تيانشان تورى   ›   جاڭالىقتار   ›   ايبىندى 70 جىل ، كۇرەسكە تولى جاڭا ءداۋىر

باتىس سولتۇستىك مۇناي الابى: جوعارى ساپالى دامۋدىڭ ەنەرگيا جاۋابىن قۇلشىنا جازۋدا

 ءتىلشى ما ينيڭ

  بيىل جۇڭگو مۇناي - حيميا توبى شەكتى سەرىكتەستىگى باتىس سولتۇستىك مۇناي الابى تارىم ويپاتىنداعى مۇناي - تابيعي گاز بايلىعىن بارلاۋدىڭ، اشۋدىڭ بەسىنشى 10 جىلدىعىنا قادام تاستادى. 8 - ايدىڭ 13 - كۇنى باتىس سولتۇستىك مۇناي الابىنىڭ نەگىزگى كۇش اۋماعى تارىم وزەنى مۇناي الابىنىڭ جالپى وندىرگەن مۇنايى 100 ميلليون توننادان استى. تالاي جىلدان بەرى مۇنايشىلار ”مەن وتانعا مۇناي تارتۋ ەتەمىن“ دەيتىن اسقاق جىگەرمەن قۇمدى ءشولدىڭ تەرەڭ قويناۋىندا ىركەس - تىركەس تالاي كەرەمەتتەر جاراتىپ، مەملەكەتتىڭ ەنەرگيا حاۋىپسىزدىگىن قامتاماسىز ەتۋگە ەرەن ۇلەس قوستى. قازىرگى تاڭدا ولار باتىستاعى ەنەرگيا ستراتەگيالىق بازاسىن قۇرۋ نىساناسىن كوزدەپ، جوعارى ساپالى دامۋدىڭ ەنەرگيا جاۋابىن قۇلشىنا جازۋدا.

■ الدىڭعى لەكتە اتويلاپ جۇرۋگە باتىلدىق ەتىپ، تىڭ ءورىس اشتى

  8 - ايدىڭ 23 - كۇنى باتىس سولتۇستىك مۇناي الابىنىڭ مۇناي الۋ 2 - زاۆودىنىڭ TK694 قۇدىعىندا تەحنيك زوۋ گوجۇن مەن ونىڭ سەرىگى سۇيىلتىپ وندىرەتىن شاناعا ورناتىلعان اۆتوماتتى سۇيىلتۋ جابدىعىن تەكسەرىپ جاتىر ەكەن. ”ازوت گازىن جىبەرىپ، سۋ قۇيۋ شاراسى قولدانىلعاننان كەيىن مۇناي قۇدىعىنىڭ قىسىمى ايرىقشا جوعارى بولۋ، ءوندىرۋ كەزىندە جۇيەگە كىرۋگە امالسىز قالۋ ماسەلەسىنە مەڭزەس، ءبىز جىلجىمالى سيگنالمەن قاشىقتان مەڭگەرۋ ارقىلى ’پاراساتتى‘ جوعارى قىسىمدى اۆتوماتتى سۇيىلتۋ بارىسىن زەرتتەپ اشىپ، ءار كۇنى 40 مىڭ يۋانعا جۋىق وزىندىك قۇن ۇنەمدەپ وتىرمىز“، - دەيدى زوۋ گوجۇن.

  عىلىم - تەحنيكا ارقىلى ونىمدىلىكتى جوعارىلاتىپ، ەلدىڭ الدىندا جۇرەتىن باتىلدىقپەن جانە ىزدەنىس جاساۋ رۋحىمەن مۇناي - گاز بارلاۋ، ءوندىرۋ بارىسىندا جولىققان كەدەرگىلەردى ۇزدىكسىز تالقانداپ، باتىس سولتۇستىك مۇناي الابىنىڭ قيىندىقتاردى ەڭسەرە وتىرىپ، ۇزدىكسىز العا باسۋىنا مۇمكىندىك جاسادى.

