ۇيىمدانۋ، ماماندانۋ، نىساندانۋ دەڭگەيى ۇزدىكسىز جوعارىلادى
كورلانىڭ ەرىكتى قىزمەت وتەۋى وركەنيەت ماركاسىنا اينالدى
تىلشىلەر شىن ياپيڭ، شۇي چيڭگۋاڭ، ۋاڭ يۇيجاۋ 8 - ايدىڭ 31 - كۇنى كورلادان حابارلايدى. جاڭا عانا اياقتاعان جازدىق دەمالىستا ”قىز بالالاردى قورعاۋ“ اتىنداعى ەرىكتى قىزمەت وتەۋ نىسانى كورلا قالاسىندا جانە ماڭىنداعى باستاۋىش مەكتەپتەردە دابىراسىز ورىستەتىلدى. ارناۋلى باۋلۋدان وتكەن ەرىكتىلەر جاندى دا جالىندى، ءىس جۇزىندىكپەن بىرلەستىرگەن ۇستىندە وقىتۋ ارقىلى ايرىقشا ىجداعاتتى مەيىرىمدىلىك پەن قامقورلىقتى بالالار مەن اتا - انالارعا جەتكىزدى.
بيىل − كورلا قالاسى ۋىننۋان ياڭگۋاڭ قوعامدىق قىزمەتتەن قىزمەت وتەۋ ورتالىعىنىڭ وسى قيمىلدى ورىستەتكەن 2 - جىلى. ورتالىقتىڭ جاۋاپتىسى لي شياۋحۇڭ تىلشىگە بىلاي دەدى: ”قىز بالالاردى قورعاۋ“ نىسانى جۇڭگو جاستار مەن ورەندەر مادەنيەت - كوركەمونەر قور قوعامىنان ەنگىزىلگەن، قازىرگە دەيىن كورلا قالاسىندا 20 مىڭنان استام باستاۋىش مەكتەپ وقۋشىلارى ونىڭ يگىلىگىن كوردى.
”كورلا قالاسىنىڭ ەرىكتى قىزمەت وتەۋ قىزمەتى ۇيىمدانۋ، ماماندانۋ، نىساندانۋعا قاراي دامىپ، داۋىرلىك جاڭا سالتتى تاراتىپ، قوعامدىق تۋراشىلدىقتى اسقاقتاتاتىن وركەنيەت ماركاسىنا اينالدى“، - دەدى كورلا قالالىق وركەنيەت كەڭسەسىنىڭ ورىنباسار مەڭگەرۋشىسى ياڭ شياۋجۋان تىلشىگە.
كورلا قالاسى ءۇرتىس 4 كەزەكتى مەملەكەتتىك وركەنيەت قالاسى، ەرىكتى قىزمەت وتەۋ وسى قالانىڭ رۋحاني وركەنيەت قۇرىلىسىن جەبەۋدەگى ءبىر ماڭىزدى تۇتقا سانالادى. وسى بىرنەشە جىلدا كورلا قالاسى ەرىكتى قىزمەت وتەۋ قىزمەتىنە وسكەلەڭ ءمان بەردى، قازىر قالالىق وركەنيەت كەڭسەسى، قالالىق ەرىكتى قىزمەت وتەۋ قوعامى، الەۋمەتتىك اۋماق ەرىكتى قىزمەت وتەۋ پۋنكتى، ءارقايسى كاسىپ سالاسىنىڭ، ورىنداردىڭ ەرىكتى قىزمەت وتەۋ اترەتى، قوعامدىق ەرىكتى قىزمەت وتەۋ ۇجىمى قاتارلىلاردان قۇرالعان باسقارۋى جۇيەلى، ورنالاستىرىلۋى ۇيلەسىمدى، قىزمەت وتەۋى كەمەلدى ۇيىمدىق جۇيە قالىپتاستىرعان. قازىر تۇتاس قالادا تىركەلگەن ەرىكتىلەردىڭ سانى 62 مىڭ ادامعا جەتىپ، تۇراقتى جان سانىنىڭ ％12ىن ۇستاعان.
