ءتىلشى يۋان لەي 8 - ايدىڭ 31 - كۇنى ۇرىمجىدەن حابارلايدى. 8 - ايدىڭ 30 - كۇنى تۇستەن كەيىن عىلىم - تەحنيكا مينيسترلىگى اۆتونوميالى رايوندىق حالىق ۇكىمەتىمەن ۇرىمجىدە 2019 - جىلعى مينيسترلىك - رايون قىزمەت كەڭەسىن وتكىزىپ، مەملەكەتتىك عىلىم - تەحنيكا سيلىعى جينالىسىنىڭ رۋحىن ىشكەرىلەي دايەكتىلەندىرىپ، تياناقتاندىرىپ، 7 - رەتكى بۇكىل مەملەكەتتىك شينجياڭعا باعىتتامالى كومەكتەسۋ قىزمەت ءماجىلىسىنىڭ رۋحىن دايەكتىلەندىرىپ، تياناقتاندىرىپ، شينجياڭنىڭ عىلىم - تەحنيكا ىستەرىنىڭ دامۋىن ىلگەرىلەتىپ، جاڭالىق اشۋ سيپاتتى شينجياڭ قۇرۋدى جەدەلدەتتى.
عىلىم - تەحنيكا مينيسترلىگى پارتيا باسشىلىق گرۋپپاسىنىڭ شۋجيى، مينيستر ۋاڭ جىگاڭ، اۆتونوميالى رايوندىق پارتكومنىڭ ورىنباسار شۋجيى، اۆتونوميالى رايوننىڭ ءتوراعاسى شوكىرات زاكىر ماجىلىسكە قاتىناستى ءارى ءسوز سويلەدى، مينيسترلىك - رايون قىزمەت كەڭەسى ءتۇزىمى كەلىسىمىنە بىرگە قول قويدى.
پارتيا 18 - قۇرىلتايىنان بەرى، مينيسترلىك - رايون سەلبەستىگى تىڭعىلىقتى ىلگەرىلەتىلدى، عىلىم - تەحنيكا مينيسترلىگى ءىرى عىلىم - تەحنيكا ارقىلى شينجياڭعا كومەكتەسۋ ۇستانىمىنان جازباي، بۇكىل مەملەكەتتىڭ عىلىم - تەحنيكا بايلىعىن ءبىر تۇتاس جوسپارلاپ، شينجياڭنىڭ عىلىم - تەحنيكا نىساندارىن اتقارۋىنا، جاڭالىق اشۋ قابىلەتىن جوعارىلاتۋىنا، جاڭالىق اشۋشى دارىندىلاردى جەتىلدىرۋىنە، عىلىم - تەحنيكا ستراتەگيالىق اقىل كەنىشىن قۇرۋىنا جەتەكشىلىك ەتىپ، قولداۋ كورسەتىپ، مول تابىستارعا قول جەتكىزدى. وسى رەت عىلىم - تەحنيكا مينيسترلىگى مەن اۆتونوميالى رايون نازاردى ”ءۇرىمجى، سانجى، شىحىزى مەملەكەتتىك دەربەس جاڭالىق اشۋدان ۇلگى كورسەتۋ رايونى قۇرىلىسىن جەدەلدەتىپ، جوعارى ساپالى دامۋعا جەتەكشىلىك ەتۋ“، ”شىعىس پەن باتىس بولىكتىڭ عىلىم - تەحنيكادا جاڭالىق اشۋ سەلبەستىگىن تەرەڭدەتىپ، اشىق، ءوزارا قارايلاساتىن جاڭا جاعدايىن ورناتۋ“، ”حالىق تۇرمىسى عىلىم - تەحنيكاسىن تەز قارقىنمەن دامىتىپ، شينجياڭنىڭ قوعام ورنىقتىلىعى مەن باياندى تىنىشتىعىنا تىرەك بولۋ، قىزمەت وتەۋ“ سياقتى كەڭەس تاقىرىپتارىنا شوعىرلاندىرىپ كەڭەس وتكىزدى.
