شىنايى سۇيىسپەنشىلىك ارناپ، بۇقاراعا قىزمەت ەتتى

　　− بۇراتالا قالالىق قوعام حاۋىپسىزدىگى مەكەمەسى پارتكومىنىڭ مۇشەسى، بۇراتالا قالالىق قوعام حاۋىپسىزدىگى مەكەمەسىنىڭ چىندەل قالاشىعى امىباق قىستاعىندا تۇراتىن ”ۇعىسۋ، تيىمدىلىك جاساۋ، توعىستىرۋ“ قىزمەت اترەتىنىڭ باستىعى، ءبىرىنشى شۋجيى جاڭ تاۋ تۋرالى

　　شينجياڭ گازەتىنىڭ بۇراتالا وبلىستىق تىلشىلەر پۋنكتىندە تۇراتىن ءتىلشىسى جاڭ شياۋمين

　　”وسى بىرنەشە جىلدا، قىستاق كەلبەتىندە، قىستاق بەينەسىندە زور وزگەرىس تۋىلدى، قىستاق تۇرعىندارىنىڭ يدەيالىق ساناسى دا ءوستى، پارتيانىڭ جاقسى كادرىنا العىس ايتامىز“. 8 - ايدىڭ 5 - كۇنى ءتىلشى بۇراتالا قالاسى چىندەل قالاشىعى امىباق قىستاعىنا تىلشىلىك ىستەگەندە، قىستاق تۇرعىندارى اقىلداسىپ العانداي بۇراتالا قالالىق قوعام حاۋىپسىزدىگى مەكەمەسىنىڭ چىندەل قالاشىعى امىباق قىستاعىندا تۇراتىن ”ۇعىسۋ، تيىمدىلىك جاساۋ، توعىستىرۋ“ قىزمەت اترەتىنىڭ باستىعى، ءبىرىنشى شۋجيى جاڭ تاۋدى اۋىزعا الدى.

　　2017 - جىلى قىستاقتا تۇرعاننان بەرى، جاڭ تاۋ پارتيا قۇرىلىسىن كۇشەيتۋگە، قوسىندى جەتەكتەۋگە، كوزقاراسقا بۇرىلىس جاساۋعا، كەدەيلىكتەن ارىلتۋدى يگەرۋگە، جاراسىمدىلىقتى جەبەۋگە تاباندى بولىپ، قىستاق تۇرعىندارىن قىستاق كەلبەتىن، قىستاق بەينەسىن كورىكتەندىرۋگە، ءوندىرىستى بەلسەنە دامىتىپ، بايۋعا باستاپ، قىستاق تۇرعىندارىنىڭ دوڭگەلەك داۋلەتتىلىك جولىنا ارشىندى قاداممەن اياق باسۋىنا كومەكتەسىپ سۇيەمەلدەدى.

پارتيا قۇرىلىسىنىڭ نەگىزىن بەكەمدەدى

بەرىك قامال سالدى

　　”2018 - جىلى مەن پارتياعا كىرۋ ءوتىنىشىمدى تاپسىردىم، بيىل پارتياعا كىرۋ بەلسەندىسى بولىپ تۇراقتاندىم، مەن ويداعىداي قۇلشىنىپ، ەرتەرەك داڭقپەن كوممۋنيستىك پارتيا مۇشەسى بولۋعا ۇمتىلامىن“، - دەدى قىستاق تۇرعىنى امىرجان ابىلەز اسەرلەنە.

　　”قىستاق تۇرعىندارىنىڭ اۋقاتتانۋى قيىنعا سوعۋى، قىستاق كوللەكتيۆ شارۋاشىلىعىنىڭ ءالسىز بولۋى، ءتۇبىن قۋعاندا قىستاق پارتيا ياچەيكاسى رولىنىڭ تولىق ساۋلەلەنبەگەندىگىندە“، - دەپ ءسوزىن ساباقتاعان جاڭ تاۋ تىلشىگە: قىستاققا العاش كەلگەننەن باستاپ، قىزمەت اترەتى پارتيا ياچەيكاسى قۇرىلىسىن يگەرۋدى، پارتيا مۇشەلەرى قوسىنى قۇرىلىسىن يگەرۋدى قىزمەتتەگى ماڭداي الدى ورىنعا قويعاندىعىن ايتتى.

　　جاڭ تاۋ قىستاق پارتيا ۇيىمىنىڭ ۇيىسۋ قۋاتىن كۇشەيتۋدى ءتۇيىن ەتىپ، ءتۇزىمدى اتقارۋدى شىنايى يگەرۋدەن باستاپ كىرىسىپ، قىستاق ”ەكى كوميتەت“ القاسىمەن بىرگە اقىلداسىپ، جوقتاما جاساۋ، ۇيرەنۋ سياقتى تۇزىمدەردى بەلگىلەدى.

