تيانشان تورى   ›   جاڭالىقتار   ›   شينجياڭ حابارلارى

وسكەلەڭ قاسيەتتى اسقاقتاتىپ، العا باسۋدى، ىزگىلىككە تالپىنۋدى جەبەيىك

رايونىمىزداعى ءار ۇلت كادر - بۇقاراسى باس شۋجي شي جينپيڭنىڭ ماڭىزدى نۇسقاۋىنىڭ رۋحىن ۇيرەنىپ، ءتۇسىنىپ، مىنالاردى ءبىلدىردى −

وسكەلەڭ قاسيەتتى اسقاقتاتىپ، العا باسۋدى، ىزگىلىككە تالپىنۋدى جەبەيىك

  كوڭىلدە ۇلگى بولسا، قادامدا قۋات بولادى. بىرنەشە كۇننەن بەرى باس شۋجي شي جينپيڭنىڭ مەملەكەتتىك ءمورال ۇلگىلەرىن ماداقتاۋ - سيلاۋ قيمىلى جونىندە بەرگەن ماڭىزدى نۇسقاۋى رايونىمىزدا قىزۋ اڭىس قوزعادى. ءار ۇلت كادر - بۇقاراسى: باس شۋجي شي جينپيڭنىڭ ماڭىزدى نۇسقاۋىنىڭ رۋحىن مۇقيات ۇيرەنىپ، دايەكتىلەندىرىپ، ءمورال ۇلگىلەرىنىڭ وزىق ىزگى ىستەرىن جانە وسكەلەڭ رۋحىن كۇش سالا ۇگىتتەپ، ۇلگىلەردىڭ كۇش - قۋاتىن ءىس جۇزىندىك ارەكەتكە اينالدىرىپ، تۇتاس قوعامنىڭ العا باسۋىن، ىزگىلىككە تالپىنۋىن جەبەپ، كورىكتى شينجياڭ قۇرۋعا قۇدىرەتتى رۋحاني كۇش - قۋات ۇيىستىراتىندىقتارىن جاپا - تارماعاي ءبىلدىردى.

■ ۇلگىلەردەن ۇيرەنىپ، ۇلگىلەرگە قاتار تۇزەيمىز

  ۇلگى − ءۇنسىز وقۋ ماتەريالى، تيپتىك ۇلگىدە سارقىلماس كۇش - قۋات بار. اۆتونوميالى رايوندىق پارتكوم پارتيا مەكتەبى فيلوسوفيا كافەدراسىنىڭ پروفەسسورى چىن حۇڭ بىلاي دەدى: ءمورال ۇلگىلەرى − كۇرەستىڭ الدا جۇرۋشىلەرى، ونان دا ماڭىزدىسى، قوعامدىق سالت - سانانىڭ جەتەكتەۋشىلەرى. ءبىز باس شۋجي شي جينپيڭنىڭ ماڭىزدى نۇسقاۋىنىڭ رۋحىن ىشكەرىلەي ۇيرەنىپ، ءتۇسىنىپ، شينجياڭداعى ءار ۇلت حالقىن يدەيادا جانە ارەكەتتە سانالى تۇردە ۇلگىلەردەن ۇيرەنۋگە، ۇلگىلەرگە قاتار تۇزەۋگە جەبەپ، تيانشاننىڭ وڭتۇستىگى مەن سولتۇستىگىندە ءمورالدى ۇلىقتايتىن، ىزگىلىككە تالپىناتىن قويۋ راي قالىپتاستىرىپ، شينجياڭ قىزمەتىنىڭ باس نىساناسىن جۇزەگە اسىرۋعا قۇدىرەتتى رۋحاني قوزعاۋشى كۇش جانە ءمورالدىق تىرەك ازىرلەۋىمىز كەرەك.

  شينجياڭ قوعامدىق عىلىمدار اكادەمياسى تاريح زەرتتەۋ ورنىنىڭ كومەكشى زەرتتەۋشىسى لي يۋانبين مىنالاردى ءبىلدىردى: پارتيامىزدىڭ ءمورال ۇلگىلەرىن ماداقتاۋ - سيلاۋ، ءمورال ۇلگىلەرىنەن ۇيرەنۋ جانە ۇگىتتەۋ قىزمەتىن ءۇرتىس ورىستەتۋى جۇڭگو كوممۋنيستىك پارتياسىنىڭ جۇڭحۋانىڭ تاڭداۋلى ءداستۇرلى مادەنيەتىنىڭ ادال جالعاستىرۋشىسى جانە اسقاقتاتۋشىسى، بەلسەندى جەتەكشىسى جانە امالياتتا ايگىلەۋشىسى ەكەندىگىن تولىق دالەلدەدى. ۇلگىنىڭ كۇش - قۋاتى شەكسىز، ءبىز وزىق ۇلگىلەردى جەتەكشى ەتىپ، سوتسياليستىك وزەكتى قۇن كوزقاراسىن امالياتتا ايگىلەپ، ءمورالدىق تۇجىرىم جاساۋ قابىلەتىن جانە ءمورالدىق داڭق سەزىمىن كۇشەيتىپ، شينجياڭدى جاڭا داۋىردەگى ءمورالدىق مادەنيەت قۇرىلىسىنىڭ بيىك تۇعىرىنا اينالدىرۋىمىز كەرەك.