  مۇناي الۋ 2 - زاۆودى − باتىس سولتۇستىك مۇناي الابىنىڭ قويۋ مۇناي وندىرەتىن نەگىزگى مايدانى، 700 نەشە قۇدىقتىڭ %90تەن استامى تۇگەلدەي سۇيىلتۋ ارقىلى ءوندىرىس جۇرگىزەدى. جۋىقتا مۇناي الۋ 2 - زاۆودى وندىرگەن مۇناي 50 ميلليون توننالىق وتكەلدەن ءوتىپ، ەرەكشە تەرەڭدىكتەگى، ەرەكشە قويۋ مۇنايدىڭ تۇراقتى ونەركاسىپتىك ءوندىرىلۋىن جۇزەگە اسىردى، بۇل ەلىمىزدىڭ ەرەكشە تەرەڭ، ەرەكشە قويۋ مۇناي قورىن اشۋىندا جانە مەملەكەتتىڭ ەنەرگيا حاۋىپسىزدىگىن قامتاماسىز ەتۋدە ماڭىزدى مانگە يە.

  تالاي جىلدان بەرى، باتىس سولتۇستىك مۇناي الابىنىڭ مۇناي - تابيعي گاز بارلاۋى ىركەس - تىركەس ءبىر قىدىرۋ ۇلكەن سەرپىلىستەرگە قول جەتكىزىپ، ”اجال تەڭىزى“ندە ىلگەرىندى - كەيىندى تارىم وزەنى مۇناي الابى، شۇنبەي مۇناي - تابيعي گاز الابى سىندى ميلليارد توننالىق 2 ۇلكەن كومىر قىشقىل تۇزدارى جىنىستى مۇناي - تابيعي گاز الابىن بايقاپ، ەلىمىز بويىنشا ەڭ ۇلكەن ەرتەدەگى تىرشىلىك توبىنا ءتان تەڭىز فازالىق كومىر قىشقىل تۇزدارى جىنىسىنىڭ قۋىسىنداعى مۇناي - تابيعي گاز الابىن قۇرىپ، مەملەكەتكە جيىنى 100 ميلليون توننادان استام مۇناي، 24 ميلليارد 500 ميلليون تەكشەمەتردەن اساتىن تابيعي گاز ۇسىندى.

       2017 - جىلى باتىس سولتۇستىك مۇناي الابى مۇناي الابى كاسىپورىندارىنىڭ ىشىندە ەڭ الدىمەن ”ايازدى قىس مەزگىلى“نەن ءوتىپ، تيجاراتتا زيان شەگۋدەن پايدا تابۋعا ءوتۋدى جۇزەگە اسىردى. 2018 - جىلى بارلاۋ جەتىستىكتەرىن ۇزدىكسىز كەڭەيتىپ، تيجارات پايداسى سايكەس مەزگىلدەگىدەن 3 ميلليارد 400 ميلليون يۋان ارتتى؛ پايدا مەن زياندى تەڭگەرەتىن مۇناي باعاسى سايكەس مەزگىلدەگىدەن 3 دوللار تومەندەپ، تاريحتاعى ەڭ تومەنگى رەكوردتى جاراتتى؛ شۇنبەي مۇناي - تابيعي گاز الابى 700 مىڭ توننالىق وندىرىستىك قۋات شەبىن قۇرىپ شىعىپ، تارىم وزەنى مۇناي الابى ءونىمىنىڭ تابيعي كەمەيۋ مولشەرى تاريحتاعى ەڭ جاقسى دەڭگەيدى كورسەتتى.

