۋىنىڭ رۋحىن، جاڭا داۋىردەگى پارتيانىڭ شينجياڭدى جونگە سالۋ جالپى جوباسىن باتىل دايەكتىلەندىرىپ، تياناقتاندىرىپ، ەكونوميكالىق دامۋ، قوعام ورنىقتىلىعى، ۇلتتار ىنتىماعى ىستەرىندە كورنەكتى ناتيجەگە قول جەتكىزدى، اسىرەسە، شينجياڭداعى ءار ۇلت كادر، بۇقارا قىزمەتىنە ادال بولىپ، قالتقىسىز ۇلەس قوسىپ، بۇكىل ەلدىڭ كەلەلى جاعدايىنا وراسان زور ۇلەس قوستى. شينجياڭعا باعىتتامالى كومەكتەسۋ شي جينپيڭ جولداستى ۇيتقى ەتكەن پارتيا ورتالىق كوميتەتى تيانجينگە جۇكتەگەن كەلەلى ساياسي جاۋاپكەرشىلىك جانە داڭقتى بورىش. ءبىز شي جينپيڭنىڭ جاڭا ءداۋىر جۇڭگوشا سوتسياليزم يدەياسىن جەتەكشى ەتىپ، ”ەكىنى قورعاۋ“ بيىك دەڭگەيىندە تۇرىپ، باس شۋجي شي جينپيڭنىڭ ماڭىزدى نۇسقاۋىن جانە پارتيا ورتالىق كوميتەتىنىڭ شەشىمدەرىن، ورنالاستىرۋلارىن باتىل دايەكتىلەندىرىپ، تياناقتاندىرىپ، شەشۋشى شايقاس جۇرگىزۋ، شەشۋشى جەڭىسكە قول جەتكىزۋ باتىلدىعىمەن، نازاردى كەدەيلىكتەن دالمە - ءدال ارىلتۋعا شوعىرلاندىرىپ، جالپى بەتتىك دەڭگەيدى ءوسىرىپ، كۇش ۇستەپ، ءتۇرلى قىزمەتتى تىڭعىلىقتى ويداعىداي ىستەيمىز. نازاردى ”ەكىدەن تارىقتىرماۋ، ءۇشتى قامتاماسىز ەتۋ“گە شوعىرلاندىرىپ، اناعۇرلىم كوپ قارجىنى، بايلىقتى نيە اۋدانىنداعى، كەريا اۋدانىنداعى، شەريا اۋدانىنداعى اۋىر كەدەي قىستاقتارعا جانە كەدەيلەرگە بەيىمدەيمىز. كادر - دارىندى، مادەنيەت، وقۋ - اعارتۋ، كاسىپ - نىسان، ەمدەۋ - دەنساۋلىق ساقتاۋ ارقىلى شينجياڭعا كومەكتەسۋدى ويداعىداي يگەرىپ، تۇتىنۋ ارقىلى كەدەيلەردى سۇيەمەلدەۋ تەبىنىن ارتتىرىپ، تيانجيننىڭ كاسىپتىك وقۋ - اعارتۋ ارتىقشىلىعىن ويداعىداي ساۋلەلەندىرەمىز. جۇرت تىلەگىن ۇيىستىرۋ جاعىنا كۇش سالىپ، قىزمەتتى شىن نيەتپەن، شىنايى سۇيىسپەنشىلىكپەن ورىستەتىپ، جۇپ قۇراپ، تۋىس بولۋ قيمىلىن تەرەڭدەتىپ، ەكى جەردەگى بۇقارانىڭ ارالاسۋىن، ىشتەسۋىن، توعىسۋىن كۇشەيتىپ، ءار ۇلتتىڭ اناردىڭ دانىندەي تىعىز ۇيىسۋىن جەبەيمىز. شينجياڭ مەن تيانجيننىڭ ءبىرىن - ءبىرى تولىقتاۋ سيپاتى كۇشتى، ءبىز وسى رەتكى ۇيرەنۋ، تەكسەرۋدى وراي، باعىتتامالى كومەكتەسۋدى دانەكەر ەتىپ، ەكى جەردىڭ سەلبەستىگىن اناعۇرلىم تەرەڭدەتىپ، ءوزارا پايدا جەتكىزىپ، تەڭ يگىلىككە كەنەلۋدى، بىرگە دامۋدى جۇزەگە اسىرامىز.

  تەكسەرۋ - زەرتتەۋ كەزىندە، چىن چۋانگو اۆتونوميالى رايوندىق پارتكوم مەن ۇكىمەت جانە تۇتاس رايونداعى ءار ۇلت حالقى اتىنان، تيانجين قالاسىنىڭ پارتيا، ۇكىمەت ۋاكىلدەر ۇيىرمەسىنىڭ شينجياڭعا كەلىپ قىزمەت تەكسەرگەندىگىن قىزۋ قارسى الاتىندىعىن ءبىلدىردى، تيانجين قالاسىنىڭ ۇزاق ۋاقىتتان بەرى شينجياڭعا زور كۇشپەن قولداۋ كورسەتكەندىگىنە جانە قالتقىسىز جاردەم بەرگەندىگىنە شىن جۇرەكتەن العىس ايتتى. چىن چۋانگو بىلاي دەدى: تيانجين قالاسى شي جينپيڭنىڭ جاڭا ءداۋىر جۇڭگوشا سوتسياليزم يدەياسىن ىشكەرىلەي ۇيرەنىپ، دايەكتىلەندىرىپ، باس شۋجي شي جينپيڭنىڭ تيانجين جونىنەن العا قويعان ”ۇشكە كۇش سالۋ“دى دايەكتىلەندىرىپ، تياناقتاندىرىپ، جاڭالىق اشا دامىعان، اشىق، قامتىمدى، ەكولوگياسى قونىسقا جايلى، دەموكراتيالى، زاڭمەن جونگە سالىنعان، وركەنيەتتى، باقىتتى وسىزاماندانعان تيانجين قۇرۋ ساپارىندا نىق قادام باستى. ءبىز شىن جۇرەكتەن قۇتتىقتايمىز.

