تيانشان تورى   ›   جاڭالىقتار   ›   ماڭىزدى حابارلار

جۇڭحۋا حالىق رەسپۋبليكاسى قۇرىلعاندىعىنىڭ 70 جىلدىعىن قۇتتىقتاۋ بايلانىسىمەن استانا بەيجيڭدە سالتاناتتى، دۋماندى قۇتتىقتاۋ قيمىلدارى وتكىزىلەدى

  10 - ايدىڭ 1 - كۇنى تيان - انمىن الاڭىندا جۇڭحۋا حالىق رەسپۋبليكاسى قۇرىلعاندىعىنىڭ 70 جىلدىعىن قۇتتىقتاۋ جينالىسى سالتاناتپەن وتكىزىلەدى، جۇڭگو كوممۋنيستىك پارتياسى ورتالىق كوميتەتىنىڭ باس شۋجيى، مەملەكەت ءتوراعاسى، ورتالىق اسكەري ىستەر كوميتەتىنىڭ ءتوراعاسى شي جينپيڭ ماڭىزدى ءسوز سويلەيدى، قۇتتىقتاۋ جينالىسىنان كەيىن سالتاناتتى اسكەري پارات جانە بۇقارالىق شەرۋ وتكىزىلەدى

  شينحۋا اگەنتتىگىنىڭ 8 - ايدىڭ 29 - كۇنى بەيجيڭنەن بەرگەن حابارى (تىلشىلەر لو شا، باي ياڭ). بيىل جۇڭحۋا حالىق رەسپۋبليكاسى قۇرىلعاندىعىنىڭ 70 جىلدىعى، استانا بەيجيڭدە سالتاناتتى، دۋماندى قۇتتىقتاۋ قيمىلدارى وتكىزىلەدى. 8 - ايدىڭ 29 - كۇنى ورتالىق كوميتەت ۇگىت ءبولىمىنىڭ ۇنەمىلىك ىستەرگە جاۋاپتى ورىنباسار باستىعى ۋاڭ شياۋحۇي مەملەكەتتىك كەڭەستىڭ اقپارات كەڭسەسى وتكىزگەن اقپار جاريالاۋ ماجىلىسىندە تىلشىلەرگە قۇتتىقتاۋ قيمىلدارىنىڭ ورنالاستىرىلۋ جاعدايىن تانىستىردى. مەملەكەتتىك دامۋ جانە رەفورما كوميتەتىندەگى، مادەنيەت جانە ساياحات مينيسترلىگىندەگى، بەيجيڭ قالاسىنداعى، اسكەري پاراتقا باسشىلىق ەتۋ گرۋپپاسى كەڭسەسىندەگى جاۋاپتى جولداستار اقپار جاريالاۋ ماجىلىسىنە بىرگە قاتىناستى جانە تىلشىلەردىڭ سۇراۋىنا جاۋاپ بەردى.

  ۋاڭ شياۋحۇي بىلاي دەپ تانىستىردى، جۇڭحۋا حالىق رەسپۋبليكاسى قۇرىلعاندىعىنىڭ 70 جىلدىعىن قۇتتىقتاۋ قيمىلدارى جۇڭحۋا حالىق رەسپۋبليكاسى قۇرىلعان 70 جىلدان بەرگى شۇعىلالى بارىستى، ۇلى جەتىستىكتەردى جانە قىمباتتى تاجىريبەلەردى تولىق كورسەتىپ، پارتيا 18 - قۇرىلتايىنان بەرگى شي جينپيڭ جولداستى ۇيتقى ەتكەن پارتيا ورتالىق كوميتەتىنىڭ بۇكىل پارتيانى، بۇكىل ارميانى، بۇكىل ەلدەگى ءار ۇلت حالقىن ىنتىماقتاستىرىپ، باستاپ، ۇلى كۇرەس جۇرگىزۋدە، ۇلى ينجەنەريا قۇرۋدا، ۇلى ىستەردى ىلگەرىلەتۋدە، ۇلى ارماندى جۇزەگە اسىرۋدا پارتيا مەن مەملەكەت ىستەرىن ىلگەرىلەتۋدە قول جەتكىزگەن تاريحي جەتىستىكتەردى، تۋىلعان تاريحي وزگەرىستەردى كورنەكتى تۇردە ايگىلەپ، بۇكىل پارتيانى، بۇكىل ارميانى، بۇكىل ەلدەگى ءار ۇلت حالقىن شي جينپيڭ جولداستى ۇيتقى ەتكەن پارتيا ورتالىق كوميتەتىنىڭ توڭىرەگىنە اناعۇرلىم تىعىز ىنتىماقتاسىپ، اۋەلگى ماقساتتى ۇمىتپاي، بورىشتى ەستە بەرىك ساقتاپ، جاپپاي دوڭگەلەك داۋلەتتى قوعام ورناتۋدىڭ شەشۋشى جەڭىسىنە جەتكىزۋ، جاڭا داۋىردەگى جۇڭگوشا سوتسياليزمنىڭ ۇلى جەڭىسىنە قول جەتكىزۋ، جۇڭحۋا ۇلتىنىڭ ۇلى گۇلدەنۋى سىندى جۇڭگو ارمانىن جۇزەگە اسىرۋ ءۇشىن قاجىماي - تالماي كۇرەس جۇرگىزۋگە ىنتالاندىرادى جانە جۇمىلدىرادى.