■ جاپپاي تيبىن وزگەرتىپ، زەردەلى مۇناي الابىن قۇرۋعا بەت الدى

  وسىناۋ قيىرداعى بەتپاق ءشول دالا توسىندە سوڭعى جىلدارى مەملەكەتتىك عىلىم - تەحنيكا العا باسارلىعى سيلىعىنىڭ ءبىرىنشى دارەجەلى سيلىعىنان ەكەۋى جارىققا شىعىپ، مۇناي الابىن بارلاپ اشۋداعى الەمدىك قيىن تاقىرىپتىڭ شەشىلەرىن كىم ويلاعان؟

  سوڭعى جىلدارى، باتىس سولتۇستىك مۇناي الابى دەربەس جاڭالىق اشۋ ارقىلى ەلىمىزدىڭ ەرتەدەگى تىرشىلىك توبىنا ءتان تەڭىز فازالىق كومىر قىشقىل تۇزدارى جىنىسىندا مۇناي - تابيعي گاز جينالۋ نازارياسىن دامىتىپ، كەمەلدەندىرىپ، ساڭلاۋ - قۋىستا ساقتالعان مۇنايدى اشۋ نازارياسىن ورناتىپ، كومىر قىشقىل تۇزدارى جىنىستارىنىڭ قۋىسىندا ساقتالعان مۇنايدى بارلاۋ - اشۋدىڭ حالىقارالىق الدىڭعى دەڭگەيدەگى وزەكتى تەحنيكالارىن دەربەس جاڭالىق اشا وتىرىپ قالىپتاستىردى. 2010 - جىلى، 2014 - جىلى باتىس سولتۇستىك مۇناي الابى 2 رەت مەملەكەتتىك عىلىم - تەحنيكا العا باسارلىعى سيلىعىنىڭ ءبىرىنشى دارەجەلى سيلىعىن الدى، 2016 - جىلدان بەرى باتىس سولتۇستىك مۇناي الابى شۇنبەي جاڭا رايونىندا مۇناي - تابيعي گاز بارلاۋدا كەلەلى ساۋدالىق بايقاۋعا قول جەتكىزىپ، وپىرىلما قاباتتا مۇناي ساقتالۋ نازارياسىن جاسامپازدىقپەن العا قويدى.

  ماشينانىڭ گۇرىلى ىشىندە قارا قوڭىر مايلى بالشىق جىلۋمەن ىدىراتۋ قۇرىلعىسى ارقىلى شيكى مۇنايدان ءبولىنىپ شىقتى، ونان سوڭ تازا بالشىق جولعا توسەلەتىن توپىراق رەتىندە مۇناي الابىنىڭ تەپ - تەگىس ۇڭعىما الاڭدارىنىڭ جولىنا پايدالانىلدى. 8 - ايدىڭ 23 - كۇنى ءتىلشى باتىس سولتۇستىك مۇناي الابىنىڭ جەمىرىلگەن بالشىقتى جىلۋمەن ىدىراتۋ ءبىر جاقتى ەتۋ نىسانىنىڭ جۇمىس باسىنا كەلدى. مۇناي الابى ينجەنەريالىق قىزمەت وتەۋ ورتالىعى قورشاعان ورتانى قورعاۋدى باسقارۋ ءبولىمىنىڭ حاۋىپسىزدىك قىزمەتكەرى گۋان جۇن 500 ميلليليتر شيكى مۇناي قۇيىلعان قۇمىرانى قولىنا الىپ: ”نەبارى 40 مينۋتتىڭ ىشىندە جەمىرىلگەن بالشىقتان شيكى مۇنايدى ايىرىپ الامىز، ءبىر جىلدا 2000 توننا شيكى مۇناي جيناپ الۋعا بولادى“، - دەدى.