　　جاڭ تاۋ بىلاي دەدى: ”ءبىر جاعىنان، قىزمەت اترەتى قىستاق كادرلارىنا كومەكتەسىپ، ولاردى جەتەكتەپ، قىستاق كادرلارىنىڭ قابىلەتىن ءوسىردى. ەندى ءبىر جاعىنان، ەگىنشى - مالشى پارتيا مۇشەلەرىنىڭ بۇقارامەن بايلانىس جاساۋ رولىن بەلسەنە ساۋلەلەندىرىپ، ولاردىڭ بۇقاراعا قىزمەت وتەۋ ساناسىن جوعارىلاتۋىنا، ءوز بورىشىن شىنايى ويداعىداي اتقارۋىنا كومەكتەستى. بيىل ءبىز پارتياعا كىرۋ بەلسەندىسىنەن 3 ادام باۋلىدىق“.

　　قىستاق كادرلارىنىڭ كاسىپتىك قابىلەتىن جوعارىلاتۋىنا كومەكتەسۋ ءۇشىن، جاڭ تاۋ قىزمەت اترەتى مەن قىستاق كادرلارىنىڭ AB قىزمەت ورنى بويىنشا كومەكتەسۋ - جەتەكتەۋ جوسپارىن اتقارۋ جونىندە ىزدەنىس جاساپ، ءىس جۇزىندىككە ۇيلەسەتىن، مەڭگەرىمدىلىگى كۇشتى قىزمەت جوباسىن جاساپ، قىزمەت اترەتى مۇشەلەرى مەن قىستاق كادرلارىنىڭ ”بىرگە ءبىر“ كومەكتەسۋ - جەتەكتەۋ بويىنشا جۇپ قۇراۋىنا مۇمكىندىك جاساپ، شي جينپيڭنىڭ جاڭا ءداۋىر جۇڭگوشا سوتسياليزم يدەياسىن جانە پارتيا 19 - قۇرىلتايىنىڭ رۋحىن، حالىققا تيىمدىلىك جاساۋ ساياساتىن بىرگە ۇيرەنىپ، ماسەلەنى بىرگە ويلانىپ شەشىپ، تياناقتاندىرۋدى بىرگە يگەرىپ، حالىق ءۇشىن ناقتى ءىس ءبىتىرۋ، يگى ءىس ىستەۋ بارىسىندا قىستاق كادرلارىنىڭ جالپىلىق ساپاسى مەن قىزمەت قابىلەتىن جوعارىلاتتى.

دامۋ وي جەلىسىن ايقىندادى

كەدەيلىكتەن ارىلتۋ جولىن ءدال تاپتى

　　”جاڭ شۋجي، مەن وسى ايدا كيىم - كەشەك زاۆودىنان 4100 يۋان ەڭبەكاقى الدىم، وتە قۋانىپ وتىرمىن“، - دەدى 8 - ايدىڭ 5 - كۇنى تاڭەرتەڭ قىستاق تۇرعىنى كامينا تاشمامەت جاڭ تاۋعا. بۇرىندارى كامينادا قىزمەت جوق، تۇرمىستا ەڭ تومەنگى تۇرمىستى قامتاماسىزداندىرۋعا سۇيەنەتىن. جاڭ تاۋدىڭ جىگەرلەندىرۋى مەن كومەگىندە كامينا ۇيدەن شىعىپ، ءوزىنىڭ قوس قولىنا سۇيەنىپ، تاماشا تۇرمىس كەشىردى.

　　جاڭ تاۋ وتباسىلارىن ارالاپ، احۋال ۇعىسۋ بارىسىندا قىستاقتاعىلاردىڭ ادام باسىنا تۋرا كەلەتىن ەگىستىك جەرىنىڭ 3.5 مۋ عانا ەكەندىگىن، جەردىڭ از، ادامنىڭ كوپ بولۋى قىستاق تۇرعىندارىنىڭ دوڭگەلەك داۋلەتتىلىككە ۇمتىلۋ اياق الىسىنا تۇساۋ بولىپ وتىرعاندىعىن بايقايدى. ول ىشتەي، ءسوز جوق، قىستاق تۇرعىندارىنىڭ كىرىسىن ارتتىرۋ ءۇشىن ءادىس قاراستىرۋعا بەكيدى.

　　جاڭ تاۋ بىلاي دەدى: ”ءبىز دۇيسەنبى كۇنى مەملەكەت تۋىن شىعارۋ سياقتىلاردى دانەكەر ەتىپ، قىستاق تۇرعىندارىنا پارتيانىڭ حالىققا تيىمدىلىك جاساۋ ساياساتىن، كەدەيلىكتەن ارىلىپ، اۋقاتتانۋ تيپتەرىن بەلسەنە ۇگىتتەپ، اۋقاتتانۋ بويىنشا شەبەرلىككە باۋلۋ ورىستەتتىك. سونىمەن بىرگە، قىستاق تۇرعىندارىن سىرتقا شىعىپ جۇمىستانۋ، اۋلا شارۋاشىلىعىن دامىتۋ سياقتىلارعا ۇيىمداستىرىپ، ءتۇرلى ارنالار ارقىلى بۇقارانىڭ اۋقاتتانۋ جولىن كەڭەيتتىك“.

