اۆتونوميالى رايون ورنىقتىلىقتى قورعاۋ قىزمەتى تەلەۆيزور - تەلەفون ءماجىلىسىن اشتى

چىن چۋانگو اۆتونوميالى رايوننىڭ ورنىقتىلىقتى قورعاۋ قىزمەتى تەلەۆيزور - تەلەفون ماجىلىسىندە بىلاي دەپ باسا دارىپتەدى

نازاردى باس نىساناعا شوعىرلاندىرىپ، تەتىكتى يگەرىپ، ءتۇيىندى كورنەكتىلەندىرىپ، ورنىقتىلىق قىزمەتىن جاقسى ىستەپ، جاراسىمدى، ورنىقتى، تاماشا جاعداي ارقىلى جاڭا جۇڭگو قۇرىلعاندىعىنىڭ 70 جىلدىعىن قۇتتىقتاۋ كەرەك

شوكىرات زاكىر باسقاردى، شاۋكەت يمىن، نۇرلان ءابىلماجىن، سۇن جينلۇڭ، لي پىڭشين قاتىناستى

　　تىلشىلەر ياۋ تۇڭ، ۋاڭ شيڭرۇي 9 - ايدىڭ 2 - كۇنى ۇرىمجىدەن حابارلايدى. 9 - ايدىڭ 2 - كۇنى تۇستەن بۇرىن اۆتونوميالى رايون ورنىقتىلىقتى قورعاۋ قىزمەتى تەلەۆيزور - تەلەفون ءماجىلىسىن اشتى. اۆتونوميالى رايوندىق پارتكومنىڭ شۋجيى چىن چۋانگو ماجىلىسكە قاتىناستى ءارى ءسوز سويلەدى. ول بىلاي دەپ باسا دارىپتەدى: شي جينپيڭنىڭ جاڭا ءداۋىر جۇڭگوشا سوتسياليزم يدەياسىن جەتەكشى ەتۋگە تاباندى بولىپ، باس شۋجي شي جينپيڭنىڭ شينجياڭ قىزمەتى جونىندەگى ماڭىزدى ءسوزى مەن ماڭىزدى نۇسقاۋىنىڭ رۋحىن ىشكەرىلەي دايەكتىلەندىرىپ، تياناقتاندىرىپ، جاڭا داۋىردەگى پارتيانىڭ شينجياڭدى جونگە سالۋ جالپى جوباسىن دايەكتىلەندىرىپ، تياناقتاندىرىپ، نازاردى باس نىساناعا شوعىرلاندىرىپ، كەشەندى شارالاردى ويداعىداي اتقارىپ، قوعامدىق كەلەلى جاعدايدىڭ باياندى، جاراسىمدى، ورنىقتى بولعان تاماشا جاعدايى ارقىلى جاڭا جۇڭگو قۇرىلعاندىعىنىڭ 70 جىلدىعىن قۇتتىقتاۋ كەرەك.

　　اۆتونوميالى رايوندىق پارتكومنىڭ ورىنباسار شۋجيى، اۆتونوميالى رايوننىڭ ءتوراعاسى شوكىرات زاكىر ءماجىلىستى باسقاردى. اۆتونوميالى رايوننىڭ باسشىلارىنان شاۋكەت يمىن، نۇرلان ءابىلماجىن، سۇن جينلۇڭ، لي پىڭشين، لي ۋي، شۇي حايرۇڭ، تيان ۋىن، جي جىڭ، سارقىت اقان ماجىلىسكە قاتىناستى. اۆتونوميالى رايوندىق پارتكومنىڭ تۇراقتى مۇشەسى، ساياسي - زاڭ كوميتەتىنىڭ شۋجيى ۋاڭ جۇنجىڭ كەزەكتەگى ورنىقتىلىقتى قورعاۋ قىزمەتىن جاقسى ىستەۋ جونىندە ورنالاستىرۋ جاسادى.

