تيانشان تورى   ›   جاڭالىقتار   ›   ەل ءىشى حابارى

ۇلتتى گۇلدەندىرۋدىڭ رۋحاني ۇلى كۇشىن ۇيىستىردى

− شي جينپيڭ جولداستى ۇيتقى ەتكەن پارتيا ورتالىق كوميتەتىنىڭ يدەيا - ءمورال قۇرىلىسىنا باسا ءمان بەرىپ، ءمورال ۇلگىلەرىنە كوڭىل ءبولىپ، قامقورلىق جاساعاندىعى تۋرالى ەستەلىك

شينحۋا اگەنتتىگىنىڭ تىلشىلەرى لو جىڭگۋاڭ، شيۇڭ فىڭ، ۋاڭ سىبەي

  ۇلى ءداۋىر ۇلى رۋحتى شاقىرادى، وسكەلەڭ ءىس ۇلگىنىڭ جەتەكتەۋىن قاجەت ەتەدى.

  پارتيانىڭ 18 - قۇرىلتايىنان بەرى، شي جينپيڭ جولداستى ۇيتقى ەتكەن پارتيا ورتالىق كوميتەتى سوتسياليستىك رۋحاني وركەنيەت قۇرىلىسىنا، اسىرەسە، يدەيا - ءمورال قۇرىلىسىنا باسا ءمان بەرىپ، ءمورال ارقىلى ادام تاربيەلەۋدى، مادەنيەت ارقىلى ادام جەتىلدىرۋدى كۇشەيتۋ سياقتى ءتۇرلى قىزمەتتەر جونىندە ءبىر قىدىرۋ ماڭىزدى نۇسقاۋ بەرىپ، ءمورال ۇلگىلەرىن ماداقتاپ سيلاۋ، ءمورال ۇلگىلەرىنەن ۇيرەنۋ، ۇگىتتەۋ قيمىلىن ورىستەتۋ سياقتىلار جونىندە ايقىن تالاپ قويىپ، سوتسياليستىك يدەيا - ءمورال قۇرىلىسىنىڭ جاڭا داۋىردە جاڭا بەينەنى ايگىلەۋىن، جاڭا تابىسقا قول جەتكىزۋىن ىلگەرىلەتتى.

  باس شۋجي شي جينپيڭ قاتارلى پارتيا مەن مەملەكەتتەگى باسشى جولداستاردىڭ جانە قالىڭ وزات ۇلگىلەردىڭ ۇلگى كورسەتىپ جەتەكتەۋىندە، ءجۇز ميلليونداعان جۇڭحۋا ۇلاندارى ءمورالدى قاستەرلەپ، ىزگىلىككە ۇمتىلىپ، جاقسىدان ونەگە الىپ، جۇڭحۋانىڭ ءداستۇرلى تاماشا ءمورالىن ساۋلەلەندىرىپ، ءداۋىردىڭ جاڭا سالتىن اسقاقتاتىپ، جۇڭگو رۋحىن، جۇڭگو قۇنىن، جۇڭگو كۇشىن اناعۇرلىم جاقسى سومداپ، جۇڭحۋا ۇلتىنىڭ ۇلى گۇلدەنۋى سىندى جۇڭگو ارمانىن جۇزەگە اسىرۋعا قۇدىرەتتى رۋحاني كۇش جانە پارمەندى ءمورالدىق تىرەك ۇيىستىردى.

■ ”رۋحاني كۇشتىڭ شەگى جوق، ءمورالدىق كۇشتىڭ دە شەگى جوق“

   − شي جينپيڭ جولداستى ۇيتقى ەتكەن پارتيا ورتالىق كوميتەتى سوتسياليستىك يدەيا - ءمورال قۇرىلىسىن كۇشەيتۋگە باسا ءمان بەرىپ، ءمورال ۇلگىلەرىنە، سونداي - اق ولاردى ۇگىتتەۋ، ولاردان ۇيرەنۋ قيمىلدارىنا شىنايى كوڭىل ءبولدى

  8 - ايدىڭ 27 - كۇنى كەش، ءبىر ەلەۋلى حابار ەل ءىشى - سىرتىنىڭ نازارىن ەرەكشە اۋداردى.

  جۇڭحۋا حالىق رەسپۋبليكاسى قۇرىلعاندىعىنىڭ 70 جىلدىعىن قارسى الۋ قارساڭىندا، ”رەسپۋبليكا وردەنى“ مەن مەملەكەت داڭق اتاعىنىڭ ۇسىنىستىق كانديداتتارى بۇكىل قوعامعا اشىق جاريالاندى. بۇل − ەلىمىزدىڭ مەملەكەت وردەنى مەن مەملەكەت داڭق اتاعىنىڭ يەگەرلەرىن شوعىرلى تۇردە باعالاۋ، سيلىق تابىستاۋدى تۇڭعىش رەت ورىستەتۋى بولىپ تابىلادى.

  جۇڭحۋا حالىق رەسپۋبليكاسىنىڭ قۇرىلىسى مەن دامۋىنا كورنەكتى ۇلەس قوسقان وسى ەلەۋلى ەڭبەگى بار ۇلگىلەردى سالتاناتتى تۇردە ماداقتاپ سيلاۋ پارتيا مەن ۇكىمەتتىڭ وسى جەتەكتەۋشىلەرگە، ۇلگى كورسەتۋشىلەرگە دەگەن ايرىقشا قۇرمەتىن تولىق ايگىلەدى، اسىرەسە، بۇكىل قوعامنىڭ ءمورالدى قاستەرلەپ، ىزگىلىككە ۇمتىلۋ، تاماشا ءمورال مەيىرىن ايگىلەۋدەي تاماشا سالتتى ايگىلەدى.

  مەملەكەت ءمورالسىز گۇلدەنبەيدى، ادام ءمورالسىز تۇلعالانبايدى.

  ”جۇڭحۋا ۇلتى ۇرپاقتان - ۇرپاققا جالعاپ وسكەلەڭ ءمورالدىق ورىسكە تالپىنعاندا عانا، ءبىزدىڭ ۇلتىمىز ماڭگى ۇمىتكە تولى بولا الادى“. باس شۋجي شي جينپيڭنىڭ 2013 - جىلى 11 - ايدا شاندۇڭدا قىزمەت تەكسەرگەندەگى شىن ىقىلاستى ۇندەۋى پارتيانىڭ 18 - قۇرىلتايىنان بەرگى سوتسياليستىك يدەيا - ءمورال قۇرىلىسىنىڭ وركەشتەگەن ورلەۋىن كوتەردى.

  جۇڭحۋا ۇلتىنىڭ ۇلى گۇلدەنۋى سىندى جۇڭگو ارمانىن جۇزەگە اسىرۋ تاريحي بورىشىن ارقالاپ، باس شۋجي شي جينپيڭ قاي - قاشان دا ءمورال ارقىلى ادام تاربيەلەۋگە، ءمورال ارقىلى رۋحتى سومداۋعا بارىنشا ءمان بەردى −

  ”حالىقتا سەنىم بولسا، ۇلتتا ءۇمىت بولادى، مەملەكەتتە كۇش - قۋات بولادى“.

