تيانشان تورى   ›   جاڭالىقتار   ›   شينجياڭعا باعىتتامالى كومەكتەسۋ

9 جىل بويى شينجياڭعا كومەكتەسكەنىنە وكىنبەدى، شەكارا وڭىرگە ”كەرپىش“ بولىپ قالاندى

− حىنان ولكەسىنەن شينجياڭعا كومەككە كەلگەن كادر، قۇمىل كاسىپتىك تەحنيكا شۋەيۋانىنىڭ ورىنباسار باستىعى ليۋ جىحۋاي جونىندە

جانىمىزداعى ۇلگىلەر

 ەرىكتى ءتىلشى حاۋ جيڭ

  جاز ورتاسى كەزى، قۇمىل كاسىپتىك تەحنيكا شۋەيۋانىندا، ۇنەمى ءبىر ادامنىڭ بارانىن كورەمىز، شىلىڭگىر ىستىققا قاقتالىپ، شۋەيۋاننىڭ وقىتۋ عيماراتى مەن قۇمىل يۇيشين ەنەرگيا كاسىبىن زەرتتەۋ ورنىنىڭ اراسىندا اسىعىس - ۇسىگىس كەتىپ بارا جاتادى، ول ليۋ جىحۋاي ەدى.

  ليۋ جىحۋاي قۇمىل كاسىپتىك تەحنيكا شۋەيۋانى پارتكومىنىڭ مۇشەسى، ورىنباسار مەكتەپ باستىعى، حىنان جاراتىلىستىق عىلىمدار داشۋەسى وسى زامانعى وقۋ - اعارتۋ تەحنيكا ورتالىعىنىڭ ۇنەمىلىك ىستەرگە جاۋاپتى ورىنباسار مەڭگەرۋشىسى، اعا ينجەنەر، جۇڭگو كوممۋنيستىك پارتياسى 19 - رەتكى مەملەكەتتىك ۋاكىلدەر قۇرىلتايىنىڭ ۋاكىلى. ول ءۇرتىس 3 رەت شينجياڭعا كومەككە كەلدى، 6 - رەتكى بۇكىل مەملەكەتتىك شينجياڭعا باعىتتامالى كومەكتەسۋ قىزمەت ماجىلىسىندە ”مەملەكەتتىك شينجياڭعا باعىتتامالى كومەكتەسۋدەگى وزات جەكە“ داڭق اتاعى بەرىلدى.

  ”بيىل شۋەيۋانىمىز وقۋشى قابىلداۋ كولەمىن كەڭەيتىپ، جاڭادان قابىلدانعان وقۋشى سانى 1200گە جەتتى، ءبىز دەمالىس مەزگىلىنەن پايدالانىپ، جاڭا وقۋشىلاردى قارسى الۋ دايىندىق قىزمەتىنە الدىن الا كىرىسىپ، وقىتۋ جانە ازىق - تۇلىك، جاتىن ورىن سياقتىلاردى مۇمكىندىگىنشە ەرتەرەك ورنالاستىردىق؛ كاسىپ زەرتتەۋ ورنىنىڭ كەڭسەلەردىڭ ىشكى - سىرتقى سايكەستى قۇرىلىسىنا مەردىگەر شاقىرۋ جانە اشەكەيلەۋ قىزمەتى دە بىرگە ورىستەتىلۋدە، سوندىقتان وسى دەمالىستا ءبىز قاتتى قاربالاسپىز“، - دەيدى ليۋ جىحۋاي.

  2010 - جىلى 12 - ايدا، ليۋ جىحۋاي 7 - توپتا شينجياڭعا كومەكتەسۋگە كەلگەن كادر رەتىندە، العاش قۇمىلعا كەلىپ، قۇمىل كاسىپتىك وقۋ - اعارتۋ رەفورماسى دامۋىنىڭ شەشۋشى كەزەڭىنە جولىقتى. ول بىلاي دەدى: ”شينجياڭعا كومەكتەسۋ قىزمەتىندە مەن ۇلكەن ءىس ىستەمەسەم دە، ەشتەڭە بىتىرمەي قاراپ وتىرۋىما استە بولمايدى“. 9 جىل بويىندا، ليۋ جىحۋاي رياسىز كوڭىلمەن، قۇمىل كاسىپتىك وقۋ - اعارتۋ ىستەرىنە ات سالىسىپ، ارەكەتى ارقىلى شينجياڭعا كومەكتەسۋگە كەلگەن ءبىر كادردىڭ كاسىبىن قۇرمەتتەۋىن جانە ۇلەس قوسۋىن ايگىلەدى.