　　چىن چۋانگو سوزىندە بىلاي دەپ اتاپ كورسەتتى: جاڭا جۇڭگو قۇرىلعاندىعىنىڭ 70 جىلدىعىن قۇتتىقتاۋ − جۇڭگوشا سوتسياليزم جاڭا داۋىرگە ءوتىپ، بۇكىل پارتيانى، بۇكىل ەلدەگى ءار ۇلت حالقىن اسقاق جىگەرمەن ”قوس 100 جىلدىق“ كۇرەس نىساناسى جانە جۇڭحۋا ۇلتىنىڭ ۇلى گۇلدەنۋى سىندى جۇڭگو ارمانىنا قاراي شەرۋ تارتۋعا شابىتتاندىرعان ماڭىزدى تاريحي كەزەڭ، كەلەلى دە تەرەڭ ماڭىزعا يە. ساياسي دەڭگەيدى اناعۇرلىم ءوسىرىپ، ”ءتورت تانىم“دى كۇشەيتىپ، ”ءتورت سەنىم“دى بەكەمدەپ، ”ەكىنى قورعاۋ“دى ورىنداپ، رايونىمىزدىڭ قوعامدىق كەلەلى جاعدايى مەن جاراسىمدى ورنىقتىلىعىن ساقتاۋدىڭ كەلەلى ماڭىزىن ستراتەگيالىق جانە جالپى جاعداي تۇرعىسىنان تەرەڭ تانىپ، كەزەكتەگى ورنىقتىلىقتى قورعاۋ قىزمەتىن جاقسى ىستەۋ جاۋاپكەرشىلىك سەزىمىن، بورىشتىلىق سەزىمىن، كوكەي تەستىلىك سەزىمىن شىن مانىندە كۇشەيتىپ، ونان ارى يدەيانى بىرلىككە كەلتىرىپ، تانىمدى جوعارىلاتىپ، ونان ارى شارالاردى كۇشەيتىپ، جاۋاپكەرشىلىكتى تياناقتاندىرىپ، جاڭا جۇڭگو قۇرىلعاندىعىنىڭ 70 جىلدىعىنا جاراسىمدى، ورنىقتى قوعامدىق ورتا ازىرلەۋ كەرەك.

