تيانشان تورى   ›   جاڭالىقتار   ›   شينجياڭ حابارلارى

رايونىمىزدىڭ ەمدەۋ - دەنساۋلىق ساقتاۋ جۇيەسى ارناۋلى رەتتەۋ - وڭاۋ قىزمەتىن تىڭعىلىقتى ىلگەرىلەتتى

  ءتىلشى چاۋ جين، پراكتيكانت جاڭ شياۋحان 8 - ايدىڭ 23 - كۇنى ۇرىمجىدەن حابارلايدى. ەمدەۋ قامسىزداندىرۋىنىڭ تولەۋ كولەمىنە تاعى 10 تۇردەگى تۋبەركۋلەز بويىنشا دياگنوز قويۋ جانە ەمدەۋ نىسانى ەنگىزىلدى؛ بۇقارانىڭ اڭىسى كۇشتى بولعان شيپاحانا ماڭىنداعى ”قارا“ جەدەل جاردەم كولىگى كوزدەن عايىپ بولدى...

  نەگىزگى تاقىرىپتىق تاربيەدە رايونىمىزدىڭ ەمدەۋ - دەنساۋلىق ساقتاۋ جۇيەسى نازاردى ەمدەۋ قامسىزداندىرۋى قورىنىڭ حاۋىپسىزدىگى، ءدارى تۇتىنۋ اۋىرتپالىعى اۋىر بولۋ، قىزمەت وتەۋى قولايسىز بولۋ سياقتى بۇقارانىڭ اڭىسى كۇشتى بولعان ماسەلەلەرگە شوعىرلاندىرىپ، ەمدەۋ - دەنساۋلىق ساقتاۋ سالاسىنداعى ارناۋلى رەتتەۋ - وڭاۋ قىزمەتىن بەلسەنە ىلگەرىلەتىپ، ءار ۇلت بۇقاراسىن ناۋقاسىن كورسەتۋ، ەمدەلۋ بارىسىندا اناعۇرلىم تىكە، اناعۇرلىم ناقتى تابىس سەزىمىنە، حاۋىپسىزدىك سەزىمىنە كەنەلتتى.

  8 - ايدىڭ 20 - كۇنى قاشقار قالاسىنىڭ تۇرعىنى ءرانادا (ەسىمى وزگەرتىپ الىندى) اۋىق - اۋىق جوتەلۋ، قاقىرىق جوتەل، ءىسىنۋ، قىزۋ سياقتى اۋرۋ بەلگىلەرى پايدا بولعاندىقتان، قاشقار ايماقتىق 1 - حالىق شيپاحاناسىنا بارىپ ەمدەلەدى، شيپاگەر وعان تۋبەركۋلەزبەن جۇعىمدالۋ T كلەتكالىق تەكسەرۋ جاساتۋدى ۇسىنىس ەتەدى. ”بۇل تەكسەرۋدى بۇرىن ماڭىمداعى ادامدار جاساتقان، اقىسى ەداۋىر جوعارى بولاتىن، شيپاگەر ماعان قازىر %100 ەسەپتەن كوتەرتۋگە بولاتىنىن ايتتى“، - دەدى ءرانا ناۋقاسىنىڭ جازىلاتىنىنا تولىق سەنىم ارتىپ.

  نەگىزگى تاقىرىپتىق تاربيەدە اۆتونوميالى رايوندىق ەمدەۋ قامتاماسىز ەتۋ مەكەمەسى ”ەكىدەن تارىقتىرماۋ، ءۇشتى قامتاماسىز ەتۋ“مەن تىعىز ۇشتاستىرىپ، تۋبەركۋلەز بويىنشا دياگنوز قويۋ جانە ەمدەۋ نىسانىن ءبىر - بىرلەپ دالەلدەپ، اقىسىن ەسەپتەدى. تەكسەرۋ - زەرتتەۋ نەگىزىندە، اۆتونوميالى رايوندىق دەنساۋلىق ساقتاۋ، سالاماتتىق كوميتەتى مەن ەمدەۋ قامتاماسىز ەتۋ مەكەمەسى بىرلەسىپ حابارلاندىرۋ جاريالاپ، تۋبەركۋلەزبەن جۇعىمدالۋ T كلەتكالىق تەكسەرۋدى قامتىعان 10 تۇردەگى تۋبەركۋلەز بويىنشا دياگنوز قويۋ جانە ەمدەۋ نىسانىن نەگىزگى ەمدەۋ قامسىزداندىرۋىنىڭ تولەۋ كولەمىنە ەنگىزىپ، امبولاتوريادا دياگنوز قويۋ جانە ەمدەلۋ اقىسىن ءىس جۇزىندە %100 ەسەپتەن كوتەرۋ، شيپاحاناعا جاتىپ ەمدەلۋ اقىسىن ءىس جۇزىندە %90 ەسەپتەن كوتەرۋدى اتقاراتىن بولدى.

