8-ايدىڭ 19-كۇنى بەيجيڭنەن بەرگەن حابارى (ٴتىلشى ۋان يۇيفىڭ): وقۋ-اعارتۋ مينيسترلىگى 2020-جىلعى مەملەكەتتىك ماگيسترلىق اسپيرانتتىققا تىزىمدەلۋ جانە ەمتيحان الۋ ۋاقىتىن جاريالادى. العاشقى سىناق ۋاقىتى 2019-جىلى 12-ايدىڭ 21-كۇنىنەن 22-كۇنىنە دەيىن بولادى. «2020-جىلعى مەملەكەتتىك ماگيستر اسپيرانتتىققا وقۋشى قابىلداۋ قىزمەتىن باسقارۋ بەلگىلەمەسىنە» نەگىزدەلگەندە، توراپتا تىزىمدەلۋ ۋاقىتى 10-ايدىڭ 10-كۇنىنەن 31-كۇنىنە دەيىن ( ٴار كۇنى ساعات 9:00دان 22:00گە دەيىن) بولادى. ەمتيحان بەرۋشىلەر بەلگىلەنگەن ۋاقىتتا «جۇڭگو اسپيرانتتىققا وقۋشى قابىلداۋ ينفورماتسيا تورىنا» (ۇكىمەتتىك تور ٴادىرىسى: http：//yz.chsi.com.cn ، وقۋ-اعارتۋ تورىنىڭ ٴادىرىسى: http://yz.chsi.cn ) تىزىمدەلۋى كەرەك .
ماگيستر اسپيرانتتىققا وقۋشى قابىلداۋ ەمتيحانىنا تىزىمدەلۋ توردا تىزىمدەلۋ جانە ناق مايداندا تۇراقتاندىرۋ سىندى ەكى ساتىنى قامتيدى. ماگيستر اسپيرانتتىققا وقۋشى قابىلداۋ ەمتيحانىنا قاتىناسقان بارلىق وقۋشى توردا تىزىمدەلۋى ٴارى ەمتيحان بەرۋ ورنىنا بارىپ توردا تىزىمدەلگەن ينفورماتسياسىن تۇراقتاندىرىپ، ٴوزىنىڭ سۋرەتى سياقتى قاتىستى ەلەكتروندىق ينفورماتسيالاردى جيناۋى، سونىمەن بىرگە بەلگىلەمە بويىنشا ەمتيحان اقىسىن تاپسىرۋى كەرەك .
ۇعىسۋعا قاراعاندا، ەمتيحان بەرۋشىلەردىڭ وقۋشى قابىلداۋ ساياساتىن تۇسىنۋىنە كومەكتەسۋ بەرۋ ٴۇشىن، اسپيرانتتىققا وقۋشى قابىلدايتىن ورىندار 9-ايدىڭ 19-كۇنىنەن 23-كۇنىنە دەيىن «اسپيرانىتتىققا قابىلداۋ تورىندا» 2020-جىلعى مەملەكەتتىك ماگيسترلىق اسپيرانتتىققا وقۋشى قابىلداۋدى ۇگىتتەۋ، كەڭەس بەرۋ اپتالىعى قيمىلىن ورىستەتىپ، اسپيرانتتىققا وقۋشى قابىلداۋ ورىندارى توراپتا وقۋشىلاردىڭ قاتىستى سۇراۋىنا جاۋاپ بەرەدى ەكەن .
اۋدارعان: قادىر ماقان
