تيانشان تورى
تيانشان تورى   ›   جاڭالىقتار   ›   ماڭىزدى حابارلار

شي جينپيڭ 2019 - جىلعى حالىقارالىق باسكەتبول بىرلەستىگى باسكەتبول الەمدىك ساۋىتىنا تالاسۋ جارىسىنىڭ باستالۋ سالتىنا قاتىناستى

  شينحۋا اگەنتتىگىنىڭ 8 - ايدىڭ 30 - كۇنى بەيجيڭنەن بەرگەن حابارى (تىلشىلەر لي جۇڭفا، ياڭ يجۇن). مەملەكەت ءتوراعاسى شي جينپيڭ 8 - ايدىڭ 30 - كۇنى كەشتە بەيجيڭدەگى شۇيليفاڭدا 2019 - جىلعى حالىقارالىق باسكەتبول بىرلەستىگى باسكەتبول الەمدىك ساۋىتىنا تالاسۋ جارىسىنىڭ باستالۋ سالتىنا قاتىناستى.

  ساعات 19دان 55 مينۋت وتكەندە، شي جينپيڭ جانە حالىقارالىق باسكەتبول بىرلەستىگىنىڭ ءتوراعاسى مۇراتو، باس حاتشىسى زاگكليس، سونداي - اق جۇڭگودا ساپاردا جۇرگەن فيليپپيننىڭ زۇڭتۇڭى دۇتەرتتە بىرگە شۇيليفاڭ وليمپيادا زالىنا قادام تاستادى. بۇكىل زالداعى كورەرمەندەر ورىندارىنان تۇرىپ شاپالاق سوعىپ، قىزۋ مەرەيمەن الاقايلادى.

  زالداعى كورەرمەندەردىڭ ۋاقىتتى كەرى شەگەرىپ ساناعان ءۇنى ىشىندە، اشىلۋ سالتى باستالدى. ىنتاسى تاسقىنداعان باسكەتبولشى جاس وسپىرىمدەر جاندى دا جالىندى بەينەمەن «مەن باسكەتبولگە قۇمارمىن»دى ورىندادى. باسكەتبول كيىمىن كيگەن 32 جاس ءوسپىرىم قاتارلاسىپ العا شىعىپ، جارىسقا قاتىناساتىن 32 ەلدىڭ بەلگىسى باسىلعان باسكەتبولدى ءبىر - بىردەن كورسەتتى.

  بۇكىل زالداعى كورەمەندەر ورىندارىنان تۇرىپ، جۇڭحۋا حالىق رەسپۋبليكاسىنىڭ مەملەكەت ءانىن مۋزيكاعا قوسىلا شىرقادى، بەس جۇلدىزدى قىزىل تۋ باياۋ جەلبىرەي كوتەرىلدى.

  حالىقارالىق باسكەتبول بىرلەستىگىنىڭ ءتوراعاسى مۇراتو سوزىندە مىنالاردى ءبىلدىردى: 2019 - جىلعى باسكەتبول الەمدىك ساۋىتىنا تالاسۋ جارىسى − تاريحتاعى جارىس وتكىزىلەتىن قالا ەڭ كوپ، كولەمى ەڭ ۇلكەن، ەڭ كوپ نازار اۋدارىلعان ءبىر رەتكى جارىس. ول جۇڭگو جاقتىڭ ىجداعاتپەن جاساعان دايىندىق قىزمەتتەرىنە ايرىقشا باعا بەردى، سونداي - اق شىن ىقىلاسپەن العىس ايتتى. وسى رەتكى باسكەتبول الەمدىك ساۋىتىنا تالاسۋ جارىسىنىڭ، ءسوز جوق، تابىستى بولاتىندىعىنا، تارتىمدى وتەتىندىگىنە سەنەتىندىگىن ايتتى.

  مۇراتونىڭ ۇسىنىسىمەن ءتوراعا شي جينپيڭ: 2019 - جىلعى حالىقارالىق باسكەتبول بىرلەستىگى باسكەتبول الەمدىك ساۋىتىنا تالاسۋ جارىسى باستالدى! - دەپ جاريالادى.

  زالدا حالىقارالىق باسكەتبول بىرلەستىگىنىڭ تۋى مەن 2019 - جىلعى حالىقارالىق باسكەتبول بىرلەستىگى باسكەتبول الەمدىك ساۋىتىنا تالاسۋ جارىسىنىڭ تۋى كوتەرىلدى.

