تيانشان تورى   ›   جاڭالىقتار   ›   ايبىندى 70 جىل ، كۇرەسكە تولى جاڭا ءداۋىر

مەملەكەتتىك دەنساۋلىق ساقتاۋ، سالاماتتىق كوميتەتى اقپار جاريالاۋ ءماجىلىسىن اشىپ، شينجياڭنىڭ دەنساۋلىق ساقتاۋ، سالاماتتىق ىستەرىنىڭ دامۋ جەتىستىكتەرىن تانىستىردى

قالا، اۋىل تۇرعىندارىنىڭ سالاماتتىق دەڭگەيى ۇزدىكسىز جوعارىلادى

  تىلشىلەر لي لين، چاۋ جين 8 - ايدىڭ 26 - كۇنى بەيجيڭنەن حابارلايدى. 8 - ايدىڭ 26 - كۇنى مەملەكەتتىك دەنساۋلىق ساقتاۋ، سالاماتتىق كوميتەتى بەيجيڭدە اقپار جاريالاۋ ءماجىلىسىن اشىپ، شينجياڭ رايونىنىڭ ەمدەۋ - دەنساۋلىق ساقتاۋ قىزمەت وتەۋى قابىلەتىنىڭ جوعارىلاعاندىعى، شينجياڭداعى ءار ۇلت بۇقاراسىنىڭ سالاماتتىق جاعىنداعى تابىس سەزىمىنىڭ كۇشەيگەندىگى قاتارلى جاعدايلاردى تانىستىردى.

  مەملەكەتتىك دەنساۋلىق ساقتاۋ، سالاماتتىق كوميتەتى ەمدەۋ ىستەرى، ەمدەۋ ىستەرىن باسقارۋ مەكەمەسىنىڭ ورىنباسار مەكەمە باستىعى جوۋ چاڭچياڭ بىلاي دەپ تانىستىردى: جاڭا جۇڭگو قۇرىلعان 70 جىلدان بەرى شينجياڭنىڭ ەمدەۋ - دەنساۋلىق ساقتاۋ ىستەرىندە زور وزگەرىستەر تۋىلدى، قازىر ىشكى وڭىرلەرمەن، تۇتاس ەلمەن تەڭ قادامدا دامۋدى بىرتە - بىرتە جۇزەگە اسىردى، شينجياڭ حالقىنىڭ سالاماتتىق ۇقىق - مۇددەسى ءونىمدى قامتاماسىز ەتىلدى. 2016 - جىلى ورتالىق كوميتەت ۇيىمداستىرۋ ءبولىمىنىڭ ءبىر تۇتاس جوسپارلاپ ىلگەرىلەتۋىندە مەملەكەتتىك دەنساۋلىق ساقتاۋ، سالاماتتىق كوميتەتى ەمدەۋ دارىندىلارىنىڭ ”ۇيىرمە قۇراۋ ۇلگىسى“ندە شينجياڭعا كومەكتەسۋ قىزمەتىن ۇيىمداستىرىپ اتقارىپ، ”قان قۇيۋ“دى ”قان جاساۋ“عا وزگەرتىپ، شينجياڭنىڭ دەنساۋلىق ساقتاۋ ىستەرىنىڭ دامۋىنا قۇدىرەتتى قوزعاۋشى كۇش ۇستەدى. سول جىلى مەملەكەتتىك دەنساۋلىق ساقتاۋ، سالاماتتىق كوميتەتى مەملەكەتتىك كەڭەستىڭ كەدەيلەردى سۇيەمەلدەۋ كەڭسەسى قاتارلى تاراۋلارمەن بىرگە 3 - دارەجەلى شيپاحانالاردىڭ كەدەي اۋدانداردىڭ اۋدان دارەجەلى شيپاحانالارىنا باعىتتامالى كومەكتەسۋ - سۇيەمەلدەۋ قىزمەتىن ورىستەتتى، 3 - دارەجەلى 43 شيپاحانا شينجياڭنىڭ 32 كەدەي اۋدانىنداعى 37 اۋدان دارەجەلى شيپاحانامەن باعىتتامالى كومەكتەسۋ - سۇيەمەلدەۋ قارىم - قاتىناسىن ورناتتى. ۇيىرمە قۇراپ شينجياڭعا كومەكتەسكەن ماماندار مەن جەرگىلىكتى ورىنداعى ەمدەۋ قىزمەتكەرلەرىنىڭ ورتاق قۇلشىنىسىنىڭ ارقاسىندا، كومەككە يە بولعان 8 شيپاحانانىڭ بارلىعى 3A دارەجەلى شيپاحاناعا اينالدى، قازىرگە دەيىن 332 ءتۇرلى شۇعىل، قاتەرلى، سالماقتى ناۋقاس اۆتونوميالى رايوننان شىقپاي، 1914 ءتۇرلى سالماقتى ناۋقاس ايماقتان، وبلىستان، قالادان شىقپاي ءونىمدى ەمدەلە الاتىن بولدى.

