تيانشان تورى   ›   جاڭالىقتار   ›   ۇلتتار ىنتىماعىنىڭ بەرەكەلى شاڭىراعى

ميھراي مامەتتىڭ تۋعان كۇن تارتۋى

ەرىكتى ءتىلشى چىن يانچياڭ

  8 - ايدىڭ 12 - كۇنى ميھراي مامەتتىڭ 15 جاسقا كەلگەن تۋعان كۇنى، بۇل كۇنى ول قاراپايىم ءارى اسەرلەندىرەتىن تۋعان كۇن تارتۋىنا يە بولدى.

  چاقىلىق اۋدانى تىكەنلىك قالاشىعى عولوستەڭ قىستاعى − ميھرايدىڭ وتباسىنداعىلاردىڭ نەشە ۇرپاق بويى تۇرمىس كەشىرگەن جەرى. 7 - ايدىڭ 19 - كۇنى اۆتونوميالى رايوندىق پارتكوم ساياسي - زاڭ كوميتەتىنىڭ كادرى تيان يۇي وسى اراعا كەلىپ تەكسەرۋ - زەرتتەۋ جۇرگىزىپ، وسى كورىكتى قىستاقتا ميھرايمەن تانىستى.

  ”جۇزىنەن كۇلكى ەسىپ تۇراتىن بۇل قىز بالانىڭ شاي قۇيعانىنان، ءۇي شارۋاسىن ىستەگەنىنەن ەلپەكتىگى كورىنىپ تۇر“. تيان يۇي بىلاي دەدى: سول كەزدە، ميھرايدىڭ جايدارىلىعى مەن ەلپەكتىگى مەنى بىردەن وزىنە باۋراپ اكەتتى، سونىمەن وسى ءبىر ”كىشكەنتاي ەلگەزەك“پەن اڭگىمەلەسۋگە بەكىندىم.

  ”اتىڭ كىم؟“ ”ميھىراي مامەت“ ”بيىل قانشاعا كىردىڭ؟“”15 جاسقا تاياپ قالدىم عوي دەيمىن!“ ”15 جاسقا تاياپ قالدىم عوي دەيمىن دەگەنىڭ قالاي، تۋعان كۇنىڭدى بىلەتىن شىعارسىڭ!“

  ميھراي قىسىلعانىنان بەتى قىزارىپ كەتىپ، جالما - جان ازاماتتىق كۋالىگىن الىپ شىعىپ: ”8 - ايدىڭ 12 - كۇنى ەكەن. ۇيات بولدى عوي، تۋعان كۇنىمدى كوپ تويلاپ كورمەگەندىكتەن ەسىمە لەزدە تۇسپەي قالدى!“، - دەيدى.

  تيان يۇي بۇل كۇندى ەسىنە ساقتاپ الادى. ول ميھرايمەن اڭگىمەسىن جالعاستىرىپ، ونىڭ تۇرمىستاعى اڭگىمەلەرى مەن وي - ارمانىن تىڭدايدى.

  ميھراي بىلاي دەيدى: وتباسىمىزدا قيىنشىلىق بولسا، قىستاقتا تۇراتىن قىزمەت اترەتىندەگى اعايلار، اپايلار جانە قىستاقتاعى كادرلار دەر كەزىندە شەشىپ بەرەدى، كورشىلەر دە ءبىر - بىرىنەن كومەگىن ايامايدى؛ شەشەم جۇمىسقا ەلپەك كىسى، ونىڭ باسقارۋىمەن تۇرمىسىمىز بارعان سايىن جاقسارا ءتۇستى، شەشەم ءارى ”اڭعالداۋ“ كىسى، ءوزىنىڭ تۋعان كۇنىن دە ۇنەمى ۇمىتىپ قالادى؛ ول كىتاپ وقىعاندى جاقسى كورەدى، ويتكەنى كىتاپتا مول ءبىلىم بار؛ ونىڭ ارمانى شيپاگەر بولىپ، اجالعا اراشاشى، جارالىعا جەبەۋشى بولۋ... بىرگە بولعان ۋاقىت تىم قىسقا بولعانىمەن، الايدا تيان يۇي ميھرايمەن اڭگىمەلەسۋ ارقىلى بۇكپەسىز سىرلاساتىن ”كونە كوز دوستار“عا اينالدى.

  قوشتاسىپ اتتاناردا، تيان يۇي ەسىكتىڭ جاقتاۋىنا سۇيەنىپ تۇرعان ميھرايدىڭ كوز شاناعىنا جاس ىركىلگەندىگىن بايقادى. ”اعاي، كەيىن مەنى كورگەلى جانە كەلەسىز بە؟“، - دەيدى قىستىعىپ.

  تيان يۇي ميھرايدىڭ جانىنا كەلىپ، ىقىلاسپەن: ”ميھراي، سەنشە بىلاي بولسا قايتەدى، ەكى وتباسى تۋىس بولساق، سەن ماعان قالاعان ۋاقىتتا تەلەفون بەرۋىڭە بولادى، قولىم تيسە مەن دە كەلىپ تۇرامىن. وناندا سەن جاقسى ۇيرەنىپ، شيپاگەر بولۋ ارمانىڭدى ەرتەرەك جۇزەگە اسىرۋعا قۇلشىن“، - دەدى.