ۋاڭ جىگاڭ سوزىندە اۆتونوميالى رايوندىق پارتكوم مەن ۇكىمەتتىڭ عىلىم - تەحنيكا مينيسترلىگىنىڭ قىزمەتىنە پارمەندى قولداۋ كورسەتكەندىگىنە العىس ءبىلدىردى. ول بىلاي دەپ باسا دارىپتەدى: شي جينپيڭنىڭ جاڭا ءداۋىر جۇڭگوشا سوتسياليزم يدەياسىن جەتەكشى ەتۋگە تاباندى بولىپ، جاڭا داۋىردەگى پارتيانىڭ شينجياڭدى جونگە سالۋ جالپى جوباسىن جاپپاي دايەكتىلەندىرىپ، تياناقتاندىرىپ، وسى رەتكى كەڭەستە اقىلداسىپ بەكىتكەن ىستەردى مۇقيات تياناقتاندىرىپ، شينجياڭنىڭ ەكونوميكالىق، قوعامدىق دامۋىنا پارمەندى تىرەك ازىرلەۋگە كۇش سالۋ كەرەك. عىلىم - تەحنيكا مينيسترلىگى مەملەكەت ستراتەگياسى بيىگىندە تۇرىپ، بۇكىل مەملەكەتتىك عىلىم - تەحنيكا ارقىلى شينجياڭعا كومەكتەسۋ قىزمەتىن ءبىر تۇتاس جوسپارلاۋ تەبىنىن ارتتىرىپ، جاڭالىق اشۋ ارقىلى دامۋعا دەم بەرۋ ستراتەگياسىن كۇش سالا اتقارىپ، شينجياڭنىڭ جىبەك جولى ەكونوميكالىق بەلدەۋىنىڭ وزەكتى رايون قۇرىلىسىن بەلسەنە قولداپ، جاڭالىق اشۋ ارقىلى دامۋعا دەم بەرۋ رەفورماسى سىناعىن ورىستەتۋىن جانە ءۇرىمجى، سانجى، شىحىزى مەملەكەتتىك دەربەس جاڭالىق اشۋدان ۇلگى كورسەتۋ رايونى قۇرىلىسىن قولداپ، شينجياڭنىڭ جاڭالىق اشۋ سيپاتتى ولكە - رايون قۇرۋ اياق الىسىن تەز قارقىنمەن ىلگەرىلەتەدى.
شوكىرات زاكىر بىلاي دەپ اتاپ كورسەتتى: وسى رەتكى مينيسترلىك - رايون كەڭەسىن وراي ەتىپ، جاڭالىق اشۋ ارقىلى دامۋعا دەم بەرۋدى الدىمەن اتقارىلاتىن ستراتەگيا ەتۋدەن جازباي، عىلىم - تەحنيكا ارقىلى جاڭالىق اشا دامۋعا جەتەكشىلىك ەتىپ، سايكەستى دامۋعا باستاپ، جاسىل دامۋعا تىرەك بولىپ، اشىق دامۋدى كەڭەيتىپ، تەڭ يگىلىككە كەنەلە دامۋدى جەبەپ، قوعام ورنىقتىلىعى مەن باياندى تىنىشتىقتى جۇزەگە اسىرۋعا، جاپپاي دوڭگەلەك داۋلەتتى قوعام ورناتۋدىڭ جەڭىسىنە جەتۋگە اناعۇرلىم پارمەندى عىلىم - تەحنيكالىق تىرەك ازىرلەۋ كەرەك. جىبەك جولى ەكونوميكالىق بەلدەۋىنىڭ جاڭالىق اشۋ ارقىلى دامۋعا دەم بەرۋ سىناق رايونى قۇرىلىسىن ارقاۋ ەتە وتىرىپ، جوعارى ساپالى دامۋدىڭ تىڭ قوزعاۋشى كۇشىن جەتىلدىرۋ؛ جاڭالىق اشۋ سيپاتتى شينجياڭ قۇرۋدى ارقاۋ ەتە وتىرىپ، جوعارى ساپالى دامۋدىڭ تىڭ بيىگىن قالىپتاستىرۋ؛ جىبەك جولى ەكونوميكالىق بەلدەۋىندەگى عىلىم - تەحنيكا سەلبەستىگىن ارقاۋ ەتە وتىرىپ، جوعارى ساپالى دامۋدىڭ تىڭ ورەسىن جوعارىلاتۋ؛ بيڭتۋاننىڭ عىلىم - تەحنيكادا جاڭالىق اشا دامۋىن ارقاۋ ەتە وتىرىپ، جوعارى ساپالى دامۋدىڭ جاڭا ناقتى قۋاتىن كۇشەيتۋ ارقىلى مينيسترلىك - رايون قىزمەت كەڭەسىندە اقىلداسىپ بەكىتكەن ءتۇرلى قىزمەتتەردى اناعۇرلىم ناقتىلاندىرۋ، ەگجەي - تەگجەيلىلەندىرۋ، سارالاندىرۋ، ونىمدىلىك جاراتۋ كەرەك.
عىلىم - تەحنيكا مينيسترلىگىنىڭ ورىنباسار مينيسترى شۇي نانپيڭ عىلىم - تەحنيكا مينيسترلىگىنىڭ وسى رەتكى كەڭەسكەن ىستەر جونىندەگى قاتىستى پىكىرلەرىنە تۇسىنىك جاسادى. اۆتونوميالى رايوندىق پارتكومنىڭ تۇراقتى مۇشەسى، اۆتونوميالى رايوننىڭ ورىنباسار ءتوراعاسى ەركىن تۇنياز باسقاردى. اۆتونوميالى رايون جانە بيڭتۋاننىڭ باسشىلارىنان ماڭلىك سەيىت، لۋ شۇيپيڭ جەكە - جەكە وتكەن كەزەكتى مينيسترلىك - رايون كەڭەس قىزمەتىنىڭ ورىستەتىلۋ جاعدايىنان مالىمەت بەردى ءارى وسى رەت كەڭەسكەن ىستەردى ىلگەرىلەتۋ جونىندە تۇسىنىك جاسادى.