  2015 - جىلى 2 - ايدىڭ 28 - كۇنى باس شۋجي شي جينپيڭ 4 - كەزەكتى مەملەكەتتىك وركەنيەتتى قالالاردىڭ، وركەنيەتتى قىستاق - قالاشىقتاردىڭ، وركەنيەتتى ورىنداردىڭ جانە ازامات جاسىنا تولماعانداردىڭ يدەيا - ءمورال قۇرىلىسى قىزمەتىندەگى وزاتتاردىڭ ۋاكىلدەرىمەن كەزدەسكەندە وسى كورەگەن اسىل ءسوزدى ايتتى.

  ول: ”جۇڭحۋا ۇلتىنىڭ ۇلى گۇلدەنۋى سىندى جۇڭگو ارمانىن جۇزەگە اسىرۋدا، زاتتىق بايلىق توتەنشە مول بولۋ، رۋحاني بايلىق تا توتەنشە مول بولۋ كەرەك“ دەپ تەرەڭ اتاپ كورسەتتى.

  رەفورما جاساپ، ەسىك اشقاننان بەرى، جۇڭگو كوممۋنيستىك پارتياسى سوتسياليستىك رۋحاني وركەنيەتتى گۇلدەندىرۋدىڭ ستراتەگيالىق مىندەتىن جاسامپازدىقپەن العا قويىپ، ”ەكى جاعىن يگەرۋ، ەكى جاعىن دا قاتاڭ يگەرۋ“ ستراتەگيالىق باعىتىن بەلگىلەپ، ەكى وركەنيەت قۇرىلىسىن قاتار جۇرگىزىپ، مول تابىسقا قول جەتكىزدى.

  جۇڭگوشا سوتسياليزم جاڭا داۋىرگە وتكەندە، شي جينپيڭ جولداستى ۇيتقى ەتكەن پارتيا ورتالىق كوميتەتى رۋحاني وركەنيەت قۇرىلىسىن ”بەستى ءبىر تۇلعالاندىرۋ“ جالپىلىق ورنالاستىرۋىن ءبىر تۇتاس ىلگەرىلەتۋ مەن ”ءتورتتى جاپپاي ورىنداۋ“ ستراتەگيالىق ورنالاستىرۋىن سايكەستى ىلگەرىلەتۋدىڭ ماڭىزدى ورنىنا قويىپ جوبالاپ، ورنالاستىرۋ جاساپ، وسكەلەڭ رۋح ارقىلى ادام تاربيەلەۋگە، تاڭداۋلى مادەنيەت ارقىلى ادامعا شابىت بەرۋگە، تولىسقان مورالمەن ادامدى نارلەندىرۋگە اناعۇرلىم باسا ءمان بەردى.

  رۋحاني ”كالتسي تولىقتاۋ“ جونىندە، باس شۋجي شي جينپيڭ: ”ماركسيزمگە، كوممۋنيزمگە دەگەن نانىم، سوتسياليزمگە دەگەن سەنىم − كوممۋنيستەردىڭ رۋحاني’كالتسيى‘“ دەپ باسا دارىپتەدى.

  ءمورالدىق جەتىلۋ، ءوزىن تۇلعالاۋ جونىندە، باس شۋجي: جۇڭحۋا ۇلتى ءمورالعا باسا ءمان بەرەتىن، ءمورالدىق جەتىلۋدى قاستەرلەيتىن ۇلت ەكەنىن، ەجەلدەن ”مورالمەن ءوزىن سومداسا، دۇنيەنىڭ ازدىرۋىنا ۇشىرامايتىندىعىن“ دارىپتەپ كەلە جاتقانىن باسا دارىپتەدى.

  زاڭ مەن ءمورالدىڭ قاتىناسىن ءبىر جاقتى ەتۋ جونىندە، باس شۋجي: ”زاڭ − ولشەم، وعان ءارقانداي ۋاقىتتا، ءسوز جوق، بويسۇنۋ كەرەك؛ ءمورال − ىرگەتاس، وعان ءارقانداي ۋاقىتتا ەلەۋسىز قاراۋعا بولمايدى“، ”زاڭ زاماندى تىنىشتاندىرادى، ءمورال جۇرەكتى نارلەندىرەدى“ دەپ باسا دارىپتەدى.

  قازىر بۇكىل پارتيا ”اۋەلگى ماقساتتى ۇمىتپاۋ، بورىشتى ەستە بەرىك ساقتاۋ“ نەگىزگى تاقىرىپتىق تاربيەسىن تىڭعىلىقتى ىلگەرىلەتۋدە. ورتالىق كوميتەتتىڭ ساياسي بيۋروسى ”اۋەلگى ماقساتتى، بورىشتى ەستە بەرىك ساقتاپ، وزىنە توڭكەرىس جاساۋدى ىلگەرىلەتۋ“ جونىندە توپتىق ۇيرەنۋ وتكىزگەندە، باس شۋجي شي جينپيڭ ”پارتيالىلىق شىڭدالۋ مەن ساياسي توسەلۋدى كۇشەيتىپ، ساياسي ورەنى، يدەيالىق ورەنى، ءمورالدىق ورەنى ۇزدىكسىز جوعارىلاتۋ“ كەرەكتىگىن باسا دارىپتەدى.

  بۇل − ءبىر ۇلكەن پارتيا كوسەمىنىڭ پارتيانىڭ العاباسارلىعى مەن كىرشىكسىزدىگىن ساقتاۋى جونىندەگى شىنايى ءۇمىتى، اسىرەسە، ءبىر ءىرى ەلدىڭ كوش باسشىسىنىڭ رۋحاني كۇشتى سومداۋعا ايرىقشا باسا ءمان بەرۋى.

  سوتسياليستىك يدەيا - ءمورال قۇرىلىسىن قالاي كۇشەيتۋ جونىندە، باس شۋجي شي جينپيڭ تەرەڭ وي جۇگىرتىپ، ايقىن تالاپ قويدى −

  پارتيانىڭ 18 - قۇرىلتايىنان بەرى، مەيلى جەرگىلىكتى ورىندارعا بارىپ قىزمەت تەكسەرىپ، تەكسەرۋ - زەرتتەۋ جۇرگىزگەندە بولسىن، الدە ءماجىلىستى باسقارىپ اشقاندا بولسىن، مەيلى وزاتتاردىڭ ۋاكىلدەرىمەن كەزدەسكەندە بولسىن، الدە ءار سالاداعى قايراتكەرلەرمەن اڭگىمەلەسكەندە بولسىن، باس شۋجي شي جينپيڭ ورايدى قولدان بەرمەي يدەيا - ءمورال قۇرىلىسىن باسا دارىپتەپ كەلەدى.

  نەگىزگى ساتىداعى پارتيالى كادرلارعا باس شۋجي: ”پارتيالى كادرلار، اسىرەسە، باسشى كادرلار، ءسوز جوق، ءمورالدىق جەتىلۋدى كۇشەيتۋدى ومىردەگى اسا ماڭىزدى مىندەتتى ساباق ەتۋ كەرەك“ دەپ قاتاڭ تالاپ قويدى.

