تيانشان تورى   ›   جاڭالىقتار   ›   ەل ءىشى حابارى

اۋەلگى ماقساتتى، بورىشتى ەستە بەرىك ساقتاپ، جەڭىسكە جەتۋ قابىلەتىن جوعارىلاتتى

− ءتوراعا شي جينپيڭنىڭ اۋە ارمياسى بەلگىلى بازاسىن كوزدەن كەشىرگەن كەزدە سويلەگەن ماڭىزدى ءسوزى ازاتتىق ارميا مەن قارۋلى ساقشى بولىمدەرىندە كۇشتى اڭىس قوزعادى

 شينحۋا اگەنتتىگىنىڭ ءتىلشىسى جاڭ ميمي

  8 - ايدىڭ 22 - كۇنى جۇڭگو كوممۋنيستىك پارتياسى ورتالىق كوميتەتىنىڭ باس شۋجيى، مەملەكەت ءتوراعاسى، ورتالىق اسكەري ىستەر كوميتەتىنىڭ ءتوراعاسى شي جينپيڭ اۋە ارمياسىنىڭ بەلگىلى بازاسىن كوزدەن كەشىرگەندە مىنانى باسا دارىپتەدى: جاڭا ءداۋىر جۇڭگوشا سوتسياليزم يدەياسى مەن جاڭا داۋىردەگى پارتيانىڭ ارميانى قۇدىرەتتەندىرۋ يدەياسىن ىشكەرىلەي ۇيرەنىپ، دايەكتىلەندىرىپ، جاڭا داۋىردەگى اسكەري ىستەر ستراتەگيالىق باعىتىن ىشكەرىلەي دايەكتىلەندىرىپ، اۋەلگى ماقساتتى، بورىشتى ەستە بەرىك ساقتاپ، جەڭىسكە جەتۋ قابىلەتىن جوعارىلاتىپ، ۇزدىك ناتيجەمەن جاڭا جۇڭگو قۇرىلعاندىعىنىڭ 70 جىلدىعىن قۇتتىقتاۋ كەرەك.

  ءتوراعا شي جينپيڭنىڭ ماڭىزدى ءسوزى ازاتتىق ارميا مەن قارۋلى ساقشى بولىمدەرىندە كۇشتى اڭىس قوزعادى. قالىڭ كوماندير - جاۋىنگەرلەر جابال مىنانى ءبىلدىردى: ءتوراعا شي جينپيڭنىڭ ىقىلاستى تاپسىرماسىن ءار دايىم ەستە بەرىك ساقتاپ، ءداستۇردى ساۋلەلەندىرىپ، قاسيەتتى ساقتاپ، شىنايى قامقورلىقتى اسكەر جاتتىقتىرىپ، سوعىسقا دايىندالۋدىڭ ءىس جۇزىندىك ارەكەتىنە اينالدىرىپ، زەيىن - زەردەنى شوعىرلاندىرىپ، جۇمىس تىندىرىپ ناتيجە شىعارىپ، پارتيا مەن حالىق جۇكتەگەن بورىش پەن مىندەتتى ويداعىداي ورىنداپ، ۇزدىك ناتيجەمەن جاڭا جۇڭگو قۇرىلعاندىعىنىڭ 70 جىلدىعىنا سي تارتۋ ەتەمىز.

■ ”اۋەلگى ماقساتتى ۇمىتپاۋ، بورىشتى ەستە بەرىك ساقتاۋ“

  ”ءتوراعا شي جينپيڭمەن بەينە جازبا ارقىلى سويلەسۋ، ءبىز ءۇشىن شەكسىز داڭق“، - دەدى اۋە ارمياسى بەلگىلى رادار پۋنكتىنىڭ جەتەكشىسى لي جۇن.