　　قىزمەت اترەتىنىڭ كومەگىندە، قىستاق تۇرعىنى گۇلنيسا لاشىن بيىلعى بۇراتالا قالاسىنىڭ ”ەڭ ارداقتى بۇراتالالىقتار“دى باعالاۋ قيمىلىندا ”كەدەيلىكتەن ارىلتۋدان قامال الۋ ونەگەسى“ اتاعىن ەنشىلەدى. ”7 مۋ ەگىستىك جەرىمدى اينالىمعا سالعاننان كەيىن، ءار مۋ جەردەن جىلىنا 645 يۋان كىرىس كىرگىزەمىن. سىرتتا جۇمىس ىستەپ ايىنا 3000 يۋانعا تاياۋ كىرىس كىرگىزەمىن، كەپتەر باعۋدان جىلىنا 50 مىڭ يۋانعا تاياۋ كىرىس تابامىن، 2018 - جىلعى وتباسىمىزدىڭ كىرىسى 100 مىڭ يۋانعا تايادى“، - دەدى گۇلنيسا.

　　قىزمەت اترەتىنىڭ تىنباي قۇلشىنۋدا، امىباق قىستاعىندا 300دەن استام قىستاق تۇرعىنى سىرتقا شىعىپ جۇمىس ىستەدى، قىستاقتا تاعى بازار سالىندى، قىستاق تۇرعىندارى بالكۇلشە ءۇيىن، شاشتارازحانا، لياڭپي دۇكەنىن، تىگىنحانا اشىپ، كىرىستى كوپ نەگىزدى ارتتىرۋدى جۇزەگە اسىردى.

ءار ۇلت حالقى ءبىر نيەتپەن ىنتىماقتاستى

تۇرمىس كۇن سايىن جاقساردى

　　”اعاي، بالاڭىزدىڭ جاعدايى قالاي؟“ ”كوپ ءتاۋىر بولىپ قالدى. ساعان راقىمەت، قىزمەت اترەتىنە راقىمەت، اۋىلداستاردىڭ بىزگە كورسەتكەن كومەگىنە راقىمەت“. 8 - ايدىڭ 5 - كۇنى تۇستەن كەيىن جاڭ تاۋ حال سۇراۋ بۇيىمدارىن الىپ، قىستاق تۇرعىنى ۇرلىبايدىڭ ۇيىنە باردى.

　　2018 - جىلى 7 - ايدا ۇرلىبايدىڭ بالاسى اۋىر جارالانىپ، وپەراتسيا جاساتۋعا تۋرا كەلەدى، جاڭ تاۋ، ءبىر جاعىنان، شيپاحانامەن وپەراتسيا جاساتۋعا بايلانىس جاسايدى ءارى قاراجات توپتاۋعا كومەكتەسەدى، ەندى ءبىر جاعىنان، ۇرلىبايدىڭ بالاسىنا قان بەرۋگە اتتانىسقا كەلتىرىپ، وپەراتسيا جاساۋعا كەپىلدىك ەتەدى.

　　ۇرلىباي بىلاي دەدى: ”بۇل ءىس ماعان نەنىڭ ۇلتتار ىنتىماعى ەكەندىگىن اناعۇرلىم تەرەڭ سەزىندىردى، اۋىر قيىنشىلىقتا جولىققاندا ماڭايىمداعى ءار ۇلت جان اشىرلارىم ماعان كومەكتەستى. بۇدان كەيىن، م−ەن دە بار كۇشىمدى ارناپ، كومەككە ءزارۋ ادامدارعا كومەكتەسەمىن“.

　　جاڭ تاۋ بىلاي دەدى: ”ءبىز قىستاق كادرلارىمەن بىرگە ۇنەمى پارتيا ياچەيكاسىن بىرلىك ەتىپ، وتباسىلارىن ارالاپ، احۋال ۇعىسىپ، بۇقارانىڭ قيىنشىلىعىن شەشىپ، تىلەكتەرىن ورىندادىق، سونىمەن جەكەلەر كۇشىنىڭ ءالسىز بولۋىنىڭ ورنىن تولتىرىپ قانا قالماستان، ونىڭ ۇستىنە يكەمدى قىزمەت مەحانيزمىن دە قالىپتاستىردىق“.

　　بۇگىنگى كۇندە، بۇراتالا قالالىق قوعام حاۋىپسىزدىگى مەكەمەسىندەگى 326 حالىق ساقشىسىنىڭ اربىرەۋى 1 دە 2 قىستاق تۇرعىنىمەن جۇپ قۇراپ، تۋىس بولىپ، ىلگەرىندى - كەيىندى ۇلتتار ىنتىماعىنىڭ بىرلەسكەن دوستىق قيمىلىن 10 نەشە رەت ورىستەتىپ، قىستاق تۇرعىندارىنىڭ 300گە جۋىق قيىنشىلىعىن شەشتى، 1000 نەشە يگى ءىس، ناقتى ءىس ىستەدى.