　　چىن چۋانگو بىلاي دەپ باسا دارىپتەدى: باس شۋجي شي جينپيڭنىڭ شينجياڭ قىزمەتى جونىندەگى ماڭىزدى ءسوزى مەن ماڭىزدى نۇسقاۋىنىڭ رۋحىن ىشكەرىلەي دايەكتىلەندىرىپ، تياناقتاندىرىپ، جاڭا داۋىردەگى پارتيانىڭ شينجياڭدى جونگە سالۋ جالپى جوباسىن دايەكتىلەندىرىپ، تياناقتاندىرىپ، نازاردى قوعام ورنىقتىلىعى مەن باياندى تىنىشتىق باس نىساناسىنا باتىل بۇلجىماي شوعىرلاندىرىپ، جالپىلىق شارا قولدانىپ، كەشەندى شارا اتقارىپ، تەتىكتى يگەرىپ، ءتۇيىندى كورنەكتىلەندىرىپ، ورنىقتىلىقتى قورعاۋ قىزمەتتەرىن تىڭعىلىقتى ويداعىداي ىستەۋ كەرەك. ورنىقتىلىقتى قورعاۋ شارالارىن تاباندى، باتىل تۇردە تياناقتاندىرىپ، ۇدايى ساقتىق دابىلىن قاعىپ، ۇنەمى قىراعى بولىپ، قاتاڭ سوققى بەرۋدىڭ تەگەۋرىندى كۇيىن ساقتاپ، ورنىقتىلىقتى قورعاۋدىڭ ۇتىمدى شارالارىن تياناقتاندىرىپ، ورنىقتىلىقتىڭ پايداسىن ۇزبەي جارىققا شىعارىپ، شينجياڭنىڭ قوعامدىق كەلەلى جاعدايىنىڭ باياندى، جاراسىمدى، ورنىقتى بولۋىنا شىنايى كەپىلدىك ەتۋ كەرەك. بۇقارالىق قىزمەتتى ىشكەرىلەي ىجداعاتتىلىقپەن ىستەپ، بۇقارامەن ىشكەرىلەي ارالاسۋعا، بۇقارا اراسىنا بارۋعا، بۇقارامەن بايلانىس جاساۋعا، بۇقارامەن ىنتىماقتاسۋعا، بۇقاراعا قىزمەت وتەۋگە تاباندى بولىپ، ءار ۇلت بۇقاراسى ەڭ كوڭىل بولگەن، ەڭ تىكە، ەڭ رەال مۇددە ماسەلەلەرىن ويداعىداي شەشىپ، جۇرت تىلەگىنە ەڭ جوعارى شەكتە قول جەتكىزىپ جانە ونى ۇيىستىرىپ، ءار ۇلت بۇقاراسىن پارتيا مەن ۇكىمەتتىڭ توڭىرەگىنە تىعىز ىنتىماقتاستىرۋ كەرەك. ۇلتتار ىنتىماعىن ۇزدىكسىز بەكەمدەپ، دامىتىپ، ”ۇلتتار ىنتىماعىنىڭ بەرەكەلى شاڭىراعى“ جانە ۇلتتار ىنتىماعى بىرلەسكەن دوستىق قيمىلىن ۇزدىكسىز ىشكەرىلەي ورىستەتىپ، ۇلتتار ىنتىماعىنا پايدالى سوزدەردى كوپ ايتۋعا، ۇلتتار ىنتىماعىنا پايداسىز سوزدەردى مۇلدە ايتپاۋعا، ۇلتتار ىنتىماعىنا پايدالى ىستەردى كوبىرەك ىستەۋگە، ۇلتتار ىنتىماعىنا پايداسىز ىستەردى مۇلدە ىستەمەۋگە تاباندى بولىپ، ۇلتتاردىڭ ارالاسىپ، ىشتەسىپ، توعىسىپ، اناردىڭ دانىندەي تىعىز ۇيىسۋىن كۇشەيتۋ كەرەك. ءدىن تاتۋلىعىن، جاراسىمدىلىعىن قۇلشىنا جەبەپ، زاڭدىلارىن قورعاۋعا، زاڭسىزدارىن تيۋعا، ۇشقارىلىقتى اۋىزدىقتاۋعا، سىنالاپ كىرۋگە قارسى تۇرۋعا، قىلمىسقا سوققى بەرۋگە تاباندى بولىپ، وتانشىل ءدىني قايراتكەرلەرگە كوڭىل ءبولۋدى، قامقورلىق جاساۋدى كۇشەيتىپ، دىنگە سەنەتىن بۇقارانىڭ قالىپتى ءدىني قاجەتى مەن قالىپتى ءدىني قيمىلدارىن زاڭ بويىنشا قامتاماسىز ەتىپ، ءدىندى سوتسياليستىك قوعامعا ۇيلەسۋگە بەلسەنە جەتەكتەۋ كەرەك. ءوندىرىس حاۋىپسىزدىگى جاعىنداعى اپاتتان ساقتانۋدى، اپات زيانىن جەڭىلدەتۋدى ويداعىداي يگەرىپ، بەيعامدىق يدەياسىن جانە باق سىناۋ پسيحيكاسىن باتىل جەڭىپ، ءتۇيىندى ورىنداردى قاداعالاپ، كومەسكى قاتەرلەردى جاپپاي تەكسەرىپ، ءوندىرىس حاۋىپسىزدىگىن جانە جاراتىلىستىق اپاتتى باقىلاۋدى، ودان ساقتاندىرۋدى كۇشەيتىپ، حاۋىپ - قاتەر ەسكەرتۋىن دەر كەزىندە جاريالاپ، توتەنشە جاعدايلارعا توتەپ بەرۋ، ءبىر جاقتى ەتۋ قابىلەتىن جوعارىلاتىپ، حالىق بۇقاراسىنىڭ ءومىرى مەن مال - مۇلكىنىڭ اماندىعىن شىنايى قامتاماسىز ەتۋ كەرەك.

　　چىن چۋانگو بىلاي دەپ باسا دارىپتەدى: ۇيىمدىق باسشىلىقتى كۇشەيتىپ، پارتيا، ۇكىمەت، ارميا، ساقشى، بيڭتۋان، حالىق سايكەسىپ بىرلەسىپ قيمىلداۋعا تاباندى بولىپ، قوعام ورنىقتىلىعىن قورعاۋدىڭ قۇرىش قورعانىن سومداپ، بەرىك قامالىن ورناتۋ كەرەك. ءار دارەجەلى پارتكوم ارناۋلى مىندەت، ارناۋلى جاۋاپكەرشىلىك ارقالاپ، ارناۋلى يگەرىپ، ارناۋلى باسقارۋ، ءبىرىنشى باسشى ءوزى يگەرىپ، باس جاۋاپكەرلىكتى ارقالاۋ؛ ءار دارەجەلى، ءارقايسى ورىن ءبىر جاعادان باس، ءبىر جەڭنەن قول شىعارىپ، تەڭ يگەرىپ، بىرگە باسقارۋ، ءارقايسى نەگىزگى ساتى كۇشتەرى باسىمدىقتارىن ساۋلەلەندىرىپ، ءوز جاۋاپكەرشىلىگىن ارقالاۋ؛ قۋزاۋ - جەتەكشىلىك ەتۋدى، تەكسەرۋدى كۇشەيتىپ، جاۋاپكەرشىلىك ءتۇزىمىن جانە جاۋاپكەرشىلىكتى قۋزاستىرۋ ءتۇزىمىن تياناقتاندىرىپ، لاڭكەستىككە قارسى تۇرىپ، ورنىقتىلىقتى قورعاۋ جاۋاپكەرشىلىگىن كوكەيدە ساقتاپ، ارقالاپ، يگەرىپ، ارەكەتتە تياناقتاندىرىپ، ساتى - ساتى بويىنشا جاۋاپكەرشىلىكتى ناقتىلاندىرىپ، شارالاردى تياناقتاندىرىپ، قوعامدىق كەلەلى جاعدايدىڭ جاراسىمدىلىعىن، ورنىقتىلىعىن قورعاۋدىڭ مىعىم بىرىككەن كۇشىن قالىپتاستىرۋ كەرەك.

