تيانشان تورى   ›   جاڭالىقتار   ›   اۋىل - قىستاقتى گۇلدەندىرۋ

اۋىل شارۋاشىلىعىن وركەندەتۋ بانكەسىنىڭ شينجياڭ بولىمشە بانكەسى ۇلگىنى جاڭالاپ، كۇشتى شوعىرلاندىرىپ، كەدەيلەردى دالمە - ءدال سۇيەمەلدەدى

بىلتىردان بەرى كەدەيلەردى سۇيەمەلدەۋ قارىز اقشاسىنىڭ 60 پايىزدان استامى وڭتۇستىك شينجياڭداعى 4 ايماق - وبلىسقا بەرىلدى

  ءتىلشى ۋاڭ يۇڭفي 9 - ايدىڭ 3 - كۇنى ۇرىمجىدەن حابارلايدى. بيىل جىل باسىنان بەرى، گۇما اۋدانى چودا اۋىلى باشلاق قىستاعىنىڭ تۇرعىنى وبۇلقاسىم ابدىرەيىمنىڭ جۇزىنەن باقىت كۇلكىسى ەستى. ول بيىل جۇمىسقا ورنالاستى. 9 - ايدىڭ 3 - كۇنى وبۇلقاسىم: ”پارتيانىڭ ابزال ساياساتىنا راقىمەت، قازىر ايلىق ەڭبەكاقىم 3200 يۋان، جىلدىق كىرىسىم 40 مىڭ يۋان بولادى دەپ مەجەلەپ وتىرمىن“دەدى.

  وبۇلقاسىم ايتقان ابزال ساياسات − اۋىل شارۋاشىلىعىن وركەندەتۋ بانكەسى حوتان بولىمشە بانكەسى قارىز اقشا بەرىپ قولداعان شينجياڭ كۇنلۇن لۇييۋان اۋىل شارۋاشىلىعى عىلىم - تەحنيكاسىن دامىتۋ (توبى) شەكتى جاۋاپكەرلىك سەرىكتەستىگىنىڭ ونى جۇمىسقا ورنالاستىرۋى ەدى.

  2018 - جىلدان بەرى، اۋىل شارۋاشىلىعىن وركەندەتۋ بانكەسىنىڭ شينجياڭ بولىمشە بانكەسى وڭتۇستىك شينجياڭداعى 4 ايماق - وبلىستىڭ كەدەيلىكتەن ارىلتۋدان قامال الۋىن قولداۋدى كەدەيلەردى سۇيەمەلدەۋ قىزمەتىندەگى ماڭىزدىنىڭ - ماڭىزدىسى ەتىپ، ۇلگىنى جاڭالاۋدى كورنەكتىلەندىردى. وڭتۇستىك شينجياڭداعى 4 ايماق - وبلىسقا كەدەيلەردى دالمە - ءدال سۇيەمەلدەۋ بويىنشا جالپى 22 ميلليارد 368 ميلليون يۋان قارىز اقشا تاراتتى، بۇل كەدەيلەردى سۇيەمەلدەۋ بويىنشا جالپى تاراتىلعان قارىز اقشانىڭ %60.27ىن ۇستادى، جالپى تاراتقان قارىز اقشا سوماسى مەن قالدىعى بۇكىل شينجياڭداعى فينانس قۇرىلىمدارىنىڭ اراسىندا الدىڭعى قاتاردان ورىن الدى.

  ”وڭتۇستىك شينجياڭدا كاسىپورىنداردىڭ شاعىن، بىتىراڭقى، ءالسىز بولۋى، كەپىلدىك بۇيىمىنىڭ جەتكىلىكتى بولماۋى سياقتى قيىن ماسەلەلەر توڭىرەگىندە، ءبىز كاسىپ ۇلگىسىن جاڭالاۋ جونىندە بەلسەندى ىزدەنىس جاساپ، وڭتۇستىك شينجياڭداعى 4 ايماق - وبلىستىڭ ەرەكشە باسىمدىققا يە كاسىپ سالالارى مەن كەدەيلىكتەن ارىلتۋدان قامال الۋداعى ءالسىز بۋىندارىنا مەڭزەس، اۋىل شارۋاشىلىعى كاسىبىنىڭ دامۋى، اۋىل - قىستاق نەگىزدىك قۇرىلعى قۇرىلىسى، جەردى اينالىمعا سالۋ سياقتى ءتۇيىندى سالالاردا نىسانانى دالدەپ كۇش سالىپ، فينانس ارقىلى كەدەيلەردى سۇيەمەلدەۋدىڭ دالدىگىن جوعارىلاتتىق“، - دەدى اۋىل شارۋاشىلىعىن وركەندەتۋ بانكەسى شينجياڭ بولىمشە بانكەسىنىڭ باستىعى دۋ يانكۇن.