  وسى كەزەكتى باسكەتبول الەمدىك ساۋىتىنىڭ قۇت بەلگىسى ”ارمان ۇلانى“ ىسقىرىق ءۇنى شىققان زامان ”ارماننىڭ اسقاق جىرى“ ادەبيەت - كوركەمونەر كونسەرتى شىمىلدىعىن اشتى.

  جيڭجۇي مەن پيانينودا ”جاراتىلىس دامىلسىز قوزعالىپ وتىرادى، ادام دا ءوزىن دامىلسىز الۋەتتەندىرسىن“ قوسىلا ورىندالدى. ”ارمانعا ساپار“دى جاس انشىلەر بىرگە شىرقادى. گۋچيندا ”كوپتىڭ كۇشى جەڭبەيتىن ءىس جوق“ ورىندالىپ، بىرگە ءومىر ءسۇرۋ، بىرگە گۇلدەنۋ سىندى شىعىس فيلوسوفياسىن ايگىلەدى. يە شا باسكەتبول كومانداسى ”جۇرەگىم جىگەرگە تولى“ اتتى ءاندى اسقاقتاتىپ، 16 جاستاعى باسكەتبولشى جاس ءوسپىرىم يە شانىڭ دۇنيەدەن وتكەن سوڭ دەنە مۇشەلەرىن تارتۋ ەتكەنى، دەنە مۇشەلەرىن قابىلداۋشىلاردىڭ باسكەتبول كومانداسىن قۇرىپ، يە شانىڭ ارمانىن ورىنداعاندىعى جايلى حيكايانى جىرلادى. 5 قۇرلىقتان كەلگەن باسكەتبولشى جاستار، سونداي - اق جۇڭگو كوركەمونەرشىلەرى دە تاماشا كونسەرتتەر تارتۋ ەتتى.

  جۇڭگو باسكەتبولشىلار قوعامىنىڭ ءتوراعاسى ياۋ ميڭ وسى كەزەكتى باسكەتبول الەمدىك ساۋىتى اعا جۇلدەگەرلىك سيلىعى ساۋىتىن الاڭعا قورعاپ جەتكىزدى. جارىس وتكىزىلەتىن 8 قالانىڭ ۋاكىلى رەتىندە باسكەتبولشى جاس وسپىرىمدەر ىركەس - تىركەس: ”جۇڭگو دايىندالىپ بولدى!“ دەپ جاريالادى، بالالار «العا! باسكەتبول» دەگەن ءاندى شىرقاپ، وسى كەزەكتى باسكەتبول الەمدىك ساۋىتىنا تالاسۋ جارىسىنا دەگەن تاماشا تىلەكتەرىن بەينەلەدى.

  ديڭ شۋەشياڭ، سۇن چۇنلان، ياڭ جيەچى، ساي چي، ۋاڭ ي قاتارلىلار جوعارىداعى قيمىلدارعا قاتىناستى.

  حالىقارالىق باسكەتبول بىرلەستىگى باسكەتبول الەمدىك ساۋىتىنا تالاسۋ جارىسى − حالىقارالىق باسكەتبول بىرلەستىگى باس بولىپ وتكىزەتىن الەمدىك ەڭ جوعارى ورەدەگى مەملەكەتتىك كوماندالار دارەجەسىندەگى باسكەتبول جارىسى، 4 جىلدا ءبىر كەزەك وتكىزىلەدى. 2019 - جىلعى باسكەتبول الەمدىك ساۋىتىنا تالاسۋ شەشۋشى جارىسىنىڭ كەزەڭدىك جارىستارى 8 - ايدىڭ 31 - كۇنىنەن 9 - ايدىڭ 15 - كۇنىنە دەيىن جۇڭگودا وتكىزىلەدى.

جاۋاپتى رەداكتور : سايراش تۇرارجان قىزى

ەسكەرتۋ:

تورابىمىزداعى مازمۇنداردى پايدالانۋعا تۋرا كەلگەندە، ءسوزسىز جازباشا رۇقساتقا يە بولۋ كەرەك. مازمۇنداردى رۇقساتسىز جالعاپ تاراتۋعا، كەسىپ رەداكسيالاۋعا، وزگەرتۋگە، قىسقارتىپ قۇراستىرۋعا، باسقا ورىنعا كوشىرۋگە نەمەسە باسقا تاسىلدەرمەن كوبەيتۋگە ءارى تاراتۋعا بولمايدى، قايشى كەلگەندەردىڭ زاڭدىق جاۋاپكەرشىلىگى زاڭ بويىنشا قۋزاستىرىلادى.