　　شوكىرات زاكىر بىلاي دەپ اتاپ كورسەتتى: جەر - جەر، تاراۋلار ءماجىلىستىڭ ورنالاستىرۋى، تالابى بويىنشا، ”اۋەلگى ماقساتتى ۇمىتپاۋ، بورىشتى ەستە بەرىك ساقتاۋ“ نەگىزگى تاقىرىپتىق تاربيەسىمەن تىعىز ۇشتاستىرىپ، جاڭا داۋىردەگى پارتيانىڭ شينجياڭدى جونگە سالۋ جالپى جوباسىن، اسىرەسە، قوعام ورنىقتىلىعى مەن باياندى تىنىشتىق باس نىساناسىن ىشكەرىلەي دايەكتىلەندىرىپ، تياناقتاندىرىپ، پارتيا، ۇكىمەت، ارميا، ساقشى، بيڭتۋان، حالىق سايكەسىپ بىرگە قيمىلداۋعا تاباندى بولىپ، ورنىقتىلىقتى قورعاۋدىڭ ءتۇرلى شارالارىن قاتاڭداستىرىپ، ناقتىلاندىرىپ، ويداعىداي تياناقتاندىرىپ، قوعامدىق ايادا ساقتانۋدى، مەڭگەرۋدى اناعۇرلىم كۇشەيتىپ، ۇلتتار ىنتىماعىن جانە بۇقارالىق قىزمەتتى شىنىمەن ويداعىداي يگەرىپ، قۇرىشتاي بەكىممەن، قۇرىشتاي جىگەرمەن، قۇرىشتاي تارتىپپەن، قۇرىشتاي جاۋاپكەرشىلىكپەن شينجياڭنىڭ قوعامدىق كەلەلى جاعدايىنىڭ ۇزدىكسىز باياندى، جاراسىمدى، ورنىقتى بولۋىنا بار كۇشپەن شىنايى كەپىلدىك ەتۋ كەرەك.

　　اۆتونوميالى رايوندىق حالىق قۇرىلتايىنىڭ، ۇكىمەتتىڭ، ساياسي كەڭەستىڭ، شينجياڭ اسكەري رايونىنىڭ، شينجياڭ ءوندىرىس - قۇرىلىس بيڭتۋانىنىڭ باسشىلىق القالارىنىڭ مۇشەلەرى، اۆتونوميالى رايوندىق جوعارى حالىق سوتى مەكەمەسىندەگى، اۆتونوميالى رايوندىق حالىق پروكۋراتۋراسىنداعى، قارۋلى ساقشى شينجياڭ باس اترەتىندەگى نەگىزگى جاۋاپتى جولداستار ماجىلىسكە قاتىناستى. اۆتونوميالى رايونعا (ورتالىققا) توتە قاراستى ورىندارداعى نەگىزگى جاۋاپتى جولداستار نەگىزگى ءماجىلىس زالىندا ماجىلىسكە قاتىناستى. بيڭتۋان ورگانىنداعى، ءارقايسى توتە قاراستى ورىندارداعى نەگىزگى جاۋاپتى جولداستار، ءارقايسى ايماق، وبلىس، قالانىڭ، اۋدان، قالا، رايوننىڭ، اۋىل، قالاشىق، ءمالىنىڭ جانە ءارقايسى شى، قالانىڭ، تۋان الاڭىنىڭ قاتىستى ورىندارداعى جاۋاپتى جولداستار ءارقايسى بولىمشە ءماجىلىس زالىندا ماجىلىسكە قاتىناستى.