تيانشان تورى   ›   جاڭالىقتار   ›   شينجياڭ حابارلارى

الدىڭعى 7 ايدا شينجياڭنىڭ سىرتقى ساۋدا يمپورت - ەكسپورت جالپى قۇنى %13.3 ارتتى

بۇكىل ەلدىڭ 9.1 پايىز ارتۋ قارقىنىنان جوعارى بولدى

  ءتىلشى چىن چياڭۋي 8 - ايدىڭ 28 - كۇنى ۇرىمجىدەن حابارلايدى. ءۇرىمجى كەدەنىنەن ۇعىسۋىمىزشا، الدىڭعى 7 ايدا شينجياڭنىڭ سىرتقى ساۋدا يمپورت - ەكسپورت جالپى قۇنى 76 ميلليارد 80 ميلليون يۋان بولىپ، 2018 - جىلعى سايكەس مەزگىلدەگىدەن %13.3 ارتىپ، بۇكىل ەلدىڭ 9.1 پايىز ارتۋ قارقىنىنان جوعارى بولعان.

  بيىل الدىڭعى 7 ايدا شينجياڭنىڭ سىرتقى ساۋدا ەكسپورتى 54 ميلليارد 530 ميلليون يۋان بولىپ، سايكەس مەزگىلدەگىدەن %1.3 ارتتى؛ يمپورتى 21 ميلليارد 550 ميلليون يۋان بولىپ، سايكەس مەزگىلدەگىدەن %61.5 ارتتى. اتاپ وتۋگە تاتيتىنى، شينجياڭنىڭ سىرتقى ساۋدا ايلىق يمپورت - ەكسپورت قۇنى 3 - ايدان باستاپ ۇزدىكسىز 5 اي بويى سايكەس مەزگىلدەگىدەن ارتۋدى ىسكە اسىرعان. 7 - ايدىڭ وزىندە يمپورت - ەكسپورتى 13 ميلليارد 620 ميلليون يۋانعا جەتىپ، سايكەس مەزگىلدەگىدەن %26.6 ارتتى، مۇندا يمپورت 4 ميلليارد 230 ميلليون يۋان بولىپ، سايكەس مەزگىلدەگىدەن %87.7 ارتىپ، 2017 - جىلدان بەرگى ايلىق يمپورت ەڭ جوعارى ورەگە جەتكەن.

  ءۇرىمجى كەدەنى قامداعان ساندى مالىمەتتەن قاراعاندا، الدىڭعى 7 ايدا رايونىمىزدىڭ ءتۇرلى ساۋدا تاسىلدەرىندە تۇگەلدەي ءبىرشاما زور ارتۋ مولشەرى جارىققا شىققان. شاعىن سوماداعى شەكارا ساۋداسىنىڭ يمپورت - ەكسپورت جالپى قۇنى 44 ميلليارد 110 ميلليون يۋان بولىپ، سايكەس مەزگىلدەگىدەن %7.5 ارتىپ، ۇقساس مەزگىلدەگى شينجياڭنىڭ يمپورت - ەكسپورت ساۋدا جالپى قۇنىنىڭ %58ىن يەلەگەن؛ ادەتتەگى ساۋدا يمپورت - ەكسپورت جالپى قۇنى 27 ميلليارد 640 ميلليون يۋان بولىپ، سايكەس مەزگىلدەگىدەن %21.8 ارتقان. كەدەن ەرەكشە باقىلاۋ - باسقارۋ وڭىرلەرى زات اينالىمى تاۋارىنىڭ يمپورت - ەكسپورت جالپى قۇنى 2 ميلليارد 610 ميلليون يۋان بولىپ، سايكەس مەزگىلدەگىدەن %130 ارتقان؛ باجى قورعاۋدى باقىلاۋ - باسقارۋ ورىندارىندا شەكارادان كىرگىزىلەتىن - شىعارىلاتىن تاۋارلاردىڭ يمپورت - ەكسپورت جالپى قۇنى 790 ميلليون يۋانعا جەتىپ، سايكەس مەزگىلدەگىدەن %29.2 ارتقان.