  كەپىلدىك بۇيىمنىڭ جەتكىلىكتى بولماۋى − وڭتۇستىك شينجياڭداعى 4 ايماق - وبلىستىڭ كاسىپ سالاسى بويىنشا كەدەيلەردى سۇيەمەلدەۋدى ىلگەرىلەتۋدى تەجەپ وتىرعان بوگەت، وسىعان وراي اۋىل شارۋاشىلىعىن وركەندەتۋ بانكەسىنىڭ شينجياڭ بولىمشە بانكەسى قامداۋ تىزبەگى فينانسى ”تاپسىرىستىق قارجى قۇراۋ“دى وزەك ەتكەن وڭتۇستىك شينجياڭ ۇلگىسىن، سونداي - اق وڭتۇستىك شينجياڭداعى 4 ايماق - وبلىس ۇكىمەتتەرىنىڭ سەنىمدى ارتتىرۋ مەحانيزمىن قاراستىرۋدى ىلگەرىلەتىپ، كەدەيلەردى سۇيەمەلدەۋ قارىز اقشاسىنىڭ ۇزبەي بەرىلۋى ءۇشىن كەدەرگىلەردى جويدى.

  ”تاپسىرىستىق قارجى قۇراۋ“ دەگەنىمىز ۇكىمەتتىك ساتىپ الۋ تاپسىرىسىن نەگىز، وزەكتى كاسىپورىنداردىڭ قارجى قۇراۋىن تۇتقا ەتىپ، جەرگىلىكتى اۋىل شارۋاشىلىعى ونىمدەرىنىڭ جونەلتىلۋىن قولداپ، كاسىپورىنداردىڭ قارجى اعىنىنىڭ، تاپسىرىس ينفورماتسياسى اعىنىنىڭ، قامبادا ساقتاپ زاتتاردى جونەلتۋ اعىنىنىڭ بىرىگۋىن جۇزەگە اسىرۋ. سوڭعى 2 جىلدا، وسى بانكە جىلجىمالى قارجى قارىز اقشاسىنان 178 ميلليون يۋاندى تەكسەرىپ بەكىتىپ، حوتان ايماعىنىڭ، قاشقار ايماعىنىڭ، قىزىلسۋ قىرعىز اۆتونوميالى وبلىسىنىڭ مال شارۋاشىلىعى، جەمىس ورمانى، توقىماشىلىق، كيىم - كەشەك ەرەكشە كاسىپتەرىنىڭ دامۋىن قولدادى.

  كەپىلگە قويۋ ءتاسىلىن جاڭالاۋدان سىرت، اۋىل شارۋاشىلىعىن وركەندەتۋ بانكەسىنىڭ شينجياڭ بولىمشە بانكەسى وڭتۇستىك شينجياڭداعى 4 ايماق - وبلىستىڭ حاۋىپ - قاتەر تولەمى جانە حاۋىپ - قاتەردى بىرگە ۇستىنە الۋ مەحانيزمىن ورناتۋدى كۇش سالا ىلگەرىلەتىپ، قاشقار ايماعىندا، حوتان ايماعىندا، اقسۋ ايماعىندا 123 ميلليون يۋاندىق حاۋىپ - قاتەر تولەم قورىن قۇردى. تاياۋدا وسى بانكە تاعى قىزىلسۋ وبلىسىمەن سەلبەستىك كەلىسىمىن جاساسىپ، 10 ميلليون يۋان حاۋىپ - قاتەر تولەم قاراجاتىن تياناقتاندىرىپ، ۇكىمەتتىڭ سەنىمدى ارتتىرۋ ۇلگىسىنىڭ وڭتۇستىك شينجياڭداعى 4 ايماق - وبلىستا جاپپاي تياناقتانۋىن ىلگەرىلەتىپ، كەدەيلەردى سۇيەمەلدەۋ كاسىبىنىڭ باياندى دامۋىنا ماڭىزدى تۇزىمدىك كەپىل ازىرلەدى.

