تيانشان تورى   ›   جاڭالىقتار   ›   ايبىندى 70 جىل ، كۇرەسكە تولى جاڭا ءداۋىر

كوكونىستى زەردەلى ساتىپ الۋدىڭ استارىنداعى دامۋ لوگيكاسى

− بۇكىل شينجياڭداعى جەمىس - جيدەكتى، كوكونىستى تۇڭعىش زەردەلى ساتۋ دۇكەندەرى جارىققا شىققاننان كەيىن

ءتىلشى يە شياۋمين

  8 - ايدىڭ 29 - كۇنى ءۇرىمجى قالاسى سايباق رايونى ياڭزىجياڭ جولى شىعىس الەۋمەتتىك اۋماعىنىڭ تۇرعىنى حى يۇيلان جەمىس - جيدەك، كوكونىستى زەردەلى تالعامالى ساتۋ دۇكەنىنە بارىپ، قول تەلەفونىمەن ەكىلىك كودقا تىركەلىپ، ونان سوڭ ەكىلىك كودتى سكانەرلەگەندە، جاس كۇيىندە ساقتاۋ شكابىنىڭ ەسىگى اشىلدى. ول ءبىر قىزاناق، ەكى لازى جانە ءبىر بۇيرا كوكونىس العاندا شكاب ەسىگى جابىلىپ، جۇيە اۆتوماتتى تۇردە اقشا تارتىپ قالدى.

  ”ءۇيىمىزدىڭ الدىنداعى وسى جەمىس - جيدەكتى، كوكونىستى زەردەلى تالعامالى ساتۋ دۇكەنى ۇيىمىزدەگى مۇزداتقىش سياقتى، قانداي كوكونىس الاتىندىعىمدى، قانشالىق الاتىندىعىمدى قالاعانىمشا تاڭداي الامىن، وتە قولايلى ەكەن“، - دەدى حى يۇيلان قۋانىشپەن.

  8 - ايدىڭ 8 - كۇنىنەن باستاپ وسى جەمىس - جيدەكتى، كوكونىستى زەردەلى تالعامالى ساتۋ دۇكەنى ىسكە قوسىلعاننان كەيىن الەۋمەتتىك اۋماقتاعى تۇرعىنداردىڭ كوكونىس ساتىپ الۋ تاسىلىندە وزگەرىس تۋىلدى.

■ حوتاننىڭ ەكولوگيالىق جەمىس - جيدەگىمەن، كوكونىسىمەن ءۇرىمجى قالاسى تۇرعىندارىنىڭ قاۋىشۋى

  ساتۋ دۇكەنىنىڭ ءبىر باسى وڭتۇستىك شينجياڭنىڭ كوكونىس اتىزىن، ءبىر باسى ءۇرىمجى قالاسى تۇرعىندارىنىڭ اس ۇستەلىن تۇتاستىردى.

  8 - ايدىڭ 29 - كۇنى ءتىلشى 15 شارشى مەتر جەردى يەلەگەن جەمىس - جيدەكتى، كوكونىستى زەردەلى تالعامالى ساتۋ دۇكەنىنە بارعاندا، 20 نەشە ءتۇرلى كوكونىس سالىنعان جاس كۇيىندە ساقتاۋ شكابىن كوردى، ءتۇرلى كوكونىستەر تۇرلىشە سۋىرمالارعا قاز - قاتار رەتتى سالىنىپتى. كوكونىس ساتىپ العاندا، ەكىلىك كودتى سكانەرلەۋ ارقىلى شكابتى اشىپ، كوكونىستى تاڭداپ الاسىز، ەسىك جابىلعان ساتتە جۇيە اۆتوماتتى تۇردە ەسەپ جابادى.

  ”بۇل اۋىرلىقتى ميكرو ەسەپتەۋ ينتەرنەت تەحنيكاسىنىڭ كەمەلدەنۋىنىڭ ارقاسى، كوكونىس ساتقان كەزدە جۇيە اۋىرلىقتى اۆتوماتتى تۇردە ولشەيدى“، - دەپ ءسوزىن ساباقتاعان شينجياڭ تيانتيانشيان ساۋدا شەكتى سەرىكتەستىگى بازار ءبولىمىنىڭ ديرەكتورى چىن لينجياڭ: ۇرىمجىدە سالماعىن دالمە - ءدال ولشەۋدى جۇزەگە اسىرعان جەمىس - جيدەكتى، كوكونىستى اۆتوماتتى ساتۋ دۇكەنى قازىر وسى بىرەۋ عانا، - دەدى.

