تيانشان تورى
تيانشان تورى   ›   جاڭالىقتار   ›   ماڭىزدى حابارلار

شي جينپيڭ زيمبابۆەنىڭ بۇرىنعى زۇڭتۇڭى مۋگابيدىڭ قايتىس بولعاندىعى جونىندە زيمبابۆەنىڭ زۇڭتۇڭى منانگاگۋاعا كوڭىل ايتۋ تەلەگرامماسىن جولدادى

  شينحۋا اگەنتتىگىنىڭ 9 - ايدىڭ 7 - كۇنى بەيجيڭنەن بەرگەن حابارى. 9 - ايدىڭ 7 - كۇنى مەملەكەت ءتوراعاسى شي جينپيڭ زيمبابۆەنىڭ بۇرىنعى زۇڭتۇڭى مۋگابيدىڭ باقىتقا قارسى قايتىس بولعاندىعى جونىندە زيمبابۆەنىڭ زۇڭتۇڭى منانگاگۋاعا كوڭىل ايتۋ تەلەگرامماسىن جولدادى. شي جينپيڭ جۇڭگو ۇكىمەتى جانە جۇڭگو حالقى اتىنان ءارى ءوز اتىنان بۇرىنعى زۇڭتۇڭ مۋگابيدىڭ قايتىس بولعاندىعىنا قايعىلى ازا ءبىلدىرىپ، زيمبابۆە ۇكىمەتىنەن جانە حالقىنان، سونداي - اق مۋگابي مىرزانىڭ تۋىس - تۋعاندارىنان شىنايى حال سۇرايتىندىعىن ءبىلدىردى.

  شي جينپيڭ مىنالاردى ءبىلدىردى: مۋگابي مىرزا زيمبابۆەنىڭ جانە افريكانىڭ كورنەكتى ساياساتكەرى جانە ۇلت ازاتتىق قوزعالىسىنىڭ باسشىسى، كوزى تىرىسىندە جۇڭگوعا تالاي رەت ساپارلاي كەلىپ، جۇڭگو - زيمبابۆە، جۇڭگو - افريكا دوستىق سەلبەستىگىنە كورنەكتى ۇلەس قوستى. ونىڭ قايتىس بولۋى زيمبابۆە حالقى ءۇشىن اۋىر قازا بولدى، جۇڭگو حالقى دا كونە دوسىنان، جاقسى دوسىنان ايرىلدى. جۇڭگو جاق جۇڭگو مەن زيمبابۆەنىڭ باۋىرلاستىق ءداستۇرلى دوستىعىن قاستەرلەيدى، زيمبابۆە ۇكىمەتىمەن جانە حالقىمەن بىرگە ەكى جاقتىڭ ءتۇرلى سالاداعى سەلبەستىگىن ۇزدىكسىز كەڭەيتىپ جانە تەرەڭدەتىپ، جۇڭگو مەن زيمبابۆەنىڭ جان - جاقتى ستراتەگيالىق سەلبەستىك سەرىكتەستىك قارىم - قاتىناسىنىڭ ۇزدىكسىز العا دامۋىن ىلگەرىلەتۋدى قالايدى.

جاۋاپتى رەداكتور : سايراش تۇرارجان قىزى

ەسكەرتۋ:

تورابىمىزداعى مازمۇنداردى پايدالانۋعا تۋرا كەلگەندە، ءسوزسىز جازباشا رۇقساتقا يە بولۋ كەرەك. مازمۇنداردى رۇقساتسىز جالعاپ تاراتۋعا، كەسىپ رەداكسيالاۋعا، وزگەرتۋگە، قىسقارتىپ قۇراستىرۋعا، باسقا ورىنعا كوشىرۋگە نەمەسە باسقا تاسىلدەرمەن كوبەيتۋگە ءارى تاراتۋعا بولمايدى، قايشى كەلگەندەردىڭ زاڭدىق جاۋاپكەرشىلىگى زاڭ بويىنشا قۋزاستىرىلادى.