  بەيجيڭ داشۋەسىنىڭ وقىتۋشى - وقۋشىلارىنا باس شۋجي: ”ءمورال جەكە ادامداردا، ءمورال قوعامدا، ەكەۋىنىڭ دە نەگىزدىك ءمانى بار، ادام بولۋدا، ءىس ىستەۋدە ءمورالدى قاستەرلەپ، ءوزىن تاربيەلەۋ ءبىرىنشى ورىندا تۇرادى“ دەپ ىقىلاستى ءتالىم بەردى.

  ادەبيەت - كوركەمونەر قىزمەتكەرلەرىنە باس شۋجي: ”ءبىز ادەبيەت - كوركەمونەر تۋىندىلارى ارقىلى شىنايىلىقتى، ىزگىلىكتى، اسەمدىكتى جەتكىزىپ، ورگە، ىزگىلىككە ۇمتىلاتىن قۇن كوزقاراسىن جەتكىزىپ، ادامداردى ءمورالدىق تۇجىرىمداۋ قابىلەتى مەن ءمورالدىق داڭق سەزىمىن كۇشەيتۋگە جەتەكتەۋىمىز كەرەك“ دەپ شىنايى ءۇمىت ارتتى.

  مەملەكەتتىك وركەنيەتتى وتباسىلارىنىڭ ۋاكىلدەرىنە باس شۋجي: ”وتباسى ستيلى − قوعامدىق سالتتىڭ ماڭىزدى قۇرامداس ءبولىمى“، ”جۇڭحۋا ۇلتىنىڭ ءداستۇرلى تاماشا ءمورالىن بەلسەنە تاراتۋ كەرەك“ دەپ تەرەڭنەن تولعادى.

  ......

  كوكتەم جاڭبىرىنداي كوڭىلگە ءنار سيلادى. باس شۋجي شي جينپيڭ تۇرلىشە دەڭگەيدەن تەرەڭ بايىمداۋ جاساپ، ىقىلاستى تاپسىرما بەرىپ، سوتسياليستىك وزەكتى قۇن كوزقاراسىن جەتىلدىرۋگە جانە امالياتتا ايگىلەۋگە، يدەيا - ءمورال قۇرىلىسىن كۇشەيتۋگە ايقىن العا باسۋ بەتالىسىن كورسەتىپ، ءتۇبىرلى بويسۇنۋ ولشەمىن ازىرلەپ بەردى.

  ءمورال ۇلگىلەرى جانە ولاردى ۇگىتتەۋ، ولاردان ۇيرەنۋ قيمىلى جونىندە، باس شۋجي شي جينپيڭ تىكەلەي كوڭىل ءبولىپ، ءوزى كىرىسىپ ىلگەرىلەتتى −

  ۇلتتى گۇلدەندىرۋ ۇلى مىندەتىن ارقالايتىن جاڭا ءداۋىر ادامدارىن تاربيەلەپ، تاماشا تۇرمىس ارمانىنا بىرگە قانات قاعاتىن ءداۋىردىڭ جاڭا سالتىن اسقاقتاتۋ − رۋحاني وركەنيەت قۇرىلىسىنىڭ ءتۇبىرلى مىندەتى. 2013 - جىلى 9 - ايدىڭ 26 - كۇنى تۇستەن كەيىن بەيجيڭ جيڭشي قوناق ءۇيى، قىزۋ قول شاپالاق ءۇنى ءماجىلىس عيماراتىنىڭ الدىڭعى زالىندا جاڭعىرىپ تۇر.

  باس شۋجي شي جينپيڭ 4 - كەزەكتى مەملەكەتتىك ءمورال ۇلگىلەرىمەن جانە ءمورال ۇلگىلەرىنە كورسەتىلگەندەر سيلىعىن العاندارمەن شىن ىقىلاسپەن كەزدەسىپ، كەزدەسۋگە قاتىناسقان جولداستارمەن ىقىلاستى تۇردە قول الىستى ءارى كوپشىلىكپەن بىرگە سۋرەتكە ءتۇسىپ ەستەلىك قالدىردى.

  باس شۋجي سوزىندە مىنالاردى باسا دارىپتەدى: ۇزاق ۋاقىتتان بەرى، جەر - جەر، تاراۋلار ورتالىقتىڭ تالابى بويىنشا، ازاماتتىق ءمورال قۇرىلىسىن ۇزدىكسىز ىلگەرىلەتىپ، جۇڭحۋانىڭ ءداستۇرلى تاماشا ءمورالىن اسقاقتاتىپ، ءداۋىردىڭ جاڭا سالتىن جەتىلدىردى، جۇڭحۋانىڭ بايتاق دالاسىندا ءبىر توپ ءمورال ۇلگىلەرى، ەڭ ارداقتى ادامدار جارىققا شىقتى. مەملەكەتتىك ءمورال ۇلگىلەرى انە سولاردىڭ اراسىنداعى تاڭداۋلى ۋاكىلدەر.

  2 جىلدان كەيىن، 5 - كەزەكتى مەملەكەتتىك ءمورال ۇلگىلەرىن باعالاۋ - ماراپاتتاۋ قيمىلىندا، باس شۋجي شي جينپيڭ تاعى دا ماڭىزدى بەكىتۋ جازدى. ول بىلاي دەپ اتاپ كورسەتتى: ”مەملەكەتتىك ءمورال ۇلگىلەرىن سالتاناتپەن ماراپاتتاۋ سوتسياليستىك يدەيا - ءمورال قۇرىلىسىنىڭ مول جەمىسىن كورسەتۋدە، جۇڭحۋا ۇلتىنىڭ اسقاق، ءورشىل رۋحاني بەت - بەينەسىن ايگىلەۋدە، بۇكىل ەلدەگى ءار ۇلت حالقىنىڭ ىنتىماقتاسا وتىرىپ قايراتتانا العا باساتىن كۇشىن ۇيىستىرۋدا ماڭىزدى مانگە يە“.

  ءمورال ۇلگىلەرى − كۇرەستە الدا جۇرۋشىلەر، قوعامنىڭ جەتەكتەۋشىلەرى. كەزەكتە جاپپاي دوڭگەلەك داۋلەتتى قوعام ورناتۋدىڭ شەشۋشى جەڭىسىنە جەتۋدىڭ ماشاقاتتى مىندەتى الدىندا، جاپپاي سوتسياليستىك وسىزاماندانعان مەملەكەت قۇرۋدىڭ ۇلى جورىعىن باستاۋدا قالىڭ حالىق بۇقاراسىن شىنايىلىقتى، ىزگىلىكتى، اسەمدىكتى اسقاقتاتۋعا، وڭ ەنەرگيا توپتاۋعا ىنتالاندىرۋ ءتىپتى دە قاجەت بولىپ وتىر.

  ”ۇگىتتەۋ - ۇيرەنۋ قيمىلدارىن ىشكەرىلەي ورىستەتىپ، فورمادا جاڭالىق اشىپ، ناقتى ونىمدىلىككە باسا ءمان بەرىپ، ءمورال ۇلگىلەرىنىڭ ونەگەلىك قۋاتىن ميلليارد بۇقارانىڭ جاندى امالياتىنا اينالدىرۋ كەرەك“. باس شۋجي شي جينپيڭنىڭ ماڭىزدى تالابى ءمورال ۇلگىلەرىن ۇگىتتەۋ، ولاردان ۇيرەنۋ قيمىلدارىن جۇرت جۇرەگىنە ۇيالاتۋعا، ۇزدىكسىز كەمەلدەندىرۋگە جەتەكتەۋدە.