  ساتۋ دۇكەنىنىڭ سىرتىندا ”سايباق رايونىنىڭ كەريا كوكونىس بازاسىنا باعىتتاعان تىكە ساتۋ ءتۇيىنى“ دەگەن جازۋ بار. ءۇرىمجى قالاسى سايباق رايوندىق دامۋ جانە رەفورما كوميتەتىنىڭ مەڭگەرۋشىسى ماۋ يۋانميڭ بىلاي دەپ تانىستىردى: كومەكتەسۋ - سۇيەمەلدەۋ قىزمەتىن ويداعىداي ىستەپ، كەريا اۋداندىق اۋىل شارۋاشىلىق قوسىمشا ونىمدەرىنىڭ ساتىلۋى قيىن بولۋىن شەشۋ ءۇشىن، سايباق رايونى كەريا اۋىل شارۋاشىلىق قوسىمشا ونىمدەرىن تىكە ساتۋ تورىن قۇردى.

  چىن لينجياڭ بىلاي دەپ تانىستىردى: سەرىكتەستىكتىڭ كەريادا 31 مىڭ مۋلىق كوكونىس ەگۋ بازاسى بار، ءتۇرلى كوكونىستەن جىلىنا 50 مىڭ دا 80 مىڭ توننا ءونىم الىنادى، ءار كۇنى 20 توننا كوكونىس كەريادان ارناۋلى تاسىمال كولىگى ارقىلى سەرىكتەستىكتىڭ ايىرۋ ورتالىعىنا جەتكىزىلەدى، سۇرىپتاۋ، بايلاۋ، بۋۋ، ءبولىپ قوراپتاپ دورباعا سالۋ ارقىلى ءىشىنارا كوكونىستەر جەمىس - جيدەكتى، كوكونىستى زەردەلى تالعامالى ساتۋ دۇكەنىنە جەتكىزىلەدى.

  جەمىس - جيدەكتى، كوكونىستى زەردەلى تالعامالى ساتۋ دۇكەنىنىڭ جارىققا شىعۋى جەمىس - جيدەكتىڭ، كوكونىستىڭ تۇرعىنداردىڭ داستارقانىنا شىعۋعا دەيىنگى ارالىق بۋىندى ءونىمدى تۇردە ازايتىپ، ءتۇرلى كوكونىستەر ۇكىمەتتىڭ جەتەكتەۋ باعاسىندا ساتىلىپ، وزىندىك قۇنى جانە ساتۋ باعاسى زور مولشەردە تومەندەدى.

■ كوكونىستى ساتۋدىڭ ”ەڭ سوڭعى ءبىر كيلومەترىن“ اشتى

  8 - ايدىڭ 28 - كۇنى كەريا اۋدانى سەنبى بازار قالاشىعىندا ەگىنشىلەر ابىگەرگە ءتۇسىپ اتىزداعى پيازدارىن دوربالاپ، اتىز باسىنداعى سۋىق، جاس كۇيىندە ساقتاۋ كولىگىنە قاراي جەتكىزۋدە. سۋىق، جاس كۇيىندە ساقتاۋ كولىگىنە تولتىرىپ باسقان سوڭ، ءشول جازيرا تاس جولىن كەسىپ ءوتىپ، 1500 كيلومەتر جول جۇرگەن سوڭ، 8 - ايدىڭ 29 - كۇنى ساعات 5تە ۇرىمجىدەگى شينجياڭ تيانتيانشيان ساۋدا شەكتى سەرىكتەستىگىنىڭ ايىرۋ ورتالىعىنا جەتەدى. ساعان 6 مولشەرىندە جەتكىزۋشى كاڭ حۇڭان ءبىر ءبولىم جەمىس - جيدەكتى، كوكونىستى جەتكىزۋ كولىگىنە قاربالاس تيەپ، ساعات 7دەن 30 مينۋت وتكەندە جەمىس - جيدەكتى، كوكونىستى زەردەلى تالعامالى ساتۋ دۇكەنىنە جەتكىزەدى.

  بازادان الەۋمەتتىك اۋماقتاعى ساتۋ دۇكەنىنە دەيىنگى تۇتاس بارىستا سۋىق تاسىمالداۋ تىزبەگى كوكونىستىڭ جاس كۇيىنە كەپىلدىك ەتتى.

  ”ءبىز جۇيەنىڭ باقىلاپ - ولشەگەن ساتۋ ساندى مالىمەتىنە نەگىزدەلىپ، ۋاقىت كەزەڭىنە ءبولىپ كوكونىستىڭ باعاسىن ارزانداتىپ ساتامىز“، - دەدى چىن لينجياڭ، تۇرعىندار وزدەرى ۇناتاتىن كوكونىستى تاڭداعان سوڭ، سوڭىنان كەلگەن الارماندار تاڭداعان كوكونىستىڭ ساپاسى انتەك ناشارلاۋ جايتى جارىققا شىعادى، سوندىقتان باعانى ارزانداتۋ ءتاسىلى ارقىلى تۋتىنۋدى جەبەپ، كوكونىستىڭ زياندالۋىن تومەندەتۋدە ءونىمى كورنەكتى بولدى.

