تيانشان تورى   ›   ۇيرەنۋ   ›   شولۋ

كۇرەس رۋحىن ساۋلەلەندىرىپ، كۇرەس ەرىك - جىگەرىن بەكەمدەيىك

− باس شۋجي شي جينپيڭنىڭ ورتا جاس، جاس كادرلار كۋرسىنىڭ وقۋ باستاۋ سالتىندا سويلەگەن ماڭىزدىءسوزىنىڭ رۋحىن ۇيرەنۋ، دايەكتىلەندىرۋ جونىندە

حالىق گازەتىنىڭ شولۋشىسى

  ”قالىڭ كادرلار، اسىرەسە، جاس كادرلار قاتاڭ يدەيالىق شىڭدالۋدان، ساياسي توسەلۋدەن، امالياتتىق شىنىعۋدان ءوتىپ، كۇرەس رۋحىن ساۋلەلەندىرىپ، كۇرەس قابىلەتىن كۇشەيتىپ، ’قوس 100 جىلدىق‘ كۇرەس نىساناسىن جۇزەگە اسىرۋ، جۇڭحۋا ۇلتىنىڭ ۇلى گۇلدەنۋى سىندى جۇڭگو ارمانىن جۇزەگە اسىرۋ جولىندا قايسارلىقپەن كۇرەس جۇرگىزۋ كەرەك“.

  2019 - جىلعى كۇزگى وقۋ ماۋسىمىنداعى ورتالىق پارتيا مەكتەبىنىڭ (مەملەكەتتىك اكىمشىلىك شۋەيۋانى) ورتا جاس، جاس كادرلار كۋرسىنىڭ وقۋ باستاۋ سالتىندا، باس شۋجي شي جينپيڭ قازىرگى دۇنيە جۇزىندە ءجۇز جىلدا بولماعان كەلەلى وزگەرىستى تەرەڭ باعامداپ، ماركسيزمنىڭ جارىققا شىعۋى مەن دامۋىنىڭ، سوتسياليستىك مەملەكەتتىڭ دۇنيەگە كەلۋى مەن دامۋىنىڭ كۇرەس بارىسىن تەرەڭ قورىتىندىلاپ، پارتيامىزدىڭ كۇرەس بارىسىندا دۇنيەگە كەلگەن، كۇرەس بارىسىندا دامىعان، كۇرەس بارىسىندا زورايىپ جەتىلگەن ايبىندى امالياتىن تەرەڭ قورىتىندىلاپ، جاڭا داۋىردەگى كادرلاردىڭ كۇرەس رۋحىن ساۋلەلەندىرۋىنىڭ، كۇرەس قابىلەتىن كۇشەيتۋىنىڭ ماڭىزدى ءمانىن تەرەڭ بايىمداپ، كۇرەس ەرىك - جىگەرىن بەكەمدەۋ، كۇرەس باعدارىن ءدال مەڭگەرۋ، كۇرەس مىندەتىن ايقىنداۋ، كۇرەس زاڭدىلىعىن يگەرۋ، كۇرەس ادىسىنە ءمان بەرۋ سياقتى جاقتاردان جاڭا داۋىردەگى كادرلاردىڭ كۇرەس رۋحىن ساۋلەلەندىرۋدەگى، كۇرەس قابىلەتىن كۇشەيتۋدەگى ماڭىزدى نازاريالىق جانە امالياتتىق ماسەلەلەرگە عىلمي جاۋاپ بەردى. باس شۋجي شي جينپيڭنىڭ ماڭىزدى ءسوزى بيىكتە تۇرىپ الىستى بولجاعان، كەڭ كوزاياعا، باي مازمۇنعا، تەرەڭ يدەياعا يە، ول ماركستىك پارتيا قۇرۋ ءىلىمىن بايىتتى جانە دامىتتى، ءبىزدىڭ كوپتەگەن جاڭا تاريحي ەرەكشەلىكتەرگە يە ۇلى كۇرەستەر جۇرگىزۋىمىزگە جول نۇسقايتىن ماڭىزدى بويسۇنۋ ولشەمى، جاڭا داۋىردەگى كادرلار قوسىنى قۇرىلىسى مەن جاس كادرلاردىڭ اقاۋسىز تولىسىپ - جەتىلۋىنىڭ ماڭىزدى نۇسقاۋشىسى بولىپ تابىلادى.

