تيانشان تورى   ›   ۇيرەنۋ   ›   ماڭىزدى حۇجاتتار

مەملەكەتتىك كەڭەستىڭ اقپارات كەڭسەسى «جۇڭگونىڭ يادرولىق حاۋىپسىزدىگى» اق تىستى كىتابىن جاريالادى

  شينحۋا اگەنتتىگىنىڭ 9 - ايدىڭ 3 - كۇنى بەيجيڭنەن بەرگەن حابارى (ءتىلشى گاۋ جيڭ). مەملەكەتتىك كەڭەستىڭ اقپارات كەڭسەسى 9 - ايدىڭ 3 - كۇنى «جۇڭگونىڭ يادرولىق حاۋىپسىزدىگى» اق تىستى كىتابىن جاريالادى. بۇل جۇڭگو جاريالاعان تۇڭعىش يادرولىق حاۋىپسىزدىگى اق تىستى كىتابى.

  اق تىستى كىتاپتا بىلاي دەلىندى: اتومنىڭ بايقالۋى مەن يادرو ەنەرگياسىنىڭ اشىلىپ پايدالانۋى ادامزات دامۋىنا جاڭا قوزعاۋشى كۇش الا كەلىپ، ادامزاتتىڭ دۇنيەنى تانۋى مەن دۇنيەنى وزگەرتۋى قابىلەتىن بارىنشا نىعايتتى. سونىمەن بىرگە، اتوم ەنەرگياسىنىڭ دامۋىمەن بىرگە، حاۋىپسىزدىك حاۋىپ - قاتەرى مەن سىن - سايىسى دا قاتارلاسا كەلدى. ادامزات يادرو ەنەرگياسىنان ءتىپتى دە ويداعىداي پايدالانۋدا، ەڭ زور دامۋدى جۇزەگە اسىرۋدا، ءسوز جوق، ءتۇرلى يادرولىق حاۋىپسىزدىگى سايىسىنا ويداعىداي توتەپ بەرىپ، يادرولىق حاۋىپسىزدىكتى ويداعىداي قورعاۋى كەرەك.

  اق تىستى كىتاپتا مىنالار اتاپ كورسەتىلدى: جۇڭحۋا حالىق رەسپۋبليكاسى قۇرىلعان العاشقى مەزگىلدە مەملەكەت قۇرىلىسى مەن دامۋى قاجەتىنە ساي، جۇڭگو ۇكىمەتى يادرو ەنەرگياسىن اشۋ، پايدالانۋ جونىندە كەلەلى شەشىم جاساپ، جۇڭگونىڭ يادرو ىستەرىنە رەسمي قادام تاستادى. 70 جىلعا تاياۋ ۋاقىتتان بەرى، جۇڭگونىڭ يادرو ىستەرى جوقتان بار بولىپ، ۇزدىكسىز دامىپ، كەمەلدى يادرو ونەركاسىپ جۇيەسى قالىپتاسىپ، ەنەرگيا حاۋىپسىزدىگىن قامتاماسىز ەتۋ، ەكولوگيالىق ورتانى قورعاۋ، حالىق تۇرمىسى ساپاسىن جوعارىلاتۋ، ەكونوميكانىڭ جوعارى ساپالى دامۋى ءۇشىن ماڭىزدى ۇلەس قوستى. جۇڭگو باستان - اياق يادرولىق حاۋىپسىزدىكتى قامتاماسىز ەتۋدى كەلەلى مەملەكەتتىك جاۋاپكەرشىلىك ەتىپ، يادرو ەنەرگياسىن اشۋدىڭ، پايدالانۋدىڭ تۇتاس بارىسىنا توعىستىرىپ، باستان - اياق حاۋىپسىزدىكتى ماڭداي الدى شارت ەتە وتىرىپ، يادرو ىستەرىن دامىتىپ، ەڭ قاتاڭ ولشەم بويىنشا باقىلاۋ - باسقارۋ جۇرگىزىپ، باستان - اياق يادرو ىستەرىن دامىتۋدىڭ جاڭا تالاپتارىنا بەلسەنە ۇيلەسىپ، يادرولىق حاۋىپسىزدىكتىڭ ۋاقىتپەن بىرگە العا باسۋىن، جاڭالىق اشا دامۋىن ۇزدىكسىز جەبەپ، تاماشا حاۋىپسىزدىك ەستەلىگىن ساقتاپ، جۇڭگوشا يادرولىق حاۋىپسىزدىگى جولىمەن ءجۇردى.

