تيانشان تورى   ›   جاڭالىقتار   ›   ايبىندى 70 جىل ، كۇرەسكە تولى جاڭا ءداۋىر

شارۋاشىلىق قۇرۋ، جاڭالىق اشۋ جارىسى شارۋاشىلىق قۇرۋدى جەبەپ، جۇمىستانۋعا جەتەكشىلىك ەتتى

رايونىمىزدا الدىڭعى 8 ايدا جاڭادان 58 مىڭ 600 ادام شارۋاشىلىق قۇردى، 115 مىڭ 100 ادامنىڭ جۇمىستانۋىنا جەتەكشىلىك ەتتى

  ءتىلشى لي چۇنشيا 9 - ايدىڭ 7 - كۇنى ۇرىمجىدەن حابارلايدى. ”شارۋاشىلىق قۇرۋ، جاڭالىق اشۋ جارىسىنا قاتىناسىپ، شارۋاشىلىق قۇرۋدىڭ وزىق ۇستانىمدارىن ۇيرەندىم، نىسانداردىڭ تانىمالدىعى ارتىپ، مەنىڭ مۇنان بىلايعى شارۋاشىلىق قۇرۋىما وتە پايدالى بولدى“، - دەدى 9 - ايدىڭ 6 - كۇنى كورلا رىچاڭشىڭ جاڭا ماتەريالدار شەكتى سەرىكتەستىگىنىڭ ۇنەمىلىك ىستەرگە جاۋاپتى ورىنباسار باس ديرەكتورى تاڭ چي.

  تاياۋدا تاڭ چي سەرىكتەستىكتىڭ جىلدىق ءونىمى 3 ميلليون توننالىق جاسىل، ورتانى قورعايتىن، ماشينامەن وڭدەلگەن قۇراۋىش ماتەريالدار نىسانىن الا بارىپ، 2019 - جىلعى اۆتونوميالى رايوننىڭ شارۋاشىلىق قۇرۋ، جاڭالىق اشۋ جارىسىنىڭ شەشۋشى جارىسىنا قاتىناسىپ، جاڭالىق اشۋ گرۋپپاسى بويىنشا 1 - دارەجەلى سيلىق الدى. ”ءبىزدىڭ شارۋاشىلىق قۇرۋ نىساندارىمىز قۇرىلۋ ۇستىندە، مەجەمەن كەلەر جىلى 6 - ايدا وندىرىسكە قوسىلىپ، سول كەزدە جەرگىلىكتى ورىننان 200 دەن استام ادامدى جۇمىستانۋعا جەتەكتەي الامىز“، - دەدى تاڭ چي.

  ”شارۋاشىلىق قۇرۋ، جاڭالىق اشۋ جارىسى تاماشا شارۋاشىلىق قۇرۋ ورتاسىن ازىرلەدى، شارۋاشىلىق قۇرۋدى جەبەۋ، جۇمىستانۋعا جەتەكشىلىك ەتۋ جاقتارىندا بەلسەندى رول اتقاردى“، - دەدى اۆتونوميالى رايوندىق ادام كۇشى بايلىعى جانە قوعامدىق قامتاماسىزداندىرۋ مەڭگەرمەسىنىڭ الەۋمەتتىك جۇمىستانۋعا قىزمەت وتەۋ مەكەمەسى شارۋاشىلىق قۇرۋعا قىزمەت وتەۋ باسقارماسىنىڭ ورىنباسار باستىعى جاڭ چى، - سوڭعى جىلدارى رايونىمىز شارۋاشىلىق قۇرۋ، جاڭالىق اشۋ جارىسى، شارۋاشىلىق قۇرۋعا قىزمەت وتەۋ ايماق، وبلىس ساپارى، ۇزدىك جاڭالىق جاساۋشىلاردى جاتتىقتىرۋ بازاسى سياقتى ءتۇرلى شارۋاشىلىق قۇرۋ قيمىلدارىن ۇزبەي ورىستەتتى، شارۋاشىلىق قۇرۋ، جاڭالىق اشۋ جارىسى بۇكىل شينجياڭنىڭ جەر - جەرىندەگى ساڭلاقتاردى تىزىمدەلىپ قاتىناسۋعا باۋرادى، بيىل بۇكىل رايونىمىزدا جالپى 1041 نىسان، 1116 ساڭلاق جارىسقا قاتىناسۋعا تىزىمدەلدى، بۇل ەلەكتروندىق ينفورماتسيا، مادەنيەت مەديا، ساۋدا اينالىمى، وسى زامانعى قىزمەت وتەۋ كاسىبى، بيولوگيالىق ءدارى - دارمەك سياقتى كوپ سالانى قامتىدى.

