تيانشان تورى   ›   جاڭالىقتار   ›   شينجياڭ حابارلارى

ءۇرىمجى باتىس بولىكتەگى قاقپا تورابىن قۇرۋدى جەدەلدەتۋدە

شينجياڭ ىشىندەگى ءبىر ساعاتتىق اۆياتسيا شەڭبەرىنەن ازيا - ەۆروپانىڭ 5 ساعاتتىق اۆياتسيا شەڭبەرىنە دەيىن

ءۇرىمجى باتىس بولىكتەگى قاقپا تورابىن قۇرۋدى جەدەلدەتۋدە

  ءتىلشى ما ينيڭ 8 - ايدىڭ 25 - كۇنى ۇرىمجىدەن حابارلايدى. 7 - ايدىڭ 1 - كۇنىنەن 8 - ايدىڭ 25 - كۇنىنە دەيىن، جۇڭگو نانفاڭ اۆياتسيا شەكتى جارنا سەرىكتەستىگىنىڭ شينجياڭدا قاتىناعان ۇشاق كەزەگى 10 مىڭ رەتتەن اسىپ، 2 ميلليون 100 مىڭ ادام - رەت جولاۋشى تاسىمالداپ، سايكەس مەزگىلدەگىدەن %10 ارتقان. شينجياڭ ىشىندەگى ءبىر ساعاتتىق اۆياتسيا شەڭبەرىنەن ازيا - ەۆروپانىڭ 5 ساعاتتىق اۆياتسيا شەڭبەرىنە دەيىن، ءۇرىمجىنىڭ باتىس بولىك قاقپا تورابى قۇرىلىسى مەن نانحاڭ شينجياڭ بولىمشە سەرىكتەستىگىنىڭ جوعارى ساپادا دامۋى قاتار ىلگەرىلەپ كەلەدى.

  8 - ايدىڭ 25 - كۇنى ءۇرىمجى ديوپۋ حالىقارالىق اۋەجايى T3 تەرمينالى عيماراتىندا قالىڭ ادام قايشالىسادى، 7 - ايدىڭ 1 - كۇنىنەن باستاپ T3 تەرمينالى عيماراتىنىڭ كۇندىك جولاۋشى لەگى مولشەرى 30 مىڭ ادام - رەتتەن استى. ءۇرىمجى اۆياتسيا تورابى قۇرىلىسىن ىلگەرىلەتىپ، جىبەك جولىنىڭ كەڭىستىك داڭعىلىن جاپپاي سالۋ ءۇشىن، نانحاڭ، ءبىر جاعىنان، ۇشاق اترەتىن مولايتىپ، كەمەلدەندىرىپ، بوين 737 جەلىلەس ۇشاعىن نەگىزگى كۇش، بوين 787 كەڭ تۇلعالى ۇشاعىن تولىقتاما ەتكەن قوس ۇشاق اترەتى قۇرىلىمىن جاساقتاپ جانە كەمەلدەندىرىپ، ۇشاق تۇرپاتىنىڭ دەڭگەيىن كوتەرۋ ارقىلى اۋە جەلىسىنىڭ سيىمدىلىعىن ارتتىرۋدى جۇزەگە اسىردى. ەندى ءبىر جاعىنان، اۋە جولى جەلىسىن كەمەلدەندىرىپ، توقتايتىن اۋە جولىن تىكەلەي ۇشاتىن اۋە جولىنا وزگەرتۋ، حالىقارالىق جىلدام اۋەجايدان ءوتۋ اۋماعىن قالپىنا كەلتىرۋ سياقتى شارالاردى قولدانىپ، حالىقارالىق جولاۋشىلاردىڭ ۇرىمجىدە ۇشاق اۋىستىرىپ، اۋەجايدان ءوتۋ ۋاقىتىن ورتا ەسەپپەن 40 مينۋت قىسقارتىپ، اينالىم، قىزمەت وتەۋ، قامتاماسىزداندىرۋ ورەسىنىڭ ساپاسى مەن دەڭگەيىن اناعۇرلىم جوعارىلاتتى.