  شينجياڭعا كومەكتەسۋ مەزگىلىندە، ليۋ جىحۋاي ىلگەرىندى - كەيىندى قۇمىل كاسىپتىك تەحنيكا شۋەيۋانى جاڭا مەكتەپ رايونى قۇرىلىسى، مەملەكەتتىك ورتا دارەجەلى كاسىپتىك مەكتەپتەردىڭ رەفورما جاساۋدان، دامۋدان ۇلگى كورسەتەتىن قۇرىلىسى، حىنان جاراتىلىستىق عىلىمدار داشۋەسى مەن قۇمىل كاسىپتىك تەحنيكا شۋەيۋانى سەلبەسىپ بىرگە قۇرعان ەنەرگيا كاسىبىن زەرتتەۋ ورنىن سالۋ سياقتى قىزمەتتەرگە قاتىناستى.

  2011 - جىلى، قۇمىل كاسىپتىك تەحنيكا مەكتەبى مەملەكەتتىك جانە اۆتونوميالى رايوندىق ورتا دارەجەلى كاسىپتىك مەكتەپتەردىڭ رەفورما جاساۋدان، دامۋدان ۇلگى كورسەتەتىن مەكتەپ قۇرىلىسى بارىسىندا، ليۋ جىحۋاي ”سيفرلانعان مەكتەپ اۋلاسى ەرەكشە نىسانى“ قۇرىلىسى مىندەتىن ىرىقتىلىقپەن ۇستىنە الدى. سول كەزدە كاسىپتىك تەحنيكتەر جەتىسپەگەندىكتەن، ول جوبانى ءوزى جاسادى جانە اتقارۋعا ۇيىمداستىردى. 3 جىلدان استام ۋاقىتتا، 12 قوسالقى نىساندى ورتاعا قويدى، ءاربىر نىسان تۇگەلدەي تالداۋ جاساپ، زەرتتەۋ جۇرگىزۋدى، جوبا نۇسقاسىن جاساۋ، ماماندار دالەلدەۋ، مەردىگەر شاقىرۋعا قاتىناسۋ، توقتامعا قول قويۋ، جۇمىس جۇرگىزۋدى سايكەستىرۋ، قورىتىندى جاساۋ، تەكسەرىپ وتكىزىپ الۋ سياقتىلاردى قاجەت ەتەدى، ليۋ جىحۋاي ءتۇرلى جوبا جوبالارىنىڭ، مەردىگەر شاقىرۋ حۇجاتتارىنىڭ، اتقارۋ جوباسىنىڭ العاشقى نۇسقاسىن جازۋ، دايىنداۋدا جيىنى 500 مىڭ ارىپتەن استام ماتەريال دايىندادى. ”مەن ليۋ ورىنباسار مەكتەپ باستىعىنىڭ كاسىبىن قاستەرلەۋ رۋحىنان تەرەڭ اسەرلەندىم“، - دەيدى قۇمىل كاسىپتىك تەحنيكا شۋەيۋانى ينفورماتسيا توراپ ورتالىعىنىڭ ورىنباسار مەڭگەرۋشىسى ليۋ نا.

  ادال ەڭبەك، اشتى تەردىڭ جەمىسى ءتاتتى بولدى، 2014 - جىلى، جوعارى يقۋاتتى، شينجياڭداعى ماڭداي الدى، مەملەكەتتىك ۇقساس تۇردەگى مەكتەپتەردىڭ الدىڭعى قاتارىندا تۇراتىن سيفرلاسقان مەكتەپ اۋلاسى قۇرىلدى. سول جىلى 6 - ايدا، ورتا دارەجەلى كاسىپتىك مەكتەپ بولعان قۇمىل كاسىپتىك تەحنيكا مەكتەبىنىڭ دارەجەسى ءوسىپ، ءساتتى تۇردە قۇمىل كاسىپتىك تەحنيكا شۋەيۋانىنا اينالدى.

