پارتيانىڭ اۋەلگى ماقساتى مەن بورىشىن ەستە بەرىك ساقتاپ، جاڭا داۋىردە پارتيانىڭ وزىنە توڭكەرىس جاساۋىن ىشكەرىلەي ىلگەرىلەتەيىك
ءتىلشى يۋان لەي 8 - ايدىڭ 26 - كۇنى ۇرىمجىدەن حابارلايدى. 8 - ايدىڭ 26 - كۇنى اۆتونوميالى رايوندىق حالىق ۇكىمەتىنىڭ پارتيا باسشىلىق گرۋپپاسى ”اۋەلگى ماقساتتى ۇمىتپاۋ، بورىشتى ەستە بەرىك ساقتاۋ“ نەگىزگى تاقىرىپتىق تاربيەسى بويىنشا ارناۋلى تاقىرىپتىق دەموكراتيالىق تۇرمىس جيىنىن اشىپ، باس شۋجي شي جينپيڭنىڭ ”تورتكە سالىستىرۋ“، ”ءتورتتى تابۋ“ جونىندەگى تالاپتارىن تياناقتاندىرىپ، تابىستى تۇگەندەپ، ماسەلەنى قاداعالاپ، تەرەڭدەي بورشالاپ، ”ءتورت تانىم“دى اناعۇرلىم كۇشەيتىپ، ”ءتورت سەنىم“دى بەكەمدەپ، ”ەكىنى قورعاۋ“دى ورىنداپ، حالىق ۇكىمەتى پارتيا باسشىلىق گرۋپپاسى القاسىنىڭ مىندەتىن اتقارۋىن، جاۋاپكەرشىلىگىن ادا ەتۋىن، ىنتىماقتاسا ەكپىندەي ىلگەرىلەۋىن جەبەپ، اۋەلگى ماقسات پەن بورىشتى ەستە بەرىك ساقتاپ، جاڭا داۋىردە پارتيانىڭ وزىنە توڭكەرىس جاساۋىن ىشكەرىلەي ىلگەرىلەتتى. اۆتونوميالى رايوننىڭ ءتوراعاسى، اۆتونوميالى رايوندىق حالىق ۇكىمەتى پارتيا باسشىلىق گرۋپپاسىنىڭ شۋجيى شوكىرات زاكىر ءماجىلىستى باسقاردى جانە قورىتىندى ءسوز سويلەدى. ”اۋەلگى ماقساتتى ۇمىتپاۋ، بورىشتى ەستە بەرىك ساقتاۋ“ نەگىزگى تاقىرىپتىق تاربيەسى ورتالىق 6 - جەتەكشىلىك ەتۋ گرۋپپاسى جيىنعا قاتىناسىپ جەتەكشىلىك ەتتى.
اۆتونوميالى رايوندىق حالىق ۇكىمەتىنىڭ پارتيا باسشىلىق گرۋپپاسى وسى رەتكى ارناۋلى تاقىرىپتىق دەموكراتيالىق تۇرمىس جيىنىنا باسا ءمان بەرىپ، دەن قويا ۇيىمداستىرىپ، جوبالاپ، شي جينپيڭنىڭ جاڭا ءداۋىر جۇڭگوشا سوتسياليزم يدەياسى سىندى وسى ءبىر نەگىزگى ارقاۋدى ۇيرەنۋدەن، دايەكتىلەندىرۋدەن جازباي، نازاردى اۋەلگى ماقساتتى ۇمىتپاۋ، بورىشتى ەستە بەرىك ساقتاۋ سىندى وسى ءبىر نەگىزگى تاقىرىپقا شوعىرلاندىرىپ، باس شۋجي شي جينپيڭنىڭ ماڭىزدى سوزدەرىنىڭ رۋحىن ىشكەرىلەي ۇيرەنىپ، كەڭ كولەمدە پىكىر الىپ، ىشكەرىلەي تالقىلاپ، كەڭەسىپ، ماسەلەلەردى جۇيەلى سالالاپ، قاداعالاپ، القا مەن جەكەلەردىڭ قاداعالاۋ، تالداۋ جاساۋ ماتەريالىن مۇقيات جازىپ، ارناۋلى تاقىرىپتىق دەموكراتيالىق تۇرمىس جيىنىنىڭ ويداعىداي اشىلۋىنا بەرىك نەگىز قالادى.