  ”ءمورال ۇلگىلەرى تۇتاس قوعامعا مەيىرىمدىلىكتىڭ، سيلاستىقتىڭ، سەنىمدىلىكتىڭ، ۇيرەنۋدىڭ ءمورالدىق ۇلگى باعاناسىن ورناتتى. ءبىز ءارى وزاتتاردان ۇيرەنۋدە، تيپ بولۋدا شىنايى ارەكەتىمىز ارقىلى بۇقارا ءۇشىن تۋ تىكتەۋىمىز كەرەك ءارى ءوزىمىزدىڭ ءمورالدىق ساپامىزدى كۇشەيتىپ، وزىندىك باۋراعىشتىعىمىز ارقىلى اناعۇرلىم كوپ ادامدارعا اسەر ەتۋىمىز جانە ولارعا ىقپال كورسەتۋىمىز كەرەك“، - دەدى موري قازاق اۆتونوميالى اۋدانى جاۋبيشان اۋىلى پيڭديڭشان قىستاعى پارتيا باس ياچەيكاسىنىڭ شۋجيى جىڭ ۋىنجيە.

■ ۇلگىنىڭ كۇشىن جاندى امالياتقا اينالدىرامىز

  اۆتونوميالى رايوندىق جەرگىلىكتى شەجىرە قۇراستىرۋ كوميتەتى پارتيا باسشىلىق گرۋپپاسىنىڭ شۋجيى لياۋ يۇنجيان مىنانى ءبىلدىردى: تۇتاس شينجياڭداعى جەرگىلىكتى شەجىرە جۇيەسى جانە قالىڭ جەرگىلىكتى شەجىرە قىزمەتكەرلەرى باس شۋجي شي جينپيڭنىڭ ماڭىزدى نۇسقاۋىنىڭ رۋحىن ىشكەرىلەي ۇيرەنىپ، ءتۇسىنىپ، جەرگىلىكتى شەجىرەنىڭ ادام تاربيەلەۋ رولىن تولىق ساۋلەلەندىرىپ، ءمورال ۇلگىلەرىنىڭ داڭقتى ىزگى ىستەرىن شىنايى ەستەلىككە الىپ، تۇتاس قوعامدى ءمورالى مەن اقىلى ساي كەلگەندەرگە قاتار تۇزەۋگە، ەگەيلەردى قۇرمەتتەپ، ءمورالدى ۇلىقتاۋعا جەتەكتەۋ كەرەك.

  اۆتونوميالى رايوندىق ورگان ىستەرىن باسقارۋ مەكەمەسىنىڭ اتۇش قالاسى قاراجول اۋىلى ورتا قاراجول قىستاعىندا تۇراتىن ”ۇعىسۋ، تيىمدىلىك جاساۋ، توعىستىرۋ“ قىزمەت اترەتىنىڭ باستىعى، ءبىرىنشى شۋجيى جاۋ يۇنحى بىلاي دەدى: ءمورال ۇلگىلەرىن ۇلگى ەتىپ، ءوز قىزمەت ورنىمدى تياناق ەتىپ، ءار ۇلت بۇقاراسىنا تاباندىلىقپەن ناقتى ءىس، جاقسى ءىس ىستەپ، بۇكىل ىنتا - پەيىلىممەن حالىق ءۇشىن قىزمەت ىستەيمىن.”ءبىز باس شۋجي شي جينپيڭنىڭ ماڭىزدى نۇسقاۋىنىڭ رۋحىن مۇقيات ۇيرەنىپ، ءتۇسىنىپ، نازاردى شينجياڭنىڭ قوعام ورنىقتىلىعى مەن باياندى تىنىشتىق باس نىساناسىنا شوعىرلاندىرىپ، ءمورال ۇلگىلەرىنىڭ اسەرلى ىزگى ىستەرىن ويداعىداي ۇگىتتەپ، وداق مۇشەلەرى جاستار، پيونەرلەر اراسىندا بارلىق ادام جاقسى ادامداردان ۇيرەنەتىن، بارلىق ادام جاقسى ادام بولۋعا ۇمتىلاتىن قويۋ راي قالىپتاستىرۋىمىز كەرەك“. اۆتونوميالى رايوندىق كوممۋنيستىك جاستار وداعى كوميتەتى ۇگىت ءبولىمىنىڭ كادرى لي جياڭ بىلاي دەدى: كەزەكتە تۇتاس رايونمىزدا جوعارىدان تومەنگە دەيىنگى ءار دارەجەلى وداق ۇيىمدارى ”مەن وتانىممەن بىرگە ەكپىندەي ىلگەرىلەيمىن − مەملەكەت تۋى استىنداعى لەكسيا“ ەرەكشە نەگىزگى تاقىرىپتىق وداق كۇنى قيمىلىن ورىستەتىپ، قيمىل ارقىلى مەيىرىمدى، سەنىمدى، ۇيرەنۋگە تاتيتىن ۇلگىلەردىڭ كۇشىمەن ءار ۇلت وداق مۇشەلەرى جاستارىن العا باسۋعا، ىزگىلىككە ۇمتىلاتىن ايقىن قۇن باعدارىن ورناتۋعا جەتەكتەۋدە.

