تيانشان تورى   ›   جاڭالىقتار   ›   ساياحات

بۇرىنعىدان قولايلى، بۇرىنعىدان تەز، بۇرىنعىدان جايلى

− شينجياڭ تەمىر جولىنىڭ جاز ماۋسىم تاسىمالىنداعى جولاۋشى جونەلتۋ مولشەرىنىڭ ارتۋى بۇكىل ەل بويىنشا ءبىرىنشى ورىنعا ءوتۋىنىڭ استارى

ءتىلشى لۋ فىڭباۋ، پراكتيكانت جيا فاڭ

  62 كۇندىك تەمىر جول جاز ماۋسىم تاسىمالى 8 - ايدىڭ 31 - كۇنى اياقتادى، شينجياڭ تەمىر جولى 10 ميلليون 195 مىڭ ادام - رەت جولاۋشى جونەلتىپ، سايكەس مەزگىلدەگىدەن ءبىر ميلليون 742 مىڭ ادام - رەتكە ارتىپ، ارتۋ مولشەرى %20.6 بولىپ بۇكىل ەل بويىنشا ءبىرىنشى ورىندى يەلەدى.

  ارتۋ مولشەرىنىڭ ءبىرىنشى ورىنعا ءوتۋىنىڭ استارىندا شينجياڭ تەمىر جولىنىڭ نەگىزدىك قۇرىلعى قۇرىلىسىنىڭ ۇزدىكسىز ىلگەرىلەۋى جانە قاتىناۋ ونىمدىلىگىنىڭ ۇزدىكسىز جوعارىلاۋى جاتىر. بيىل جىل باسىنان بەرى، شينجياڭ تەمىر جول تاراۋلارى جاڭا لەنيا، جاڭا بەكەت اشۋ، تاسىمال قۋاتىن ارتتىرۋ، تولىقتىرۋ، قاتىناۋ ۋاقىتىن قىسقارتۋ، ”فۋشيڭ ءنومىرلى“ كەزەكشى پويەزىن قاتىناتۋ، سونداي - اق ساياحات ارناۋلى پويەزىن كوبەيتۋ سياقتىلار ارقىلى پويەزبەن قاتىناۋدى اناعۇرلىم قولايلى، جىلدام ەتتى.

■ كوبەيتىلىپ اشىلعان لەنيالاردىڭ قامتىمى ءتىپتى دە كەڭ بولدى

  ”شينجياڭ تەمىر جولى وڭتۇستىك، سولتۇستىك شينجياڭنىڭ ماڭىزدى ءتۇيىندى قالالارىن شارپىپ قانا قويماي، ءىشىنارا شەت - شالعاي اۋدان، قالاشىقتارىن، اۋەلى، اۋىل - قالاشىقتاردى دا شارپىدى، پويەز شينجياڭداعى بۇقارانىڭ قاتىناۋىنداعى ەڭ الدىمەن تاڭدايتىن قاتىناس قۇرالىنا اينالدى“، - دەدى جۇڭگو تەمىر جولى ءۇرىمجى مەكەمەسى توبى شەكتى سەرىكتەستىگى جولاۋشى تاسىمال ءبولىمىنىڭ جاۋاپتىسى تىلشىگە.

  5 - ايدىڭ 30 - كۇنى قارامايلى - شاۋەشەك تەمىر جولىنىڭ اشىلىپ ىسكە قوسىلۋى شينجياڭنىڭ ەڭ سوڭعى ءبىر ايماق، وبلىسىنداعى ورتالىق قالادا پويەز قاتىناماۋ تاريحىن اياقتاتتى، پويەز بۇقارانىڭ ءۇرىمجى مەن تارباعاتاي اراسىندا قاتىناۋدا ەڭ الدىمەن تاڭدايتىن قاتىناس قۇرالىنا اينالدى.