  8 - ايدىڭ 22 - كۇنى، ءتوراعا شي جينپيڭ بەينە جازبا ارقىلى اسكەري ءبولىمدى كورىپ، رادار پۋنكتىندەگى كوماندير - جاۋىنگەرلەردىڭ قىزمەت، تۇرمىس جاعدايىن ۇعىسىپ، ولاردى ءداستۇردى ساۋلەلەندىرىپ، قاسيەتتى ساقتاپ، بەرىك ساپانى شىڭداپ، ادالدىقپەن بورىش وتەپ، جاۋاپكەرشىلىكتى ادا ەتۋگە شابىتتاندىردى. سول كۇنى كەشتە، رادار پۋنكتى ءتوراعا شي جينپيڭنىڭ ىقىلاستى شابىتتاندىرۋى توڭىرەگىندە، پارتيا شاعىن گرۋپپاسى ءماجىلىسىن اشىپ، قىزۋ تالقى ورىستەتتى. اۋەلگى ماقساتقا قايىرىلا قاراپ، بولاشاققا كوز تاستاپ، كوماندير - جاۋىنگەرلەر كۇش ۇستىنە كۇش قوسىپ، ۇستىرتكە تامىر تارتىپ، ەڭبەك ءسىڭىرىپ، ۇزدىك ليان - دۇي قۇرۋعا قۇلشىنىپ، وتانىمىزدىڭ كوگىلدىر اسپانىن ويداعىداي قورعايتىندىقتارىن جابال ءبىلدىردى.

  تولىق فاكتورلى شۇعىل جاعدايلىق جىلجىمالى شايقاس جاتتىعۋىنا قاۋىرت دايىندالىپ جاتقان ورتا بولىك سوعىس رايونى اۋە ارمياسى جەردەن اۋەگە اتىلاتىن باسقارىلمالى بومبى بەلگىلى لۇيى ”قاھارماندار يىڭى“نىڭ كوماندير - جاۋىنگەرلەرى شەپتە ءتوراعا شي جينپيڭنىڭ ماڭىزدى ءسوزىن ۇيرەندى. يىڭنىڭ ساياسي جەتەكشىسى ما شياۋدۇڭ بىلاي دەدى: قاھارمانداردىڭ مۇراگەرلەرى رەتىندە، قىزىل گەنگە، ءسوز جوق، سانالى تۇردە ويداعىداي مۇراگەرلىك ەتىپ، كوسەمنىڭ تاپسىرۋى بويىنشا، سەنىمدى بەكەمدەپ، شىنايى يگەرىپ، ناقتاپ ىستەپ، جاۋدى جەڭەتىن ناعىز قابىلەت، ۇستەم ونەر جەتىلدىرۋىمىز كەرەك.

  اۋە ارمياسى حاربين ۇشقىشتار شۋەيۋانى ۇشقىشتاردى ۇيىمداستىرىپ، 1000 شاقىرىم شالعايداعى شىعىس سولتۇستىك بايىرعى اۆياتسيا مەكتەبىنىڭ كونە جۇرتىنا اپارىپ، ”ءتۇپ توركىندى ىزدەۋ ساپارى“ تاربيە قيمىلىن ورىستەتىپ، حالىق اۋە ارمياسىنىڭ العاش ۇشقان جەرىندە اعا بۋىن اۋە ارمياسىنىڭ اۋەلگى ماقساتى مەن بورىشىن ۇعىندىردى. ”ءتوراعا شي جينپيڭنىڭ ماڭىزدى ءسوزى بىزگە زور شابىت بەردى، اۋە ارمياسىنىڭ ۇشقىشى رەتىندە، ءبىز ءتوراعانىڭ تاپسىرماسىن، ءسوز جوق، ەستە بەرىك ساقتاپ، ۇشۋ اۋەلگى ماقساتىن ۇمىتپاي، 10 مىڭ شاقىرىم بيىككە ۇشساق تا باعدارىمىزدان جازبايمىز“، - دەدى ۇشقىش يە يۇيۋاڭ.