  قوعام قايشىلىق قوزعالىسى بارىسىندا العا باسادى، قايشىلىق بولادى ەكەن، كۇرەس بولادى. بۇگىنگى تاڭدا، پارتيامىز حالىقتى ىنتىماقتاستىرىپ، باستاپ كەلەلى سىن - سايىستارعا ءونىمدى توتەپ بەرىپ، كەلەلى حاۋىپ - قاتەرلەردەن قورعانىپ، كەلەلى كەدەرگىلەردى جەڭىپ، كەلەلى قايشىلىقتاردى شەشۋدە، ءسوز جوق، كوپتەگەن جاڭا تاريحي ەرەكشەلىكتەرگە يە ۇلى كۇرەستەر جۇرگىزۋ كەرەك. ”كەمە وزەن ورتاسىنا كەلگەندە اعىن اناعۇرلىم كۇشەيەدى، ادام تاۋدىڭ بەل ورتاسىنا شىققاندا جول ونان ارى قيىنداي تۇسەدى“. العا باسۋ جولىندا ءبىز ءدوپ كەلەتىن حاۋىپ - قاتەر، سىناقتار تەك بارعان سايىن كۇردەلىلەسە تۇسەدى، ءتىپتى ويعا دا كەلمەيتىن اساۋ تولقىندارعا جولىعامىز. ءبىز ءدوپ كەلەتىن ءار ءتۇرلى كۇرەس قىسقا ۋاقىتتىق ەمەس، قايتا ۇزاق ۋاقىتقا جالعاسادى، بۇل، كەم دەگەندە، ءبىزدىڭ ەكىنشى 100 جىلدىق كۇرەس نىسانانى جۇزەگە اسىرۋىمىزدىڭ جالپى بارىسىمەن بايلانىسىپ جاتادى. ماركس: ”ەگەر كۇرەس تابىسقا جەتۋدىڭ مەيلىنشە ءساتتى ورايى بار شارت - جاعدايدا عانا جۇرگىزىلەتىن بولسا، وندا دۇنيە تاريحىن جاساۋ وتە وڭاي بولعان بولار ەدى عوي“ دەگەن. ءبىز حاۋىپ - قاتەردەن قورىقپايمىز، بەيبىت، تىنىش كۇندەر ۇزارعان سايىن كۇرەس ەرىك - جىگەرىنىڭ كەمەيۋىنەن، جاۋ جاعدايىن سەزبەي، دۇرىس پەن بۇرىستى پارىقتاي الماي، باعداردى اجىراتا الماي قالۋدان قورقامىز. ەندى ءبىر سوزبەن ايتساق، كۇرەس رۋحى كەمشىل، كۇرەس قابىلەتى ءالسىز بولسا، پارتيامىز بەلگىلەگەن نىسانا - مىندەتتەردى جەڭىسپەن جۇزەگە اسىرا المايدى.

  انە سوندىقتان دا باس شۋجي شي جينپيڭ بۇكىل پارتيا كوپتەگەن جاڭا تاريحي ەرەكشەلىكتەرگە يە ۇلى كۇرەستەر جۇرگىزۋگە دايىن بولۋى، وسى ۇلى كۇرەستەردىڭ ۇزاق ۋاقىتتىلىعىن، كۇردەلىلىگىن، ماشاقاتتىلىعىن تولىق تانىپ، كۇرەس رۋحىن ساۋلەلەندىرىپ، كۇرەس قابىلەتىن جوعارىلاتىپ، ۇلى كۇرەستەردىڭ جاڭا جەڭىستەرىنە ۇزدىكسىز قول جەتكىزۋى كەرەك دەپ قايتا - قايتا باسا دارىپتەدى. پارتيا 18 - قۇرىلتايىنان بەرى، پارتيامىز وراسان زور ساياسي باتىلدىقپەن جانە كۇشتى جاۋاپكەرشىلىك، مىندەت ارقالاۋمەن ”بەستى ءبىر تۇلعالاندىرۋ“ جالپىلىق ورنالاستىرۋىن ءبىر تۇتاس ىلگەرىلەتىپ، ”ءتورتتى جاپپاي ورىنداۋ“ ستراتەگيالىق ورنالاستىرۋىن سايكەستى ىلگەرىلەتىپ، يدەولوگيا سالاسىندا كۇرەس ورىستەتىپ، پارتيا مەن مەملەكەتتىڭ قۇرىلىم رەفورماسىن ىلگەرىلەتىپ، مەملەكەت قورعانىسى مەن ارمياعا قايتا قۇرىلىمداۋ سيپاتتى رەفورما جۇرگىزۋدى ىلگەرىلەتىپ، بوگەۋ بەرمەس ارىنمەن شىرىكتەسۋگە قارسى كۇرەس ورىستەتىپ، جۇڭگوشا ەرەكشەلىككە يە ءىرى ەل ديپلوماتياسىن ىلگەرىلەتىپ، پارتيا مەن مەملەكەت ىستەرىندە جان - جاقتى، ءىزاشار جەتىستىكتەرگە قول جەتكىزۋدى، تەرەڭ قاتپارلى، ءتۇبىرلى وزگەرىس تۋىلۋدى ىلگەرىلەتتى. بۇل قىزمەتتەردىڭ بارلىعى كۇرەس رۋحى بولۋدى قاجەت ەتەدى، كۇرەس رۋحى ۇزدىكسىز ساۋلەلەندىرىلگەندىكتەن عانا، جاڭا داۋىردە تاريحي جەتىستىك، تاريحي وزگەرىس بولىپ وتىر.

