تيانشان تورى   ›   جاڭالىقتار   ›   شينجياڭ حابارلارى

رايونىمىز 29 شارا العا قويىپ ورتا، شاعىن كاسىپورىنداردىڭ اقاۋسىز دامۋىنا دەم بەردى

  ءتىلشى ما ينيڭ 9 - ايدىڭ 2 - كۇنى ۇرىمجىدەن حابارلايدى. اۆتونوميالى رايوندىق ونەركاسىپ جانە ينفورماتسيالاندىرۋ مەڭگەرمەسىنەن ۇعىسۋىمىزشا، تاياۋدا رايونىمىز «شينجياڭ ۇيعۇر اۆتونوميالى رايونىنىڭ ورتا، شاعىن كاسىپورىنداردىڭ اقاۋسىز دامۋىن جەبەۋ جونىندەگى اتقارۋ پىكىر»ىن جاريالاپ، 29 باعىتتامالى شارا ارقىلى ورتا، شاعىن كاسىپورىنداردىڭ اقاۋسىز دامۋىنا دەم بەرگەن.

  «پىكىر»دە ورتا، شاعىن كاسىپورىنداردىڭ تاماشا دامۋ ورتاسىن قالىپتاستىرۋ، ورتا، شاعىن كاسىپورىنداردىڭ قارجى قۇراۋىنىڭ قيىنعا، قىمباتقا سوعۋ ماسەلەسىن شەشۋ، قازىنا - سالىق ساياساتىن كەمەلدەندىرۋ جانە تياناقتاندىرۋ، جاڭالىق اشا دامۋ جۇيەسىن كەمەلدەندىرۋ، قىزمەت وتەۋدى قامتاماسىزداندىرۋدى جاقسارتۋ، ۇيىمدىق باسشىلىقتى جانە ءبىر تۇتاس جوسپارلاپ سايكەستىرۋدى كۇشەيتۋ قاتارلىلار توڭىرەگىندە 29 جەتەكشى شارا العا قويىلدى.

  تاماشا دامۋ ورتاسىن قالىپتاستىرۋ جاعىندا، ورنىقتىلىقتىڭ پايداسىن تاراتۋ، بازارعا كىرۋ رۇقساتىن كەڭەيتۋ، ورتا، شاعىن كاسىپورىندارعا ىرىقتىلىقپەن قىزمەت وتەۋ، ءبىر تۇتاس بازار باقىلاۋ - باسقارۋ ءتۇزىمى سياقتى 4 ناقتى شارا قامتىلعان؛ قارجى توپتاۋدىڭ قيىنعا، قىمباتقا سوعۋ ماسەلەسىن شەشۋ جاعىندا، ورتا، شاعىن كاسىپورىنداردىڭ قارجى قۇراۋ ساياساتىن كەمەلدەندىرۋ، تياناقتاندىرۋ، قارجى قۇراۋ ارناسىن كەڭەيتۋ، كاپيتال بازارىنان پايدالانىپ تىكە قارجى قۇراۋ، كاسىپورىنداردىڭ قارجى قۇراۋ اۋىرتپالىعىن جەڭىلدەتۋ، تۇرگە ءبولىپ باقىلاۋ - باسقارۋ، باعالاۋ مەحانيزمىن ورناتۋ سياقتى 5 ناقتى شارا قامتىلعان؛ قازىنا - سالىق قولداۋ ساياساتىن كەمەلدەندىرۋ جانە تياناقتاندىرۋ جاعىندا، قازىنا - سالىقتىڭ شاعىن، ۇساق كاسىپورىنداردىڭ قارجى قۇراۋىن قولداۋىن جاقسارتۋ، ورتا، شاعىن كاسىپورىنداردىڭ سالىق اقى اۋىرتپالىعىن جەڭىلدەتۋ، ۇكىمەتتىك ساتىپ الۋدىڭ ورتا، شاعىن كاسىپورىنداردى قولداۋ ساياساتىن كەمەلدەندىرۋ، ءار ءتۇرلى ساياساتتىق قوردىڭ جەتەكتەۋ، باستاماشىلدىق ەتۋ رولىن ساۋلەلەندىرۋ سياقتى 4 ناقتى شارا قامتىلعان؛ جاسامپازدىقپەن دامۋ جۇيەسىن كەمەلدەندىرۋ جاعىندا، جاڭالىق اشۋ، شارۋاشىلىق قۇرۋ ورتاسىن كەمەلدەندىرۋ، ورتا، شاعىن كاسىپورىندارعا بىرگە يگىلىكتەنەتىن بايلىقتى اشىق ۇستاۋعا شابىتتاندىرۋ، ءوندىرىستى، وقىتۋدى، زەرتتەۋدى سايكەسە جاڭالىق اشا دامۋعا شابىتتاندىرۋ، ورتالىق پەن جەرگىلىكتى ورىننىڭ قازىنالىق قارجىسىنىڭ جەتەكتەۋ رولىن تولىق ساۋلەلەندىرۋ، ءبىلىم مەنشىك ۇقىعىن قورعاۋ مەن قولدانۋدى شىن مانىندە كۇشەيتۋ، ورتا، شاعىن كاسىپورىنداردى ارنايى، سارا، ەرەكشە، جاڭا دامۋعا جەتەكتەۋ جانە ورتا، شاعىن كاسىپورىندارعا اناعۇرلىم ساپالى ينفورماتسيالانۋ قىزمەتىن وتەۋ سياقتى 7 ناقتى شارا قامتىلعان؛ قىزمەت وتەۋدى قامتاماسىزداندىرۋدى جاقسارتۋ جاعىندا، الەۋمەتتىك قىزمەت وتەۋ جۇيەسىن كەمەلدەندىرۋ، سەنىمدى ينفورماتسيادان بىرگە يگىلىكتەنۋدى ىلگەرىلەتۋ، كاسىپورىنشىلار قوسىنىن جەتىلدىرۋ، سىرتقى سەلبەستىك پەن اۋىس - كۇيىستى قولداۋ، كەدەننەن شىعارۋ جانە تەكسەرۋگە جولداۋ، ءىس ءبىتىرۋ ءتارتىبىن ىقشامداۋ سياقتى 5 ناقتى شارا قامتىلعان؛ ۇيىمدىق باسشىلىقتى جانە ءبىر تۇتاس جوسپارلاپ سايكەستىرۋدى كۇشەيتۋ جاعىندا، قولداۋدى جانە ءبىر تۇتاس جەتەكشىلىك ەتۋدى كۇشەيتۋ، ساناقتىق باقىلاۋ ساقتاندىرۋ ءتۇزىمىن ورناتۋ، قىزمەتتى قۋزاپ جەتەكشىلىك ەتۋ باعالاۋىن كۇشەيتۋ، تاماشا قوعامدىق پىكىر رايىن قالىپتاستىرۋ سياقتى 4 ناقتى شارا قامتىلعان.