  7 - ايدىڭ 30 - كۇنى قارامايلى - شاۋەشەك تەمىر جولىنداعى ءدوربىلجىن، تەمىرتام بەكەتى جولاۋشى تاسىمال جۇمىسىن باستاپ اشىپ، قىزمەت وتەۋ كولەمى ونان ارى كەڭەيدى. قاتىناعاننان 8 - ايدىڭ 31 - كۇنىنە دەيىن، قارامايلى - شاۋەشەك تەمىر جولىنىڭ جولاۋشى جونەلتۋ مولشەرى 391 مىڭ ادام - رەتكە جەتتى.

  7 - ايدىڭ 12 - كۇنى ءۇرىمجى مەن جۇندۇڭ ارالىعىندا جولاۋشىلار كەزەكشى پويەزى قاتىناپ، شينجياڭ جۇندۇڭ ەكونوميكالىق، تەحنيكالىق اشۋ رايونىنداعى 80 مىڭنان استام ادامنىڭ، سونداي - اق جەلى بويىنداعى بۇقارانىڭ تاس جولعا عانا سۇيەنۋدەي جالاڭ قاتىناس تاسىلىمەن قاتىناۋ تاريحىن اياقتاتتى.

  جاڭا لەنيا اشىلۋىنىڭ استارىندا شينجياڭ تەمىر جولىنىڭ نەگىزدىك قۇرىلعى قۇرىلىسىنىڭ قاۋىرت دامۋى جاتىر. قازىر شينجياڭ تەمىر جولىندا كۇنىنە 118.5 جۇپ جولاۋشىلار پويەزى (22.5 جۇپ جۇردەك پويەزدى قامتيدى) قاتىنايدى، شينجياڭ ىشىندە 89.5 جۇپ قاتىنايدى، شينجياڭنان شىعاتىن كەزەكشى پويەز 29 جۇپقا ارتىپ، جولاۋشى پويەزدارىنىڭ قاتىناۋ كولەمى شيزاڭ اۆتونوميالى رايونىنان، حاينان ولكەسىنەن تىس بارلىق ولكە، رايون، قالانى جانە بۇكىل شينجياڭداعى ءارقايسى ايماق، وبلىستىڭ باسىم كوپ اۋدان، قالاسىن قامتىپ، بۇكىل شينجياڭنىڭ جولاۋشى تاسىمال ۆوكزالى 54كە جەتىپ، شارپۋ ونىمدىلىك اسەرى ونان ارى كەڭەيەدى.

■ جولاۋشىلاۋ ۋاقىتى قىسقارىپ، ارالىق جاقىندادى

  ”2014 - جىلى لانجوۋ - شينجياڭ جوعارى قارقىندى تەمىر جولى اشىلعاننان كەيىن، قۇمىلعا بارعاندا تەك جۇردەك پويەزعا وتىرىپ 2 جارىم ساعاتقا جەتپەيتىن ۋاقىتتا جەتىپ الامىن“، - دەدى 9 - ايدىڭ 1 - كۇنى تۇستەن كەيىن ۇرىمجىدەن قۇمىلعا باراتىن جۇردەك پويەزعا شىققالى تۇرعان جولاۋشى سۇن ايجيا.

  وسى جىلداردان بەرى شينجياڭ تەمىر جول تاراۋلارى كەزەكشى پويەزداردىڭ قاتىناۋ ۋاقىتىن ۇزدىكسىز قىسقارتۋعا كۇش سالدى. بيىلدىڭ وزىندە جاڭادان قاتىناعان جولاۋشى پويەزدارىنىڭ قاتىناۋ كەستەسىن 10 رەت رەتتەپ اتقاردى، جاڭادان 77.5 جۇپ كەزەكشى پويەزدى كوبەيتىپ، 125 جۇپ كەزەكشى پويەزدىڭ قاتىناۋ ۋاقىتىن قىسقارتىپ، 60 جۇپ جولاۋشى پويەزى قاتىنايتىن بولىكتەر مەن توقتايتىن بەكەتتەردى ساپالىلاندىرىپ رەتتەدى. اسىرەسە، 7 - ايدىڭ 10 - كۇنى كەستەنى رەتتەگەننەن كەيىن، ۇرىمجىدەن قۇمىلعا باراتىن جۇردەك پويەزدىڭ قاتىناۋ ۋاقىتى 30 مينۋد قىسقاردى.

