تيانشان تورى   ›   جاڭالىقتار   ›   عىلىم-تەحنيكا

10 - كەزەكتى عىلىم - تەحنيكا كەڭەسىنىڭ تابىسى مول بولدى

367 ءتۇرلى سەلبەستىك كەلىسىمىن جاساستى، ونىڭ ىشىندە 100 ميلليون يۋاننان اساتىن نىسان 24 تۇرگە جەتتى

  ءتىلشى شيە حۇيبيان 9 - ايدىڭ 1 - كۇنى ۇرىمجىدەن حابارلايدى. 8 - ايدىڭ 31 - كۇنى 10 - كەزەكتى جۇڭگو عىلىم اكادەمياسى − شينجياڭ عىلىم - تەحنيكا سەلبەستىك كەڭەسى (تومەندە قىسقارتىلىپ ”عىلىم - تەحنيكا كەڭەسى“ دەلىنەدى) جابىلدى. 9 - ايدىڭ 1 - كۇنى اۆتونوميالى رايوندىق عىلىم - تەحنيكا مەڭگەرمەسى، جۇڭگو عىلىم اكادەمياسىنىڭ شينجياڭ بولىمشەسى، بيڭتۋان عىلىم - تەحنيكا مەكەمەسى، سانجى حۇيزۋ اۆتونوميالى وبلىستىق حالىق ۇكىمەتى وسى كەزەكتى عىلىم - تەحنيكا كەڭەسىنىڭ مول تابىستارىن بىرلەسىپ حابارلادى.

  وسى كەزەكتى عىلىم - تەحنيكا كەڭەسىندە 376 ءتۇرلى سەلبەستىك كەلىسىمىن جاساستى، كەلىسىم سوماسى 27 ميلليارد 576 ميلليون يۋان بولىپ، جاڭا ماتەريال، ەلەكتروندىق ينفورماتسيا، جاڭا ەنەرگيا جانە ەنەرگيا ۇنەمدەۋ تەحنيكاسى، وسى زامانعى اۋىل شارۋاشىلىعى، بيوتەحنيكا، ەمدەۋ، ءدارى - دارمەك، دەنساۋلىق ساقتاۋ سياقتى سالالارعا سايعان.

  ونىڭ ىشىندە 100 ميلليون يۋاننان اساتىن عىلىم - تەحنيكا سەلبەستىك نىساندارى 24 ءتۇر بولعان، 64 نىسانعا كەڭەس جابىلعان كۇنى قول قويىلدى.

  قول قويىلعان نىسان ىشىندە جۇڭگو عىلىم اكادەمياسى 20 ءتۇرلى سەلبەستىك كەلىسىمىن جاساسىپ، كەلىسىم سوماسى 8 ميلليارد 380 ميلليون يۋانعا؛ اۆتونوميالى رايونعا قاراستى مەكەمە - ورىندار مەن ءارقايسى ايماق، وبلىس، قالا (سانجى وبلىسىن قامتىمايدى) 88 ءتۇرلى سەلبەستىك كەلىسىمىن جاساسىپ، كەلىسىم سوماسى 2 ميلليارد 501 ميلليون يۋانعا؛ بيڭتۋان تۇڭعىش رەت كەڭەستى كورمە ورنىنان شىنىڭ، قالانىڭ نەگىزگى ساتىسىنا دەيىن جەتكىزىپ، ءارقايسى مەكەمە - ورىندار 82 ءتۇرلى سەلبەستىك كەلىسىمىن جاساسىپ، كەلىسىم سوماسى ءبىر ميلليارد 92 ميلليون يۋانعا؛ سانجى وبلىسى 186 ءتۇرلى سەلبەستىك كەلىسىمىن جاساسىپ، كەلىسىم سوماسى 14 ميلليارد 775 ميلليون يۋانعا جەتكەن.

  اۆتونوميالى رايوندىق عىلىم - تەحنيكا مەڭگەرمەسىنىڭ ورىنباسار مەڭگەرمە باستىعى ليۋ جىمين مىنانى ءبىلدىردى: بۇدان بىلاي عىلىم - تەحنيكا مەڭگەرمەسى شينجياڭنىڭ عىلمي زەرتتەۋ اكادەميا - ورىندارىمەن، جوعارى مەكتەپتەرىمەن، كاسىپورىندارىمەن بولعان، سونداي - اق رايونىمىز سىرتىنداعى عىلمي زەرتتەۋ اكادەميا - ورىندارىمەن، جوعارى مەكتەپتەرمەن جانە شينجياڭعا باعىتتامالى كومەكتەسەتىن ولكە، قالالارمەن بولعان عىلىم - تەحنيكا اۋىس - كۇيىسىن جانە سەلبەستىگىن اناعۇرلىم كۇشەيتىپ، عىلىم - تەحنيكا جەتىستىكتەرىن شينجياڭنىڭ ءىشى - سىرتىندا ءساتتى ويىستىرۋدى، كادەگە جاراتۋدى جەدەلدەتىپ، ءوزارا تيىمدىلىك جاساپ، تەڭ يگىلىكتەنۋدى جۇزەگە اسىرادى.

جاۋاپتى رەداكتور : سايراش تۇرارجان

ەسكەرتۋ:

تورابىمىزداعى مازمۇنداردىڭ مەنشىك ۇقىعى شينجياڭ ۇيعۇر اۆتونوميالى رايوندىق حالىق ۇكىمەتى اقپارات كەڭسەسىنە ءتان، جاريالانعان مازمۇنداردى سىلتەمەسىز كوشىرۋگە بولمايدى. كوشىرىپ پايدالانۋعا تۋرا كەلگەندە، «تيانشان تورى » الىنعانى انىق ەسكەرتىلۋى ءتيىس، بولماسا زاڭدىق جاۋاپكەرلىگى قۋزاستىرىلادى.