■ ”بۇكىل قوعامدا ءمورالدى قاستەرلەپ، ىزگىلىككە ۇمتىلاتىن، جاقسىدان ونەگە الىپ، مورالمەن الەمدى ارلەيتىن كۇشتى اۋقىم قالىپتاستىرايىق“

   − باس شۋجي شي جينپيڭ ءوزى تىكەلەي كىرىسىپ، باستاماشىلدىقپەن ونەگە كورسەتىپ، ءمورال ۇلگىلەرىنە ايرىقشا كوڭىل ءبولىپ، قامقورلىق جاساپ، بۇكىل قوعامنىڭ ۇلگىلەردى ارداقتايتىن، ۇلگىلەردەن ۇيرەنەتىن، ۇلگىلەردى سيلايتىن كۇشتى اۋقىمىنا باستاماشى بولىپ، جەتەكشىلىك ەتتى

  التىن كۇز 9 - ايدا گۇيجوۋدىڭ زۇن - ي قالاسى بوجوۋ رايونى پيڭجىڭ گىلاۋ ۇلتتىق اۋىلى ىنتىماق قىستاعىندا كۇزدىڭ جاعىمدى سالقىن لەبى ەستى.

  سەكسەننەن اسقان ”قارت ياچەيكا شۋجيى“ حۋاڭ دافا ءالى بايىز تاۋىپ وتىرا الماي، ءار كۇنى پارتيا ىزناگىن تاعىپ قىستاقتا قاربالاستاپ جۇرەدى. وتكەن 30 نەشە جىلدا، ونىڭ جەتەكشىلىگىندە، اتا - بابالارىنان بەرى سۋ تاپشىلىعىنىڭ، قۋاڭشىلىقتىڭ بەينەتىن تارتىپ كەلگەن ىنتىماق قىستاعى جالاما جارتاس، قۇلاما قۇز اراسىنان 10 كيلومەترلىك ”اسپان توعانىن“ قازىپ، ”كەدەيلىك تامىرىن“ ءۇزىلدى - كەسىلدى كەسىپ تاستادى. قازىر قىستاققا ءىرى كاسىپورىن باعىتتامالى كومەكتەسۋگە كەلىپ، قىستاق تۇرعىندارىنىڭ بارلىعىنىڭ قايراتى تاسىپ، كەدەيلىكتەن ارىلىپ، اۋقاتتانۋ جولىنا تۇسۋگە تالپىنۋدا.

  2017 - جىلى 11 - ايدىڭ 17 - كۇنى ماراپاتتالعانداردىڭ ۋاكىلى رەتىندە حۋاڭ دافا بەيجيڭگە بارىپ مەملەكەتتىك رۋحاني وركەنيەت قۇرىلىسىنىڭ ماراپاتتاۋ جينالىسىنا قاتىناسىپ، باس شۋجي شي جينپيڭنىڭ شىن ىقىلاستى قابىلداۋىندا بولدى. ونى، وتە - موتە، اسەرلەندىرگەنى جاسى ەگدە تارتقان حۋاڭ شۇيحۋا ەكەۋىنىڭ ۋاكىلدەر اراسىندا تۇرعانىن كورگەن كەزدە، باس شۋجي شي جينپيڭ ولاردىڭ قولىنان ۇستاپ، جەتەلەپ وتىرىپ ءوزىنىڭ جانىنا وتىرعىزعاندىعى بولدى.

  ”قارت ءمورال ۇلگىلەرىنە ورىن بەرۋ − قارتتاردى قۇرمەتتەيتىن، قارتتاردى ارداقتايتىن ءداستۇرلى تاماشا ءمورال، بۇنى ادامگەرشىلىك سۇيىسپەنشىلىك دەيمىز“. باس شۋجي شي جينپيڭنىڭ جۇرەگىنەن شىققان ءسوز بەن ارەكەت سودان باستاپ ونەگەلى سوزگە، ادەمى اڭگىمەگە اينالدى.

  ”باس شۋجي ءبىزدى جەتەلەپ جانىنا وتىرعىزعان ءىستى سول كەزدە - اق كوپشىلىك اۋىزدان - اۋىزعا تاراتتى، بارلىعى باس شۋجيدەن ۇيرەنەمىز دەستى. قازىر قىستاقتا قارتتاردى قۇرمەتتەيتىن، قارتتاردى ايالايتىن، قارتتاردى سيلايتىن راي وتە جاقسى، وتباسىلىق جاڭجالدار دا بارىنشا ازايدى“. وسى 2 جىلداعى قىستاقتىڭ وزگەرىسى تۋرالى ايتقاندا، حۋاڭ دافا قارتتىڭ جۇزىنەن قۋانىش لەبى ەستى.

  ۇلگىلەردى قادىرلەۋ، ۇلگىلەردەن ۇيرەنۋ − ايقىن قۇن بەتالىسىن قالىپتاستىرۋدى قاجەت ەتۋمەن بىرگە، ونان دا ماڭىزدىسى، باياندى، سانالى ارەكەتكە اينالدىرۋعا ءتىپتى دە مۇقتاج. پارتيانىڭ 18 - قۇرىلتايىنان بەرى، باس شۋجي شي جينپيڭ نە ءوزى ونەگە كورسەتىپ، نە شىنايى ۇندەۋ جاريالاپ، ءمورال ۇلگىلەرىنە كوڭىل ءبولۋدى، قامقورلىق جاساۋدى قاشاندا كوكەيىندە ساقتاپ، ناقتاپ تياناقتاندىرىپ كەلەدى.

  بۇل قارتتاردى قۇرمەتتەپ، بىلىمدىلەردى سيلاۋدا، ءمورالدى ارداقتاپ، ىزگىلىككە ۇمتىلۋدا باستاماشىلىقپەن ونەگە كورسەتۋ بولىپ تابىلادى −

  قارتتاردى قۇرمەتتەۋگە، ۇلگىلى ادامدارعا قامقورلىق جاساۋعا باس شۋجي شي جينپيڭ دايەكتى تاباندى بولىپ كەلەدى.

  ىززەت - قۇرمەتكە تولى ”اسەرلەندىم“ دەگەن ءبىر اۋىز ءسوز − 2013 - جىلى 9 - ايدىڭ 26 - كۇنى، 4 - كەزەكتى مەملەكەتتىك ءمورال ۇلگىلەرىمەن جانە ءمورال ۇلگىلەرىنە كورسەتىلگەندەر سيلىعىن العاندارمەن كەزدەسكەندە، باس شۋجي شي جينپيڭ كوز جانارىن ءبىرىنشى قاتاردىڭ سول جاعىندا وتىرعان ءبىر قارتقا اۋداردى. باس شۋجي: بۇل كىسى ءبىزدىڭ قارت جياڭجۇنىمىز گان زۋچاڭنىڭ جۇبايى گۇڭ چۋانجىن، ول كىسى بيىل 90 نەشە جاسقا كەلدى، مەن ول كىسىنى كورگەن سوڭ ءالسىن - ءالى قاتتى اسەرلەندىم دەدى.

