تيانشان تورى   ›   جاڭالىقتار   ›   ماڭىزدى حابارلار

شي جينپيڭ وزبەكستاننىڭ زۇڭليىمەن كەزدەستى

  شينحۋا اگەنتتىگىنىڭ 8 - ايدىڭ 28 - كۇنى بەيجيڭنەن بەرگەن حابارى (ءتىلشى ياڭ يجۇن). مەملەكەت ءتوراعاسى شي جينپيڭ 8 - ايدىڭ 28 - كۇنى حالىق سارايىندا وزبەكستاننىڭ زۇڭليى ارىپوۆپەن كەزدەستى.

  شي جينپيڭ ارىپوۆقا ءوزىنىڭ مىرزيويەۆ زۇڭتۇڭعا دەگەن ىقىلاستى سالەمىن جەتكىزۋدى تاپسىردى. شي جينپيڭ بىلاي دەپ اتاپ كورسەتتى: جۇڭگو - وزبەكستان قارىم - قاتىناسىنىڭ قارىشتاپ دامۋدى ۇزدىكسىز جۇزەگە اسىرۋىنداعى شەشۋشى تەتىك ەكى جاقتىڭ باستان - اياق تاتۋ، دوس كورشى بولۋ، ءوزارا تيىمدىلىك جاساۋ، ءوزارا كومەكتەسۋ رۋحىنا بويسۇنىپ، باستان - اياق ءوزارا قۇرمەت ەتۋ، تەڭ بولۋ ءارى ءوزارا پايدا جەتكىزۋ پرينسيبىنە تاباندى بولىپ، باستان - اياق ۇرپاقتان - ۇرپاققا جالعاسقان دوستىقتى، ورتاق دامۋ ۇستانىمىن اتقارعاندىعىندا. جۇڭگو - وزبەكستان جان - جاقتى ستراتەگيالىق سەرىكتەستىك قارىم - قاتىناسىن دامىتۋ ەكى ەلدىڭ جانە ەكى ەل حالقىنىڭ ءتۇبىرلى مۇددەسىنە ۇيلەسەدى، مەن بۇعان ايرىقشا ءمان بەرەمىن. ءسىزدىڭ وسى رەت جۇڭگوعا كەلىپ جۇڭگو - وزبەكستان ۇكىمەت ارا سەلبەستىك كوميتەتىنىڭ 5 - رەتكى ءماجىلىسىن بىرگە باسقارىپ اشىپ، بەلسەندى جەتىستىكتەرگە قول جەتكىزگەندىگىڭىزدى ەستىپ ايرىقشا قۋاندىم. تەك ەكى ەلدىڭ قارىم - قاتىناسى دۇرىس ارنادان جازباعاندا عانا، ەكى جاق تۇراقتاندىرعان ءتۇرلى سەلبەستىك نىسانالارى، ءسوزسىز، جۇزەگە اسادى.

  شي جينپيڭ بىلاي دەپ باسا دارىپتەدى: جۇڭگو - وزبەكستان ەكى جاق ”ءبىر بەلدەۋ، ءبىر جول“دى جوعارى ساپامەن بىرگە قۇرۋدى ۇزدىكسىز ىلگەرىلەتىپ، مەملەكەتتىڭ دامۋ ستراتەگياسىن ۇشتاستىرۋدى كۇشەيتىپ، ەل ارالىق تاس جولدان، تەمىر جولدان ويداعىداي پايدالانىپ، ۇلاستىرۋدى، تۇتاستىرۋدى جيىلەتىپ، ەكونوميكا - ساۋدا، قارجى قوسۋ، جوعارى، جاڭا تەحنيكا، ەنەرگيا سياقتى سالالارداعى سەلبەستىكتى كەڭەيتىپ، گۋمانيتارلىق سەلبەستىكتىڭ جاڭا جارقىن ءتۇيىنىن قالىپتاستىرۋ كەرەك. جۇڭگو جاق وزبەكستاننىڭ ساپالى اۋىل شارۋاشىلىق ونىمدەرىن يمپورت ەتۋدى كەڭەيتۋدى قالايدى، وزبەكستاننىڭ نەگىزگى قوناق ەل رەتىندە 2 - كەزەكتى جۇڭگو حالىقارالىق يمپورت كورمەسىنە قاتىناسۋىن قارسى الادى. ەكى جاق ”ءۇش ءتۇرلى كۇش“ جانە ەسىرتكى اتكەزشىلىگى سياقتى ەل ارالىق ۇيىمدى قىلمىستارعا بىرلەسىپ سوققى بەرىپ، وڭىرلىك حاۋىپسىزدىكتى جانە ەكى ەلدىڭ دامۋىن قامتاماسىزداندىرۋ كەرەك.