  جوعارى دارەجەلى كاسىپتىك شۋەيۋانعا اينالعاننان كەيىن، وقىتۋشىلارعا قويىلاتىن تالاپ اناعۇرلىم جوعارى، اناعۇرلىم قاتاڭ بولدى. وقىتۋشىلار قوسىنىنىڭ قۋاتىن كۇشەيتۋ ءۇشىن، ليۋ جىحۋاي ”ۇيرەتۋ، كومەكتەسۋ، جەتەكتەۋ“ رولىن ساۋلەلەندىرۋگە باسا ءمان بەرىپ، 8 تەحنيكتىڭ كاسىپتىك دەڭگەيىن جوعارىلاتۋىنا كومەكتەستى. ول تاعى شۋەيۋانداعى شينجياڭعا كومەكتەسۋگە كەلگەن بارلىق كادردان ساباق ءوتۋ، ۇلگى كورسەتۋ، ناقتى ىستەۋ ارقىلى وزىندەگى تەحنيكانى، ۇستانىمدى جەرگىلىكتى وقىتۋشىلارعا ۇيرەتۋدى تالاپ ەتتى. ليۋ جىحۋايدىڭ ۇلگى كورسەتىپ جەتەكتەۋىندە، 10 كاسىپتىك وقىتۋ ۇجىمىن قۇرىپ، شۋەيۋانعا ساپاسى جوعارى وقىتۋشىلار قوسىنى مەن تەحنيكالىق دارىندىلار قوسىنىن ازىرلەپ بەردى.

  ”شينجياڭعا كومەكتەسۋگە كەلگەن كادرلار حىنان - قۇمىل اۋىس - كۇيىسىنىڭ كوپىرى جانە دانەكەرى بولۋى كەرەك“. ليۋ جىحۋاي وسىلاي دەدى ءارى وسىلاي ىستەدى. قۇمىل كاسىپتىك تەحنيكا مەكتەبىنە العاش كەلگەن كەزدە، مەكتەپتەگى ماگيستر اسپيرانتتىق وقۋ تاريحىنا يە وقىتۋشى بەسەۋ عانا ەدى. ول ءوزىن جىبەرگەن ورىن حىنان جاراتىلىستىق عىلىمدار داشۋەسىمەن سايكەسىپ، قۇمىل كاسىپتىك تەحنيكا شۋەيۋانىنا ارناۋلى كاسىپتىك وقۋ تاريحى كەمشىل 23 وقىتۋشىنى، 15 ينجەنەريا ماگيسترىن باۋلىپ، قۇنى 600 مىڭ يۋاندىق وقىتۋ جابدىعىمەن قامدادى. وسىدان سوڭ، تاعى دا قۇمىل كاسىپتىك تەحنيكا شۋەيۋانىنان حىنان جاراتىلىستىق عىلىمدار داشۋەسى حات ارقىلى وقىتۋ پۋنكتىن قۇرىپ، 2015 - جىلدان باستاپ وقۋشى قابىلدادى. ليۋ جىحۋاي تاعى كوپ جاقتان دوكتور، پروفەسسور ۇسىنىس ەتىپ قۇمىل كاسىپتىك تەحنيكا شۋەيۋانىنىڭ تەحنيكالىق قيىن تاقىرىپتاردى شەشۋ، ارناۋلى تاقىرىپتا لەكسيا اشۋ، ارناۋلى تاقىرىپتا سايت جاساۋ سياقتىلارعا كومەكتەسىپ، شۋەيۋاننىڭ ىقپالىن جوعارىلاتۋعا كومەكتەستى.

