شاۋەشەك قالاسى شينچىڭ ءمالىسى قارا ءدوڭ الەۋمەتتىك اۋماعىنىڭ تۇرعىنى
سالىقجان ءيمىن
مەن كونە قوعامدا تۋىلىپ، قىزىل تۋ استىندا ەرجەتىپ، پارتيانىڭ ۇزاق جىلدىق تاربيەلەۋىنە، باۋلۋىنا يە بولدىم. مەن بيىل 73جاسقا كەلدىم، 2009 - جىلدان باستاپ اپتا سايىن ءوز ءۇيىمنىڭ شاعىن اۋلاسىندا مەملەكەت تۋىن شىعارىپ، مەملەكەت تۋى استىندا وتانشىلدىقتى جانە ۇلتتار ىنتىماعىن نەگىزگى تاقىرىپ ەتكەن ۇگىت - لەكسيا جاساپ كەلەمىن. بارعان سايىن كوپتەگەن ادام وزدىكتەرىنەن مەنىڭ اۋلاما كەلىپ مەملەكەت تۋىن شىعارۋ سالتىنا قاتىناسىپ، وسى ارقىلى پارتيا مەن وتانعا دەگەن العىس سەزىمدەرىن ءبىلدىردى.
10 جىلدى ءبىر كۇنگىدەي وتكىزىپ وسى ىسكە تاباندى بولۋىمنىڭ سەبەبى اكە - شەشەمنىڭ جانە ازاتتىق ارميانىڭ ىقپالىنا تەرەڭ ۇشىراۋىمنان بولعان ەدى. 1950 - جىلى جۇڭگو حالىق ازاتتىق ارمياسىنىڭ بەلگىلى ءبولىمى شاۋەشەك قالاسىنا كەلىپ، ءبىر مەزەت تۇراتىن جەر تابا الماي داعدارىپ قالادى. اكە - شەشەم اۋلامىز ىشىندەگى 4 اۋىز ءۇيدى بوساتىپ بەردى، تاعى دا اۋلامىزداعى بوس جەردى ازاتتىق ارميانىڭ كوكونىس ەگۋىنە بەرەدى. 8 جىل ۋاقىت ىشىندە ءبىز جاۋىنگەرلەرمەن قۇددى ءبىر ءۇيلى جانداي بەرەكە - بىرلىكتە بولدىق. سول كەزدەرى ءبىزدىڭ ءۇيدىڭ اۋلاسىندا بەس جۇلدىزدى قىزىل تۋ جەلبىرەپ تۇراتىن، بۇل كورىنىس مەنىڭ ساناما مىقتاپ ورنادى. ازاتتىق ارميانىڭ حالىق ءۇشىن قىزمەت ىستەۋدەگى ءاربىر ءسوز - ارەكەتىنىڭ ىقپالىندا مەن پارتيا مەن مەملەكەت ءۇشىن، قوعام ءۇشىن كوبىرەك يگى ىستەر ىستەپ بەرۋ سەنىمىمدى بەكەمدەدىم.
پارتيانىڭ قامقورلىعىنا بولەنگەن، جاڭا داۋىردەگى دامۋدىڭ جەتىستىكتەرىنەن يگىلىكتەنگەن ازامات رەتىندە، مەن باستان - اياق بىلاي دەپ قارايمىن: ۇلى پارتيامىز جانە ۇلى وتانىمىز بولماسا، شينجياڭنىڭ بۇگىنگىدەي دامۋى مەن گۇلدەنۋى بولماس ەدى، ءار ۇلت حالقىنىڭ باقىتتى تۇرمىسى بولماس ەدى، مەنىڭ ءوز باسىمنىڭ جانە ۇرپاقتارىمنىڭ تولىسىپ - جەتىلۋى، العا باسۋى تىپتەن بولماس ەدى. پارتيا بىزگە باقىتتى تۇرمىس سيلادى، مەن پارتيانى قىزۋ سۇيەمىن، وتاندى قىزۋ سۇيەمىن، اتا مەكەنىمدى قىزۋ سۇيەمىن، ماڭگى پارتياعا العىس ايتامىن، پارتيانىڭ سوزىنە قۇلاق اسامىن، پارتياعا ىلەسەمىن.
ءبىر تامسىلدە: ”التىن - كۇمىس، اسىل قازىنا ناعىز بايلىق ەمەس، ىنتىماق، بەرەكە - بىرلىك ناعىز باقىت“دەپ جاقسى ايتىلعان. مەن ءار ۇلت بۇقاراسىنا بىلاي دەگىم كەلەدى: شينجياڭداعى ءار ۇلت جۇڭحۋا ۇلتىنىڭ تامىرلاس وتباسى مۇشەسى، ولار ءبىرىن - ءبىرى ءتۇسىنىپ، ءبىرىن - ءبىرى قۇرمەتتەپ، ءبىر - بىرىنە كەشىرىمشىل بولىپ، ءبىر - بىرىنەن ۇلگى الىپ، ءبىر - بىرىنەن ۇيرەنۋى، ءبىر - بىرىنە كومەكتەسۋى، پارتيانى قىزۋ ءسۇيۋدىڭ، وتاندى قىزۋ ءسۇيۋدىڭ، جۇڭحۋا ۇلتى ۇلى شاڭىراعىن قىزۋ ءسۇيۋدىڭ ۇلگىسى بولىپ، ۇلتتار ىنتىماعىن ءوزىنىڭ كوز قاراشىعىن قورعاعانداي قورعاپ، ۇلتتار ىنتىماعىن ءوزىنىڭ ءومىرىن قاستەرلەگەندەي قاستەرلەپ، ءار ۇلت بۇقاراسىنىڭ اناردىڭ دانىندەي تىعىز ۇيىسۋىن جەبەۋ كەرەك. ۇلتتار ىنتىماعىن، قوعام ورنىقتىلىعىن قورعاۋ الدەبىر ادامنىڭ جاۋاپكەرشىلىگى ەمەس، قايتا ءبىزدىڭ شينجياڭداعى ءار ۇلت حالقىنىڭ ورتاق جاۋاپكەرشىلىگى.
الداعى جەردە، مەن قوعام ورنىقتىلىعى مەن باياندى تىنىشتىق باس نىساناسىن مىقتاپ ارقاۋ ەتىپ، ءوزىم ونەگە بولىپ، ءمورال ۇلگىسى رولىمدى ويداعىداي ساۋلەلەندىرىپ، مەملەكەت تۋىن شىعارۋعا جانە ۇگىت - لەكسيا جاساۋعا جالعاستى تاباندى بولىپ، ءار ۇلت بۇقاراسىنا پارتيانىڭ حالىققا ءتيىمدى ساياساتتارىن بەلسەنە ۇگىتتەپ، ويداعىداي جەتەكشىلىك ەتىپ، ونەگە بولامىن، بولماشى ارەكەتتەرىم ارقىلى ءار ۇلت بۇقاراسىن ۇلتتار ىنتىماعىن بىرگە قورعاۋعا اسەرلەندىرىپ، ىقپال جاساپ، باستاپ، قوعام ورنىقتىلىعى مەن باياندى تىنىشتىقتى قورعاۋدىڭ قۇرىش قورعانىن سوعىپ، ىنتىماقتى، جاراسىمدى، گۇلدەنگەن، باي، وركەنيەتتى، العا باسقان، تىنىش ءومىر، شات - شادىمان تىرشىلىك كەشىرەتىن جۇڭگوشا سوتسياليستىك شينجياڭ قۇرۋعا كۇش - قۋاتىمدى ارنايمىن.
