شينحۋا اگەنتتىگىنىڭ 8 - ايدىڭ 31 - كۇنى بەيجيڭنەن بەرگەن حابارى. جۋىقتا جۇڭگو كوممۋنيستىك پارتياسى ورتالىق كوميتەتى «جۇڭگو كوممۋنيستىك پارتياسى ۇگىت قىزمەتى ەرەجەسىن» (تومەندە قىسقاشا «ەرەجە» دەلىنەدى) باسىپ تاراتتى، سونداي - اق حابارلاندىرۋ جاريالادى.
حابارلاندىرۋدا مىنالار اتاپ كورسەتىلدى: ۇگىت قىزمەتى پارتيانىڭ توتەنشە ماڭىزدى ءبىر قىزمەتى، جۇڭگو كوممۋنيستىك پارتياسىنىڭ حالىققا باسشىلىق ەتىپ توڭكەرىس، قۇرىلىس، رەفورما جەڭىستەرىنە ۇزدىكسىز قول جەتكىزۋىندەگى تاڭداۋلى ءداستۇرى جانە ساياسي باسىمدىعى. «ەرەجەنىڭ» جاسالىپ تاراتىلۋى شي جينپيڭ جولداستى ۇيتقى ەتكەن پارتيا ورتالىق كوميتەتىنىڭ ۇگىت قىزمەتىنە ايرىقشا ءمان بەرەتىندىگىن ايگىلەدى، ۇگىت قىزمەتىنىڭ عىلميلانۋ، جۇيەلىلەنۋ، تۇزىمدەنۋ قۇرىلىسىندا جاڭا ساتىعا قادام تاستاعاندىعىنىڭ بەلگىسى.
حابارلاندىرۋدا مىنالار تالاپ ەتىلدى: ءار دارەجەلى پارتكومدار (پارتيا باسشىلىق گرۋپپاسى) «ەرەجە»نى ۇيرەنۋدى، دايەكتىلەندىرۋدى ماڭىزدى ساياسي مىندەت ەتىپ، ۇگىتتەۋدى، ءتۇسىندىرۋدى جانە قۋزاۋ - تەكسەرۋدى مىقتاپ يگەرىپ، پارتيانىڭ ۇگىت قىزمەتىنە جالپى بەتتىك باسشىلىعىن اناعۇرلىم كۇشەيتىپ، پارتيا ورتالىق كوميتەتىنىڭ ۇگىت قىزمەتى جونىندەگى كەلەلى شەشىمدەرى مەن ورنالاستىرۋلارىنىڭ ناقتى تياناقتاندىرىلۋىنا شىنايى كەپىلدىك ەتۋ كەرەك.