  اۆتونوميالى رايوندىق ونەركاسىپ جانە ينفورماتسيالاندىرۋ مەڭگەرمەسىنىڭ قاتىستى جاۋاپتىسى ورتا، شاعىن، ۇساق كاسىپورىنداردىڭ دامۋىن قولدايتىن ءتۇرلى ءتيىمدى ساياساتتاردى ويداعىداي تياناقتاندىرىپ، ورتا، شاعىن، ۇساق كاسىپورىنداردىڭ دامۋىنا، جاڭالىق اشۋىنا بەلسەندىلىكپەن اناعۇرلىم تىنىستى ورتا قالىپتاستىرىپ، رايونىمىزدىڭ ورتا، شاعىن كاسىپورىنداردىڭ تولىسىپ زورايۋىن ىلگەرىلەتەتىندىگىن ءبىلدىردى.

  تانىستىرۋعا قاراعاندا، رايونىمىزدا قازىر 200 مىڭعا جۋىق ورتا، شاعىن، ۇساق كاسىپورىن %80 تەن استام قالا - قالاشىقتاردا جۇمىس ورىندارىن دايىنداپ بەرگەن، قالىڭ ورتا، شاعىن، ۇساق كاسىپورىن شينجياڭنىڭ ەكونوميكالىق دامۋىنىڭ ماڭىزدى قوزعالتقىشىنا اينالعان.

جاۋاپتى رەداكتور : سايراش تۇرارجان

ەسكەرتۋ:

تورابىمىزداعى مازمۇنداردىڭ مەنشىك ۇقىعى شينجياڭ ۇيعۇر اۆتونوميالى رايوندىق حالىق ۇكىمەتى اقپارات كەڭسەسىنە ءتان، جاريالانعان مازمۇنداردى سىلتەمەسىز كوشىرۋگە بولمايدى. كوشىرىپ پايدالانۋعا تۋرا كەلگەندە، «تيانشان تورى » الىنعانى انىق ەسكەرتىلۋى ءتيىس، بولماسا زاڭدىق جاۋاپكەرلىگى قۋزاستىرىلادى.

  • وڭتۇستىك شينجياڭنان ەكسپورت ەتىلگەن زاتتار جۇڭگو - ەۆروپا كەزەكشى پويەزدەرىمەن ”باتىسقا شىعارىلدى“
  • باتىس سولتۇستىك مۇناي الابى: جوعارى ساپالى دامۋدىڭ ەنەرگيا جاۋابىن قۇلشىنا جازۋدا
  • كورلانىڭ ەرىكتى قىزمەت وتەۋى وركەنيەت ماركاسىنا اينالدى