  تاياۋ جىلداردان بەرى، نانحاڭ شينجياڭ ىشىندە ارالاپ ۇشۋ جانە اينالىپ ۇشۋ اۋە جولدارىن اناعۇرلىم كەڭەيتىپ، قۇلجادان قاشقارعا، قاشقاردان التايعا، التايدان قۇلجاعا دەيىنگى وڭتۇستىك، سولتۇستىك شينجياڭ اراسىنداعى ۇقساس ۇشاقپەن ورتادا اۋىسۋدى، سول كۇنى ورتادا اۋىسۋدى جۇزەگە اسىردى. شينجياڭ ىشىندەگى اۆياتسيا تۇيىندەرىن تولىق قامتىعان شينجياڭ ىشىندەگى تارماق جول اۋەجايلارى اراسىنداعى ارالاپ ۇشۋ اۋە جولدارىن اشىپ، قاشقار، حوتان، اقسۋ، قۇلجا، كورلا سىندى شينجياڭ ىشىندەگى 5 ۇلكەن جىلدام لەنيا ماركالارىن ءساتتى سومدادى. ءۇرىمجىنى ورتالىق ەتكەن ءبىر ساعات اينالاسىنداعى ۇشۋ الىستىعى قۇلجا، التاي، قاناس، نارات، كوكتوعاي سياقتى ءتۇيىندى قالالار مەن ايگىلى كورىنىس اۋماقتارىن قامتىپ، شينجياڭ ىشىندەگى ساياحاتتى تىپتەن قولايلى ەتتى. سونىمەن بىرگە، اينالىپ ۇشۋ مەن ارالاپ ۇشۋ اۋە جولدارى ايماقتاردىڭ، وبلىستاردىڭ ەكونوميكا - ساۋدا، اس - سۋ، كوڭىل اشۋ، قوناق ءۇي سياقتى كاسىپ سالالارىنىڭ سايكەستى دامۋىنا وراي ازىرلەپ، شينجياڭ ىشىندەگى ساياحاتقا تىپتەن كوپ وراي اكەلدى.

  2019 - جىلى جازعى اۋە تاسىمال ماۋسىمىندا، نانحاڭنىڭ شينجياڭدا ۇشاق قاتىنايتىن اۋە جولى 104كە جەتىپ، تاريحتاعى جاڭا ورەنى جاراتتى. مۇنىڭ ىشىندە شينجياڭ ىشىندە 20 اۋە جولى، ەل ىشىندە 66 اۋە جولى، حالىقارالىق جانە وڭىرلىك 18 اۋە جولى بار بولىپ، قاتىناس بايلانىس ءتۇيىنى 79عا جەتتى. نانحاڭ شينجياڭ بازارىن ارقاۋ ەتىپ، بەيجيڭ، شاڭحاي، گۋاڭجوۋ، شىنجىن، چىڭدۋ، حوتان، قاشقار، اقسۋ، يسلاماباد، لاحور اۋە جولىن وزەك ەتكەن، ەل ىشىندەگى 43 قالانى، شينجياڭ ىشىندەگى 19 قالانى، ورتا، باتىس، وڭتۇستىك ازيا مەن ەۆروپانىڭ 16 حالىقارالىق قالاسىن، ءبىر وڭىرلىك قالانى ءوزارا تۇتاستىرعان اۋە جولى جەلىسى جۇلگەسىن قالىپتاستىردى.

جاۋاپتى رەداكتور : سايراش تۇرارجان

ەسكەرتۋ:

تورابىمىزداعى مازمۇنداردىڭ مەنشىك ۇقىعى شينجياڭ ۇيعۇر اۆتونوميالى رايوندىق حالىق ۇكىمەتى اقپارات كەڭسەسىنە ءتان، جاريالانعان مازمۇنداردى سىلتەمەسىز كوشىرۋگە بولمايدى. كوشىرىپ پايدالانۋعا تۋرا كەلگەندە، «تيانشان تورى » الىنعانى انىق ەسكەرتىلۋى ءتيىس، بولماسا زاڭدىق جاۋاپكەرلىگى قۋزاستىرىلادى.

  • ءۇرىمجى يامالىق تاۋى بۇكىلدەي جاسىلدانۋدى جۇزەگە اسىردى
  • تارباعاتايدىڭ قىس ماۋسىمىنداعى ساياحات ونىمدەرىنىڭ ساۋداسى كۇسەتتەندى
  • ”قوس 11“ جونەلتۋمەن قاربالاس
  • كاسىپتەنۋ جولىن اشتى
  • شينجياڭ ساۋدا - ساتتىق ۇيىرمەسى ”شينجياڭ جاقسى جەر“ نەگىزگى تاقىرىبىندا كورمەگە قاتىناستى