  بيىلعى جارىستا 1 -، 2 -، 3 - دارەجەلى سيلىق، سونداي - اق ۇزدىكتەر سيلىعى بويىنشا جيىنى 16 ادام سارالاندى، بەلگىلەمەگە ساي، جارىستا سيلانعان ساڭلاقتار نەشە مىڭ يۋاننان نەشە ون مىڭ يۋانعا دەيىن ۇقساماعان سيلىقتارعا يە بولادى، الايدا، ولاردىڭ تابىسى مۇنىمەن عانا شەكتەلمەيدى، ونان ارمان توسەلىپ، شارۋاشىلىق قۇرۋ قابىلەتى جوعارىلايدى. جارىستا شارۋاشىلىق قۇرۋ ۇستازدارى ناقتى شارۋاشىلىق قۇرۋ نىساندارىنا قاراي، شارۋاشىلىق قۇرۋشىعا بىرگە - ءبىر ۇلگىسى بويىنشا جەتەكشىلىك ەتتى؛ سونىمەن قاتار، جارىس تاعى شارۋاشىلىق قۇرۋشىلارعا قارجى قوسۋ مەن قارجى قۇراۋدى ۇشتاستىرۋ، جاڭالىق اشۋدى دامىتۋ تۇعىرىن ازىرلەپ، ءتىپتى دە كەڭ كولەمدەگى قوعامدىق بايلىقتاردى شارۋاشىلىق قۇرۋ نىساندارىنا ءمان بەرۋگە باۋرادى. اۆتونوميالى رايوننىڭ بيىلعى شارۋاشىلىق قۇرۋ، جاڭالىق اشۋ جارىسىندا، 22 شارۋاشىلىق قۇرۋ نىسانى ءتۇرلى قوعامدىق بايلىقتارمەن سەلبەسۋ نيەتىنە كەلىستى.

  ”شارۋاشىلىق قۇرۋ، جاڭالىق اشۋ جارىسى نىساندارىمىزدىڭ توپ جارىپ العا شىعۋىنا مۇمكىندىك جاسادى“، - دەدى ءۇرىمجى جيۋ - ي ميڭيۇن ساۋدا شەكتى سەرىكتەستىگىنىڭ باس ديرەكتورى جوۋ چاڭدو تىلشىگە، بىلتىر بۇل سەرىكتەستىكتىڭ شارۋاشىلىق قۇرۋ نىسانى − ”مىڭ اۋماق، ون مىڭ دۇكەن، 100 مەترلىك ارالىقتا بولشەك ساتۋ نىسانى“ اۆتونوميالى رايوننىڭ شارۋاشىلىق قۇرۋ، جاڭالىق اشۋ جارىسىنا قاتىناسىپ سيلانعاننان كەيىن، شينجياڭ شاڭحاي عىلىم - تەحنيكا سەلبەستىك بازاسىنا ىرگە تەبۋ ورايىنا يە بولىپ، جۇمىس ورنىنىڭ جالاقىسى ازايتىلدى نەمەسە كەشىرىلدى، قاتىستى تاراۋلار دا ءوسىمى قازىنادان تولەنەتىن قارىز اقشا ءوتىنىش ەتۋىنە كومەكتەستى. بۇگىنگى كۇنى، وسى نىساننىڭ دامۋ جاعدايى جاقسى بولىپ، سەرىكتەستىك ءۇرىمجى قالاسىندا 110 نەشە دۇكەن اشىپ، 200 نەشە ادامنىڭ جۇمىستانۋىنا جەتەكشىلىك ەتتى.”ءبىز 3 جىلدا ءۇرىمجى قالاسىندا 500 دۇكەن اشۋدى ءارى باسقا ايماق، وبلىس، قالاعا بىرتىندەپ كەڭەيتۋدى جوسپارعا الىپ وتىرمىز“، - دەدى جوۋ چاڭدو.