  ساتۋ دۇكەنى كۇنىنە مولشەرمەن 400 كيلوگرام كوكونىسپەن، جەمىس - جيدەكپەن قامدايدى، ساتۋ قۇنى 1000 نەشە يۋان اينالاسىندا. ”20 نەشە كۇن تيجارات جۇرگىزۋ ارقىلى كوكونىستى ەڭ تومەن بولعاندا %50 ارزانداتتىق، كوكونىستىڭ كۇندىك زياندالۋ مولشەرىن %2دەن %3 اراسىندا مەڭگەردىك“، - دەدى چىن لينجياڭ.

  جەمىس - جيدەكتى، كوكونىستى زەردەلى تالعامالى ساتۋ دۇكەنى جۇيەسىنىڭ ارتقى تەكشە ساندى مالىمەتىنىڭ كورسەتۋىنشە، ياڭزىجياڭ جولى شىعىس الەۋمەتتىك اۋماعىندا مولشەرمەن 1500 وتباسى تۇرادى، قازىر ەكى ولشەمدى كود ارقىلى جەمىس - جيدەكتى، كوكونىستى زەردەلى تالعامالى ساتۋعا ءساتتى تىركەلگەن وتباسى 945 كە جەتتى، ءار كۇنگى تۇتىنۋشى 200دە 300 ادامعا جەتتى، كوكونىس تۇتىنۋشىلاردىڭ جاس شاماسى 30دان 70 جاس ارالىعىندا، جەمىس - جيدەك تۇتىنۋشىلاردىڭ جاس شاماسى 20دان 50 جاس ارالىعىندا.

■ ۇلكەن ساندى مالىمەت جەمىس - جيدەكتىڭ، كوكونىستىڭ ساتىلۋىن ۇيگە دەيىن دالمە - ءدال جەتكىزدى

  ”ءبىزدىڭ بايقاعانىمىز كەيبىرەۋلەر ءبىر كۇندە ەڭ كوپ بولعاندا 6 رەت كوكونىس ساتىپ الادى ەكەن، الايدا مولشەرى وتە از. ءبىز تالداۋ جاساۋ ارقىلى بۇل تۇتىنۋشى نەنى جەگىسى كەلسە سونى الاتىندىعىن، قانشا جەسە سونشا الىپ، ناعىز جاڭا كوكونىس جەيتىندىگىن بىلدىك“، - دەدى چىن لينجياڭ.

  تۇرعىن ساۋ يۇيفەي بىلاي دەدى: ”بۇرىن ءار رەت ەرەن بازارعا بارىپ كوكونىس ساتىپ العان كەزدە، ءبىر اپتا جەيتىن كوكونىس ساتىپ الىپ مۇزداتقىشقا مۇزداتىپ ساقتاپ قوياتىنمىن، جەپ بولا الماي بۇزىلىپ كەتەتىن جاعداي ۇنەمى تۋىلاتىن. ال قازىر ءار كۇنى قىزمەتتەن ۇيگە قايتار جولدا ساتۋ دۇكەنىنەن سول كۇنى جەۋگە جەتەتىنىن ساتىپ السام بولدى“.

  ۇلكەن ساندى مالىمەتتىڭ تىرەك بولۋىندا، چىن لينجياڭ الەۋمەتتىك اۋماقتاعى 70تەن 90 جاس ارالىعىنداعى قارتتاردىڭ زەردەلى قول تەلەفون ىستەتپەيتىندىگىن بايقايدى، بۇل ادامدار ساتۋ دۇكەنىنەن كوكونىس ساتىپ العىسى كەلسە قالاي ءبىر جايلى ەتۋ كەرەك؟ ”كارتچكا سۇيكەۋ“، - دەدى چىن لينجياڭ، كوكونىستى زەردەلى تالعامالى ساتۋ دۇكەنىنە كەيىن كارتچكا سۇيكەۋ يقۋاتى قوسىلىپ، قارتتاردىڭ پەرزەنتتەرى زەردەلى قول تەلەفون ارقىلى كوكونىس ساتىپ الۋ كارتچكاسىنا اقشا سالىپ، ساتىپ الۋشىلاردى تۇتاس قامتۋدى جۇزەگە اسىرادى.

  ساندى مالىمەتتەردى جيناقتاۋ ارقىلى الەۋمەتتىك اۋماق تۇرعىندارىنىڭ قۇشتارىن تولىق بىلگەن سوڭ، جەمىس - جيدەكتى، كوكونىستى زەردەلى تالعامالى ساتۋ جۇيەسى شاعىن اۋماققا ءتىپتى دە دالمە - ءدال جەتكىزەدى.