  8 - ايدىڭ 8 - كۇنى ءدال جاز ماۋسىم تاسىمال تۇسىندا، شينجياڭ تەمىر جولىنىڭ العاش رەتكى ”لۇيجۇيرىن“ كەزەكشى پويەزى ءۇرىمجى ۆوكزالىنان جولعا شىعىپ، كورلاعا قاراي جۇيتكىدى، شينجياڭ تەمىر جولى وسىدان باستاپ ”فۋشيڭ ءنومىر“لى داۋىرگە قادام تاستادى.

  ۇزدىكسىز جىلدامدىقتى جوعارىلاتۋ ءتىپتى دە كوپ ادامدى پويەزبەن ساپارعا شىعۋعا باۋرادى. 8 - ايدىڭ 31 - كۇنىنە دەيىن ”فۋشيڭ ءنومىر“لى پويەز جيىنى 117 رەت قاتىناپ، تاسىمالداعان جولاۋشى سانى 100 مىڭ ادام - رەتكە تايادى.

  ”فۋشيڭ ءنومىر“لى كەزەكشى پويەزدىڭ جولعا شىعۋىمەن شينجياڭ تەمىر جولىنىڭ جولاۋشى تاسىمالىنا جاڭا قوزعاۋشى كۇش ۇستەلىپ، شينجياڭ ىشىندە ”حىشيە ءنومىر“لى جۇردەك پويەزى، ”فۋشيڭ ءنومىر“لى ساعاتتىق جىلدامدىعى 160 كيلومەترلىك جۇردەك پويەزى، توتە باراتىن ەرەكشە جىلدام كەزەكشى پويەز، ەرەكشە جىلدام كەزەكشى پويەز، جىلدام كەزەكشى پويەز قالا ارالىق كەزەكشى پويەز، ادەتتەگى جىلدام كەزەكشى پويەز سياقتىلاردى جۇلگە ەتكەن ”الەۋمەتتىك قاتىناستاندىرىلعان“ ءجيى ءجۇرۋ جۇيەسىن ورناتىپ، جولاۋشىلاۋ ۋاقىتىن ۇزدىكسىز قىسقارتۋمەن بىرگە، جولاۋشىلاردىڭ پويەزعا وتىرۋداعى تۇرلىشە دەڭگەيدەگى قاجەتىن قاناعاتتاندىردى.

■ پويەزبەن ساياحاتتاۋ جاڭا سالتقا اينالدى

  9 - ايدىڭ 1 - كۇنى ساعات 18 دەن 45 مينۋت وتكەندە تۇڭعىش رەتكى Y36 رەتكى ”شينجياڭ - لياۋنيڭ تىلەكتەس، لياۋنيڭنەن الەمگە نازار“ ساياحات ارناۋلى كەزەكشى پويەزى ءۇرىمجى ۆوكزالىنان جولعا شىقتى، 517 ساياحاتشى شاۋەشەكتەن، قارامايلىدان، ۇرىمجىدەن پويەزعا وتىرىپ، دۇڭبەيداعى 3 ولكەگە جولعا شىقتى.

  ”شينجياڭ - لياۋنيڭ تىلەكتەس، لياۋنيڭنەن الەمگە نازار“ساياحات ارناۋلى پويەزى شينجياڭ تەمىر جولىنىڭ تۇڭعىش رەتكى شاۋەشەكتەن دۇڭبەيعا قاراي جولعا شىققان ساياحات پويەزى، 3 رەت جۇرگىزۋ جوسپارلانعان، قازىر ارناۋلى پويەزداعى ورىن نەگىزىنەن ساتىلىپ بولىپتى.