  تانىستىرۋعا قاراعاندا، قۇتتىقتاۋ قيمىلدارىندا، باستىسى، مىناداي ورنالاستىرۋلار قامتىلعان: 10 - ايدىڭ 1 - كۇنى تيان - انمىن الاڭىندا جۇڭحۋا حالىق رەسپۋبليكاسى قۇرىلعاندىعىنىڭ 70 جىلدىعىن قۇتتىقتاۋ جينالىسى سالتاناتپەن وتكىزىلەدى، جۇڭگو كوممۋنيستىك پارتياسى ورتالىق كوميتەتىنىڭ باس شۋجيى، مەملەكەت ءتوراعاسى، ورتالىق اسكەري ىستەر كوميتەتىنىڭ ءتوراعاسى شي جينپيڭ ماڭىزدى ءسوز سويلەيدى، قۇتتىقتاۋ جينالىسىنان كەيىن سالتاناتتى اسكەري پارات جانە بۇقارالىق شەرۋ وتكىزىلەدى. 10 - ايدىڭ 1 - كۇنى كەشتە تيان - انمىن الاڭىندا استاناداعى مەملەكەت مەرەكەسىن قۇتتىقتاۋعا ارنالعان بىرلەسكەن ويىن - ساۋىق قيمىلى وتكىزىلىپ، پارتيا مەن مەملەكەت باسشىلارى استاناداعى ءار سالا ۋاكىلدەرىمەن بىرگە ساۋىق قۇرادى، سونداي - اق ادەبيەت - كوركەمونەر كونسەرتى مەن ءتۇستى جارقىلداق ويىنىن تاماشالايدى. حالىق سارايىندا سالتاناتتى تاراتۋ سيلاۋ سالتى وتكىزىلىپ، جۇڭگوشا سوتسياليزم قۇرىلىسىنا جانە مەملەكەتتى قورعاۋعا زور ۇلەس قوسقان، ەرەن ەڭبەك كورسەتكەن، ءمورالدىق قاسيەتى اسقاق، بۇقارا جاپپاي مويىنداعان تاڭداۋلى قايراتكەرلەر، جۇڭگونىڭ سوتسياليستىك وسىزامانداندىرۋ قۇرىلىسىنا جانە جۇڭگو مەن شەتەلدىڭ اۋىس - كۇيىسىن، سەلبەستىگىن جەبەۋگە، دۇنيە ءجۇزىنىڭ بەيبىتشىلىگىن قورعاۋعا ەرەن ۇلەس قوسقان شەتەلدىكتەر، ءار سالا، ءار كاسىپتە ەلەۋلى ۇلەس قوسقان، اسقاق داڭققا يە بولعان، ءمورالدىق قاسيەتى اسقاق، بۇقارا جاپپاي مويىنداعان تاڭداۋلى قايراتكەرلەر جەكە - جەكە ”رەسپۋبليكا وردەنىمەن“، ”دوستىق وردەنىمەن“ جانە مەملەكەت داڭق اتاقتارىمەن ماراپاتتالىپ، جۇڭحۋا حالىق رەسپۋبليكاسىنىڭ ءتوراعاسى شي جينپيڭ ءوز قولىمەن وردەن، مەدال تابىستاپ، قولى قويىلعان كۋالىك بەرەدى. 9 - ايدىڭ 30 - كۇنى قۇربانداردى ەسكە الۋ كۇنىندە تيان - انمىن الاڭىنداعى حالىق قاھارماندار ەسكەرتكىشىنىڭ الدىندا حالىق قاھارماندارىنا گۇل شارباعىن قويۋ سالتى وتكىزىلىپ، پارتيا مەن مەملەكەت باسشىلارى جانە استاناداعى ءار سالا جۇرتشىلىق ۋاكىلدەرى قاتىناسادى. جۇڭحۋا حالىق رەسپۋبليكاسىنىڭ ءتوراعاسى شي جينپيڭنىڭ اتىمەن حالىق سارايىندا سالتاناتتى مەملەكەت مەرەكەسى قوناعاسىسى بەرىلەدى، جۇڭگو كوممۋنيستىك پارتياسى ورتالىق كوميتەتىنىڭ باس شۋجيى، مەملەكەت ءتوراعاسى، ورتالىق اسكەري ىستەر كوميتەتىنىڭ ءتوراعاسى شي جينپيڭ ماڭىزدى ءسوز سويلەيدى. حالىق سارايىندا كولەمدى مۋزيكا - ءبي ەپوسى تۇرىندە كورسەتىلەتىن جۇڭحۋا حالىق رەسپۋبليكاسى قۇرىلعاندىعىنىڭ 70 جىلدىعىن قۇتتىقتاۋ ادەبيەت - كوركەمونەر ساۋىق كەشى «كۇرەس جۇرگىزەيىك، جۇڭحۋا پەرزەنتتەرى» وتكىزىلەدى. 9 - ايدان باستاپ، بەيجيڭ كورمە سارايىندا جۇڭحۋا حالىق رەسپۋبليكاسى قۇرىلعاندىعىنىڭ 70 جىلدىعىن قۇتتىقتاۋ بايلانىسىمەن كولەمدى جەتىستىكتەر كورمەسى وتكىزىلەدى. جۇڭگو كوممۋنيستىك پارتياسى ورتالىق كوميتەتىنىڭ، مەملەكەتتىك كەڭەستىڭ، ورتالىق اسكەري ىستەر كوميتەتىنىڭ اتىندا ”جۇڭحۋا حالىق رەسپۋبليكاسى قۇرىلعاندىعىنىڭ 70 جىلدىعىن قۇتتىقتاۋ“ ەستەلىك ىزناگى تاراتىلادى. جۇڭحۋا حالىق رەسپۋبليكاسى قۇرىلعان 70 جىلدان بەرگى شۇعىلالى جەتىستىكتەر باستى مازمۇن ەتىلىپ كولەمدى دەرەكتى ارناۋلى فيلم جاسالادى، تاراتىلادى. جۇڭحۋا حالىق رەسپۋبليكاسى قۇرىلعاندىعىنىڭ 70 جىلدىعىن قۇتتىقتاۋ تاقىرىپ ەتىلىپ، ەستەلىك اقشالار مەن ەستەلىك پوچتا ماركالارى تاراتىلادى.