  كەزەكتە ءبىزدىڭ كادرلار قوسىنىمىز جالپى تۇلعالىق جاقتان جاقسى، ءبىراق مىنانى جىعا تانۋىمىز كەرەك. ”ءتورت سىناق“، ”ءتورت حاۋىپ“ الدىندا، كەيبىر كادرلاردا، اسىرەسە، جاس كادرلاردا كۇرەس رۋحى كەمشىل، كۇرەس قابىلەتى ءالسىز بولۋ ماسەلەسى ءالى ورىن تەۋىپ وتىر. كەيبىرەۋى سولقىلداق، كۇرەس جۇرگىزۋدى قالامايدى؛ كەيبىرەۋى قورقاق، كۇرەس جۇرگىزۋدەن جۇرەكسىنەدى؛ كەيبىرەۋى قابىلەتسىز، كۇرەس جۇرگىزۋدى بىلمەيدى. مىنە بۇلاردىڭ بارلىعى ءبىز، ءسوز جوق، شوعىرلى تۇردە ويداعىداي شەشۋگە ءتيىستى ماسەلەلەر. مۇنىڭ ىشىندە، ەڭ الدىمەن كۇرەس ەرىك - جىگەرىن بەكەمدەۋ كەرەك. تاريحي تاجىريبەلەر بىزگە ءبىر ساياسي پارتيا، ءبىر مەملەكەت، ءبىر قوسىن كۇرەس ەرىك - جىگەرىنەن ايرىلسا، وتە قورقىنىشتى بولاتىنىن، ونىڭ قۇرىدىمعا كەتۋدىڭ از - اق الدىندا تۇرعاندىعىن ۇعىندىردى. كۇرەس ەرىك - جىگەرىن بەكەمدەۋ جاڭجالقوي بولۋ دەگەندىك ەمەس، قايتا قيان - كەسكى جاعداي مەن كۇرەس مىندەتى الدىمىزعا كەلگەن شاقتا بەكەم بولۋىمىز كەرەك، جۇرەكسىنۋىمىزگە، قاشقىن اسكەر بولۋىمىزعا بولمايدى، باتىلدىقپەن اتويلاپ، ەرلىكپەن شايقاسىپ، جەڭىپ شىعۋىمىز، ۇلكەن دۇرىس پەن ۇلكەن بۇرىس الدىندا باتىل پوزيتسيا ءبىلدىرىپ، قايشىلىق، قاقتىعىس الدىندا قيىندىققا قارسى باتىل اتتانىپ، داعدارىس، قيىنشىلىق الدىندا باتىلدىقپەن كوكىرەك كەرە العا شىعىپ، بۇرىس ستيل، تەرىس پيعىل الدىندا باتىل كۇرەس جۇرگىزۋدەن تايىنباۋىمىز كەرەك.

  ”كەلەلى ىستە، قيىن ىستە جاۋاپكەرلىك ارقالاۋعا، مۇشكىل جاعدايدا، جاقسى جاعدايدا پەيىلگە قاراۋ كەرەك“. قايسار كۇرەس رۋحىن، تاباندى كۇرەس ەرىك - جىگەرىن، ەرەن كۇرەس قابىلەتىن جەتىلدىرىپ جانە ساقتاپ، كەلەلى كۇرەس بارىسىندا بوران - شاشىندى باستان كەشىرىپ، ءومىردى تانىپ، دولى تولقىن، سۇراپىل بوران ىشىندە قابىلەتتى ءوسىرىپ، بۋىندى بەكىتسەك، ءبىز جاڭا، ۇلى كۇرەستەر بارىسىندا ۇزدىكسىز جەتىلىپ، بۇگىنگى كۇرەس ارقىلى ەرتەڭگى داڭققا قول جەتكىزە الامىز!

  (شينحۋا اگەنتتىگىنىڭ 9 - ايدىڭ 3 - كۇنى بەيجيڭنەن بەرگەن حابارى)

جاۋاپتى رەداكتور : سايراش تۇرارجان

ەسكەرتۋ:

تورابىمىزداعى مازمۇنداردىڭ مەنشىك ۇقىعى شينجياڭ ۇيعۇر اۆتونوميالى رايوندىق حالىق ۇكىمەتى اقپارات كەڭسەسىنە ءتان، جاريالانعان مازمۇنداردى سىلتەمەسىز كوشىرۋگە بولمايدى. كوشىرىپ پايدالانۋعا تۋرا كەلگەندە، «تيانشان تورى » الىنعانى انىق ەسكەرتىلۋى ءتيىس، بولماسا زاڭدىق جاۋاپكەرلىگى قۋزاستىرىلادى.