  باتىس سولتۇستىك مۇناي الابىندا شينجياڭداعى العاشقى جىلۋمەن ىدىراتۋ قۇرىلعىسى بولسىن، الدە كەرنەۋ وزگەرتۋ پۋنكتتەرىندەگى بارلىق شارلاپ تەكسەرۋ مىندەتىن دەربەس، اۆتوماتتى تۇردە ورىندايتىن ”قىراعى“ قۇلتەمىر بولسىن، سونداي - اق مىندەت تىزبەگىنىڭ وزدىك اينالىمى، اۆتوموبيلدەردىڭ وزدىك تارازىدان ءوتۋى سياقتى يقۋاتتار ءبىر تۇلعالاندىرىلعان قىزمەتكەر كەزەكشىلىك ىستەمەيتىن تارازى ءۇي سياقتىلار بولسىن... ءبارى دە زەردەلەندىرۋدىڭ تابىستارىن ايگىلەپ تۇر. ءىس جۇزىندە، بۇگىنگى باتىس سولتۇستىك مۇناي الابى جاپپاي ينفورماتسيالانۋ، زەردەلەنۋگە قاراي وزگەرىپ، وسى زامانعى ينفورماتسيا تەحنيكاسىنا سۇيەنىپ سيفرلانۋدى، اۆتوماتتانۋدى نەگىزىنەن جۇزەگە اسىرىپ، زەردەلى مۇناي الابىن قۇرۋدىڭ ۇلگىسىنە اينالدى.

■ دامۋدىڭ پايداسى حالىق تۇرمىسىنا تيىمدىلىك جەتكىزدى

  8 - ايدىڭ سوڭى باتىس سولتۇستىك مۇناي الابى چياۋگۋ پۋنكتىنەن كۇشار اۋدانىنىڭ حاۋتاي تابيعي گاز قۇبىرىنا دەيىنگى تۇتاس لەنيا جالعانىپ ىسكە قوسىلدى، 3 - تارماق قۇبىر مەجەمەن جىل سوڭىندا ورىندالادى. سول كەزدە چياۋگۋ بولىگى ءوندىرىس قۋاتىن ونان ارى ايگىلەي الادى، بۇل ءتىپتى كوپ تابيعي گازدىڭ جەرگىلىكتى تۇرعىنداردىڭ ءوندىرىس، تۇرمىسىنا قولدانىلاتىندىعىنان دەرەك بەرەدى.

  چياۋگۋ گاز جيناپ ءبىر جاقتى ەتۋ پۋنكتى 2 رەتكى كەڭەيتىپ سالۋدان كەيىن، CNG (سىعىلعان تابيعي گاز) جالپى ساتىلۋ مولشەرى 80 ميلليون تەكشەمەتردەن اسىپ، جۇڭگو مۇناي - حيميا توبى شەكتى سەرىكتەستىگىنىڭ وڭتۇستىك شينجياڭداعى بىردەن - ءبىر CNG تولتىرۋ، جاڭا ەنەرگيا ءوندىرۋ - ساتۋ بازاسىنا اينالدى.

  جاڭا ەنەرگيا ءوندىرۋ - ساتۋ بازاسىن قۇرۋ − باتىس سولتۇستىك مۇناي الابىنىڭ قاۋىرت دامۋى بارىسىنداعى كاسىپورىننىڭ دامۋ پايداسى ارقىلى جەرگىلىكتى حالىق تۇرمىسىنا تيىمدىلىك جەتكىزىپ، جەرگىلىكتى ەكونوميكانىڭ دامۋىن جەبەۋدەگى كوپتەگەن نىسانداردىڭ ءبىرى عانا. 2003 - جىلدان بەرى باتىس سولتۇستىك مۇناي الابى جيىنى 14 ميلليارد 800 ميلليون يۋان ءتۇرلى سالىق تاپسىردى، شينجياڭعا كومەكتەسۋدەگى ءتۇرلى نىساندارعا 600 ميلليون يۋاننان استام قارجى قوستى.