  جۇرت جۇرەگىنە شۋاق شاشقان جان اشىرلىق − 2014 - جىلى 10 - ايدىڭ 15 - كۇنى، باس شۋجي شي جينپيڭ ادەبيەت - كوركەمونەر قىزمەتى جونىندەگى اڭگىمە ءماجىلىستى باسقارىپ اشتى. كوپشىلىك لەبىز ءبىلدىرىپ بولىپ، باس شۋجي ءسوز سويلەۋگە دايىندالعان كەزدە، ول وڭ جاعىندا تاياۋ ماڭدا وتىرعان جۇڭگو قىزىل سارايداعى ءتۇس ءىلمي قوعامىنىڭ قۇرمەتتى باستىعى، 90 جاسقا كەلگەن فىڭ چييۇڭ مىرزاعا ءبىر قاراپ الىپ، كوپشىلىككە: بۇگىنگى اڭگىمە ماجىلىسكە قاتىناسقان قارت ادەبيەت - كوركەمونەرشىلەردىڭ ءبىرتالايىنىڭ جاسى ۇلعايىپ قالعاندار ەكەن، ەگەر كوپشىلىك شارشاعان بولساڭىزدار، دەمالىس ۇيىنە بارىپ دەمالىپ الىڭىزدار نەمەسە ارەكەت جاساپ كەلىڭىزدەر، - دەدى.

  تەرەڭ سۇيىسپەنشىلىككە تولى امانداسۋ − 2016 - جىلى 2 - ايدا، جيڭگاڭشان شىندى كىتاپ ۇيىندە، باس شۋجي شي جينپيڭ 93 جاستاعى مەملەكەتتىك ءمورال ۇلگىسى گۇڭ چۋانجىنگە، 87 جاستاعى مەملەكەتتىك ءمورال ۇلگىسى ماۋ بيڭحۋاعا جانە توڭكەرىستىك قۇربانداردىڭ ۇرپاقتارى قاتارلىلارعا امانداسا بارىپ، كوپشىلىكپەن بىرگە وتىرىپ شىن ىقىلاسپەن اڭگىمە دۇكەنىن قۇردى.

  بۇل تاماشا ءمورال مەيىرىمىن ايگىلەپ، مورالمەن الەمدى ارلەيتىن تەرەڭ سۇيىسپەنشىلىك ۇندەۋى سانالادى −

  2019 - جىلى ەكى قاھارماننىڭ ەسىمىن ادامدار ماڭگى ەستەن شىعارمايدى: جاڭ فۋچيڭ، دۋ فۋگو.

  2019 - جىلى 5 - ايدا باس شۋجي شي جينپيڭ ماڭىزدى نۇسقاۋ بەرىپ، قارت قاھارمان جاڭ فۋچيڭنىڭ 60 نەشە جىل اتاق - ەڭبەگىن جاسىرىپ، ءومىر بويى اۋەلگى ماقساتتان جازباعان، قاسيەتىن وزگەرتپەگەن اسەرلى ىزگى ىستەرىن القاپ، ۇلەس قوسۋ رۋحىن بەلسەنە اسقاقتاتۋعا ۇندەدى.

  2 ايدان كەيىنگى ورتالىق اسكەري ىستەر كوميتەتىنىڭ داڭقتى اتاق بەرۋ سالتىندا، باس شۋجي شي جينپيڭ ”مينا تازالاۋشى قاھارمان جاۋىنگەر“ داڭقتى اتاعىنىڭ يەگەرى دۋ فۋگوعا قاھارمان ۇلگى مەدالىن تاعىپ، كۋالىك بەرىپ، ونىمەن بىرگە سۋرەتكە ءتۇسىپ ەستەلىك قالدىردى.

  2019 - جىلعى جاڭا جىلدى قۇتتىقتاۋ سوزىندە، باس شۋجي شي جينپيڭ بىرنەشە قاھارماندى تەرەڭ سۇيىسپەنشىلىكپەن اۋىزعا الدى: ”... سىناق تۇعىرىن قورعاۋ جولىندا كوكىرەك كەرە العا شىعىپ، ەرلىكپەن قۇربان بولعان حۋاڭ چۇن، سۇڭ يۋەساي، جياڭ كايبين جولداستاردى جانە وتان ءۇشىن، حالىق ءۇشىن جان قيعان تاعى باسقا دا قاھارمانداردى ەستە بەرىك ساقتاۋىمىز قاجەت. ولار جاڭا داۋىردەگى ەڭ سۇيىكتى ادامدار، ماڭگى ساعىنا ەسكە الۋىمىزعا جانە ۇيرەنۋىمىزگە تاتيدى“.

  سوڭعى جىلدارى جەر - جەردە، ءار سالادا جارىققا شىققان ءمورال ۇلگىلەرىنە باس شۋجي شي جينپيڭ كوپ ءتۇرلى تاسىلمەن شابىت بەرىپ، القاۋ ايتتى.

  حات ارقىلى باس شۋجي شي جينپيڭ شىن ىقىلاسپەن شيزاڭ لۇڭزى اۋدانى يۇيماي اۋىلىنىڭ مالشىسى جوگا مەن اپەكەلى - ءسىڭلىلى ياڭزۇڭعا، حۋاجۇڭ اۋىل شارۋاشىلىعى داشۋەسىنىڭ ”بىنيۇي ەرىكتى قىزمەت وتەۋ“ اترەتىنە، ”گو ميڭي قامقورشىلار توبىنا“ تۇراقتاندىرۋ جانە ىنتالاندىرۋ ءبىلدىردى.

  ماڭىزدى نۇسقاۋ بەرىپ، بەكىتۋ جازىپ، باس شۋجي شي جينپيڭ ”اۆياتسيا سالاسىندا وتاننىڭ ءۇمىتىن اقتاۋ ارمانىن ءوز ومىرىمەن جۇزەگە اسىرعان“ لو ياڭ، ”تايحاڭشان تاۋىنداعى جاڭا يۇيگۇڭ“ لي باۋگو، مەملەكەتتىك تاڭداۋلى اۋداندىق پارتكوم شۋجيى لياۋ جۇنبو، ”حالىقتى كوكەيىندە ساقتاعان“ وتانعا ورالعان عالىم حۋاڭ دا - نيان قاتارلى ءبىر توپ ءمورال ۇلگىلەرىنىڭ ىزگى ىستەرىنە جوعارى باعا بەرىپ، ولاردان ۇيرەنۋ ۇندەۋىن جاريالادى.

  بۇل جاقسىدان ونەگە الۋعا ۇمتىلىپ، سي كورسەتىپ، قۇرمەت بىلدىرگەن تاماشا كورىنىس −

  بىرنەشە كۇننىڭ الدىندا وتكىزىلگەن مەملەكەتتىك كەڭەستىڭ اقپار جاريالاۋ ماجىلىسىندە بىلاي دەپ تانىستىرىلدى: بيىل 10 - ايدىڭ 1 - كۇنى جۇڭحۋا حالىق رەسپۋبليكاسى قۇرىلعاندىعىنىڭ 70 جىلدىعىن قۇتتىقتاۋ جينالىسى، اسكەري پارات بەيجيڭ تيان - انمىن الاڭىندا سالتاناتپەن وتكىزىلەدى، 1500گە جۋىق ءار سالاداعى وزات ۇلگىلى قايراتكەرلەردىڭ ۋاكىلدەرى ۇسىنىسپەن سالتاناتتى قيمىلدى كورۋگە قاتىناسادى.