■ ”وقيعا بولا قالسا شەپكە اتتانۋعا، جەڭىپ شىعۋعا شىنايى كەپىلدىك ەتۋ“

  قۇرىش قاناتتارىمەن اينالسوقتاي ۇشتى، وق - ءدارى ءتۇتىنى تورلادى، ۇستىرتتەگى بەلگىلى بەيتانىس ءوڭىر، ءبىر تىك ۇشاق اعاشتاردىڭ توبەسىنەن جاناي ءوتىپ، مىندەت وتەيتىن اۋە كەڭىستىگىنە قاراي ۇشىپ، سوعىس مايدانىندا ىزدەۋ - قۇتقارۋ جاتتىعۋىن ورىستەتتى. بۇل − اۋە ارمياسى بەلگىلى تاسىمال ىزدەۋ - قۇتقارۋ تۋانىنداعى كوماندير - جاۋىنگەرلەردىڭ ءتوراعا شي جينپيڭنىڭ شىنايى قامقورلىعىن جەڭىپ شىعۋ ناعىز ونەرىنە اينالدىرۋداعى ءىس جۇزىندىك ارەكەتى.

  تۇتاس ارمياداعى ۇشاقپەن تۇقىم شاشىپ ورمان ءوسىرۋ مىندەتىن ەڭ ەرتەدە اتقارعان بىردەن - ءبىر اسكەري قوسىن رەتىندە، بۇل تۋان 30 نەشە جىلدى ءبىر كۇنگىدەي وتكىزىپ، باتىس بولىكتەگى ءشول جازيرانى جاسىلداندىردى. تۋانجاڭ رىن يۇڭجۇن بىلاي دەدى:”ءتوراعا شي جينپيڭنىڭ ىقىلاستى ماڭىزدى تاپسىرماسى − ءبىزدى قۇلشىنا العا باسۋعا جەبەيتىن سارقىلماس قوزعاۋشى كۇش. ءبىز ەكولوگيالىق قۇرىلىس بارىسىندا ماڭىزدى مىندەت ارقالاپ قانا قالماستان، ونان دا ماڭىزدىسى، نازاردى بولاشاق شايقاس مايدانىنا شوعىرلاندىرىپ، ’تۇتاس وڭىرلىك يكەمدى، دالمە - ءدال، جوعارى ءونىمدى بولۋ‘داي ىزدەۋ، قۇتقارۋ قابىلەتىن جەتىلدىرۋىمىز كەرەك“.

  بەلگىلى جاڭا تۇرپاتتى باسقارىلمالى بومبىنى سىناق ەتۋ مىندەتىن اتقارىپ جاتقان راكەتا ارمياسى بەلگىلى باسقارىلمالى بومبى لۇيى تەحنيكا 1 - يىڭىنىڭ كوماندير - جاۋىنگەرلەرى ”جەر استى ايداعار سارايى“ندا ءتوراعا شي جينپيڭنىڭ ماڭىزدى ءسوزىن ىشكەرىلەي ۇيرەنىپ، يگەردى. راكەتا ارمياسىنىڭ ”100 جاقسى بانجاڭ ۇلگىسى“، 1 - دارەجەلى جۇنشىجاڭى ياڭ جۇن بىلاي دەدى: ”كوسەمنىڭ ىقىلاستى تاپسىرماسى شابىت بولۋمەن بىرگە، مۇنان دا ماڭىزدىسى، جەبەۋ بولدى، ءبىز جاۋاپكەرلىك سەزىم مەن كوكەي تەستىلىك سەزىمدى كۇشەيتىپ، توسەلگەن شەبەرلىككە تىڭعىلىقتى شىڭدالىپ، ارميانى قۇدىرەتتەندىرۋ اۋىر مىندەتىن ارقالاپ، اسكەري ءبولىمنىڭ كەز كەلگەن ۋاقىتتا شايقاسا الاتىن، ءدال ۋاعىندا اتا الاتىن، ءونىمدى تۇردە كۇيرەتە الاتىن وزەكتى قابىلەتىن جوعارىلاتۋىمىز كەرەك“.