  قۇمىل قالاسىنىڭ كەن ونىمدەرى بايلىعى مول، الايدا ەنەرگيا زەرتتەۋ قۇرىلىمى جوق بولاتىن، وسى اقتاڭداقتى تولتىرۋ ءۇشىن، ليۋ جىحۋايدىڭ قۇلشىنۋىندا، حىنان جاراتىلىستىق عىلىمدار داشۋەسى قۇمىل كاسىپتىك تەحنيكا شۋەيۋانىمەن سەلبەسىپ بىرگە قۇرعان قۇمىل يۇيشين جاڭا ەنەرگيا كاسىبىن زەرتتەۋ ورنى 2014 - جىلى رەسمي قۇرىلىپ، ىلگەرىندى - كەيىندى شينجياڭعا كومەكتەسۋ قارجىسىنان 41 ميلليون يۋان قوستى. بۇگىنگى كۇندە، كاسىپ زەرتتەۋ ورنىنىڭ تۇلعالىق ينجەنەرياسى سالىنىپ بولدى، سايكەستى قۇرىلعىلارىن اشەكەيلەپ بولعاننان كەيىن پايدالانۋعا بەرىلەدى.

  ”قۇمىلدا مەن قيىپ كەتە المايتىن كاسىبىم بار. مەكتەپ قۇرىلىسى بىرەر كۇننىڭ شارۋاسى ەمەس، سيفرلانعان مەكتەپ اۋلاسى ەرەكشە نىسانى العاشقى باسقىشتا تۇر، ەنەرگيا كاسىبىن زەرتتەۋ ورنى سالىنۋ ۇستىندە... قۇددى ءبىر بالانى باعىپ وسىرگەنىڭ سياقتى، ونىڭ بۇعاناسى قاتپاي تۇرىپ، ايىرىلۋعا قالاي شىدارمىن“. 3 رەتكى شينجياڭعا كومەكتەسۋدىڭ ءمان - جايىن تىلگە العاندا، ليۋ جىحۋاي ءبىراز تولقىپ كەتتى.9 جىل بويى شينجياڭعا كومەكتەسىپ، وتباسىنداعىلاردان الىستا ءجۇردى. الايدا شۋەيۋاننىڭ وسى بىرنەشە جىلداعى جەر مەن كوكتەي وزگەرىسىن كورگەندە، ليۋ جىحۋاي ءوز ەڭبەگىنىڭ تەككە كەتپەگەنىن سەزدى. ”مەن قۇمىلدىڭ كاسىپتىك تەحنيكالىق وقۋ - اعارتۋىنىڭ دامۋى بارىسىنا كەرپىش بولىپ قالانىپ، بالالاردىڭ مەكتەپتە تاماشا تاربيە الىپ، ءوزىن دامىتىپ، قوعامعا ۇلەس قوسىپ، حالىققا باقىت جاراتۋ قابىلەتىنە يە بولۋىنا مۇمكىندىك جاراتقاندىعىمدى، ءوزىمنىڭ شينجياڭعا كومەكتەسۋ جولىمنىڭ توتەنشە ءماندى بولعاندىعىن سەزىندىم“، - دەيدى ليۋ جىحۋاي.

جاۋاپتى رەداكتور : سايراش تۇرارجان قىزى

ەسكەرتۋ:

تورابىمىزداعى مازمۇنداردى پايدالانۋعا تۋرا كەلگەندە، ءسوزسىز جازباشا رۇقساتقا يە بولۋ كەرەك. مازمۇنداردى رۇقساتسىز جالعاپ تاراتۋعا، كەسىپ رەداكسيالاۋعا، وزگەرتۋگە، قىسقارتىپ قۇراستىرۋعا، باسقا ورىنعا كوشىرۋگە نەمەسە باسقا تاسىلدەرمەن كوبەيتۋگە ءارى تاراتۋعا بولمايدى، قايشى كەلگەندەردىڭ زاڭدىق جاۋاپكەرشىلىگى زاڭ بويىنشا قۋزاستىرىلادى.

  • وسى كەزەكتى جۇڭگو − ازيا - ەۆروپا كورمەسى تۇڭعىش رەت نەگىزگى قوناق ولكەلەردى بەلگىلەدى
  • تاپسىرىس ونىمدەردى جەدەل ءوندىرىپ، قامداۋدى قامتاماسىز ەتتى
  • جىلدىق مىندەتتى ءساتتى ورىنداۋعا شىنايى كەپىلدىك ەتتى
  • شينجياڭ جۇڭتاي توبى دۇنيە جۇزىندەگى 500 قۋاتتى كاسىپورىن قاتارىنا ءوتتى
  • جەل - جارىق ەنەرگياسى ءوزارا تولىقتىردى