  مەملەكەت ايىرماشىلىعى جونىنەن الىپ قاراعاندا، قازاقستان ءالى دە جۇڭگو شينجياڭىنىڭ ءبىرىنشى ۇلكەن ساۋدا سەرىگى ورنىن مىقتاپ يەلەگەن، جۇڭگو شينجياڭىنىڭ قازاقستانمەن يمپورت - ەكسپورتىنىڭ ارتۋ اعىنى كورنەكتى بولعان. الدىڭعى 7 ايدا قازاقستانعا قاراتقان يمپورت - ەكسپورتى 34 ميلليارد 830 ميلليون يۋان بولىپ، سايكەس مەزگىلدەگىدەن %17.2 ارتقان؛ قىرعىزستانعا قاراتقان يمپورت - ەكسپورتى 10 ميلليارد 670 ميلليون يۋان؛ رەسەيگە قاراتقان يمپورت - ەكسپورتى 5 ميلليارد 410 ميلليون يۋان بولعان. ۇقساس مەزگىلدە، جۇڭگو شينجياڭىنىڭ اۆسترالياعا، ارگەنتيناعا، وڭتۇستىك افريكاعا قاراتقان يمپورت - ەكسپورتىنىڭ ارتۋ اعىنى شاپشاڭ بولىپ، ساۋدا وبيەكتىلەرىنىڭ كوپ نەگىزدەنۋ اۋقىمى جارىققا شىققان.

  ءۇرىمجى كەدەنىنىڭ تالداۋىنا قاراعاندا، الدىڭعى 7 ايدا رايونىمىزدىڭ سىرتقى ساۋداسى ورنىقتى ارتۋ كۇيىن ساقتاپ، ىشكى - سىرتقى فاكتورلاردىڭ جان - جاقتى ىقپالىنىڭ پايداسىن كورگەن. ەل ءىشى جاعدايىنان قاراعاندا، ەلىمىزدىڭ حالىق شارۋاشىلىعى ورنىقتى اينالىم جاساپ، شينجياڭنىڭ سىرتقى ساۋداسىن دامىتۋدى پارمەندى دەمەدى. حالىقارالىق جاعدايدان قاراعاندا، جۇڭگو شينجياڭىنىڭ باستى ساۋدا ەلدەرىنىڭ ەكونوميكاسى ورنىقتى ارتىپ، سىرتقى ورتا سىرتقى ساۋدانىڭ ارتۋىنا ءتيىمدى بولعان.

جاۋاپتى رەداكتور : سايراش تۇرارجان قىزى

ەسكەرتۋ:

تورابىمىزداعى مازمۇنداردى پايدالانۋعا تۋرا كەلگەندە، ءسوزسىز جازباشا رۇقساتقا يە بولۋ كەرەك. مازمۇنداردى رۇقساتسىز جالعاپ تاراتۋعا، كەسىپ رەداكسيالاۋعا، وزگەرتۋگە، قىسقارتىپ قۇراستىرۋعا، باسقا ورىنعا كوشىرۋگە نەمەسە باسقا تاسىلدەرمەن كوبەيتۋگە ءارى تاراتۋعا بولمايدى، قايشى كەلگەندەردىڭ زاڭدىق جاۋاپكەرشىلىگى زاڭ بويىنشا قۋزاستىرىلادى.

  • وسى كەزەكتى جۇڭگو − ازيا - ەۆروپا كورمەسى تۇڭعىش رەت نەگىزگى قوناق ولكەلەردى بەلگىلەدى
  • تاپسىرىس ونىمدەردى جەدەل ءوندىرىپ، قامداۋدى قامتاماسىز ەتتى
  • جىلدىق مىندەتتى ءساتتى ورىنداۋعا شىنايى كەپىلدىك ەتتى
  • شينجياڭ جۇڭتاي توبى دۇنيە جۇزىندەگى 500 قۋاتتى كاسىپورىن قاتارىنا ءوتتى
  • جەل - جارىق ەنەرگياسى ءوزارا تولىقتىردى