تيانشان تورى   ›   ۇيرەنۋ   ›   شولۋ

كۇرەس باعدارىن ءدال مەڭگەرىپ، كۇرەس مىندەتىن ايقىندايىق

− باس شۋجي شي جينپيڭنىڭ ورتا جاس، جاس كادرلار كۋرسىنىڭ وقۋ باستاۋ سالتىندا سويلەگەن ماڭىزدى ءسوزىنىڭ رۋحىن ۇيرەنۋ، دايەكتىلەندىرۋ جونىندە

حالىق گازەتىنىڭ شولۋشىسى

  كوپتەگەن جاڭا تاريحي ەرەكشەلىكتەرگە يە ۇلى كۇرەستەر جۇرگىزۋدە الدىمەن جۇڭگو كوممۋنيستىك پارتياسى دەگەن نە، ول نە ىستەيدى دەگەن ءتۇبىرلى ماسەلەنى ۇمىتپاۋىمىز، كۇن سايىن كۇردەلىلەسە تۇسكەن كۇرەس بارىسىندا ءوزىمىزدى جوعالتىپ الماۋىمىز، باعداردان اداسپ قالماۋىمىز كەرەك.

  2019 - جىلعى كۇزگى وقۋ ماۋسىمىنداعى ورتالىق پارتيا مەكتەبىنىڭ (مەملەكەتتىك اكىمشىلىك شۋەيۋانى) ورتا جاس، جاس كادرلار كۋرسىنىڭ وقۋ باستاۋ سالتىندا باس شۋجي شي جينپيڭ پارتيانىڭ باسشىلىعىنا، تۋ مەن جولعا، مەملەكەتتىڭ يەلىك ۇقىعىنا، حاۋىپسىزدىگىنە، دامۋ مۇددەسىنە ساياتىن كەلەلى پرينسيپتىك ماسەلەلەردى تەرەڭدەي بايىمداپ، كەزەكتە جانە الداعى ءبىر مەزگىلدە ءبىز ءدوپ كەلەتىن كۇرەس مىندەتتەرىنە تەرەڭ تالداۋ جاساپ، قالىڭ كادرلاردىڭ، اسىرەسە، جاس كادرلاردىڭ جاڭا داۋىردە كۇرەس رۋحىن ساۋلەلەندىرۋىنە، كۇرەس قابىلەتىن كۇشەيتۋىنە ايقىن تالاپ قويدى. باس شۋجي شي جينپيڭنىڭ ماڭىزدى ءسوزىنىڭ رۋحىن ۇيرەنۋدە، دايەكتىلەندىرۋدە وي - سانانى ايرىقشا سەرگەك ۇستاپ، تۇرعىدا ەرەكشە بەرىك تۇرىپ، ءتۇرلى ەلەۋلى كۇرەستەر مەن سىناقتار الدىندا ”كوشپەلى بۇلت كوز الدىمىزدى توسار دەپ قورىقپاۋىمىز“، ”تۇيدەك بۇلتتار كوشسە دە قايىسپاي ەركىن تۇرۋىمىز“ كەرەك.

  بەتالىس بولاشاقتى بەلگىلەيدى. كوممۋنيستەردىڭ كۇرەسىندە بەتالىس، تۇرعى، پرينسيپ بولادى، ۇلكەن بەتالىس − جۇڭگو كوممۋنيستىك پارتياسىنىڭ باسشىلىعى مەن ەلىمىزدىڭ سوتسياليستىك تۇزىمىنە مىزعىماي تاباندى بولۋ. جۇڭگو كوممۋنيستىك پارتياسىنىڭ باسشىلىعى جۇڭگوشا سوتسياليزمنىڭ ەڭ ماندىك ەرەكشەلىگى، جۇڭگوشا سوتسياليستىك ءتۇزىمنىڭ ەڭ ۇلكەن ارتىقشىلىعى. سانسىز فاكتتەر پارتيانىڭ باسشىلىعى السىرەتىلسە، تەرىستەلسە، مەملەكەتتىڭ زوبالاڭعا تاپ بولاتىنىن، حالىقتىڭ ازاپ - بەينەتكە ۇشىرايتىندىعىن دالەلدەگەن. پارتيامىز قۇرىلعاننان بەرى، پارتيا ورتالىق كوميتەتى بەدەلدى، پارتيا ىنتىماقتى ءبىر تۇتاس بولعان كەزدە، پارتيا بۇكىل پارتيانىڭ، بۇكىل ارميانىڭ، بۇكىل ەل حالقىنىڭ كۇشىن توپتاپ قامال الىپ، قيىندىقتاردى ەڭسەرگەن، كەرىسىنشە بولعاندا ساتسىزدىككە ۇشىراعان. ءدال وسىلاي بولعاندىقتان دا، جۇڭگو كوممۋنيستىك پارتياسىنىڭ باسشىلىعى مەن ەلىمىزدىڭ سوتسياليستىك تۇزىمىنە زيان جەتكىزەتىن ءار ءتۇرلى حاۋىپ - قاتەر، سىن - سايىستار، ەلىمىزدىڭ يەلىك ۇقىعىنا، حاۋىپسىزدىگىنە، دامۋ مۇددەسىنە زيان جەتكىزەتىن ءار ءتۇرلى حاۋىپ - قاتەر، سىن - سايىستار، ەلىمىزدىڭ وزەكتى مۇددەسى مەن كەلەلى پرينسيبىنە زيان جەتكىزەتىن ءار ءتۇرلى حاۋىپ - قاتەر، سىن - سايىستار، ەلىمىز حالقىنىڭ ءتۇبىرلى مۇددەسىنە زيان جەتكىزەتىن ءتۇرلى حاۋىپ - قاتەر، سىن - سايىستار، ەلىمىزدىڭ ”قوس 100 جىلدىق“ كۇرەس نىساناسىن جۇزەگە اسىرۋىنا، جۇڭحۋا ۇلتىنىڭ ۇلى گۇلدەنۋىن جۇزەگە اسىرۋىنا زيان جەتكىزەتىن ءار ءتۇرلى حاۋىپ - قاتەر، سىن - سايىستار اتاۋلى كەلسە بولدى، ءبىز، ءسوز جوق، باتىل كۇرەسۋىمىز، سونىمەن قاتار، ءسوز جوق، كۇرەس جەڭىسىنە قول جەتكىزۋىمىز كەرەك.

