تيانشان تورى   ›   ۇيرەنۋ   ›   ماڭىزدى حۇجاتتار

جۇڭگو كوممۋنيستىك پارتياسى ورتالىق كوميتەتى «جۇڭگو كوممۋنيستىك پارتياسىنىڭ اۋىل - قىستاق قىزمەت ەرەجەسى»ن باسىپ تاراتتى

  شينحۋا اگەنتتىگىنىڭ 9 - ايدىڭ 1 - كۇنى بەيجيڭنەن بەرگەن حابارى. تاياۋدا جۇڭگو كوممۋنيستىك پارتياسى ورتالىق كوميتەتى «جۇڭگو كوممۋنيستىك پارتياسىنىڭ اۋىل - قىستاق قىزمەت ەرەجەسى»ن باسىپ تاراتتى، سونداي - اق حابارلاندىرۋ شىعارىپ، وڭىرلەردەن، تاراۋلاردان وسى بويىنشا دەن قويا اتقارۋدى تالاپ ەتتى.

  حابارلاندىرۋدا مىنالار اتاپ كورسەتىلدى: پارتيانىڭ اۋىل - قىستاق قىزمەتىنە جاپپاي باسشىلىعىنا تاباندى بولۋ جانە ونى كۇشەيتۋ، پارتيانىڭ نەگىزگى نازارياسىن، نەگىزگى لۋشيانىن، نەگىزگى جالپى جوباسىن دايەكتىلەندىرۋ، اۋىل - قىستاقتى گۇلدەندىرۋ ستراتەگياسىن ىشكەرىلەي اتقارۋ، جاڭا داۋىردەگى پارتيانىڭ اۋىل - قىستاق قىزمەتىنە جاپپاي باسشىلىق ەتۋ قابىلەتىن جانە دەڭگەيىن ءوسىرۋ ءۇشىن، «جۇڭگو كوممۋنيستىك پارتياسىنىڭ ۋستاۆى»نا ساي، وسى ەرەجە جاسالدى.

  حابارلاندىرۋدا مىنالار باسا دارىپتەلدى: پارتيانىڭ اۋىل - قىستاق قىزمەتىندە، ءسوز جوق، جۇڭگوشا سوتسياليزم ۇلى تۋىن بيىك ۇستاپ، ماركسيزم، لەنينيزمدى، ماۋ زىدۇڭ يدەياسىن، دىڭ شياۋپيڭ نازارياسىن، ”ۇشكە ۋاكىلدىك ەتۋ“ ماڭىزدى يدەياسىن، عىلمي دامۋ كوزقاراسىن، شي جينپيڭنىڭ جاڭا ءداۋىر جۇڭگوشا سوتسياليزم يدەياسىن جەتەكشى ەتۋدەن جازباي، ساياسي تانىمدى، جالپى جاعداي تانىمىن، ۇيتقى تانىمىن، قاتار تۇزەۋ تانىمىن كۇشەيتىپ، جول سەنىمىن، نازاريا سەنىمىن، ءتۇزىم سەنىمىن، مادەنيەت سەنىمىن بەكەمدەپ، باس شۋجي شي جينپيڭنىڭ پارتيا ورتالىق كوميتەتىنىڭ ۇيتقىسى، بۇكىل پارتيانىڭ ۇيتقىسى ورنىن باتىل قورعاپ، پارتيا ورتالىق كوميتەتىنىڭ بەدەلى مەن ورتالىقتانعان ءبىر تۇتاس باسشىلىعىن باتىل قورعاپ، ”بەستى ءبىر تۇلعالاندىرۋ“ جالپى تۇلعالىق ورنالاستىرۋىن ءبىر تۇتاس ىلگەرىلەتۋدى جانە ”ءتورتتى جاپپاي ورىنداۋ“ستراتەگيالىق ورنالاستىرۋىن سايكەستى ىلگەرىلەتۋدى مىقتاپ ارقاۋ ەتىپ، ورنىقتىلىق بارىسىندا ىلگەرىلەۋ قىزمەت جالپى ارناسىنا تاباندى بولىپ، جاڭا دامۋ ۇستانىمىن دايەكتىلەندىرىپ، جوعارى ساپالى دامۋ تالابىن تياناقتاندىرىپ، اۋىل - قىستاقتى گۇلدەندىرۋ ستراتەگياسىن اتقارۋدى باس تۇتقا ەتىپ، پارتيانىڭ اۋىل - قىستاق قىزمەتىنە باسشىلىق ەتۋ ۇيىمدىق جۇيەسىن، ءتۇزىم جۇيەسىن جانە قىزمەت مەحانيزمىن اقاۋسىزداندىرىپ، اۋىل - قىستاقتى جونگە سالۋ جۇيەسى مەن جونگە سالۋ قابىلەتىنىڭ وسىزاماندانۋىن جەدەل ىلگەرىلەتىپ، اۋىل شارۋاشىلىعىنىڭ، اۋىل - قىستاقتاردىڭ وسىزاماندانۋىن جەدەل ىلگەرىلەتىپ، قالىڭ شارۋالاردى مۇنان دا تاماشا تۇرمىسقا كەنەلتۋ كەرەك.