  شي جينپيڭ بىلاي دەپ باسا دارىپتەدى: جۇڭگو تاريحتاعى وزگە ەلدەردىڭ قۇدىرەتتەنگەندە زورەكەر بولاتىن كونە جولىمەن استە جۇرمەيدى، جۇڭحۋا ۇلتىنىڭ كوركەيۋى − جۇڭگو حالقىن باقىتقا كەنەلتۋ، سونداي - اق دۇنيە ءجۇزىنىڭ بەيبىتشىلىگى مەن ادامزاتتىڭ العا باسۋىنا اناعۇرلىم زور ۇلەس قوسۋ ءۇشىن بولىپ تابىلادى. جۇڭگو جاق وزبەكستان جاقپەن بىرگە حالىقارالىق ىستەردەگى سايكەستىكتى كۇشەيتۋدى، ەكى ەلدىڭ ورتاق مۇددەسىن قورعاۋدى، كوپ جاقتىلىقتى قورعاۋدى، حالىقارالىق قارىم - قاتىناستىڭ دەموكراتيالانۋىن جەبەۋدى قالايدى. جۇڭگو - وزبەكستان ەكى جاق شاڭحاي سەلبەستىك ۇيىمىنا مۇشە وزگە ەلدەرمەن بىرگە تاعدىرلاس ورتاق تۇلعا تانىمىن كۇشەيتىپ، ءار سالاداعى سەلبەستىك ورەسىن جوعارىلاتىپ، وسى ۇيىمنىڭ اناعۇرلىم دامۋىن ىلگەرىلەتىپ، وڭىردەگى ءار ەل حالقىن باقىتقا كەنەلتۋ كەرەك.

  ارىپوۆ مىرزيويەۆ زۇڭتۇڭنىڭ ءتوراعا شي جينپيڭگە دەگەن ىقىلاستى سالەمى مەن وسكەلەڭ قۇرمەتىن جەتكىزدى. مىرزيويەۆ زۇڭتۇڭ جۇڭحۋا حالىق رەسپۋبليكاسى قۇرىلعاندىعىنىڭ 70 جىلدىعىن قىزۋ قۇتتىقتادى، ءتوراعا شي جينپيڭنىڭ باسشىلىعىندا، جۇڭگونىڭ اناعۇرلىم گۇلدەنۋىن، بايۋىن، قۇدىرەتتەنۋىن، ۇلتتىڭ كوركەيۋ ۇلى ءىسىن ەرتەرەك جۇزەگە اسىرۋىن شىن جۇرەكتەن تىلەدى.

  ارىپوۆ مىنالاردى ءبىلدىردى: جۇڭگو وزبەكستان جاقتىڭ ەڭ جاقىن جانە ەڭ سەنىمدى كورشىسى جانە سەرىگى. وزبەكستان جاق جۇڭگو جاقپەن بىرگە ەكى ەلدىڭ مەملەكەت باسشىلارى كەلىسكەن ماڭىزدى ورتاق تانىمداردى تاباندىلىقپەن تياناقتاندىرادى. مىرزيويەۆ زۇڭتۇڭ وزبەكستان جاقتىڭ ارناۋلى ورگان قۇرىپ، جۇڭگو جاقپەن دامۋ ستراتەگياسىن ۇشتاستىرىپ، ”ءبىر بەلدەۋ، ءبىر جول“ سەلبەستىگىن بەلسەنە ىلگەرىلەتىپ، حالىق اراسىنداعى جانە گۋمانيتارلىق اۋىس - كۇيىستى كەڭەيتىپ، ەكى ەلدىڭ ءداستۇرلى دوستىعىن تەرەڭدەتۋدى ۇيعاردى. وزبەكستان جاق جۇڭگو جاقتىڭ مەملەكەتتىڭ يەلىك ۇقىعىن، حاۋىپسىزدىگىن جانە تۇتاستىعىن قورعاۋىن تاباندىلىقپەن قولدايدى، جۇڭگو جاقتىڭ ”ءۇش ءتۇرلى كۇش“كە سوققى بەرۋىنە بەلسەنە سايكەسۋدى قالايدى.

  ياڭ جيەچى، ۋاڭ ي، حى ليفىڭ قاتارلىلار كەزدەسۋگە قاتىناستى.

جاۋاپتى رەداكتور : سايراش تۇرارجان

ەسكەرتۋ:

تورابىمىزداعى مازمۇنداردىڭ مەنشىك ۇقىعى شينجياڭ ۇيعۇر اۆتونوميالى رايوندىق حالىق ۇكىمەتى اقپارات كەڭسەسىنە ءتان، جاريالانعان مازمۇنداردى سىلتەمەسىز كوشىرۋگە بولمايدى. كوشىرىپ پايدالانۋعا تۋرا كەلگەندە، «تيانشان تورى » الىنعانى انىق ەسكەرتىلۋى ءتيىس، بولماسا زاڭدىق جاۋاپكەرلىگى قۋزاستىرىلادى.