  كەزەكتە شينجياڭ تەمىر جول تاراۋلارى لانجوۋ - شينجياڭ تەمىر جولىن تىرەك، وڭتۇستىك، سولتۇستىك شينجياڭ تەمىر جولىن قوس قانات ەتكەن تەمىر جول قاتىناس تورىنا سۇيەنىپ، ءۇرىمجىنى ورتالىق ەتكەن ”الەۋمەتتىك قاتىناستاندىرىلعان“ تەمىر جول قاتىناس شەڭبەرىن قالىپتاستىردى. وسى نەگىزدە شينجياڭ ساياحات ارناۋلى كەزەكشى پويەزى ونىمدەرى ۇزدىكسىز مولايىپ، قىزمەت كورسەتۋ ساپاسى مەن ونىمدىلىگى بىردەي جوعارىلاپ، پويەزعا وتىرىپ ساياحاتتاۋ سالتقا اينالدى.

  العا قويىلىپ جانە كەمەلدەنە تۇسكەن ”سولتۇستىك شينجياڭدى اينالا ساياحاتتاۋ“، ”وڭتۇستىك شينجياڭمەن قاۋىشۋ“، ”حيكىمەتتى وتتى الاپ“ سياقتى لەنيالاردان تىس، شينجياڭ تەمىر جول تاراۋلارى تاعى ۇرىمجىدەن شاۋەشەككە دەيىنگى ساياحات ارناۋلى پويەزىن جۇرگىزدى. سونىمەن بىرگە، وڭتۇستىك، سولتۇستىك شينجياڭنىڭ ساياحات لەنيالارىن جاپپاي بىرىكتىرىپ، جولاۋشىلار ءبىر جولعى ساپاردا وڭتۇستىك، سولتۇستىك شينجياڭدى تۇگەل ارالايتىن ەتتى. قازىر ”پويەزبەن شينجياڭدى ساياحاتتاۋ“ ساياحات ماركاسى ارناۋلى پويەزىنان 60ى جۇرگىزىلدى، جىل سوڭىنان بۇرىن 100 پويەز جۇرگىزۋ جوسپارلانۋدا.

  شينجياڭ تەمىر جول تاراۋلارى شينجياڭ ىشىندە ساياحاتتاۋ ارناۋلى پويەزىنىڭ ءجۇرۋ لەنيالارىن كوبەيتۋمەن بىرگە، تىپتەن كوپ شينجياڭعا كىرەتىن ساياحات ارناۋلى پويەزىن باۋرادى، قازىر بۇكىل ەلدىڭ جەر - جەرىنەن شينجياڭعا كىرەتىن ساياحات ارناۋلى پويەزىنان 96سىن قابىلدادى. جاز ماۋسىم تاسىمال اياقتاعاننان كەيىن، تاعى تالاي ساياحات ارناۋلى پويەزى بىرىنەن سوڭ ءبىرى شينجياڭعا كەلەدى، تۇتاس جىلداعى قابىلداۋ مولشەرىنىڭ 200دەن اساتىندىعى مەجەلەنۋدە.

جاۋاپتى رەداكتور : سايراش تۇرارجان

ەسكەرتۋ:

تورابىمىزداعى مازمۇنداردىڭ مەنشىك ۇقىعى شينجياڭ ۇيعۇر اۆتونوميالى رايوندىق حالىق ۇكىمەتى اقپارات كەڭسەسىنە ءتان، جاريالانعان مازمۇنداردى سىلتەمەسىز كوشىرۋگە بولمايدى. كوشىرىپ پايدالانۋعا تۋرا كەلگەندە، «تيانشان تورى » الىنعانى انىق ەسكەرتىلۋى ءتيىس، بولماسا زاڭدىق جاۋاپكەرلىگى قۋزاستىرىلادى.

  • وڭتۇستىك شينجياڭنان ەكسپورت ەتىلگەن زاتتار جۇڭگو - ەۆروپا كەزەكشى پويەزدەرىمەن ”باتىسقا شىعارىلدى“
  • باتىس سولتۇستىك مۇناي الابى: جوعارى ساپالى دامۋدىڭ ەنەرگيا جاۋابىن قۇلشىنا جازۋدا
  • كورلانىڭ ەرىكتى قىزمەت وتەۋى وركەنيەت ماركاسىنا اينالدى