جيىندا شوكىرات زاكىر حالىق ۇكىمەتى پارتيا باسشىلىق گرۋپپاسى القاسى اتىنان قاداعالاپ، تالداۋ جاسادى، سونداي - اق ءوزىن قاداعالاپ، تالداۋ جاسادى، پارتيا باسشىلىق گرۋپپاسىنىڭ باسقا مۇشەلەرى دە وزدەرىن قاداعالاپ، تالداۋ جاساپ، ءوزارا سىن ايتىپ، كومەك كورسەتتى. كوپشىلىك جيىننىڭ نەگىزگى تاقىرىبىن ارقاۋ ەتىپ، ماسەلەگە تىكە كەلۋدەن، ماسەلەنى العا قويۋدان، ولقىلىقتاردى تابۋدان جازباي، وزدەرىن باتىلدىقپەن بورشالاپ، ولقىلىقتارى مەن كەمشىلىكتەرىن كورسەتىپ، سىن جانە ءوز - وزىنە سىن ايتۋدى مۇقيات ورىستەتىپ، ماسەلەنى قاداعالاۋ، قاتەلىكتەردى تۇزەتۋ، ىنتىماقتى نىعايتۋ، ورەنى بىرگە جوعارىلاتۋ ماقساتىنا جەتتى.
شوكىرات زاكىر قورىتىندى سوزىندە مىنانى باسا دارىپتەدى: نازاريا ارقىلى قارۋلانۋدى كۇشەيتىپ، شي جينپيڭنىڭ جاڭا ءداۋىر جۇڭگوشا سوتسياليزم يدەياسىن ۇيرەنۋ، دايەكتىلەندىرۋ بارىسىندا ونى كوكەيگە ونان ارى ۇيالاتىپ، باي مازمۇنى مەن ماڭىزدى ءنارىن جان - جاقتى يگەرىپ، ودان ويداعىداي پايدالانىپ، وي - سانانى قارۋلاندىرۋ، امالياتقا جەتەكشىلىك ەتۋ، قىزمەتتى ىلگەرىلەتۋ كەرەك. ساياسي دەڭگەيدى جوعارىلاتىپ، ”ءتورت تانىم“دى كۇشەيتۋ، ”ءتورت سەنىم“دى بەكەمدەۋ، ”ەكىنى قورعاۋ“ دى ورىنداۋ جاعىندا اناعۇرلىم تۇبەگەيلى، ناق بولىپ، ”ەكىنى قورعاۋ“دى ۇكىمەت قىزمەتى جالپى بارىسىندا جانە بارلىق جاعىندا شىن مانىندە ايگىلەۋ، تياناقتاندىرۋ، ءاربىر ناقتى قىزمەت بارىسىندا ايگىلەۋ كەرەك. جاۋاپكەرلىكتى باتىلدىقپەن ارقالاۋدى، ءىس تىندىرۋدى كۇشەيتىپ، شينجياڭنىڭ ورنىقتىلىعى مەن دامۋىن ىلگەرىلەتۋ جاعىنداعى كۇرەسۋ ونەرى مەن تالپىنۋ رۋحىن ونان ارى كۇشەيتىپ، ”ەكى القا“نىڭ قىزمەت مەحانيزمىن تياناقتاندىرىپ، دامۋدى يگەرۋدەگى، نەگىزگى جاۋاپكەرشىلىكتى، نەگىزگى كاسىپتى باتىل ارقالاپ، ءۇش ۇلكەن قامال الۋ شايقاسىن باتىل ويداعىداي جۇرگىزىپ، ءۇش ءتۇرلى ءتۇيىندى قىزمەتتى ويداعىداي يگەرىپ، ەكونوميكانىڭ جوعارى ساپالى دامۋىن ىلگەرىلەتۋ كەرەك. اۋەلگى ماقساتتان، بورىشتان جازباي، حالىق ءۇشىن قىزمەت ەتۋگە، حالىقتىڭ تۇرمىسىن جاقسارتۋعا ونان ارى دەن قويىپ، كۇش سالىپ، ءار ۇلت بۇقاراسىنىڭ ءتول مۇددەسىنە قاتىستى حالىق تۇرمىسى ماسەلەسىنە كۇشتى شوعىرلاندىرىپ، رەتتەۋ - تۇزەتۋدى الدىمەن تياناقتاندىرىپ، ءار ۇلت بۇقاراسىن مۇنان دا كوپ تابىس سەزىمىنە، باقىت سەزىمىنە، حاۋىپسىزدىك سەزىمىنە يە ەتۋ كەرەك. قاتاڭ، ناقتى بولۋدان جازباي، حالىق ۇكىمەتى پارتيا باسشىلىق گرۋپپاسى القاسىن ءتىپتى دە قۋاتتى ەتىپ قۇرىپ، ءوزىن شىڭداۋ ارقىلى ۇكىمەت پارتيا باسشىلىق گرۋپپاسىنىڭ شىڭدالۋىنا شىنايى كەپىلدىك ەتىپ، جانىنداعى پارتيالى كادرلاردىڭ شىڭدالۋىنا جەتەكشىلىك ەتىپ، ۇكىمەت پارتيا باسشىلىق گرۋپپاسى مەن ۇكىمەت جۇيەسىندەگى ءار دارەجەلى پارتيا ۇيىمدارىنىڭ ۇيىسۋ قۋاتى مەن جاۋىنگەرلىك قۋاتىن ونان ارى نىعايتۋ كەرەك.