  حابارلاندىرۋدا پارتيانىڭ اۋىل - قىستاق قىزمەتىندە، ءسوز جوق، مىناداي پرينسيپتەرگە بويسۇنۋ تالاپ ەتىلدى:

  (1) پارتيانىڭ اۋىل - قىستاق قىزمەتىنە جاپپاي باسشىلىعىنا تاباندى بولىپ، پارتيانىڭ اۋىل - قىستاق قىزمەتىندە جالپى جاعدايدى تەگىس مەڭگەرۋىن، ءار جاقتى سايكەستىرۋىن شىنايى قامتاماسىز ەتىپ، اۋىل - قىستاق رەفورماسىنىڭ، دامۋىنىڭ دۇرىس بەتالىسپەن ىلگەرىلەۋىنە كەپىلدىك ەتۋ؛

  (2) حالىقتى وزەك ەتۋگە تاباندى بولىپ، حالىقتىڭ تۇلعالىق ورنى مەن جاسامپازدىق رۋحىنا قۇرمەت ەتىپ، شارۋالاردىڭ زاتتىق مۇددەسى مەن دەموكراتيالىق ۇقىعىن شىن مانىندە قامتاماسىزداندىرىپ، شارۋالاردىڭ قۇپتاۋ - قۇپتاماۋىن، قولداۋ - قولداماۋىن پارتيانىڭ اۋىل - قىستاق ساياساتىن شىعارۋداعى نەگىز ەتۋ؛

  (3) اۋىل - قىستاق نەگىزگى شارۋاشىلىق ءتۇزىمىن بەكەمدەۋگە جانە ونى كەمەلدەندىرۋگە تاباندى بولىپ، پارتيانىڭ اۋىل - قىستاق ساياساتى تاعانىن بەكەمدەۋ؛

  (4) جۇڭگوشا سوتسياليستىك اۋىل - قىستاقتى گۇلدەندىرۋ جولىمەن جۇرۋگە تاباندى بولىپ، اۋىل - قىستاقتى كاسىپ سالاسى ارقىلى گۇلدەندىرۋ، دارىندى ارقىلى گۇلدەندىرۋ، مادەنيەت ارقىلى گۇلدەندىرۋ، ەكولوگيا ارقىلى گۇلدەندىرۋ، ۇيىم ارقىلى گۇلدەندىرۋدى ىلگەرىلەتۋ؛

  (5) شارۋالارعا پارتيانىڭ سوزىنە قۇلاق اسۋ، پارتيانىڭ قامقورلىعىنا العىس ايتۋ، پارتياعا ىلەسۋ جونىندە تاربيە جۇرگىزۋگە، جەتەكشىلىك ەتۋگە تاباندى بولىپ، شارۋالار قاۋىمىن پارتيانىڭ توڭىرەگىنە تىعىز ىنتىماقتاستىرىپ، پارتيانىڭ اۋىل - قىستاقتاعى بيلىك جۇرگىزۋ نەگىزىن بەكەمدەۋ؛

  (6) بارلىعىندا ءىس جۇزىندىكتى شىعار ءتۇيىن ەتۋگە تاباندى بولىپ، تۇرگە ايىرىپ جەتەكشىلىك ەتىپ، بىرتىندەي ىلگەرىلەتۋ، كۇشتەپ بۇيرىق تۇسىرمەۋ، مەزەتتىك دۇرمەككە اينالدىرماۋ، ءبىر سىدىرعىلىققا سالىنباۋ؛حابارلاندىرۋدا ۇيىمدىق باسشىلىق، باستى مىندەت، قوسىن قۇرىلىسى، قامتاماسىزداندىرۋ شارالارى، باعالاۋ، باقىلاۋ سياقتىلار جونىندە دە ناقتى ورنالاستىرۋ جاسالدى.

جاۋاپتى رەداكتور : سايراش تۇرارجان

ەسكەرتۋ:

تورابىمىزداعى مازمۇنداردىڭ مەنشىك ۇقىعى شينجياڭ ۇيعۇر اۆتونوميالى رايوندىق حالىق ۇكىمەتى اقپارات كەڭسەسىنە ءتان، جاريالانعان مازمۇنداردى سىلتەمەسىز كوشىرۋگە بولمايدى. كوشىرىپ پايدالانۋعا تۋرا كەلگەندە، «تيانشان تورى » الىنعانى انىق ەسكەرتىلۋى ءتيىس، بولماسا زاڭدىق جاۋاپكەرلىگى قۋزاستىرىلادى.