  دۇڭحاي تەڭىزىنىڭ بەلگىلى تەڭىز ايدىنىندا سوعىس دايىندىعى شارلاۋ مىندەتىن اتقارىپ جاتقان شىعىس بولىك سوعىس رايونى تەڭىز ارمياسى بەلگىلى قۋعىنداۋشى كەمە تارماق اترەتىنىڭ جىڭجوۋ سوعىس كەمەسىندە كوماندير - جاۋىنگەرلەردى تەڭىزدە ءتوراعا شي جينپيڭنىڭ ماڭىزدى ءسوزىن تىڭداۋعا، تەلەۆيزوردا كورۋگە ۇيىمداستىردى. جۇڭگونىڭ تۇڭعىش ايەل پراكتيكانت سوعىس كەمە باستىعى ۋي حۇيشياۋ بىلاي دەدى: ءتوراعا شي جينپيڭنىڭ ماڭىزدى ءسوزى جىگەردى تاسقىنداتىپ، شەكسىز تەبىرەنتەدى، كۇشتى بورىشتىلىق سەزىم مەن جاۋاپكەرلىك سەزىم جۇرەكتە تۋلادى. دۇڭحاي تەڭىزىندە ءبىرىنشى شەپتى كۇزەتىپ جاتقان اتويشى اسكەري ءبولىم رەتىندە، ءبىز ءتوراعا شي جينپيڭنىڭ تاپسىرماسى بويىنشا كۇردەلى ورتادا جاتتىعۋدى مىقتى يگەرىپ، مۇمكىندىگى ەرەكشە شەكتى جاعدايدا جاتتىعۋدى مىقتى يگەرىپ، اسكەري ىستەر جاتتىعۋىنىڭ ناقتى سوعىستىق دەڭگەيىن ءوسىرۋىمىز كەرەك.

■ ”زەيىن - زەردەنى شوعىرلاندىرىپ، ءىس تىندىرىپ، ناتيجە شىعارۋ“

  ”نەگىزگى ساتىداعى كوماندير - جاۋىنگەرلەرگە كوڭىل بولگەندىك − اسكەري ءبولىمنىڭ جاۋىنگەرلىك قۋاتىنا كوڭىل بولگەندىك؛ نەگىزگى ساتىداعى كوماندير - جاۋىنگەرلەردى كوڭىلىندە ساقتاعاندىق − ارميانى قۇدىرەتتەندىرۋدى، ارميانى گۇلدەندىرۋدى كوڭىلىندە ساقتاعاندىق“. 71 - جيتۋانجۇننىڭ ”ۋاڭ جيە ءبان“ى تۇرعان لۇيدىڭ جىڭۋيى جاڭ جىندۇڭ بىلاي دەدى: ءتوراعا شي جينپيڭنىڭ ماڭىزدى ءسوزى نەگىزگى ساتىعا سۇيىسپەنشىلىگىن، كوماندير - جاۋىنگەرلەرگە سۇيىسپەنشىلىگىن تولىق ايگىلەدى، ءبىرىنشى شەپتەگى اسكەر باستاۋشى رەتىندە، ءتوراعا شي جينپيڭنىڭ نۇسقاۋىنىڭ تالابىن باتىل دايەكتىلەندىرىپ، ۇدايىلىق يدەيالىق قىزمەتتى جانە ۇدايىلىق باسقارۋ قىزمەتىن ويداعىداي ىستەپ، قاتاڭ باسقارۋ مەن ەرەكشە قامقورلىقتى ۇشتاستىرۋعا تاباندى بولىپ، اسكەرلەردى دەن قويا جەتەكتەپ، اسكەرلەردى سۇيىسپەنشىلىكپەن جەتەكتەپ، اسكەري ءبولىمنىڭ ۇيىسۋ قۋاتى مەن جاۋىنگەرلىك قۋاتىن كۇشەيتۋ كەرەك.