  اق تىستى كىتاپتا بىلاي دەلىندى: پارتيا 18 - قۇرىلتايىنان بەرى، جۇڭگونىڭ يادرولىق حاۋىپسىزدىگى ىستەرى حاۋىپسىز، جوعارى ءونىمدى دامۋدىڭ جاڭا داۋىرىنە ءوتتى. يادرولىق حاۋىپسىزدىك كوزقاراسىنىڭ جەتەكتەۋىندە، جۇڭگو بىرتىندەپ زاڭدىق ولشەم، اكىمشىلىك باقىلاپ - باسقارۋ، كاسىپ سالاسىنىڭ وزىندىك تەجەمى، تەحنيكالىق جاقتان قامتاماسىز ەتۋ، دارىندىلارمەن دەمەۋ، مادەنيەت جاقتان جەتەكشىلىك ەتۋ، قوعامنىڭ قاتىسۋى، حالىقارالىق سەلبەستىك سياقتىلار باستى تۇلعا بولعان يادرولىق حاۋىپسىزدىكتى جونگە سالۋ جۇيەسىن قۇرىپ، يادرولىق حاۋىپسىزدىك قورعانىس شەبىن تىپتەن بەكەمدەدى.

  اق تىستى كىتاپتا بىلاي دەپ باسا دارىپتەلدى: ءادىل، سەلبەسكەن، تەڭ يگىلىككە كەنەلەتىن حالىقارالىق يادرولىق حاۋىپسىزدىك جۇيەسىنىڭ ماڭىزدى دارىپتەۋشىسى، ىلگەرىلەتۋشىسى جانە قاتىناسۋشىسى رەتىندە، جۇڭگو ءوزىنىڭ يادرولىق حاۋىپسىزدىگىن ويداعىداي ىستەۋمەن بىرگە، يادرولىق حاۋىپسىزدىكتىڭ حالىقارالىق مىندەتىن مۇقيات ورىنداپ، يادرولىق حاۋىپسىزدىكتىڭ ەكى جاقتى، كوپ جاقتى سەلبەستىگىن زور كۇشپەن ىلگەرىلەتىپ، يادرو ەنەرگياسىنان بەيبىت پايدالانۋدى، تۇتاس ادامزاتتى باقىتقا كەنەلتۋدى بەلسەندىلىكپەن جەبەپ، جەر شارىنىڭ يادرولىق حاۋىپسىزدىگىن جونگە سالۋعا جۇڭگو اقىل - پاراساتىن، جۇڭگو كۇش - قۋاتىن قوسادى.

جاۋاپتى رەداكتور : سايراش تۇرارجان

ەسكەرتۋ:

تورابىمىزداعى مازمۇنداردىڭ مەنشىك ۇقىعى شينجياڭ ۇيعۇر اۆتونوميالى رايوندىق حالىق ۇكىمەتى اقپارات كەڭسەسىنە ءتان، جاريالانعان مازمۇنداردى سىلتەمەسىز كوشىرۋگە بولمايدى. كوشىرىپ پايدالانۋعا تۋرا كەلگەندە، «تيانشان تورى » الىنعانى انىق ەسكەرتىلۋى ءتيىس، بولماسا زاڭدىق جاۋاپكەرلىگى قۋزاستىرىلادى.