  چىن چۋانگو بىلاي دەدى: تيانجين قالالىق پارتكوم مەن قالالىق ۇكىمەت باس شۋجي شي جينپيڭنىڭ تاپسىرماسىن باستان - اياق ەستە بەرىك ساقتاپ، پارتيا ورتالىق كوميتەتىنىڭ جاڭا داۋىردەگى شينجياڭعا باعىتتامالى كومەكتەسۋ قىزمەتى جونىندەگى شەشىمدەرىن، ورنالاستىرۋلارىن باتىل دايەكتىلەندىرىپ، تياناقتاندىرىپ، باعىتتامالى كومەكتەسۋ قىزمەتىن كەلەلى ساياسي جاۋاپكەرشىلىك ەتىپ، ماڭىزدى ورىنعا قويىپ، ۇزدىكسىز زەيىن - زەردە، كۇش - قۋات، سۇيىسپەنشىلىك ارناپ، جان - جاقتىلى، كوپ ساتىلى، كەڭ ءورىستى شينجياڭعا باعىتتامالى كومەكتەسۋ قىزمەت ارناسىن قالىپتاستىرىپ، حوتان ايماعىنىڭ جاراسىمدىلىعىن، ورنىقتىلىعىن، كەدەيلىكتەن ارىلتۋدان قامال الۋىن، حالىق تۇرمىسىن جاقسارتۋىن، ەكونوميكالىق دامۋىن، ۇلتتار ىنتىماعىن پارمەندى جەبەپ، شينجياڭعا باعىتتامالى كومەكتەسۋدىڭ جالپىلىق ونىمدىلىگىن ەڭ جوعارى شەكتە ۇلعايتىپ، شينجياڭنىڭ ورنىقتىلىعىنا، دامۋىنا ماڭىزدى ۇلەس قوستى، شينجياڭداعى ءار ۇلت حالقى شىن جۇرەگىمەن العىس ايتادى. شينجياڭ شي جينپيڭنىڭ جاڭا ءداۋىر جۇڭگوشا سوتسياليزم يدەياسىن جەتەكشى ەتۋگە تاباندى بولىپ، ”ءتورت تانىم“دى اناعۇرلىم كۇشەيتىپ، ”ءتورت سەنىم“دى بەكەمدەپ، ”ەكىنى قورعاۋ“دى ورىنداپ، جاڭا داۋىردەگى پارتيانىڭ شينجياڭدى جونگە سالۋ جالپى جوباسىن، اسىرەسە، قوعام ورنىقتىلىعى مەن باياندى تىنىشتىق باس نىساناسىن ىشكەرىلەي دايەكتىلەندىرىپ، 7 - رەتكى بۇكىل مەملەكەتتىك شينجياڭعا باعىتتامالى كومەكتەسۋ قىزمەت ءماجىلىسىنىڭ ورنالاستىرۋىن تىڭعىلىقتى تياناقتاندىرىپ، نەگىزگى تۇلعالىق رولدى ويداعىداي ساۋلەلەندىرىپ، شينجياڭعا كومەكتەسۋ ارتىقشىلىعىنان بەلسەنە ويداعىداي پايدالانىپ، تيانجيننىڭ وزىق تاجىريبەسىنەن كىشى پەيىلدىلىكپەن ۇيرەنىپ، ۇلگى الىپ، تيانجينمەن ءار سالاداعى ناقتى ىستەر سەلبەستىگىن شىنايى كۇشەيتىپ، شينجياڭنىڭ ورنىقتىلىق، دامۋ قىزمەتتەرىن قۇلشىنا ويداعىداي ىستەپ، ۇزدىك ناتيجەلەر ارقىلى جاڭا جۇڭگو قۇرىلعاندىعىنىڭ 70 جىلدىعىن قۇتتىقتاپ، تيانجين حالقىنىڭ قالتقىسىز كومەگىنىڭ قارىمجىسىن قايتارادى.

  تيانجين قالاسىنىڭ باسشىلارىنان لي ي، لياڭ باۋميڭ، لي شۋچي، اۆتونوميالى رايوننىڭ باسشىلارىنان ءمۇتاللىپ قاسىم، ءمۇتاللىپ وبۇل جوعارىداعى قيمىلدارعا قاتىناستى.

جاۋاپتى رەداكتور : سايراش تۇرارجان قىزى

ەسكەرتۋ:

تورابىمىزداعى مازمۇنداردى پايدالانۋعا تۋرا كەلگەندە، ءسوزسىز جازباشا رۇقساتقا يە بولۋ كەرەك. مازمۇنداردى رۇقساتسىز جالعاپ تاراتۋعا، كەسىپ رەداكسيالاۋعا، وزگەرتۋگە، قىسقارتىپ قۇراستىرۋعا، باسقا ورىنعا كوشىرۋگە نەمەسە باسقا تاسىلدەرمەن كوبەيتۋگە ءارى تاراتۋعا بولمايدى، قايشى كەلگەندەردىڭ زاڭدىق جاۋاپكەرشىلىگى زاڭ بويىنشا قۋزاستىرىلادى.