تيانشان تورى   ›   جاڭالىقتار   ›   ماڭىزدى حابارلار

شي جينپيڭ حالىقارالىق باسكەتبول بىرلەستىگىنىڭ ءتوراعاسى مۇراتومەن كەزدەستى

  شينحۋا اگەنتتىگىنىڭ 8 - ايدىڭ 30 - كۇنى بەيجيڭنەن بەرگەن حابارى (تىلشىلەر ياڭ يجۇن، لي جۇڭفا). مەملەكەت ءتوراعاسى شي جينپيڭ 8 - ايدىڭ 30 - كۇنى كەشتە بەيجيڭدە حالىقارالىق باسكەتبول بىرلەستىگىنىڭ ءتوراعاسى مۇراتومەن كەزدەستى.

  شي جينپيڭ مىنالاردى اتاپ كورسەتتى: باسكەتبول − دۇنيە جۇزىندە ماڭىزدى ىقپالعا يە دەنە تاربيە قيمىلىنىڭ ءبىر ءتۇرى، جۇڭگو حالقى دا قاباعات ۇناتادى. جۇڭگو باسكەتبول سپورتىنىڭ دامۋىنا باسا ءمان بەرەدى، حالىقارالىق باسكەتبول ىستەرىنە بەلسەنە ات سالىسادى، حالىقارالىق باسكەتبول بىرلەستىگىنىڭ باسكەتبول سپورتىنىڭ دامۋىنا جاساعان قۇلشىنىسىن قولدايدى. وسى كەزەكتى باسكەتبول الەمدىك ساۋىتى جارىسىنىڭ، ءسوزسىز، ءبىر كەزەك ۇمىتىلماس، تارتىمدى دەنە تاربيە سالتاناتى بولاتىندىعىنا سەنەمىن.

  شي جينپيڭ مىنالاردى باسا دارىپتەدى: جاڭا جۇڭگو قۇرىلعان 70 جىلدان بەرى، دەنە تاربيە ىستەرى ۇلى تابىستارعا قول جەتكىزدى. دەنە تاربيە − مەملەكەتتىڭ قۇدىرەتتەنۋىنىڭ تيەسىلى ءمانى ءارى حالىقتىڭ سالاماتتى، باقىتتى تۇرمىسىنىڭ ماڭىزدى قۇرامداس بولىگى. جۇڭگو دەنە تاربيە دە قۋاتتى ەل قۇرۋدا. ءبىز حالىقارالىق باسكەتبول بىرلەستىگىمەن ۇزدىكسىز سەلبەستىك ورىستەتىپ، جۇڭگودا باسكەتبول سپورتىنىڭ جالپىلاسۋىن جانە ورەسىنىڭ جوعارىلاۋىن ىلگەرىلەتەمىز.

  مۇراتو شي جينپيڭ ءتوراعانىڭ وسى كەزەكتى باسكەتبول الەمدىك ساۋىتى جارىسىنىڭ باستالۋ سالتىنا قاتىناسقاندىعىنا العىس ايتتى، جۇڭگو ۇكىمەتىنىڭ ۇزاق ۋاقىتتان بەرى حالىقارالىق باسكەتبول بىرلەستىگىنىڭ قىزمەتىنە قولداۋ كورسەتكەندىگىنە العىس ايتتى، جۇڭگونىڭ وسى كەزەكتى باسكەتبول الەمدىك ساۋىتى جارىسىن وتكىزۋگە دايىندىق قىزمەتىن توتەنشە جاقسى ىستەگەندىگىن القادى، وسى كەزەكتى باسكەتبول الەمدىك ساۋىتى جارىسىنىڭ تاريحتان بەرگى ەڭ تابىستى ءبىر كەزەك سالتاناتتى ىسكە اينالاتىندىعىنا سەنىم ارتتى. ول مىنانى ءبىلدىردى: حالىقارالىق باسكەتبول بىرلەستىگى جۇڭگومەن سەلبەستىك جاساسۋعا باسا ءمان بەرەدى، جۇڭگونىڭ باسكەتبول ىستەرىنىڭ دامۋىن جەبەۋ ءۇشىن ۇلەس قوسۋدى قالايدى.

  ديڭ شۋەشياڭ، سۇن چۇنلان، ياڭ جيەچى، ساي چي، ۋاڭ ي قاتارلىلار كەزدەسۋگە قاتىناستى.

جاۋاپتى رەداكتور : سايراش تۇرارجان

ەسكەرتۋ:

تورابىمىزداعى مازمۇنداردىڭ مەنشىك ۇقىعى شينجياڭ ۇيعۇر اۆتونوميالى رايوندىق حالىق ۇكىمەتى اقپارات كەڭسەسىنە ءتان، جاريالانعان مازمۇنداردى سىلتەمەسىز كوشىرۋگە بولمايدى. كوشىرىپ پايدالانۋعا تۋرا كەلگەندە، «تيانشان تورى » الىنعانى انىق ەسكەرتىلۋى ءتيىس، بولماسا زاڭدىق جاۋاپكەرلىگى قۋزاستىرىلادى.