تيانشان تورى   ›   جاڭالىقتار   ›   وقۋ-اعارتۋ

رايونىمىزدىڭ ادەتتەگى جوعارى مەكتەپتەرگە وقۋشى قابىلداۋ قىزمەتى اياقتادى

بيىل جالپى 183 مىڭ 900 وقۋشى قابىلداندى

  ءتىلشى جاۋ شيا 9 - ايدىڭ 2 - كۇنى ۇرىمجىدەن حابارلايدى. ءتىلشىنىڭ اۆتونوميالى رايوندىق وقۋ - اعارتۋ ەمتيحان ورنىنان ۇعىسۋىنشا، رايونىمىزدىڭ 2019 - جىلعى ادەتتەگى جوعارى مەكتەپتەرگە وقۋشى قابىلداۋ قىزمەتى 8 - ايدىڭ 31 - كۇنى ءساتتى اياقتاعان. ۇعىسۋعا قاراعاندا، بيىل بۇكىل رايونىمىزدا ادەتتەگى جوعارى مەكتەپ ەمتيحانىنا تىزىمدەلگەن، قاتىناسقان وقۋشى 221 مىڭ بولىپ، 183 مىڭ 900 وقۋشى قابىلدانعان. مۇنىڭ ىشىندە تولىق كۋرسقا 83 مىڭ 400 ادام، جوعارى دارەجەلى كاسىپتىك مەكتەپكە (ارناۋلى كۋرس) 100 مىڭ 500 وقۋشى قابىلدانعان.

  رايونىمىزدىڭ جەلىدە قابىلداۋ قىزمەتى وقۋ - اعارتۋ مينيسترلىگى مەن اۆتونوميالى رايوننىڭ قاتىستى بەلگىلەمەلەرىن قاتاڭ اتقارىپ، قابىلداۋ جۇمىس باسىندىق قىزمەت گرۋپپاسى ”اشىق جوعارى مەكتەپ ەمتيحانى“ جونىندەگى ءتۇرلى وقۋشى قابىلداۋ ساياساتىن قاتاڭ تياناقتاندىرىپ، ءارقايسى توپ - رەتكە وقۋشى قابىلداۋ قىزمەت مىندەتىن تابىسپەن ورىندادى. قابىلداۋ بارىسىندا رايونىمىز جوعارى مەكتەپتەرگە وقۋشى قابىلداۋ اشىق ينجەنەرياسىن ىشكەرىلەي اتقارىپ، شينجياڭ وقۋشى قابىلداۋ رەسمي سايتى، ۋيچات سياقتىلار ارقىلى وقۋشى قابىلداۋ ۇگىتىن كۇشەيتىپ، قابىلداۋ قىزمەتىنىڭ جاريالىلىعىن جوعارىلاتتى. قابىلداۋ مەزگىلىندە رايونىمىز تاعى وقۋشى قابىلداۋ جۇمىس باسىندىق اشىق ۇستاۋ كۇنى قيمىلىن ۇيىمداستىرىپ، ءۇرىمجى، سانجى 2 جەردەن جۇزگە جۋىق وقۋشى، اتا - انا، وقىتۋشى ۋاكىلدەرىن جانە اقپارات قۇرالدارى تىلشىلەرى ۋاكىلدەرىن جوعارى مەكتەپكە وقۋشى قابىلداۋ جۇمىس باسىنا شاقىرىپ، جەلىدە قابىلداۋ قىزمەتىن ناقتى سەزىندىردى.

  قابىلداۋ قىزمەتىندە اۆتونوميالى رايون ەمتيحان بەرگەن وقۋشىلاردىڭ مۇددەسىن شىعار ءتۇيىن ەتۋگە تاباندى بولىپ، قىزمەت وتەۋ ساپاسىن شىنايى جوعارىلاتتى. اۆتونوميالى رايوندىق وقۋ - اعارتۋ ەمتيحان ورنى قابىلدانباعان ەمتيحان بەرگەن وقۋشىلاردى تالاپ جيناۋعا قاتىناستىرۋدى مۇقيات ۇيىمداستىرىپ، ەمتيحان بەرگەن وقۋشىلاردىڭ قابىلدانۋ ورايىن ارتتىرىپ، ەمتيحان بەرگەن وقۋشىلاردىڭ ۇقىق - مۇددەسىن ەڭ جوعارى ولشەمدە قورعادى. سونىمەن بىرگە، ارىز - ارمان، مالىمدەۋ ارناسىن ىركىلىسسىزدەندىرىپ، ەمتيحان بەرگەن وقۋشىلاردىڭ اتا - انالارى اڭىس ەتكەن ماسەلەلەرگە سابىرلىلىقپەن تۇسىنىك جاسادى، جاۋاپ بەردى جانە ۇيلەسىمدى ءجون سىلتەدى. قابىلداۋ مەزگىلىندە ەمتيحان بەرگەن وقۋشىلاردىڭ اتا - انالارىنىڭ كەڭەس سۇراۋ تەلەفونىنان جالپى 11 مىڭ 900 ادام - رەت قابىلداپ، بىلتىرعىمەن سالىستىرعاندا %32 ازايعان؛ جۇمىس ۇستىندە كەڭەس سۇراعان ەمتيحان بەرگەن وقۋشىلاردىڭ اتا - انالارى 966 ادام - رەت بولىپ، بىلتىرعىمەن سالىستىرعاندا %37 ازايعان.

جاۋاپتى رەداكتور : سايراش تۇرارجان

ەسكەرتۋ:

تورابىمىزداعى مازمۇنداردىڭ مەنشىك ۇقىعى شينجياڭ ۇيعۇر اۆتونوميالى رايوندىق حالىق ۇكىمەتى اقپارات كەڭسەسىنە ءتان، جاريالانعان مازمۇنداردى سىلتەمەسىز كوشىرۋگە بولمايدى. كوشىرىپ پايدالانۋعا تۋرا كەلگەندە، «تيانشان تورى » الىنعانى انىق ەسكەرتىلۋى ءتيىس، بولماسا زاڭدىق جاۋاپكەرلىگى قۋزاستىرىلادى.

  • ءۇرىمجى يامالىق تاۋى بۇكىلدەي جاسىلدانۋدى جۇزەگە اسىردى
  • تارباعاتايدىڭ قىس ماۋسىمىنداعى ساياحات ونىمدەرىنىڭ ساۋداسى كۇسەتتەندى
  • ”قوس 11“ جونەلتۋمەن قاربالاس
  • كاسىپتەنۋ جولىن اشتى
  • شينجياڭ ساۋدا - ساتتىق ۇيىرمەسى ”شينجياڭ جاقسى جەر“ نەگىزگى تاقىرىبىندا كورمەگە قاتىناستى