  وسى تاريحي ساتتە، مەملەكەت ەرەكشە سالتاناتتى فورما ارقىلى ۇلگىلى قايراتكەرلەرگە قۇرمەت ءبىلدىرىپ، ءبىر ۇلتتىڭ سي كورسەتىپ، قۇرمەت بىلدىرەتىن، الەمدى مورالىمەن ارلەندىرەتىن وسكەلەڭ قاسيەتىن ايگىلەيدى.

  جۋىق جىلداردان بەرى، شي جينپيڭ جولداستى ۇيتقى ەتكەن پارتيا ورتالىق كوميتەتىنىڭ باستاماشىلدىقپەن ۇلگى كورسەتۋىندە، تۇتاس قوعامنىڭ ۇلگىلەرگە كوڭىل ءبولىپ، ۇلگىلەرگە سي - قۇرمەت كورسەتۋ ارەكەتى اناعۇرلىم تەبىندەدى.

  ورتالىق كوميتەت ۇگىت ءبولىمى، ورتالىق وركەنيەت كەڭسەسى جىل سايىن مەملەكەتتىك ءمورال ۇلگىلەرىنەن حال سۇراۋ جانە ولارعا كومەكتەسۋ، سۇيەمەلدەۋ قيمىلىن ورىستەتۋدى ۇيىمداستىرىپ، مەملەكەتتىك ءمورال ۇلگىلەرگە امانداسا باردى، ولاردان حال سۇرادى، جاقىنعى جىلداردان بەرى جيىنى 16 ميلليون يۋاننان استام قارجى شىعارىلىپ، تۇرمىسىنداعى قيىنشىلىعىنا كومەك بەرىلگەن، سۇيەمەلدەنگەن مەملەكەتتىك ءمورال ۇلگىلەرى 200 ادام - رەتكە تايادى.

  جەر - جەر، تاراۋلار دا ارت - ارتىنان ءار ءتۇرلى فورمادا ۇلگىلى قايراتكەرلەرگە قۇرمەت ءبىلدىردى جانە قامقورلىق جاسادى: كەيبىر جەرلەردە، تاڭداۋلى وقىتۋشىلاردى ماداقتاۋ - سيلاۋ توپتىق سۋرەتىنە تۇسكەندە، باسشى جولداستار ارت - ارتىنان ارتقى قاتارعا تۇردى، وقىتۋشىلار ۋاكىلدەرى الدىڭعى قاتارعا تۇرۋعا ۇسىنىس ەتىلدى؛ كەيبىر جەرلەردە، ءار تۇردەگى ءمورال ۇلگىلەرىنە مۇقيات امانداسا بارىپ جانە ولاردان حال سۇراپ، ءونىمدى شارا قولدانىپ ءىس جۇزىندىك قيىنشىلىقتارىن شەشتى، قامقورلىق جاساۋ، كومەكتەسۋ، سۇيەمەلدەۋ شاراسى ءبىر - بىرلەپ تياناقتاندى؛ كەيبىر جەرلەردە، ءمورال ۇلگىلەرىنىڭ ىزگى ىستەرىن كۇش سالا اسقاقتاتۋ ارقىلى قوعامدىق سالتقا جەتەكشىلىك ەتتى ءارى ولاردىڭ ناقتى قيىنشىلىعىن شەشۋىنە امالدىڭ بارىنشا كومەكتەسىپ، جاقسى ادامدارعا جاقسىلىق جاسالاتىن ايقىن بەتالىس ورناتتى...

  جوعارعىلاردىڭ ءىس - ارەكەتىنە تومەنگىلەر دە ەلىكتەيتىن، تاماشا سالت قالىپتاستى. ءمورالدى قاستەرلەپ، ىزگىلىككە تالپىناتىن قاسيەت سامال جەلدەي جۇڭحۋانىڭ بايتاق دالاسىنىڭ بار الابىندا مامىرلاي ەستى.

■”ءمورال ۇلگىلەرىنىڭ ونەگەلىك كۇش - قۋاتىن سان ميلليونداعان بۇقارانىڭ جاندى امالياتىنا اينالدىرايىق“

    − شي جينپيڭ جولداستى ۇيتقى ەتكەن پارتيا ورتالىق كوميتەتىنىڭ شىنايى قامقورلىعىندا، قالىڭ ءمورال ۇلگىلەرى تۇتاس قوعامدى ىزگىلىككە تالپىنۋعا ىنتىماقتاستىرىپ، باستاپ، جۇڭگوشا سوتسياليزم ىستەرىن سارقىلماس رۋحاني قوزعاۋشى كۇشپەن جانە ءمورال نارىمەن قامدادى

  2019 - جىلى 7 - ايدا ”جۇڭگوداعى ىزگى ادامدار تىزىمدىگى“ جاريالاندى، جياڭشي پيڭشياڭ شاڭلي اۋدانىنداعى 70 جاسقا كەلگەن كاريا لي بيڭۋيدىڭ اتى الدىڭعى قاتاردان ورىن الدى.

  2009 - جىلدان باستاپ، لي بيڭۋي 10 جىلدى ءبىر كۇندەي وتكىزىپ، قىستاقتى كەسىپ وتەتىن 319 مەملەكەت تاس جولىنىڭ بويىندا وقۋداعى بالالاردى وقۋعا بارىپ - كەلگەندە جولدان حاۋىپسىز وتكىزدى، جيىنى 400 مىڭ ادام - رەتتەن اسىپ، ”قورعاۋشى اتاي“ دەپ اتالدى.

  ۇلگىنىڭ كۇشى شەكسىز. ”ەڭ ارداقتى وتكىزۋشى“ گو لوىننان ”اق سامايلى جاي حالىق“ ەرىكتىسى دۋان حۋاشىڭعا دەيىن، ونان ءوز ءومىرىن قيىپ ادام قۇتقارعان كىشكەنتاي قاھارمان شياۋ يۇيليڭگە دەيىن... جۋىق جىلداردان بەرى، 2 ميلليون عانا جان سانى بار ”شاعىن قالاشىق“ پيڭشياڭدا ءاربىر قاراپايىم جانداردىڭ ىزگى ىستەرى ”ۇلى سۇيىسپەنشىلىك“ سيمفونياسىن اسقاقتاتتى، قازىرگە دەيىن 73 ادام ”جۇڭگوداعى ىزگى جاندار تىزىمدىگى“نەن ورىن الدى، بۇل 21 اي تولاسسىز جالعاستى.