  شيپاحانا ماڭىنداعى ”قارا“ جەدەل جاردەم كولىگى جەدەل جاردەم كولىگى اتىن جامىلىپ، ناۋقاستاردىڭ ينفورماتسياسىن ساۋدالاپ، بۇقارانىڭ مۇددەسىنە زيان جەتكىزدى، بۇقارانىڭ بۇل جونىندەگى اڭىسى كۇشتى بولدى. ارناۋلى رەتتەۋ - وڭاۋ بارىسىندا ءۇرىمجى قالالىق دەنساۋلىق ساقتاۋ، سالاماتتىق كوميتەتى قالالىق قوعام حاۋىپسىزدىگى مەكەمەسىنىڭ قاتىناس ساقشى تارماق اترەتىمەن بىرلەسىپ، بۇكىل قالاداعى 349 جەدەل جاردەم كولىگىنىڭ سىرتىنا ءبىر تۇتاس بەلگى سالدى ءارى ەرەكشە اۆتوكولىكتەردى پارىقتاۋ كۋالىگى كارتچكاسىن تاراتتى. ”120 رەسمي سايتىندا ءۇرىمجى قالاسىنىڭ جەدەل جاردەم كولىگىن پارىقتاۋ تۇعىرى اشىلدى، قالا تۇرعىندارى اۆتوكولىك ءنومىرى ارقىلى شىن - جالعانىن تەكسەرۋىنە بولادى“، - دەدى ءۇرىمجى قالالىق دەنساۋلىق ساقتاۋ، سالاماتتىق كوميتەتى دەنساۋلىق ساقتاۋ، توتەنشە جاعدايعا توتەپ بەرۋ جانە حاۋىپسىزدىكتى قورعاۋ باسقارماسىنىڭ ورىنباسار باستىعى گاۋ جيە تانىستىرا، ەمدەۋ - دەنساۋلىق ساقتاۋ تاراۋلارى ”ءبىردى باسقارۋ، ءبىردى رەتتەۋ“ سياقتى شارالار ارقىلى ”قارا“ جەدەل جاردەم كولىگى جايتتەرىن تۇبىرىنەن رەتتەپ - وڭادى ءارى جەدەل جاردەم كولىگىنىڭ مەڭگەرىلمەلى قىزمەت وتەۋ جۇيەسىن قاراستىرىپ، ورناتىپ، زاڭدى جەدەل جاردەم كولىگى بازارىنىڭ قىزمەت وتەۋى ارقىلى زاڭسىز ”قارا“ جەدەل جاردەم كولىگىنىڭ قىزمەت وتەۋىن قۋىپ شىعارىپ، ناۋقاستاردىڭ قاجەتىن قاناعاتتاندىردى.

  سونىمەن قاتار، نەگىزگى تاقىرىپتىق تاربيەدە قاداعالانعان شيپاگەرلەر ءمورالى، شيپاگەرلەر ستيلى، ءدارى - دارمەك ساتىپ الۋ - ساتىپ بەرۋ، ەمدەۋمەن قىزمەت وتەۋ، مەديتسينالىق اكىمشىلىك باسقارۋ سياقتى ناۋقاستاردىڭ اڭىسى كۇشتى بولعان ماسەلەلەرگە ساي، اۆتونوميالى رايونداعى ەمدەۋ - دەنساۋلىق ساقتاۋ جۇيەسى كوپ رەت ارناۋلى تاقىرىپتىق ءماجىلىس اشىپ، اقىلداسىپ، جوبا بەلگىلەپ، ارناۋلى رەتتەۋ - وڭاۋ ورىستەتتى. اۆتونوميالى رايوندىق دەنساۋلىق ساقتاۋ، سالاماتتىق كوميتەتى مەديتسينالىق اكىمشىلىك، مەديتسينالىق باسقارۋ باسقارماسىنىڭ باستىعى فىڭ دۇڭ بىلاي دەدى: ەمدەۋ - دەنساۋلىق ساقتاۋ جۇيەسى «ەمدەۋ - دەنساۋلىق ساقتاۋ كاسىبىنىڭ ستيل قۇرىلىسىنداعى ”9 تيىمدى“ كۇشەيتۋ»دى قاتاڭ تياناقتاندىرىپ، ەمدەۋ الدامكوستىگى، جالعان ۇگىت، الباتى اقى الۋ، ەمدەۋ قامسىزداندىرۋى قاراجاتىن الداپ الۋ سياقتى ەمدەۋدەگى بەيبەرەكەت جاعدايلارعا قاتاڭ سوققى بەرىپ جانە رەتتەپ - وڭاپ، كاسىپ سالاسى ورتاسىن تازارتتى. بۇقاراعا نەگىزگى تاقىرىپتىق تاربيەنىڭ ارناۋلى رەتتەۋ - وڭاۋى الا كەلگەن ونىمدىلىكتى سەزىندىرىپ، بۇقارانىڭ ناۋقاسىن كورسەتىپ ەمدەلۋىندەگى تابىس سەزىمىن، باقىت سەزىمىن، حاۋىپسىزدىك سەزىمىن كۇشەيتتى.

جاۋاپتى رەداكتور : سايراش تۇرارجان

ەسكەرتۋ:

تورابىمىزداعى مازمۇنداردىڭ مەنشىك ۇقىعى شينجياڭ ۇيعۇر اۆتونوميالى رايوندىق حالىق ۇكىمەتى اقپارات كەڭسەسىنە ءتان، جاريالانعان مازمۇنداردى سىلتەمەسىز كوشىرۋگە بولمايدى. كوشىرىپ پايدالانۋعا تۋرا كەلگەندە، «تيانشان تورى » الىنعانى انىق ەسكەرتىلۋى ءتيىس، بولماسا زاڭدىق جاۋاپكەرلىگى قۋزاستىرىلادى.

  • وڭتۇستىك شينجياڭنان ەكسپورت ەتىلگەن زاتتار جۇڭگو - ەۆروپا كەزەكشى پويەزدەرىمەن ”باتىسقا شىعارىلدى“
  • باتىس سولتۇستىك مۇناي الابى: جوعارى ساپالى دامۋدىڭ ەنەرگيا جاۋابىن قۇلشىنا جازۋدا
  • كورلانىڭ ەرىكتى قىزمەت وتەۋى وركەنيەت ماركاسىنا اينالدى