  وڭتۇستىك شينجياڭداعى ەرەكشە جەمىس ورمان ونىمدەرىنە قاتىستى ”جەمىس ساتۋدىڭ قيىنعا سوعۋى، الاياقتاردىڭ شارۋالارعا زيان جەتكىزۋى“ ماسەلەلەرىنە مەڭزەس، 2018 - جىلى اۋىل شارۋاشىلىعىن وركەندەتۋ بانكەسىنىڭ شينجياڭ بولىمشە بانكەسى وڭتۇستىك شينجياڭدا ەرەكشە جەمىس ورمانى ونىمدەرىن بازارعا مىندەتتەپ ساتىپ الۋ ۇلگىسىن جاسامپازدىقپەن العا قويدى. ”حاۋىپ - قاتەر تولەم قاراجاتىن تاپسىرۋ + الىنۋعا ءتيىستى قارىز كەپىلى“ ۇلگىسى ارقىلى وسى بانكە قاشقار ايماعىنىڭ ەرەكشە جەمىس ورمانى ونىمدەرىن بازارعا مىندەتتەپ ساتىپ الۋ 488 ميلليون يۋان قارىز اقشاسىن بەرۋدى تەكسەرىپ بەكىتىپ، ساتىپ الۋ باعاسىن تۇراقتاندىرىپ، 200 مىڭ باعباننىڭ ءونىمدى ارتتىرىپ، كىرىستى مولايتۋىن جەبەدى.

  ”بيىل اۆتونوميالى رايون 300 ميلليون يۋاندىق حاۋىپ - قاتەر تولەم قاراجاتىن دايىنداپ، بازارعا مىندەتتەپ ساتىپ الۋ كولەمىن تۇتاس وڭتۇستىك شينجياڭ كولەمىنە كەڭەيتىپ، بانكەمىزدى بازارعا مىندەتتەپ ساتىپ الۋداعى سەنىمدى قارىز قارجىسىمەن قامداۋشى تۇلعا ەتىپ بەلگىلەدى. تاياۋدا بانكەمىز وڭتۇستىك شينجياڭداعى ەرەكشە جەمىس ورمانى ونىمدەرىن بازارعا مىندەتتەپ ساتىپ الۋىنا پايدالانۋى ءۇشىن، شينجياڭ جەمىس - جيدەك توبى شەكتى سەرىكتەستىگىنە ءبىر ميلليارد 700 ميلليون يۋان سەنىمدى قارىز بەرىپ، ’اقشانىڭ جەمىستى كۇتىپ وتىرۋىن‘ جۇزەگە اسىردى“ دەدى دۋ يانكۇن.

  بۇدان سىرت، بۇل بانكە تاعى ”باستاماشى كاسىپورىن + قىستاقتا تۇراتىن قىزمەت اترەتى + سەلبەستىك كووپەراتيۆى + شارۋا وتباسى“ ۇلگىسى ارقىلى جاڭاشا اۋىل شارۋاشىلىعى شارۋاشىلىق تۇلعاسى مۇددەسىنىڭ وتباسىلارىنا دەيىن بايلانىسۋىن قولداپ، كەدەي وتباسىلارىنىڭ ءوندىرىس تيجاراتقا تىكەلەي ات سالىسۋىن شىن مانىندە جۇزەگە اسىردى، ءسويتىپ، كەدەيلىكتەن ۇزاق ۋاقىت ورنىقتى ارىلتۋدى جۇزەگە اسىردى. بيىل وسى ۇلگى ارقىلى كاسىپ سالاسى بويىنشا كەدەيلەردى سۇيەمەلدەۋ قارىز اقشاسىنان 100 ميلليون يۋانى تاراتىلىپ، 2952 كەدەيدىڭ كىرىستى ارتتىرىپ كەدەيلىكتەن ارىلۋىنا تىكە جەتەكشىلىك ەتىلدى.

جاۋاپتى رەداكتور : سايراش تۇرارجان قىزى

ەسكەرتۋ:

تورابىمىزداعى مازمۇنداردى پايدالانۋعا تۋرا كەلگەندە، ءسوزسىز جازباشا رۇقساتقا يە بولۋ كەرەك. مازمۇنداردى رۇقساتسىز جالعاپ تاراتۋعا، كەسىپ رەداكسيالاۋعا، وزگەرتۋگە، قىسقارتىپ قۇراستىرۋعا، باسقا ورىنعا كوشىرۋگە نەمەسە باسقا تاسىلدەرمەن كوبەيتۋگە ءارى تاراتۋعا بولمايدى، قايشى كەلگەندەردىڭ زاڭدىق جاۋاپكەرشىلىگى زاڭ بويىنشا قۋزاستىرىلادى.

  • وسى كەزەكتى جۇڭگو − ازيا - ەۆروپا كورمەسى تۇڭعىش رەت نەگىزگى قوناق ولكەلەردى بەلگىلەدى
  • تاپسىرىس ونىمدەردى جەدەل ءوندىرىپ، قامداۋدى قامتاماسىز ەتتى
  • جىلدىق مىندەتتى ءساتتى ورىنداۋعا شىنايى كەپىلدىك ەتتى
  • شينجياڭ جۇڭتاي توبى دۇنيە جۇزىندەگى 500 قۋاتتى كاسىپورىن قاتارىنا ءوتتى
  • جەل - جارىق ەنەرگياسى ءوزارا تولىقتىردى