  پيڭشياڭمەن عانا شەكتەلىپ قالعان جوق. ”انحۇيداعى ىزگى جاندار“دان ”حاڭجوۋداعى ەڭ ارداقتىلار“عا، ”ساڭجوۋداعى ىزگى جاندار“دان ”ىزگى جانداردىڭ پەيشياڭ اۋدانى“نا دەيىن جۇڭگونىڭ بايتاق دالاسىنىڭ بارلىق جەرىنە تارالدى، قالا - اۋىل نەگىزگى ساتىلارى ءمورالدى قاستەرلەپ، ىزگىلىككە تالپىناتىن ۇلگىلەر رۋحى، ۇلگىلەردىڭ كۇشى بولعاندىقتان دامۋدىڭ، العا باسۋدىڭ قۇدىرەتتى رۋحاني قوزعاۋشى كۇشىن ۇيىستىرىپ، ءىشى مەن سىرتى بىردەي جەتىلگەن ءمورال دەڭگەيىن كوتەردى. وركەنيەتتى قالا، وركەنيەتتى قىستاق - قالاشىق، وركەنيەتتى ورىن، وركەنيەتتى وتباسى، وركەنيەتتى مەكتەپ اۋلاسى... بۇقارالىق سيپات الاتىن ءبىرسىپىرا رۋحاني وركەنيەتتى ورىن قۇرۋ قيمىلىندا بارلىق گۇل شەشەك اتىپ، جالپى جارىسا ات سالىستى.

  باس شۋجي شي جينپيڭ بىلاي دەپ اتاپ كورسەتتى: پارتيا ءۇشىن، مەملەكەت ءۇشىن، حالىق ءۇشىن ۇلەس قوسقان جانە قۇربان بولعان بارلىق قاھارمان ۇلگىلى تۇلعالار جونىندە ءبىز ولاردىڭ رۋحىن ساۋلەلەندىرىپ، ولاردىڭ بويىنان تاسقىنداعان كۇش - قۋات قابىلداۋىمىز كەرەك.

  ءمورال ارقىلى جۇرەكتەردى جادىراتىپ، مادەنيەت ارقىلى ادام تاربيەلەدى.

  جاقىنعى جىلداردان بەرى، جەر - جەردەگى نەگىزگى اقپارات قۇرالدار، سايتتار ارناۋلى ستوندار اشىپ، ارناۋلى بەتتەر كوبەيتىپ، وزات تيپتەردىڭ ىزگى ىستەرىن ۇزدىكسىز جاريالادى، الەۋمەتتىك مادەنيەت الاڭدارى، سارايلارى ءمورال ۇلگىلەرىنىڭ ىزگى ىستەرى ارناۋلى تاقىرىپتىق كورمەسىن اشتى.

  توراپتا، توراپ سىرتىندا توعىسا شۇعىلا شاشتى، ءداستۇرلى، جاڭادان گۇلدەنگەن اقپارات قۇرالدار جاراسىمدىلىق جىرىن اسقاقتاتىپ، ءمورال ۇلگىلەرىنىڭ ىزگى ىستەرى ون مىڭداعان وتباسىلارىنا جەتكىزدى، بۇقارانىڭ قاسىنا اپاردى −

  جياڭسۋ 7 - كەزەكتى ءمورال ۇلگىلەرىن سارالاۋ كەزىندە ”ونى قۇپتايمىن“ توراپ قيمىلىن ورىستەتتى، 160 مىڭ توراپكەر قۇپتاپ، ءسوز قالدىردى.

  حۋبەي ”ۇيرەنۋدە قۇدىرەتتى ەل“ تۇعىرىندا حابار جانە بەينەجازبا ۇسىنىپ، دوۋ - يىن، كۋايشوۋ سياقتى جاڭادان گۇلدەنگەن تۇعىرلاردا ارناۋلى تاقىرىپتىق ۇگىت جۇرگىزدى.

  يۇننان 20 ءمورال ۇلگىسىنىڭ ىزگى ىستەرىنەن تاڭداپ الىپ، بەينەجازبا قىسقا فيلم جاساپ، VR فورماسى ارقىلى ءمورال ۇلگىلەرىنىڭ جان تەبىرەنتەرلىك حيكايالارىن قايتا ايگىلەدى.

  قالىڭ ادەبيەت - كوركەمونەر قىزمەتكەرلەرى تۇرمىسقا ىشكەرىلەي ارالاسىپ، حالىققا تامىر تارتىپ، ءمورال ۇلگىلەرىنىڭ حيكايالارىن كينو فيلم ەتىپءتۇسىرىپ، ساحناعا الىپ شىعىپ، ءمورال ۇلگىلەرىن ادەبيەت - كوركەمونەر تۋىندىلارىنىڭ باس كەيىپكەرىنە اينالدىردى: حىنان ءمورال ۇلگىلەرىنىڭ حيكايالارىن حىنان قيساسى، حىلو ۇلكەن بارابانى، جەرگىلىكتى تەاتر ەتىپ قۇراستىردى؛ حۋبەي ءمورال ۇلگىلەرىنىڭ ىزگى ىستەرىنە نەگىزدەلە وتىرىپ كولەمدى تەاتر «سەنىمدى اعايىن»، كولەمدى ساحنالىق ءبي دراماسى «تۇجيا شەشەم − لو جاڭ اپكە»نى قۇراستىردى؛ انحۇي مەملەكەتتىك ءمورال ۇلگىسىنىڭ كانديداتىن ءتۇپ تۇلعا ەتىپ، شاعىن راديو تەاترىن، شاعىن كينو جاسادى...

  ءمورال ۇلگىلەرى بۇقارا اراسىنان كەلىپ، قايتادان بۇقارا اراسىنا قايتتى.

  ”شاعىن ارالاپ لەكسيا جاساۋ“، ”ينتەرنەتتە ارالاپ لەكسيا جاساۋ“، ”ارالاپ لەكسيا جاساۋ بايانداما جينالىسى“، ”ارالاپ لەكسيا جاساۋ شاعىن اترەتى“... ءارقايسى جەر ءمورال ۇلگىلەرىنىڭ ىزگى ىستەرىنەن ارالاپ لەكسيا جاساۋ سياقتى قيمىلداردى وتكىزۋ ارقىلى ءمورال ۇلگىلەرىن نەگىزگى ساتىمەن قاۋىشتىرىپ، بۇقارامەن جۇزدەستىردى.

  ءمورال ۇلگىلەرىنىڭ حيكايالارىنىڭ بارلىعى سۇيىسپەنشىلىككە تولعان تۇقىم، جۇرەك اتىزىنا دامىلسىز توگىلگەن شۋاق.

  ”ءبىز قاراپايىم جاندارمىز، ىستەگەنىمىز قاراپايىم ىستەر. باس شۋجي شي جينپيڭ بىزدەن ءوزىمىزدىڭ ونەگەلىك ارەكەتىمىز جانە وسكەلەڭ ادامگەرشىلىگىمىز ارقىلى بۇقارانى اسەرلەندىرىپ، بۇقارانى باستاۋىمىزدى تالاپ ەتتى. ءبىز جەتەكتەۋ رولىمىزدى اناعۇرلىم ساۋلەلەندىرىپ، ءتىپتى دە كوپ ادامعا ىقپال جاسايمىز“، - دەدى ارالاپ لەكسيا جاساۋعا قاتىناسقان ءمورال ۇلگىسى شىن نيەتىمەن.