  باسقا اۋەجايعا يكەمدى كوشىپ بارا جاتقان پاراشوتشى اسكەرلەر بەلگىلى لۇيىنىڭ كوماندير - جاۋىنگەرلەرى دەرەۋ كەبەجەدەگى راديو، تەلەۆيزور، قول تەلەفونداعى كلەنت جانە ۋيچات الەۋمەتتىك تۇعىرى سياقتىلاردان پايدالانىپ، ءتوراعا شي جينپيڭنىڭ ماڭىزدى ءسوزىن جەتكىزدى، ۇيرەندى ءارى ”يكەمدى بىتىراۋ جاعدايىندا اسكەري ءبولىمدى تاربيەلەۋ مەن باسقارۋدى قايتكەندە كۇشەيتۋگە بولادى“ توڭىرەگىندە تالقى جۇرگىزىپ، پىكىر اۋىستىرۋعا ۇيىمداستىردى. بەلگىلى يىڭنىڭ ساياسي جەتەكشىسى جوۋ ۋىنجى مىنانى ءبىلدىردى: بيىل جىل باسىنان بەرى اسكەري ءبولىمنىڭ تۇيىندەرى كوپ، اۋماعى كەڭ، بارىنشا بىتىراندى بولدى، ءتۇرلى مىندەتتى تابىسپەن ورىنداي الۋىن ارميانى زاڭمەن قاتاڭ جونگە سالۋعا تاباندى بولۋدان، اسكەري ءبولىمدى كۇندەلىكتى باسقارۋدى مىقتى يگەرۋدەن بولە قاراۋعا بولمايدى، ولار مۇنى وراي ەتىپ، يكەمدى بىتىراۋ جاعدايىندا اسكەري ءبولىمدى باسقارۋدىڭ جاڭا ۇلگىسىنە ۇزدىكسىز ىزدەنىس جاساپ، كوماندير - جاۋىنگەرلەردىڭ زەيىن - زەردەنى اسكەر جاتتىقتىرىپ، سوعىسقا دايىندالۋعا شوعىرلاندىرۋىنا شىنايى كەپىلدىك ەتەدى.

  جۋىقتا عانا ”جاڭا داۋىردەگى ەڭ ارداقتى توڭكەرىسشىل اسكەري“ كۋالىگىن العان قارۋلى ساقشى حيلۇڭجياڭ ولكەلىك باس اترەتى بەلگىلى تارماق اترەتى ەرەكشە سوعىس ۇلكەن اترەتىنىڭ باستىعى لي يۇيفىڭ اسكەري ءبولىمدى باستاپ، جىلدام قايتارما اتقىلاۋ جاتتىعۋىن جۇرگىزىپ جاتىر ەكەن. ءتوراعا شي جينپيڭنىڭ ماڭىزدى ءسوزىن ۇيرەنگەننەن كەيىن ول بىلاي دەدى: شەكارا ءوڭىر باس اترەتى ەرەكشە سوعىس كۇشتەرىنىڭ اتويشى ءبولىمى رەتىندە، وتاننىڭ ەڭ شىعىسىنداعى لاڭكەستىككە قارسى تۇرۋدىڭ ءبىرىنشى شەبىندە تۇرعان ءبىز، اسىرەسە، قاتاڭ بولۋدى اسكەري ءبولىمدى باسقارۋدىڭ، جاتتىقتىرۋدىڭ ماڭداي الدى وزەكتى تالابى ەتىپ، جاتتىعۋدى قاتاڭ جونگە سالىپ، حالىقتىڭ باس اماندىعى مەن مال - مۇلىك حاۋىپسىزدىگىن جانە قوعام ورنىقتىلىعىن قورعاۋعا كۇش - قۋات ارناۋىمىز كەرەك“.

  (حاباردى جازعاندار: ياڭ جيڭ، ليۋ حايياڭ، گان حۋان، جاڭ يۋانجى، دۋان كايشاڭ، فاڭ سىحاڭ، ما لۇڭفي، ۋاڭ جينلياڭ)

  (شينحۋا اگەنتتىگىنىڭ 8 - ايدىڭ 24 - كۇنى بەيجيڭنەن بەرگەن حابارى)

جاۋاپتى رەداكتور : سايراش تۇرارجان

ەسكەرتۋ:

تورابىمىزداعى مازمۇنداردىڭ مەنشىك ۇقىعى شينجياڭ ۇيعۇر اۆتونوميالى رايوندىق حالىق ۇكىمەتى اقپارات كەڭسەسىنە ءتان، جاريالانعان مازمۇنداردى سىلتەمەسىز كوشىرۋگە بولمايدى. كوشىرىپ پايدالانۋعا تۋرا كەلگەندە، «تيانشان تورى » الىنعانى انىق ەسكەرتىلۋى ءتيىس، بولماسا زاڭدىق جاۋاپكەرلىگى قۋزاستىرىلادى.