  ”شينجياڭنىڭ مۇنايىن شينجياڭدا وڭدەۋ، شينجياڭنىڭ تابيعي گازىن شينجياڭدا ىستەتۋ“گە تاباندى بولىپ، بايلىقتى سول جەردە ىستەتۋ ارقىلى جەرگىلىكتى ورىننىڭ ەكونوميكاسىنىڭ دامۋىن ىلگەرىلەتتى. ”12 - بەسجىلدىق “ جوبا اتقارىلعاننان قازىرگە دەيىن، باتىس سولتۇستىك مۇناي الابىنىڭ جەرگىلىكتى ورىندى شيكى مۇنايمەن قامداۋ مولشەرى 30 ميلليون تونناعا جەتىپ، شيكى مۇنايمەن قامداۋدى نەگىز ەتكەن جەرگىلىكتى ورىنداعى كاسىپ سالاسى تۇتىنۋشىلارى 10 نەشەگە جەتتى؛ جەرگىلىكتى ورىندى 4 ميلليارد 600 ميلليون تەكشەمەتر تابيعي گازبەن قامداپ، ساتىلۋ مولشەرىنىڭ %60تەن استامىن يەلەدى. ”12 - بەسجىلدىق“ جوبا اتقارىلعاننان بەرى مۇناي الابى داشۋە بىتىرگەن شينجياڭدىق 220 نەشە وقۋشىنى قابىلداپ، سايكەس مەزگىلدە قابىلداعان قىزمەتكەرلەردىڭ جالپى سانىنىڭ %72ىن ۇستاپ، جەرگىلىكتى ورىندى 20 مىڭنان استام قىزمەت ورنىمەن تىكەلەي نەمەسە جانامالاي قامدادى.

  ”باتىس سولتۇستىك مۇناي الابى 3 قاداممەن ءجۇرىپ، دۇنيە جۇزىندەگى ايتۋلى ’مۇناي سەرىكتەستىگىن‘ قۇرۋدى ىلگەرىلەتەدى“، - دەدى باتىس سولتۇستىك مۇناي الابى پارتكومىنىڭ شۋجيى ليۋ باۋزىڭ، - ”2018 - جىلدان 2023 - جىلعا دەيىن، باتىس سولتۇستىك مۇناي الابى جوعارى ساپالى دامۋ ساتىسىنا ءوتىپ، 10 ميلليون توننالىق دارەجەدەگى ءىرى مۇناي - تابيعي گاز الابىن قۇرادى. 2035 - جىلعا جەتكەندە، ’شيكى مۇناي ءونىمىن 10 ميلليون تونناعا، تابيعي گاز ءونىمىن 10 ميلليارد تەكشەمەترگە جەتكىزۋ‘ نىساناسىن ورىنداپ، بۇكىل ەل بويىنشا ءىرى مۇناي الابى قاتارىنا وتەدى. وسى عاسىردىڭ ورتا شەنىندە جۇڭگو مۇناي - حيميا توبى شەكتى سەرىكتەستىگىنىڭ باتىس بولىكتىڭ بايلىعىن ستراتەگيالىق جاقتان ورنىن باستىرۋىن ورىنداپ، دۇنيە ءجۇزى مۇناي كاسىبى، سونداي - اق ’ءبىر بەلدەۋ، ءبىر جول‘ بويىنداعى ەلدەر جونىنەن ماڭىزدى ىقپال كورسەتەدى“.

جاۋاپتى رەداكتور : سايراش تۇرارجان

ەسكەرتۋ:

تورابىمىزداعى مازمۇنداردىڭ مەنشىك ۇقىعى شينجياڭ ۇيعۇر اۆتونوميالى رايوندىق حالىق ۇكىمەتى اقپارات كەڭسەسىنە ءتان، جاريالانعان مازمۇنداردى سىلتەمەسىز كوشىرۋگە بولمايدى. كوشىرىپ پايدالانۋعا تۋرا كەلگەندە، «تيانشان تورى » الىنعانى انىق ەسكەرتىلۋى ءتيىس، بولماسا زاڭدىق جاۋاپكەرلىگى قۋزاستىرىلادى.

  • وڭتۇستىك شينجياڭنان ەكسپورت ەتىلگەن زاتتار جۇڭگو - ەۆروپا كەزەكشى پويەزدەرىمەن ”باتىسقا شىعارىلدى“
  • باتىس سولتۇستىك مۇناي الابى: جوعارى ساپالى دامۋدىڭ ەنەرگيا جاۋابىن قۇلشىنا جازۋدا
  • كورلانىڭ ەرىكتى قىزمەت وتەۋى وركەنيەت ماركاسىنا اينالدى