تيانشان تورى   ›   جاڭالىقتار   ›   سپورت الەمى

7 - كەزەكتى دۇنيە جۇزىلىك اسكەريلەر سپورت جارىسىنا قاتىناساتىن ارميامىزدىڭ دەنە تاربيە ۋاكىلدەر ۇيىرمەسىنىڭ قۇرىلۋ جانە سەرت بەرۋ، اتتانىسقا كەلتىرۋ جينالىسى بەيجيڭدە وتكىزىلدى

  شينحۋا اگەنتتىگىنىڭ 8 - ايدىڭ 29 - كۇنى بەيجيڭنەن بەرگەن حابارى (ءتىلشى ليۋ جيمەي). 7 - كەزەكتى دۇنيە جۇزىلىك اسكەريلەر سپورت جارىسىنا قاتىناساتىن جۇڭگو حالىق ازاتتىق ارمياسىنىڭ دەنە تاربيە ۋاكىلدەر ۇيىرمەسىنىڭ قۇرىلۋ جانە سەرت بەرۋ، اتتانىسقا كەلتىرۋ جينالىسى 8 - ايدىڭ 29 - كۇنى ورتالىق اسكەري ىستەر كوميتەتى جاتتىعۋ، باسقارۋ ءبولىمىنىڭ اسكەري دەنە تاربيە جاتتىعۋى ورتالىعىندا وتكىزىلدى.

  7 - كەزەكتى دۇنيە جۇزىلىك اسكەريلەر سپورت جارىسى 10 - ايدىڭ 18 - كۇنى ۋحاندا اشىلادى. بۇكىل ارميادان تاڭدالعان 553 ادامنان قۇرالعان ارميامىزدىڭ دەنە تاربيە ۋاكىلدەر ۇيىرمەسى گولف دوبى تۇرىنەن وزگە 24 جارىس تۇرىنە جانە 2 ويىن تۇرىنە قاتىناسادى. ارميامىزدىڭ دەنە تاربيە ۋاكىلدەر ۇيىرمەسى وسى كەزەكتى اسكەريلەر سپورت جارىسىنداعى ءار ەل ۋاكىلدەر ۇيىرمەسىنىڭ ىشىندەگى ادام سانى ەڭ كوپ ۋاكىلدەر ۇيىرمەسى، سونداي - اق ارميامىزدىڭ دۇنيە جۇزىلىك اسكەريلەر سپورت جارىسىنا قاتىناسقان ادام سانىنىڭ جاڭا رەكوردىن جاراتتى.

  جينالىس ايبىندى مەملەكەت انىمەن باستالدى، ارميامىزدىڭ دەنە تاربيە ۋاكىلدەر ۇيىرمەسىنىڭ مۇشەلەرى بىلاي دەپ توپتىق سەرت بەردى: ”وتاننىڭ داڭقى ءۇشىن تاۋداي بورىش ارقالايمىز، قايسارلىقپەن سايىسىپ، ەرلىكپەن العا ۇمتىلامىز، ارىپتەسىمىزگە، تورەشىگە قۇرمەت ەتەمىز، وركەنيەتتى، ءتارتىپتى بولىپ، جارىسقا كىرشىكسىزدىكپەن قاتىناسامىز، دوستىقتى جەتكىزىپ، قاسيەتىمىزدى ايگىلەيمىز، ارميامىزدىڭ قۇدىرەتىن اسقاقتاتىپ، ەلىمىزدىڭ قۇدىرەتىن اسپانداتامىز!“

  ايبىندى سەرت جىگەردى جالىنداتىپ، ءسوزسىز، جەڭىسكە جەتۋ بەكىمىن جاريالادى. كوپشىلىك مىنالاردى ءبىلدىردى: ۇلى وتاندى ءسۇيىپ، وتان ءۇشىن ايانباي سايىسىپ ابروي اپەرىپ، ورايدى قاستەرلەپ، وزىمىزگە سايىس جاريالاپ، ۇزدىك ناتيجەمەن پارتياعا جانە حالىققا جاۋاپ بەرەمىز؛ ارميامىزدىڭ بورىشىن ەستە بەرىك ساقتاپ، ارميا تۋىنىڭ داڭقىن قورعاپ، 1 - تامىز رۋحىنا مۇراگەرلىك ەتىپ، ”1 - تامىز“ ايگىلى ماركاسىن جارقىراتىپ، ارميامىزدىڭ سايىسۋدان ايانبايتىن، ءسوزسىز جەڭىسكە جەتەتىن تاماشا ءداستۇرىن ساۋلەلەندىرىپ، ارميامىزدىڭ رەفورما ارقىلى ارميانى قۇدىرەتتەندىرۋ جاڭا بەينەسىن ايگىلەيمىز؛ حالىقارالىق اسكەريلەر سپورتىنىڭ ساحناسىنا شىعىپ، بەيبىتشىلىكتى، دوستىقتى جەتكىزىپ، دەنە تاربيە رۋحىن اسقاقتاتىپ، دەنە تاربيە ءمورالىن ارداقتاپ، دەنە تاربيە سالتىن امالياتتا ايگىلەيمىز؛ جارىسقا بار كۇشىمىزبەن دايىندالىپ قاتىناسىپ، اسقاق جىگەرمەن، قايتپاس قايسارلىقپەن جانە عىلمي تاسىلمەن جاۋىنگەر قوسىندى جاپالى جاتتىقتىرىپ، شەبەرلىكپەن جاتتىقتىرىپ، جاڭا جۇڭگو قۇرىلعاندىعىنىڭ 70 جىلدىعىن ۇزدىك ناتيجەمەن قۇتتىقتايمىز.

جاۋاپتى رەداكتور : سايراش تۇرارجان

ەسكەرتۋ:

تورابىمىزداعى مازمۇنداردىڭ مەنشىك ۇقىعى شينجياڭ ۇيعۇر اۆتونوميالى رايوندىق حالىق ۇكىمەتى اقپارات كەڭسەسىنە ءتان، جاريالانعان مازمۇنداردى سىلتەمەسىز كوشىرۋگە بولمايدى. كوشىرىپ پايدالانۋعا تۋرا كەلگەندە، «تيانشان تورى » الىنعانى انىق ەسكەرتىلۋى ءتيىس، بولماسا زاڭدىق جاۋاپكەرلىگى قۋزاستىرىلادى.