■ ءمورالدى ۇلىقتاپ، ىزگىلىككە تالپىناتىن قويۋ قوعامدىق راي قالىپتاستىرامىز

  باس شۋجي شي جينپيڭ بىلاي دەپ باسا دارىپتەدى: ”ءمورال ۇلگىلەرىنىڭ ۇزدىك ىزگى ىستەرىن كەڭىنەن ۇگىتتەپ، ءمورال ۇلگىلەرىنىڭ وسكەلەڭ قاسيەتىن اسقاقتاتىپ، ادامداردى ءمورال ۇلگىلەرىنەن ۇيرەنىپ، وسكەلەڭ ءمورالدى امالياتتا ايگىلەۋشىلەر، وركەنيەت سالتىن قورعاۋشىلار، تاماشا تۇرمىستى جاراتۋشىلار بولۋعا جەتەكتەۋ كەرەك.

  شونجى اۋداندىق پارتكومنىڭ تۇراقتى مۇشەسى، ۇگىت ءبولىمىنىڭ باستىعى شيڭ شياۋليڭ مىنانى ءبىلدىردى: جاقىنعى جىلداردان بەرى، شونجى اۋدانى ”ءمورال ۇلگىلەرى“نەن، ”ەڭ ارداقتى ادامدار“دان، ”ماڭايىمىزداعى جاقسى ادامدار“دان ۇيرەنۋ، باعالاۋ سياقتى قيمىلداردى كەڭىنەن ورىستەتۋ ارقىلى تۇتاس اۋداننىڭ ءمورال ۇلگىلەرىن جانە ماڭايىمىزداعى جاقسى ادامداردى ۇلىقتايتىن، ولاردان ۇيرەنەتىن، ولارعا قامقورلىق جاسايتىن، سولار سەكىلدى بولۋعا ۇمتىلاتىن قويۋ راي بارعان سايىن كۇشەيدى. بۇدان كەيىن شونجى اۋدانى باس شۋجي شي جينپيڭنىڭ تاپسىرماسىن ەستە بەرىك ساقتاپ، ۇيرەنۋ، باعالاۋ قيمىلىن ويداعىداي ىستەپ، وركەنيەت جاڭا سالتىنىڭ قالا، اۋىلدى شارپۋىنا مۇمكىندىك جاسايدى.

  تارباعاتاي ايماقتىق پارتكوم ۇگىت ءبولىمى وركەنيەت كەڭسەسىنىڭ مەڭگەرۋشى قىزمەتكەرى شۇي جىفىن بىلاي دەدى: جاقىنعى جىلداردان بەرى، تارباعاتاي ايماعى ءتۇرلى ءمورال ۇلگىلەرىنىڭ وزىق تيپتەرىن بەلسەنە تاڭداپ، تۇلعالاپ، قىزمەت بارىسىندا ات سالىسۋ تۇعىرىن ورناتىپ، قىزمەت مەحانيزمىن اقاۋسىزداندىرىپ، ءمورال ۇلگىلەرىنىڭ قوعامدىق ىقپال كۇشىن ۇزدىكسىز كەڭەيتتى. بۇدان كەيىن تارباعاتاي ايماعى باس شۋجيدىڭ تالابى بويىنشا، ءمورال ۇلگىلەرىنىڭ وزىق تيپتەرىن باعالاۋدى، تۇلعالاۋدى جانە ۇگىتتەۋدى ۇدايىلاندىرا جاقسى ىستەپ، ءمورال ۇلگىلەرىنىڭ تيپتىك ۇلگى كورسەتۋ، جەتەكتەۋ رولىن تولىق ساۋلەلەندىرەدى.

  (تىلشىلەر شى شين، شۇي چيڭگۋاڭ، يۋان لەي، ياڭ شۋحان، ميھىرگۇل ناسىر، ميھىرگۇل وبۇل جازعان)

جاۋاپتى رەداكتور : سايراش تۇرارجان

ەسكەرتۋ:

تورابىمىزداعى مازمۇنداردىڭ مەنشىك ۇقىعى شينجياڭ ۇيعۇر اۆتونوميالى رايوندىق حالىق ۇكىمەتى اقپارات كەڭسەسىنە ءتان، جاريالانعان مازمۇنداردى سىلتەمەسىز كوشىرۋگە بولمايدى. كوشىرىپ پايدالانۋعا تۋرا كەلگەندە، «تيانشان تورى » الىنعانى انىق ەسكەرتىلۋى ءتيىس، بولماسا زاڭدىق جاۋاپكەرلىگى قۋزاستىرىلادى.