بيىل 6 - ايدىڭ 4 - كۇنى مەملەكەتتىك پسيحولوگيالىق سالاماتتىق كەڭەسشىلەرىنەن، كورلا قالالىق ”ۇعىسۋ، تيىمدىلىك جاساۋ، توعىستىرۋ“ كەڭسەسى ەرىكتىلەرىنەن ۇيىمداسقان كورلا ”ۇعىسۋ، تيىمدىلىك جاساۋ، توعىستىرۋ“ پسيحولوگيالىق سالاماتتىقتان ەرىكتى قىزمەت وتەۋ اترەتى قۇرىلدى، بۇل كورلا قالاسىنىڭ ەرىكتى قىزمەت وتەۋ قىزمەتىنىڭ ماماندانۋعا قاراي دامۋىنىڭ ءبىر بەلگىسى.
”بۇرىن ەرىكتى قىزمەت وتەۋ تەك ’كونە ءۇش ءىس‘تى مەڭزەيتىن: تازالىق ىستەۋ، مىندەتتى شاش الۋ، قارتتارعا قامقورلىق جاساۋ. ءداۋىردىڭ دامۋىنا ىلەسە، ەرىكتى قىزمەت وتەۋ دە ءوزىنىڭ ماندىك قاسيەتىن ۇزدىكسىز جوعارىلاتۋدا“. ياڭ شياۋجۋان بىلاي دەدى: قالالىق وركەنيەت كەڭسەسى ىشكى رايوندارعا بارىپ ءوزارا كورىپ، ۇيرەنۋگە ۇيىمداستىرۋ، ەرىكتى قىزمەت وتەۋ جارىسىن ورىستەتۋ، ەرىكتى قىزمەت وتەۋ باۋلۋىن جۇرگىزۋ سياقتى كوپ ءتۇرلى تاسىلدەر ارقىلى ەرىكتى قىزمەت وتەۋدىڭ ماماندانۋ دەڭگەيىن جوعارىلاتتى. پسيحولوگيالىق سالاماتتىق، زاڭنان قىزمەت وتەۋ، ەمدەۋ - دەنساۋلىق ساقتاۋ، الەۋمەتتىك اۋماق قىزمەت وتەۋى سياقتى ماماندىق ەرەكشەلىككە يە كوپتەگەن ەرىكتى قىزمەت وتەۋ قىزمەتى ءار ۇلت بۇقاراسىنىڭ ۇزدىكسىز ارتقان تاماشا تۇرمىسقا دەگەن قاجەتىنە اڭىس قايتاردى.
”قىز بالالاردى قورعاۋ“ تەكتەس ەرىكتى قىزمەت وتەۋدى نىسانداندىرىپ جۇرگىزۋ كورلا قالاسىنىڭ ەرىكتى قىزمەت وتەۋ قىزمەتىن ۇدايىلاندىرۋدى، ۇزاق ونىمدەندىرۋدى ىلگەرىلەتۋىندەگى ماڭىزدى ارنا سانالادى. جۋىق جىلداردان بەرى، قاجىماي - تالماي نىسان جەتىلدىرۋ جانە ەنگىزۋ ارقىلى تۇتاس قالادا ۇدايىلانىپ جۇمىس جۇرگىزەتىن ەرىكتى قىزمەت وتەۋ نىسانى 40تان اسىپ، باعىتتامالىلىعى مەن قىزمەت وتەۋ سيپاتى ۇزدىكسىز كۇشەيدى. مۇنىڭ ىشىندە سوقىرلارعا قامقورلىق جاساعان ”سەن مەنىڭ جانارىمسىڭ − كينونى بايانداپ بەرۋ ەرىكتى قىزمەت وتەۋ نىسانى“، جاستاردىڭ قارسى الۋىنا يە بولعان ”تەاتر اڭگىمەلەرى − كەسكىندى ءومىر ەرىكتى قىزمەت وتەۋ نىسانى“ سياقتى ۇزدىك نىساندار مەملەكەتتىك جارىستاردا سۇبەلى سيلىقتارعا يە بولدى.
ۇيىمدانۋ، ماماندانۋ، نىساندانۋ دەڭگەيىنىڭ ۇزدىكسىز جوعارىلاۋى ەرىكتى قىزمەت وتەۋدى كورلا قالاسى تۇرعىندارى تۇرمىسىنىڭ جان - جاعىنا ءسىڭىپ قانا قالماستان، ەرىكتى قىزمەت وتەۋدىڭ مازمۇنى مەن فورماسىن دا ۇزدىكسىز كەڭەيتىپ، ءار ۇلت بۇقاراسىنىڭ تابىس سەزىمى مەن باقىت سەزىمىن جوعارىلاتىپ، كورلانىڭ وركەنيەتتى قالا ماڭدايشىلىعىن ءتىپتى دە جارقىراتتى.