  اۋلادا ەكەۋى شىناشاقتارىن ايقاستىرىپ: ”ايتقانىمىزدان عاسىر بويى قايتپايمىز ...“، - دەپ تيان يۇي مەن ميھراي جاندارىندا تۇرعانداردىڭ ءماز بولىسۋىمەن ۋادەلەسەدى.

  تيان يۇي چاقىلىقتان قايتقاننان كەيىن، ميھرايعا كۇن ارالاتىپ تەلەفون شالىپ، ونىڭ تۇرمىس، ۇيرەنۋ جاعدايىن ۇعىسىپ تۇردى. تەلەفوندا سويلەسىپ بولا بەرە ميھراي: ”اعاي، كەلەمىن دەگەن ءسوزىڭىز ەسىڭىزدە بولسىن ءا!“، - دەيدى.

  8 - ايدىڭ 12 - كۇنى دە جەتىپ كەلدى، بۇل ميھرايدىڭ تۋعان كۇنى. ميھرايدىڭ قۋانىشىندا شەك جوق، ونىڭ بۇل قۋانىشى ۇلكەندى - كىشىلى سومكە كوتەرگەن قوناقتاردىڭ كەلۋىمەن باستالعان ەدى.

  قوناقتاردىڭ اراسىندا قىستاقتا تۇراتىن قىزمەت اترەتىنىڭ مۇشەلەرى، قىستاق كادرلارى، تاعى ءبىر بەيتانىس كىسى بار. ”ميھراي، تيان يۇي اعاي ءالى ەسىڭدە مە؟“، - دەيدى بەيتانىس كىسى ميھرايعا. ميھراي: ” قالايشا ۇمىتامىن، 2 كۇننىڭ الدىندا عانا تەلەفوندا سويلەسكەنبىز“، - دەيدى كۇلىپ.

  ”مەن تيان يۇي اعايىڭنىڭ قىزمەتتەسى ران جياڭپيڭ بولامىن، تيان اعايىڭنىڭ قىزمەتى قاربالاس بولعاندىقتان تۋعان كۇنىڭە ۇلگىرىپ كەلە المادى، سونىمەن ماعان العان سالەمدەمەلەرى مەن تۋعان كۇنىڭە دەگەن سالەمىن جەتكىزىپ قويۋدى تاپسىردى!“، - دەدى ران جياڭپيڭ.

  ”مىناۋ بال كۇلشە، تيان اعايىڭ ارناۋلى ۇلكەنىن بۇيىرتتى. تيان اعايىڭ سەن’ اق حالاتتى پەرىشتە‘ بولامىن دەگەن سوڭ، ارناۋلى اق كويلەك جىبەرىپ بەردى. مىناۋ كىتاپ، قالام، مىناۋ ەستەلىك داپتەر...“ ران جياڭپيڭ سالەمدەمەنى ءبىر - بىردەن ءتۇسىندىرىپ ۇستەلدىڭ ۇستىنە قويعاندا، ميھراي تەبىرەنگەنىنەن كوز جاسىن كولدەتتى.

  تۋعان كۇن ءانى ورىندالدى، بالاۋىز شام جارىعى ونىڭ باقىت كۇلكىسىن ءتىپتى دە نۇرلاندىردى. ”بۇل مەن ءۇشىن ەڭ ءماندى وتكەن تۋعان كۇن قۇتتىقتاۋى بولدى. تيان يۇي اعايىما راقىمەت، اعايلار، اپايلار سىزدەرگە دە راقىمەت، مەن، ءسوزسىز، جاقسى وقىپ، ارمانىما ەرتەرەك جەتۋگە قۇلشىنامىن“.

  ميھراي تيان يۇيگە تەلەفون شالىپ: ”راقىمەت سىزگە، تيان اعاي، ءسىز ماعان زور قۋانىش سيلادىڭىز!“، ”ءبىر وتباسىنىڭ ادامدارىمىز، مەنەن قىسىلىپ - قىمتىرىلما. ۋادەمىز ەسىڭدە شىعار، ءسوزسىز، جاقسى ۇيرەن!“، - دەيدى تيان يۇي.

جاۋاپتى رەداكتور : سايراش تۇرارجان

ەسكەرتۋ:

تورابىمىزداعى مازمۇنداردىڭ مەنشىك ۇقىعى شينجياڭ ۇيعۇر اۆتونوميالى رايوندىق حالىق ۇكىمەتى اقپارات كەڭسەسىنە ءتان، جاريالانعان مازمۇنداردى سىلتەمەسىز كوشىرۋگە بولمايدى. كوشىرىپ پايدالانۋعا تۋرا كەلگەندە، «تيانشان تورى » الىنعانى انىق ەسكەرتىلۋى ءتيىس، بولماسا زاڭدىق جاۋاپكەرلىگى قۋزاستىرىلادى.

  • وڭتۇستىك شينجياڭنان ەكسپورت ەتىلگەن زاتتار جۇڭگو - ەۆروپا كەزەكشى پويەزدەرىمەن ”باتىسقا شىعارىلدى“
  • باتىس سولتۇستىك مۇناي الابى: جوعارى ساپالى دامۋدىڭ ەنەرگيا جاۋابىن قۇلشىنا جازۋدا
  • كورلانىڭ ەرىكتى قىزمەت وتەۋى وركەنيەت ماركاسىنا اينالدى