  بيىل اۆتونوميالى رايوننىڭ شارۋاشىلىق قۇرۋ، جاڭالىق اشۋ جارىسىندا سيلانعان 73 نىسان ايماق - وبلىس، اۋدان دارەجەلى شارۋاشىلىق قۇرۋ - جەتىلدىرۋ بازاسىنا ىرگە تەپتى، شارتقا ۇيلەسەتىندەرى ورىن جالاقىسىن ازايتۋ نەمەسە كەشىرۋ، شارۋاشىلىق قۇرۋ كەپىل قارىز اقشاسى، سونداي - اق ءوسىمىن قازىنادان تولەۋ سياقتى شارۋاشىلىق قۇرۋدى قولداۋ ساياساتتارىنان يگىلىكتەنە الادى. مۇنان تىس، شينجياڭ شارۋاشىلىق قۇرۋعا قىزمەت وتەۋ وداعى تاعى سيلانعان ساڭلاقتارعا ساياساتتىق كەڭەس بەرۋ، ينفورماتسيالىق قىزمەت وتەۋ، نىسان اشۋ، حاۋىپ - قاتەرىن باعالاۋ، جۇمىس باستاۋعا جەتەكشىلىك ەتۋ، قارجى قۇراۋعا قىزمەت وتەۋ جانە سوڭىنا ءتۇسىپ سۇيەمەلدەۋ سياقتىلار بويىنشا شارۋاشىلىق قۇرۋعا تەگىن قىزمەت وتەيدى.

  شارۋاشىلىق قۇرۋدىڭ تاماشا ورتاسى، شارۋاشىلىق قۇرۋدى سۇيەمەلدەۋدىڭ بەلسەندى ساياساتتارى شارۋاشىلىق قۇرۋشىلاردىڭ شارۋاشىلىق قۇرۋ ارماندارىن ورىنداۋلارىنا مۇمكىندىك جاسادى ءارى اناعۇرلىم كوپ ادامداردىڭ جۇمىستانۋىنا جەتەكشىلىك ەتىپ، ءبىرشاما جاقسى ۇلگىلىك اسەر جانە قوعامدىق اسەر تۋدىردى. اۆتونوميالى رايوندىق ادام كۇشى بايلىعى جانە قوعامدىق قامتاماسىزداندىرۋ مەڭگەرمەسىنىڭ ساناعىنا قاراعاندا، بيىل 1 - ايدان 8 - ايعا دەيىن، بۇكىل رايونىمىزدا جاڭادان 58 مىڭ 600 ادام شارۋاشىلىق قۇرىپ، 115 مىڭ 100 ادامنىڭ جۇمىستانۋىنا جەتەكشىلىك ەتىپ، تۇتاس جىلدا جاڭادان ارتقان شارۋاشىلىق قۇرۋشىلاردى 30 مىڭعا جەتكىزۋ نىسانا - مىندەتىن اسىرا ورىنداعان.

جاۋاپتى رەداكتور : سايراش تۇرارجان

ەسكەرتۋ:

تورابىمىزداعى مازمۇنداردىڭ مەنشىك ۇقىعى شينجياڭ ۇيعۇر اۆتونوميالى رايوندىق حالىق ۇكىمەتى اقپارات كەڭسەسىنە ءتان، جاريالانعان مازمۇنداردى سىلتەمەسىز كوشىرۋگە بولمايدى. كوشىرىپ پايدالانۋعا تۋرا كەلگەندە، «تيانشان تورى » الىنعانى انىق ەسكەرتىلۋى ءتيىس، بولماسا زاڭدىق جاۋاپكەرلىگى قۋزاستىرىلادى.

  • وڭتۇستىك شينجياڭنان ەكسپورت ەتىلگەن زاتتار جۇڭگو - ەۆروپا كەزەكشى پويەزدەرىمەن ”باتىسقا شىعارىلدى“
  • باتىس سولتۇستىك مۇناي الابى: جوعارى ساپالى دامۋدىڭ ەنەرگيا جاۋابىن قۇلشىنا جازۋدا
  • كورلانىڭ ەرىكتى قىزمەت وتەۋى وركەنيەت ماركاسىنا اينالدى