  ” ۇلگىلەر ءبىزدىڭ جانىمىزدا، ولار شىنايى سوزىمەن، قاراپايىم ىستەرى ارقىلى وسكەلەڭ ءمورالدىڭ دەڭگەيىن ۇعىندىردى، ءبىز ۇلگىلەردەن ۇيرەنىپ، قوعامعا ۇلەس قوساتىن ادام بولۋىمىز كەرەك“، - دەدى ناق مايداندا دەن قويا تىڭداعان بۇقارا تەرەڭ اسەرلەنىپ.

  جۋىق جىلداردان بەرى، جەر - جەر ءمورال ۇلگىلەرىنىڭ ”ۇيرەتۋ، كومەكتەسۋ، جەتەكتەۋ“ رولىن ساۋلەلەندىردى، قالىڭ حالىق بۇقاراسىنىڭ ۇيرەنەتىن ونەگەسى، ارەكەتتە نەگىزدەلەتىن ولشەمى بار بولدى. ءمورالدىڭ كۇشى بۇقارانىڭ جۇرەگىن نارلەندىرىپ، وزات تيپتەر ءداۋىردىڭ ولشەمىنە اينالۋدا −

  حىناندا مەملەكەتتىك ءمورال ۇلگىسىنە ەسىمىن كورسەتۋ سيلىعىنىڭ يەگەرى سۇڭ ليپيڭ باستاعان ەرىكتى قىزمەت وتەۋ اترەتىندەگىلەر 500 ادامنان اسىپ، دىڭجوۋ ”قوسالقى لەي فىڭ تۋانى“، جىڭجوۋ لۇڭحاي ۇلكەن اۋلاسى سياقتى مەيىر جەتكىزۋ ۇيىرمەسىنەن 6000نان ارتىعى جارىققا شىقتى.

  شانشيدە حۋ شيۋجىننىڭ اتىمەن اتالعان قىزمەت كەڭسەسىندە رىن فىڭشياڭ، ۋاڭ جىنجى اتتانىسقا كەلتىرىپ قۇرعان ەرىكتى قىزمەت وتەۋ اترەتى ۇلگىلىك، باستاماشىلىق رولىن بەلسەنە ساۋلەلەندىرىپ، بۇكىل قوعامعا تولاسسىز وڭ ەنەرگيا ۇستەدى.

  جاقىندا ”گو ميڭي مەيىر جەتكىزۋ ۇيىرمەسى“ ارحيۆ تۇرعىزىپ، كارتچكالاندىرىلعان كەدەي وتباسىلارىنىڭ ءۇي سالۋىنا، تاۋىق قورا سالۋىنا، باعىمشىلىقپەن اينالىسۋىنا كومەكتەسۋمەن قاربالاس. انحۇيدىڭ دابيەشان كونە رايونىنان سىچۋاننىڭ دالياڭشان كەدەي وڭىرىنە دەيىن، گۇيجوۋدىڭ ليۋپانشۇيىنان لياۋنيڭنىڭ چاۋياڭى سياقتى جەرلەرگە دەيىن بارلىق جەردە وزدەرىنىڭ مەيىر جەتكىزىپ كومەكتەسكەن ىزدەرىن قالدىردى، جۋىق بىرنەشە جىلدا جالپى جيناعان قارجىسى 30 ميلليون يۋانعا جەتىپ، 5000 وتباسىنىڭ كەدەيلىكتەن ارىلۋىنا كومەكتەستى.

  ”باس شۋجي شي جينپيڭ 5 جىلدىڭ الدىندا بىزگە جاۋاپ حات جازعاننان كەيىن، مەيىر جەتكىزۋ ۇيىرمەسىنە كىرگەن ادام بارعان سايىن مولايدى. قازىر ەرىكتىلەردىڭ جالپى سانى 2 ميلليون 300 مىڭ ادامنان اسىپ، 5 جىلدىڭ الدىنداعىدان ءبىر ميلليون ادام كوبەيدى، بۇل بىزگە توككەن تەرىمىزدىڭ قۇنى مەن ءمانى وسىندا ەكەنىن تەرەڭ ۇعىندىردى“، - دەدى گو ميڭي اسەرلەنىپ.

  شىراقتار سامالاداي جانىپ، بار الاپتى نۇرلاندىردى. ءار رەتكى رۋحاني شىڭدالۋ، ءاربىر وزات تيپتەر، ءار ءتۇرلى ءمورال امالياتى تولاسسىز تەر توگىپ، ۇزاق ۋاقىت ەڭبەك كورسەتىپ، تۇتاس قوعامدا ىزگى ءىس، ادىلەتتى قيمىلدىڭ سالتقا اينالۋىنا تۇرتكى بولدى.

  وركەنيەت گۇلى بار الاپتا شەشەك اتتى، مۇراتتاس جۇرەكتەر بار الاپتى كوركەمدىككە بولەدى.

  تاياۋدا باس شۋجي شي جينپيڭ گانسۋدا قىزمەت تەكسەرىپ، بابۋشا ورمان الاڭىنا باردى. باس شۋجي بابۋشا ورمان الاڭىنداعى ”التى اقساقالدىڭ“ قاھارماندىق ىزگى ىستەرىن ايرىقشا ماداقتاپ، جاڭا ءداۋىردىڭ ”التى اقساقال“ سياقتى اناعۇرلىم كوپ قازىرگى زامان يۇيگۇڭىنا، ءداۋىر ونەگەلەرىنە مۇقتاج ەكەندىگىن اتاپ كورسەتتى.

  جۇڭحۋا ۇلتى ۇلى گۇلدەنۋدىڭ ۇدەرە العا تارتقان ساپارىندا باس شۋجي شي جينپيڭ ”التى اقساقالدىڭ“ ۇلگىلىك رۋحى ارقىلى قالىڭ كوممۋنيستىك پارتيا مۇشەلەرىنە ۇندەۋ تاستادى: ”ءارقانداي ءىس كومپارتيا مۇشەلەرىنىڭ اۆانگاردتىق ۇلگىلىك رولىنان ايرىلا المايدى. كومپارتيا مۇشەلەرى الدىمەن كەۋدە كەرىپ، باتىلدىقپەن اتويلاپ العا شىعا العاندا عانا، بۇقارانى باستاپ، جۇمىلدىرىپ، ۇيىمداستىرىپ، ءورىس اشىپ، ءىس تىندىرا الادى“.

  (شينحۋا اگەنتتىگىنىڭ 9 - ايدىڭ 4 - كۇنى بەيجيڭنەن بەرگەن حابارى)

جاۋاپتى رەداكتور : سايراش تۇرارجان

ەسكەرتۋ:

تورابىمىزداعى مازمۇنداردىڭ مەنشىك ۇقىعى شينجياڭ ۇيعۇر اۆتونوميالى رايوندىق حالىق ۇكىمەتى اقپارات كەڭسەسىنە ءتان، جاريالانعان مازمۇنداردى سىلتەمەسىز كوشىرۋگە بولمايدى. كوشىرىپ پايدالانۋعا تۋرا كەلگەندە، «تيانشان تورى » الىنعانى انىق ەسكەرتىلۋى ءتيىس، بولماسا زاڭدىق جاۋاپكەرلىگى قۋزاستىرىلادى.