ءتىلشىمىز ۋ پىڭ 8 - ايدىڭ 21 - كۇنى حابارلايدى. ءٴتىلشىنىڭ شينجياڭ بايىنعولىن موڭعۇل اۆتونوميالى وبلىسى كورلا قالالىق پارتكوم ۇگىت بولىمىنەن ۇعىسۋىنشا، «2019- جىلعى جۇڭگوداعى باقىت سەزىمى ەڭ كۇشتى قالانى» تەكسەرۋ، تاڭداپ كورسەتۋ قيمىلى تاياۋدا بەيجيڭدە باستالعان، كورلا قالاسى «2019-جىلعى جۇڭگوداعى ەڭ باقىتتى قالا»، اۋدان دارەجەلى 100 قالا (رايوننىڭ) كانديدات تىزىمدىگىنە ەنگەن.
«جۇڭگوداعى ەڭ باقىتتى قالانى» تەكسەرىپ، تاڭداپ كورسەتۋ قيمىلىن شينحۋا اگەنتتىگىنىڭ «شىعىسقا نازار اپتالىق جۋرنالى» مەن لياۋۋاڭ اقىلماندار قامباسى بىرگە باسقارىپ ، قازىرگە دەيىن ٴءۇرتىس 12 جىل وتكىزىپ، باقىت سەزىمى كۇشتى 60 نەشە قالانى تاڭداپ شىقتى. بيىلعى نەگىزگى تاقىرىپ «ايبىندى 70 جىل، باقىتتى جاڭا ٴءداۋىر» بولىپ، قالانىڭ حالىقتى وزەك ەتىپ، جوعارى ساپالى دامۋدى ىلگەرىلەتۋ ناتيجەلەرىن شوعىرلى تۇردە ايگىلەدى.
سوڭعى جىلدارى، كورلا ورنىقتىلىق بارىسىندا ىلگەرىلەۋ سىندى باستى اۋەننەن جازباي، جاڭا دامۋ ۇستانىمىنا تاباندى بولىپ، ەكونوميكانىڭ جوعارى ساپالى دامۋىنا قاراي قادام تاستادى، حالىق تۇرمىسىنىڭ باقىت كورسەتكىشى ۇزدىكسىز ارتىپ، ەكولوگيالىق ورتا ۇزدىكسىز جاقسارىپ، بۇقارانىڭ تابىس سەزىمى، باقىت سەزىمى، حاۋىپسىزدىك سەزىمى ۇزدىكسىز جوعارىلادى. كورلا ىلگەرىندى ـ كەيىندى مەملەكەتتىك تازا قالا، مەملەكەتتىك باۋ ـ باقشا قالاسى، مەملەكەتتىك قورشاعان ورتانى قورعاۋداعى ۇلگىلى قالا، جۇڭگونىڭ قونىستانۋدان ۇلگى كورسەتۋ سيلىعى، مەملەكەتتىك وركەنيەتتى قالا سياقتى اتاقتارعا يە بولدى.
«2019-جىلعى جۇڭگوداعى باقىت سەزىمى ەڭ كۇشتى قالا» كانديداتتارىن تاڭداۋدا ۇيىمداستىرۋ كوميتەتى بۇرىنعى جىلدارداعى جۇڭگوداعى ەڭ باقىتتى قالا ٴءتىزىمىن جيناقتاپ، سونداي - اق جۇڭگو قوعامدىق عىلىمدار اكادەمياسى قازىنا - ەكونوميكا ستراتەگيالىق زەرتتەۋ ورنى قاتارلى قۇرىلىمداردىڭ بۇرىنعى جىلدارى جاريالاعان «جۇڭگو قالالارىنىڭ باسەكەلىك قۋاتى جونىندەگى دوكلاتى» جانە جۇڭگو قوعامدىق عىلىمدار اكادەمياسى باسقاراتىن ورتا، شاعىن قالالاردىڭ ەكونوميكالىق دامۋ كوميتەتى سەكىلدى قۇرىلىمدارى جاريالاعان «2018 - جىلعى مەملەكەتتىك ۋنيۆەرسال قۋاتى 100 مىقتى اۋدان ، قالا ، (رايون) » قاتارلى تىزىمدىك نەگىزىندە ، ەڭ سوڭىندا 100 ايماق دارەجەلى جانە ودان جوعارى قالا جانە اۋدان دارەجەلى 100 قالا (رايونىن) تاڭدادى . كورلا قالاسى اۋدان دارەجەلى 100 قالا (رايوننىڭ) تىزىمدىگىنە كىردى.
ۇعىسۋعا قاراعاندا، وسى جىلعى تەكسەرۋ ، تاڭداپ كورسەتۋ قيمىلى ٴءىرى ساندى مالىمەتتەردى جيناۋ جانە تالداۋ جۇرگىزۋ نەگىزىندە، بۇقارالىق تەكسەرۋ، سونداي ـ اق ماتەريالداردى مالىمدەۋ سياقتى جەلىلەس قىزمەتتەر ارقىلى سۋبيەكتيۆ تەكسەرۋ مەن وبيەكتيۆ ساندى مالىمەتتەردى تەكسەرۋدى ٴءوزارا ۇشتاستىرىپ، كاسىپتىك باعالاۋ قۇرىلىمى مەن باعالاۋ كوميسسياسى بىرگە تۇراقتاندىرىپ، ەڭ سوڭعى «2019-جىلعى جۇڭگوداعى باقىت سەزىمى ەڭ كۇشتى قالا» تىزىمدىگى 11 - ايدا جاريالانادى ەكەن.
اۋدارعان: مەيىربان جاپاربەك (پراكتيكانت)
