قىزىلسۋ قىرعىز اۆتونوميالى وبلىستىق 1 - ورتا مەكتەپتىڭ وقىتۋشىسى
ميھىرگۇل اكبار
2008 - جىلى پارتيانىڭ حالىققا تيىمدىلىك جاساۋ ساياساتىنىڭ نۇر - شۇعىلاسىندا مەن قۇلشىنۋ ارقىلى ىشكى ولكەدەگى شينجياڭ تولىق ورتا كلاسىنا قابىلدانىپ، دۇڭگۋان جوعارى دارەجەلى ورتا مەكتەپتە ءار ۇلت ساباقتاستارمەن بىرگە ۇيرەنەتىن تۇرمىستى باستادىم، ىشكى ولكەدەگى شينجياڭ تولىق ورتا كلاسىنان وقۋ تاۋىسقاننان كەيىن، مەن ىشكى ولكەدەگى داشۋەگە قابىلداندىم. ىشكى ولكەدەگى شينجياڭ تولىق ورتا كلاسىنا وقۋعا تۇسۋدەن بۇرىن جۇڭحۋا ۇلتىنىڭ كوپ ۇلتتان قۇرام تاباتىنىن بىلسەمداعى، تۇرمىس اياسىنىڭ شەكتى، سىرتپەن قارىم - قاتىناستىڭ از بولۋى سەبەبىنەن كوپ ۇلت دەيتىن ۇعىم جونىنەن ەشقانداي تىكە اسەرىم جوق ەدى. ىشكى ولكەدە 8 جىل ءبىلىم الۋ بارىسىندا مەن حانزۋ، موڭعۇل، چاۋشيان، حۇيزۋ، قازاق سياقتى تۇرلىشە ۇلت ساباقتاستارمەن قارىم - قاتىناس جاساپ، ولارمەن دوستاسىپ، ءوزارا ۇيرەنىپ، بىرگە العا باستىم. مەن دە ويعا شۇلەن جۇڭحۋا مادەنيەتىن ونان ارى سەزىنىپ، ۇلتتار ىنتىماعىنىڭ كۇش - قۋاتى مەن ونىڭ ماڭىزدىلىعىن تانىپ جەتتىم.
مەنىڭ ءار ۇلت اعا - باۋىر، اپەكە - سىڭلىلەرمەن بىرگە ۇيرەنۋىم، بىرگە جەتىلۋىم پارتيانىڭ قامقورلىق جاساۋى مەن باۋلۋىنان ايرىلا المايدى. مەن جۇڭگو كوممۋنيستىك پارتياسىنىڭ باسشىلىعى بولماسا، قۇدىرەتتى ەلىمىزدىڭ بولمايتىنىن، شينجياڭنىڭ گۇلدەنۋى مەن دامۋىنىڭ بولمايتىنىن، ءار ۇلت بۇقاراسىنىڭ باقىتتى تۇرمىسىنىڭ تىپتەن بولمايتىنىن تەرەڭ تانىپ جەتتىم.
داشۋەدەن وقۋ تاۋىسقاننان كەيىن، اۋىلىما قايتىپ حالىق وقىتۋشىسى بولدىم. مەكتەبىمىز ”ۇلتتار ىنتىماعىنىڭ بەرەكەلى شاڭىراعى“ قيمىلى جانە ۇلتتار ىنتىماعى بىرلەسكەن دوستىق قيمىلىن ورىستەتكەننەن بەرى، تۋىسىمنىڭ ۇيىنە بارىپ ولارمەن بىرگە تاماقتانىپ، بىرگە تۇرىپ، بىرگە ەڭبەك ىستەپ، بىرگە ۇيرەندىم. تۋىسىم اقتاۋ اۋدانى ۇجمە اۋىلى جاڭا ايماق قىستاعىنىڭ تۇرعىنى ابدۇقيۇم راشيدين. تۋىسىمنىڭ ۇيىنە تۇرمىستىق بۇيىمدار اپارىپ بەرىپ، ولارمەن بىرگە ءۇي شارۋاسىن ىستەپ، اڭگىمەلەسىپ، بىرگە كوڭىل اشىپ، بىرگە ۇيرەندىم. سونىمەن قاتار، تۋىسىما پارتيانىڭ حالىققا تيىمدىلىك جاساۋ ساياساتتارىن جانە زاڭ ەرەجە بىلىمدەردى ۇگىتتەدىم. ”ۇلتتار ىنتىماعىنىڭ بەرەكەلى شاڭىراعى“ قيمىلى جانە ۇلتتار ىنتىماعى بىرلەسكەن دوستىق قيمىلىنىڭ ورىستەتىلۋى ارقىلى مەن ءار ۇلتتىڭ اناردىڭ دانىندەي تىعىز ۇيىسۋى كەرەكتىگىن، ۇلتتار ىنتىماعىن كوزىمىزدىڭ قاراشىعىن قورعاعانداي قورعاۋىمىز كەرەكتىگىن، ۇلتتار ىنتىماعىن ءومىرىمىزدى قاستەرلەگەندەي قاستەرلەۋىمىز كەرەكتىگىن، تۋىسىمىزدى جاقىنىمىزعا بالاپ، ولاردىڭ قيىنشىلىعىن ءوز قيىنشىلىعىمىز ساناپ، شىن پەيىلىمىزبەن ولارمەن بىرگە تۇرمىس كەشىرىپ، بىرگە ۇيرەنگەنىمىزدە، شىن مانىندە ءبىر ءۇيلى جانداي بولا الاتىندىعىمىزدى ونان ارى سەزىندىم.
ۇلتتار ىنتىماعى − شينجياڭداعى ءار ۇلت حالقىنىڭ جانى، شينجياڭداعى ءار ۇلت حالقىنىڭ ءتۇبىرلى مۇددەسىنىڭ توركىنى، شينجياڭداعى ءار ۇلت حالقىنىڭ زەيىن - زەردەنى، كۇش - قۋاتتى ۇيىستىرۋداعى كىرىسۋ ءتۇيىنى جانە تابان تىرەر تياناعى. شينجياڭنىڭ دامۋ بارىسىنا قايىرىلا قاراساق، ۇلتتار ىنتىماعى جاقسى بولسا، قوعامنىڭ جاراسىمدى، ورنىقتى بولاتىنىن، ەكونوميكانىڭ اقاۋسىز داميتىنىن؛ كەرىسىنشە بولسا، قوعامدا ورنىقسىزدىق تۋىلاتىنىن، ەكونوميكالىق قۇرىلىس پەن ىستەردىڭ ىقپالعا ۇشىرايتىنىن كورۋگە بولادى. ءبىز كۇن شۇعىلاسىنىڭ نۇرعا بولەگەنىندەي بۇكىل قوعامدا ۇلتتار ىنتىماعى ۇگىت - تاربيەسىن كەڭىنەن، ىشكەرىلەي جاقسى ورىستەتۋىمىز؛ اۋانى تازارتقانداي ۇلتتار ىنتىماعىنا ءتيىمسىز بارلىق ءسوز - ارەكەتكە باتىل قارسى تۇرۋىمىز؛ سۋ قاينارىن قورعاعانداي ۇلتتار ىنتىماعىنىڭ نەگىزىن بەكەمدەپ، ءار ۇلت بۇقاراسىنىڭ اناردىڭ دانىندەي تىعىز ۇيىسۋىن جەبەۋىمىز كەرەك.