  اۆتونوميالى رايوندىق دەنساۋلىق ساقتاۋ، سالاماتتىق كوميتەتى پارتيا باسشىلىق گرۋپپاسىنىڭ ورىنباسار شۋجيى، مەڭگەرۋشى ءمۇتاللىپ روزى اقپار جاريالاۋ ماجىلىسىندە بىلاي دەدى: 2016 - جىلى اۆتونوميالى رايوندىق پارتكوم جالپى حالىقتىڭ دەنساۋلىعىن تەكسەرۋدى ورىستەتۋ سىندى ماڭىزدى شەشىم - ورنالاستىرۋ جاسادى، 3 جىلدان استام ۋاقىتتان بەرى، جيىنى 4 ميلليارد 68 ميلليون يۋان قارجى قوسىپ، 53 ميلليون 830 مىڭ ادام - رەت دەنساۋلىق تەكسەرىپ، نوپوستاعى جان سانىن تۇتاس قامتۋدى نەگىزىنەن جۇزەگە اسىرىپ، تۇتاس حالىقتىڭ دەنساۋلىعىن تەكسەرۋ قىزمەتى ”ۇدايىلانۋ“دى جۇزەگە اسىردى؛ رايونىمىز نازاردى ”ەكىدەن تارىقتىرماۋ، ءۇشتى قامتاماسىز ەتۋ“گە شوعىرلاندىرىپ، سالاماتتىق ارقىلى كەدەيلەردى سۇيەمەلدەۋدىڭ ”ءۇش ءبىر توپ“ (سالماقتى ناۋقاستاردان ءبىر توبىن شوعىرلى قۇتقارۋ - ەمدەۋ، سوزىلمالى ناۋقاستاردان ءبىر توبىنا قىزمەت كورسەتۋ، باسقارۋ تۋرالى كەلىسىم جاساسۋ، سالماقتى ناۋقاستاردان ءبىر توبىن تومەنگى شەكتەن تۇسىرمەي قامتاماسىز ەتۋ) ارەكەت جوسپارىن ىشكەرىلەي اتقارىپ، سالاماتتىق ارقىلى كەدەيلەردى سۇيەمەلدەۋدىڭ ادامعا دەيىن تياناقتانۋىنا، اۋرۋعا دەيىن دالمە - ءدال بولۋىنا شىنايى كەپىلدىك ەتىپ، اۋرۋ سەبەبىنەن كەدەيلەسۋ، اۋرۋ سەبەبىنەن قايتا كەدەيلەسۋ ماسەلەسىن ءونىمدى شەشتى؛ ”ۇيىرمە قۇراۋ ۇلگىسى“ندە شينجياڭعا كومەكتەسۋ اۆتونوميالى رايوننىڭ ەمدەۋ - دەنساۋلىق ساقتاۋ ىستەرىنىڭ ”قان جاساۋ“ قۋاتىن جوعارىلاتتى، 3 جىلدان استام ۋاقىتتان بەرى، شينجياڭعا كومەكتەسەتىن 7 ولكە، قالاداعى 62 شيپاحانا ەمدەۋ ارقىلى شينجياڭعا كومەكتەسەتىن كادر - دارىندىلاردان ىلگەرىندى - كەيىندى جيىنى 506سىن شينجياڭعا جىبەرىپ، باعىتتامالى كومەكتەسۋ قىزمەتىن ورىستەتتى، ءارقايسى كومەك قابىلداعان شيپاحانانىڭ شۇعىل، قاتەرلى، سالماقتى ناۋقاستاردى شۇعىل قۇتقارۋىنىڭ ءساتتى بولۋ مولشەرى %94.3كە جوعارىلادى، باسقا جەرگە اپارىپ ەمدەۋ مولشەرى %3.39كە تومەندەدى، ءولىم - ءجىتىم مولشەرى %0.42كە ءتۇستى، جاڭا تەحنيكادان، جاڭا نىساننان 1470تەن استامىن اتقارىپ، جەرگىلىكتى ورىننىڭ 523 ءتۇرلى بوستىعىن تولىقتادى.

  ۇعىسۋعا قاراعاندا، جاڭا جۇڭگو قۇرىلعان 70 جىلدان بەرى، رايونىمىزدىڭ قالا، اۋىل تۇرعىندارىنىڭ سالاماتتىق دەڭگەيى ۇزدىكسىز جوعارىلاپ، ءار ۇلت بۇقاراسىنىڭ سالاماتتىق جاعىنداعى تابىس سەزىمى ۇزدىكسىز كۇشەيگەن. جان باسىندىق مەجەدەگى عۇمىر جاس ازاتتىقتىڭ العاشقى مەزگىلىندەگى 30 جاسقا دا جەتپەۋدەن 72 جاسقا جوعارىلاعان.

جاۋاپتى رەداكتور : سايراش تۇرارجان

ەسكەرتۋ:

تورابىمىزداعى مازمۇنداردىڭ مەنشىك ۇقىعى شينجياڭ ۇيعۇر اۆتونوميالى رايوندىق حالىق ۇكىمەتى اقپارات كەڭسەسىنە ءتان، جاريالانعان مازمۇنداردى سىلتەمەسىز كوشىرۋگە بولمايدى. كوشىرىپ پايدالانۋعا تۋرا كەلگەندە، «تيانشان تورى » الىنعانى انىق ەسكەرتىلۋى ءتيىس، بولماسا زاڭدىق جاۋاپكەرلىگى قۋزاستىرىلادى.