■ ەلەكتروندىق ساۋدانىڭ ءداستۇرلى اۋىل شارۋاشىلىق ونىمدەرى ساۋداسىنا كىرۋىنەن تۋعان وي

  ماۋ يۋانميڭ مىنانى ءبىلدىردى: جەمىس - جيدەكتى، كوكونىستى زەردەلى تالعامالى ساتۋ دۇكەنى كەريا اۋدانىنا كومەكتەسۋ - سۇيەمەلدەۋ ءۇشىن سالىنعانىمەن، الايدا بۇل قوعام دامۋىنىڭ اۋقىمى. جەمىس - جيدەكتى، كوكونىستى زەردەلى تالعامالى ساتۋ دۇكەنى ءىس جۇزىندە سالماعىن دالمە - ءدال ولشەۋ يقۋاتىنا يە اۆتوماتتى زات ساتۋ ماشيناسى، بۇل تۇردەگى بۇكىلدەي جاڭا ساۋدا بولشەك ساتۋ فورماسى 24 ساعات تيجارات جۇرگىزەتىن شاعىن ەرەن بازار دەپ تە اتالادى.

  قازىر اۆتوماتتى زات ساتۋ ماشينا كاسىبىنىڭ ينتەرنەتپەن توعىسۋى ۇزدىكسىز تەرەڭدەۋدە، تۇتىنۋشىلاردىڭ سۇرانىسى دا كۇن سايىن تۇرلەنۋدە. چىن لينجياڭ بىلاي دەدى: ”ءداستۇرلى ەكونوميكانى، توراپتار تۇتاسۋ ەكونوميكاسىن، جىلجىمالى ينتەرنەت ەكونوميكاسىن، ورتاق يگىلىكتەنۋ ەكونوميكاسىن باستان كەشىرگەن سوڭ، جاڭا بولشەك ساتۋ ينتەرنەتتىڭ جوعارى، جاڭا تەحنيكاسىن پايدالانۋ ارقىلى جۇرتشىلىقتى زەردەلى داۋىرگە قادام تاستاتىپ، حالىققا قولايلىلىق جاراتىپ، حالىققا پايدا جەتكىزىپ، حالىققا تيىمدىلىك جاساپ، سەزىنۋ بارىسىنان تۇرعىنداردىڭ باقىت كورسەتكىشىن جوعارىلاتتى.

  ”بۇل ينتەرنەت + حالىققا قولايلى قىزمەت وتەۋدىڭ جاسامپازدىقپەن قولدانىلۋى ءارى قوعامنىڭ جۇمىس ءبولىسىن ەگجەي - تەگجەيلىلەندىرۋدەگى جاسامپاز شارا“، - دەدى ماۋ يۋانميڭ. قازىر جەمىس - جيدەكتى، كوكونىستى زەردەلى تالعامالى ساتۋ دۇكەنى تۇتىنۋشىلاردى كوزدە ۇستاي وتىرىپ، اۆتوماتتى زات ساتۋ ماشيناسىن الەۋمەتتىك اۋماقتىڭIP سيپاتىنا يە جاڭا جاس ونىمدەردى ساتاتىن ساتۋشىسىز دۇكەنىنە اينالدىردى. مەجەمەن الداعى 2 جىل ىشىندە، سايباق رايونى الەۋمەتتىك اۋماقتارعا جەمىس - جيدەكتى، كوكونىستى زەردەلى تالعامالى ساتاتىن 200 دۇكەن ورناتىپ، كەمەلدى ”ساتۋشىسىز كوكونىس ساتۋ بازارىن“ تۇلعالايدى.

جاۋاپتى رەداكتور : سايراش تۇرارجان

ەسكەرتۋ:

تورابىمىزداعى مازمۇنداردىڭ مەنشىك ۇقىعى شينجياڭ ۇيعۇر اۆتونوميالى رايوندىق حالىق ۇكىمەتى اقپارات كەڭسەسىنە ءتان، جاريالانعان مازمۇنداردى سىلتەمەسىز كوشىرۋگە بولمايدى. كوشىرىپ پايدالانۋعا تۋرا كەلگەندە، «تيانشان تورى » الىنعانى انىق ەسكەرتىلۋى ءتيىس، بولماسا زاڭدىق جاۋاپكەرلىگى قۋزاستىرىلادى.

  • وڭتۇستىك شينجياڭنان ەكسپورت ەتىلگەن زاتتار جۇڭگو - ەۆروپا كەزەكشى پويەزدەرىمەن ”باتىسقا شىعارىلدى“
  • باتىس سولتۇستىك مۇناي الابى: جوعارى ساپالى دامۋدىڭ ەنەرگيا جاۋابىن قۇلشىنا جازۋدا
  • كورلانىڭ ەرىكتى قىزمەت وتەۋى وركەنيەت ماركاسىنا اينالدى