  تانىستىرۋعا قاراعاندا، قۇتتىقتاۋ قيمىلدارى سالتاناتتى، دۋماندى ءارى ناقتى، ۇنەمشىل بولىپ، ورتالىقتىڭ سەگىز ءتۇرلى بەلگىلەمەسىنىڭ رۋحى قاتاڭ اتقارىلىپ، فورماشىلدىقتان ساقتانىپ، استا - توك ىسىراپشىلدىققا جول بەرىلمەيدى ەكەن. جەر - جەر، تاراۋلار تاعى پارتيا ورتالىق كوميتەتىنىڭ ءبىر تۇتاس ورنالاستىرۋى بويىنشا فورماسى الۋان ءتۇرلى قۇتتىقتاۋ قيمىلدارىن ۇيىمداستىرادى، ورىستەتەدى. ورتالىق كوميتەت ۇگىت ءبولىمى ”ايبىندى 70 جىل. كۇرەسكە تولى جاڭا ءداۋىر“ كولەمدى تاقىرىپتىق تىلشىلىك قيمىلى، ”مەن جانە مەنىڭ وتانىم“ بۇقارالىق تاقىرىپتىق ۇگىت - تاربيە قيمىلى، ”ەڭ ارداقتى كۇرەسكەر“ ۇيرەنۋ - ۇگىت قيمىلى سياقتىلاردى دەن قويا ۇيىمداستىرىپ جۇرگىزىپ، جاڭا جۇڭگوعا، كۇرەسكە تولى جاڭا داۋىرگە ماداق ايتاتىن اسقاق اۋەندى زور كۇشپەن شارىقتاتادى ەكەن.

جاۋاپتى رەداكتور : سايراش تۇرارجان

ەسكەرتۋ:

تورابىمىزداعى مازمۇنداردىڭ مەنشىك ۇقىعى شينجياڭ ۇيعۇر اۆتونوميالى رايوندىق حالىق ۇكىمەتى اقپارات كەڭسەسىنە ءتان، جاريالانعان مازمۇنداردى سىلتەمەسىز كوشىرۋگە بولمايدى. كوشىرىپ پايدالانۋعا تۋرا كەلگەندە، «تيانشان تورى » الىنعانى انىق ەسكەرتىلۋى ءتيىس، بولماسا زاڭدىق جاۋاپكەرلىگى قۋزاستىرىلادى.