  جاعداي مىندەتتى بەلگىلەيدى. ءبىز كوممۋنيستەردىڭ كۇرەسى ەجەلدەن قايشىلىقتار مەن ماسەلەلەردى، حاۋىپ - قاتەرلەر مەن سىن - سايىستاردى بەتكە العان. قازىرگى كەزدە جانە بۇدان بىلايعى ءبىر مەزگىلدە ەلىمىزدىڭ دامۋى ءار ءتۇرلى حاۋىپ - قاتەر مەن سىن - سايىستار ۇزدىكسىز جينالا تۇسەتىن، ءتىپتى، شوعىرلى تۇردە كورىنىس بەرەتىن مەزگىلگە قادام قويادى، ءدوپ كەلەتىن كەلەلى كۇرەستەر ازايمايدى، ەكونوميكا، ساياسي، مادەنيەت، قوعام، ەكولوگيالىق وركەنيەت قۇرىلىسى جانە مەملەكەت قورعانىسى مەن ارميا قۇرىلىسى، شياڭگاڭ، اۋمىن، تايۋان قىزمەتى، ديپلوماتيالىق قىزمەت، پارتيا قۇرىلىسى سياقتى جاقتاردىڭ بارلىعىندا بولادى، ونىڭ ۇستىنە بارعان سايىن كۇردەلىلەسە تۇسەدى. باسشى كادرلاردا ءشوپتىڭ سىبدىرىنان بۇعىنىڭ وتكەنىن بىلەتىن، قاراعايدىڭ گۋىلىنەن جولبارىستىڭ كەلگەنىن بىلەتىن، جاپىراقتىڭ ءتۇسىنىڭ وزگەرۋىنەن كۇز تۇسكەنىن بىلەتىن ءىستىڭ قىلپىنا قاراپ ءمانى مەن دامۋ اۋقىمىن ءبىلۋ قابىلەتى بولۋى، كومەسكى حاۋىپ - قاتەرگە عىلمي تۇجىرىم جاساۋى، حاۋىپ - قاتەردىڭ قايدا ەكەنىن، قانداي فورمادا بەينەلەنگەنىن، دامۋ اۋقىمىنىڭ قانداي ەكەنىن ءبىلىپ، كۇرەسۋگە تيىستىلەرىمەن كۇرەسۋى كەرەك.

  مەملەكەتكە ءوزىن ارناۋدا، قانداي ءىستى ىستەۋگە بولماسىن؟ وتانعا ءوزىن ارناۋدا، قانداي ءىستى ىستەۋدەن تارتىنارسىڭ؟ ەلىمىز دامۋىنىڭ جاڭا تاريحي دەڭگەيىندە تۇرعان قالىڭ كادرلار، اسىرەسە، جاس كادرلار ”ءتورت تانىم“دى ۇزدىكسىز كۇشەيتىپ، ”ءتورت سەنىم“دى بەكەمدەپ، ”ەكىنى قورعاۋ“دى ورىنداپ، قايسى قىزمەت ورنىندا بولسا، سول قىزمەت ورنىنىڭ جۇمىسىن جاقسى ىستەپ، قانداي قىزمەت مىندەتىن اتقارسا، سول قىزمەت مىندەتىن ويداعىداي ورىنداۋ كەرەك. تەك وسىلاي ىستەگەندە عانا، ءبىز پارتيامىز بەلگىلەگەن نىسانا - مىندەتتەردى جەڭىسپەن جۇزەگە اسىرىپ، جاڭا، ۇلى كۇرەستەر بارىسىندا تىڭ، شۇعىلالى تاراۋلار جازاتىن بولامىز!

  (شينحۋا اگەنتتىگىنىڭ 9 - ايدىڭ 4 - كۇنى بەيجيڭنەن بەرگەن حابارى)

جاۋاپتى رەداكتور : سايراش تۇرارجان

ەسكەرتۋ:

تورابىمىزداعى مازمۇنداردىڭ مەنشىك ۇقىعى شينجياڭ ۇيعۇر اۆتونوميالى رايوندىق حالىق ۇكىمەتى اقپارات كەڭسەسىنە ءتان، جاريالانعان مازمۇنداردى سىلتەمەسىز كوشىرۋگە بولمايدى. كوشىرىپ پايدالانۋعا تۋرا كەلگەندە، «تيانشان تورى » الىنعانى انىق ەسكەرتىلۋى ءتيىس، بولماسا زاڭدىق جاۋاپكەرلىگى قۋزاستىرىلادى.