شينحۋا اگەنتتىگىنىڭ 9 - ايدىڭ 4 - كۇنى بەيجيڭنەن بەرگەن حابارى. تاياۋدا جۇڭگو كوممۋنيستىك پارتياسى ورتالىق كوميتەتى وزگەرىس ەنگىزىلگەننەن كەيىنگى «جۇڭگو كوممۋنيستىك پارتياسىنىڭ جاۋاپقا تارتۋ ەرەجەسىن» (قىسقارتىلىپ «ەرەجە» دەلىنەدى) باسىپ تاراتتى ءارى حابارلاندىرۋ شىعارىپ، وڭىرلەردەن، تاراۋلاردان سول بويىنشا مۇقيات اتقارۋدى تالاپ ەتتى.
حابارلاندىرۋدا مىنالار اتاپ كورسەتىلدى: 2016 - جىلى 7 - ايدا جۇڭگو كوممۋنيستىك پارتياسى ورتالىق كوميتەتى باسىپ تاراتقان «جۇڭگو كوممۋنيستىك پارتياسىنىڭ جاۋاپقا تارتۋ ەرەجەسى» پارتيانىڭ جاۋاپقا تارتۋ قىزمەتىنە تۇزىمدىك بويسۇنۋ ولشەمىن ازىرلەپ، جاۋاپكەرسىزدىك ىستەگەندەردى، ءسوز جوق، جاۋاپقا تارتۋدىڭ، ءسوز جوق، قاتاڭ جاۋاپقا تارتۋدىڭ قالىپتى كۇيگە اينالۋىن ىلگەرىلەتىپ، پارتيانى جاپپاي قاتاڭ جونگە سالۋداعى قارپىمدى قارۋلىق رولىن ساۋلەلەندىردى. جاڭا جاعدايعا، مىندەتكە جانە تالاپقا ساي، پارتيا ورتالىق كوميتەتى «ەرەجە»گە وزگەرىس ەنگىزدى.
حابارلاندىرۋدا بىلاي دەپ باسا دارىپتەلدى: وسى جولعى وزگەرىس ەنگىزىلگەن «ەرەجە» شي جينپيڭنىڭ جاڭا ءداۋىر جۇڭگوشا سوتسياليزم يدەياسىىن جانە پارتيا 19 - قۇرىلتايىنىڭ رۋحىن جاپپاي دايەكتىلەندىرىپ، پارتيا ۋستاۆىن ءتۇبىرلى بويسۇنۋ ولشەمى، باس شۋجي شي جينپيڭنىڭ پارتيا ورتالىق كوميتەتىندەگى ۇيتقىلىق ورنىن، بۇكىل پارتياداعى ۇيتقىلىق ورنىن باتىل قورعاۋدى، پارتيا ورتالىق كوميتەتىنىڭ بەدەلى مەن ورتالىقتانعان ءبىر تۇتاس باسشىلىعىن باتىل قورعاۋدى ءتۇبىرلى پرينسيپ جانە ماڭداي الدى مىندەت ەتىپ، نازاردى پارتيانى باسقارۋ، پارتيانى جونگە سالۋ ساياسي جاۋاپكەرشىلىگىنە شوعىرلاندىرىپ، قاتاڭدىقتى الدىڭعى ورىنعا قويۋعا تاباندى بولىپ، اماليات بارىسىندا جارىققا شىققان جاۋاپقا تارتۋدىڭ پارمەنسىزدىگى، جالپىلامالىعى، قاراپايىمداندىرىلۋى سياقتى ماسەلەلەرگە مەڭزەس، پارتيانىڭ جاۋاپقا تارتۋ قىزمەتىنىڭ ساياسيلىعىن، دالدىگىن، ناقتى ونىمدىلىگىن كۇش سالا جوعارىلاتتى.
حابارلاندىرۋدا مىنالار تالاپ ەتىلدى: ءار دارەجەلى پارتكومدار (پارتيا باسشىلىق گرۋپپاسى) ”ءتورت تانىم“دى كۇشەيتىپ، ”ءتورت سەنىم“دى بەكەمدەپ، ”ەكىنى قورعاۋ“دى ورىنداپ، پارتيانى جاپپاي قاتاڭ جونگە سالۋ ساياسي جاۋاپكەرشىلىگىن ۇستىنە الىپ، ۇقىعى بولسا، ءسوز جوق، جاۋاپكەرشىلىگى بولۋعا، جاۋاپكەرشىلىگى بولسا ونى ارقالاۋعا، جاۋاپكەرسىزدىك ىستەسە، ءسوز جوق، قۋزاستىرۋعا تاباندى بولىپ، بۇلجىماس ءتۇزىمنىڭ تۇراقتىلىعىن تىكتەۋ كەرەك. «ەرەجە»نى ۇيرەنۋدى، ۇگىتتەۋدى جانە دايەكتىلەندىرۋدى، تياناقتاندىرۋدى ويداعىداي يگەرىپ، «ەرەجە»نى ۇيرەنۋدى، دايەكتىلەندىرۋدى قازىرگى ورىستەتىلىپ وتىرعان”اۋەلگى ماقساتتى ۇمىتپاۋ، بورىشتى ەستە بەرىك ساقتاۋ“ نەگىزگى تاقىرىپتىق تاربيەسىمەن ۇشتاستىرىپ، پارتيالى كادرلاردى سالىستىرىپ قاداعالاۋعا ۇيىمداستىرىپ، «ەرەجە» تالاپتارىن جاۋاپكەرشىلىك ارقالاۋ ارەكەتىنە شىن مانىندە اينالدىرۋ كەرەك. ءار دارەجەلى ءتارتىپ تەكسەرۋ كوميتەتتەرى (ءتارتىپ تەكسەرۋ گرۋپپاسى) باقىلاۋ ارناۋلى جاۋاپكەرشىلىگىن ويداعىداي وتەۋى، پارتيانىڭ قىزمەت ورگاندارى ءوز قىزمەتىن تياناق ەتىپ، جاۋاپقا تارتۋعا باتىل، جاۋاپقا تارتۋعا شەبەر بولىپ، تۇزىمدەنۋ، ارناعا ءتۇسۋ دەڭگەيىن جوعارىلاتۋ كەرەك. ءار دارەجەلى پارتكومدار (پارتيا باسشىلىق گرۋپپاسى) مەن ءتارتىپ تەكسەرۋ كوميتەتتەرى (ءتارتىپ تەكسەرۋ گرۋپپاسى) باقىلاۋ - تەكسەرۋدى كۇشەيتىپ، «ەرەجە»نى دايەكتى اتقارۋ جاعدايىن شارلاۋ، شارلاپ تەكسەرۋ جانە وكىلەتتى باقىلاۋ تۇيىنىنە ەنگىزىپ، «ەرەجە»نىڭ ءتۇرلى بەلگىلەمەلەرىنىڭ ناقتاپ تياناقتاندىرىلۋىن ىلگەرىلەتۋ كەرەك. وڭىرلەر، تاراۋلار «ەرەجە»نى اتقارۋداعى ماڭىزدى جاعدايلار مەن ۇسىنىستاردى دەر كەزىندە پارتيا ورتالىق كوميتەتىنە مالىمدەۋ كەرەك.
